Sunday, April 27, 2008

ဆန္ဒခံယူပွဲ (၅)


တပ်မတော်က အချိန်မရွေး အာဏာသိမ်းနိုင်တယ်လို့ ဘယ်နားမှာ ရေးထားသလဲဆိုတာကို ကျွန်တော် ဘယ်လိုမှ လိုက်ရှာလို့ မရပါဘူး။ စာအုပ်ကို မဖတ်ဖူးတဲ့ လူတွေအတွက် အင်တာနက်ပေါ်မှာ ရေးထားတဲ့ ကောလဟာလတွေဟာ မှန်သယောင်ယောင် ထင်ပြီး လက်ဆင့်ကမ်း ပြောနေကြတာဟာ အင်မတန်မှ အသိဉာဏ် နည်းလွန်းတယ်လို့ ဆိုချင်ပါတယ်။ နည်းနည်းလေး ပြောတာ ရိုင်းချင်ရင် ရိုင်းနေပါလိမ့်မယ်။ အစ်ကိုကြီးတစ်ယောက် ပြောဖူးသလိုပါပဲ။ ပြောတော့ ဘွဲ့ရ၊ လက်မှတ်ထိုးတော့ သူများအကွက်မှာ ဆိုသလိုပါပဲ။ ပြောတော့ဖြင့် ကမ္ဘာလုံးချီပြီ ဂလိုဘယ်တွေဘာတွေနဲ့ပြောနေပြီး စာအုပ်ထဲမှာ တကယ် ပါမပါ ကိုယ်တိုင်မလေ့လာတော့ဘဲ သူများယောင်လို့ အမောင်ယောင်ပြီး တောင်မှန်းမြောက်မှန်း မသိ ဖြစ်နေတာတွေဟာ ကောင်းတဲ့ အလေ့အကျင့်တွေ မဟုတ်ပါဘူး။ အင်တာနက်ထဲက သတင်းဌာနတွေက ရေးထားတာမှန်သမျှဟာ အမှန်တွေချည်းလို့ မျက်လုံးမှိတ်ပြီးယုံနေတဲ့လူတွေအတွက်တော့ ရင်လေးမိပါတယ်။ ဒီမိုကရေစီခေတ်ရောက်တဲ့အခါ အပြောကြွယ်တဲ့ နိုင်ငံရေးသမားတွေရဲ့ လှိမ့်လုံးတွေ၊ လိမ်လုံးတွေ၊ မက်လုံးပေးတာတွေကို ခံရမှာ အဲဒီလူတွေ ထိပ်ဆုံးကပါပဲ။ နိုင်ငံရေးသမားဆိုတာကလည်း အင်မတန် ပြောတတ်တာကလား။ ငါ့စကားနွားရပြောတဲ့ အတတ်ပညာကို နိုင်ငံရေးသမားတွေသာ အကျွမ်းကျင်ဆုံး၊ အသုံးအချဆုံးဆိုတာကို ဒီနေ့ ဒီမိုကရေစီလို့ တွင်တွင်ကြီးအော်နေတဲ့ နိုင်ငံကြီးတွေကို လေ့လာကြည့်ရင်သိပါတယ်။ မဲဆွယ်ပွဲမှာ ပြောတုန်းကတော့ ရွှန်းရွှန်းဝေပြီး နိုင်ငံကြီးကပဲ အခုချက်ချင်း သူသမ္မတဖြစ်တာနဲ့ နတ်ပြည်အလား ဖြစ်တော့မလိုလိုနဲ့။ တကယ်လည်းဖြစ်ရော သူလုပ်ချင်ရာလုပ်တဲ့ ဖြစ်ရပ်တွေ အများကြီးပါပဲ။ စကားတွေက ဘေးရောက်သွားပါပြီ။ ဖွဲ့စည်းပုံအခြေခံဥပဒေစာအုပ်ထဲမှာ တပ်မတော်က အချိန်မရွေး အာဏာသိမ်းနိုင်တယ်ဆိုတဲ့ အချက် လုံးဝ (လုံးဝ) မပါရှိပါကြောင်း ပြောပါရစေ။ တပ်မတော်ဟာ တို့တာဝန်အရေးသုံးပါးကို အစဉ်ဦးထိပ်ထားပြီး ပြည်တွင်းရန်၊ ပြည်ပရန်တွေကို ကာကွယ်တွန်းလှန်သွားမယ်ဆိုတဲ့ အချက်တွေသာ ပါရှိပါကြောင်း မောင်းခတ်လိုက် ပါရစေဗျာ။

No comments:

Post a Comment

 
Web Statistics