ဟဲ့ ဟိုကောင်မကြီး တော်တော်ကဲ
တကတဲ အမေ အဖေ လုပ်တဲ့သူတွေက အသက် ၅၀ ကျော် ၆၀ ကျော် ရှိကုန်ကြပြီ။ သူတို့ကလည်း အလှပြင်ကြတုန်းရှိသေး၊ မလျှော့ကြသေးဘူး။ ဒီတော့ ငယ်တဲ့ သားသမီးတွေကို ဘယ်လိုလုပ်ပြီး ဆုံးမလို့ရမလဲ။ "ဟဲ့ ဟိုကောင်မလေး တော်တော်ကဲ" လို့ဆိုတော့ သူတို့က မကြားတကြား ပြန်ပြီးပြောသတဲ့။ "ဟဲ့ ဟိုကောင်မကြီး တော်တော်ကဲ" တဲ့။ ကဲ ကောင်းနိုင်ကြသေးရဲ့လား။
ကိုယ့်စိတ်ကိုယ် စစ်ဆေးပါ
လူဆိုတာ ကြီးပွားချင်ပေမယ့် လမ်းစဉ်က မတည့်ရင် အလွဲချည်း ဖြစ်နေရတတ်ပါတယ်။ လမ်းစဉ် တည့်သည့်တိုင်အောင် ရှေးကံကလည်း ပါဦးမှ၊ ကိုယ့်စိတ်ကိုယ် စစ်ဆေးပါ။ ကုသိုလ်စိတ်လား အကုသိုလ်စိတ်လားဆိုတာ။
သီလတော့ ဇာတ်လိုက်ပဲ
လူတစ်ယောက်ဟာ ဒါနမရှိပေမယ့် သီလရှိနေရင်ပဲ အပါယ်မရောက်နိုင်ပါဘူး။ ဒါန မရှိတာက အကျိုးမရတာပဲရှိမယ်၊ သီလမပါခဲ့ရင်တော့ အပါယ်လေးပါးကို စိတ်မချရဘူး။ တစ်ခါ ဒါနပြုတဲ့အခါမှာလည်း သီလမပါဘဲနဲ့ ပြုရင် အကျိုးပေး မသန်နိုင်ဘူး။ သီလခြံရံပြီး ပြုတဲ့ဒါနမှ ပိုပြီး အကျိုးပေးသန်နိုင်ပါတယ်။ ဒါကြောင့် သီလကတော့ အခြေခံပဲ။ သီလကတော့ ဇာတ်လိုက်ပဲ။ သီလကို လက်လွတ်လို့ မဖြစ်ဘူး။
No comments:
Post a Comment