လူလိမ်လူကောက်များ
လောကမှာ ကိုယ့်ကိုကိုယ် ယုံကြည်စိတ်ချမှုအပြည့်ရှိတဲ့ လူလိမ်လူညာတွေ အများကြီးရှိတယ်။ သူတို့က လိမ်လို့ညာလို့လွယ်မယ့် “အချဉ်”တွေကို လိုက်ရှာနေကြတာ။ သူတို့အထဲက တချို့ဆိုရင် သိပ်ပြီး အလုပ်သဘောဆန်ကြတယ်။ သူတို့ရဲ့ လိမ်ကွက်ညာကွက်တွေ ယုတ္တိရှိရှိနဲ့ ပိပိရိရိရှိဖို့ သူတို့ရဲ့ ပစ်မှတ်တွေကို ကြိုတင်လေ့လာသုတေသန ပြုကြတယ်။ ဖေဖေဆိုရင် နှစ်ကြိမ်တိတိ အလိမ်ခံခဲ့ရတယ်။ ဒါပေမယ့် ပါသွားတဲ့ ငွေကြေးပမာဏကတော့ မပြောပလောက်ပါဘူး။ ဖေဖေဟာ ငွေကြေးလောကမှာ ကျင်လည်ကျက်စားပြီး ကျင့်သားရလာသူဆိုတော့ ဖေဖေ့ကို အာရုံထက်မြက်သူ၊ သတိဝီရိယရှိသူလို့ သတ်မှတ်ကြတယ်။ ဒါတောင် ဖေဖေဟာ လူလိမ်တွေရဲ့ သားကောင်ဘ၀ကို ရောက်သွားသေးတယ်။ ဒါကြောင့် မင်းတို့ကို တပ်လှန့်နှိုးဆော်ထားဖို့ ဒီဆောင်းပါးကို ရေးနေတာပဲ။
ကွယ်လွန်သွားရှာပြီဖြစ်တဲ့ ဖေဖေ့မိတ်ဆွေ အင်ဒိုနီးရှားလူမျိုးဟာ တိုရန်တိုမြို့မှာ အမေရိကန်ဒေါ်လာ ၅၀၀၀၀၀ ငွေညှစ်ခံခဲ့ရတယ်။ တစ်နေ့မှာ အမျိုးသမီးတစ်ယောက်ကို သူ့အိမ်ပြန်အပို့မှာ ထောက်ချောက်အဆင်ခံလိုက်ရတယ်။ လူဆိုးအဖွဲ့က သူ့ကားထဲမှာ ဘိန်းဖြူတစ်ထုပ်ကို စနစ်တကျ ထည့်ထားခဲ့ကြတယ်လေ။ ဆင်ကွက်ကို လူတစ်စုရဲ့ ပူးပေါင်းကူညီမှုနဲ့ ပိပိရိရိကြိုတင်စီစဉ်ထားကြတယ်။ ဖေဖေ့မိတ်ဆွေရဲ့ ရှေ့နေကတောင် ပြောတယ်။ အဲဒီလို ဆင်ကွက်တွေဟာ သူတို့ဆီမှာ အတော့်ကို ရိုးနေပါပြီတဲ့။ အထူးသဖြင့် ခုမှရောက်လာတဲ့ လူသစ်တွေကို အဲဒီလို အကွက်ဆင်တတ်ကြတယ်ဆိုပဲ။ ဒီတော့ သူ့အနေနဲ့ ငွေပေးမလား။ ဒါမှမဟုတ် သူ့မိန်းမရော တက္ကသိုလ်တက်နေဆဲ သမီးနှစ်ယောက်ပါ အင်ဒိုနီးရှားပြန်ပို့တာ ခံမလား။ ဘာဖြစ်လို့လဲဆိုတော့ သူတို့တိုင်းပြည်မှာ လာနေတဲ့ လူသစ်တွေ ရာဇ၀တ်မှုကျူးလွန်ကြောင်း ပြစ်မှုထင်ရှားရင် မိခင်နိုင်ငံကို ပြန်ပို့ရမယ်ဆိုတဲ့ ဥပဒေ ရှိနေတာကိုး။ ဖေဖေ့ မိတ်ဆွေက ငွေပေးလိုက်ပါတယ်။ နောက်ပိုင်းမှာ သူ့ခမျာ နှလုံးရောဂါနဲ့ ကွယ်လွန်သွားရှာတယ်။ သူအဲဒီလို ဖြစ်ရတဲ့ အဓိကအကြောင်းရင်းက ဘာလဲဆိုတော့ သူ့မှာ ငွေကြေးအမြောက်အမြား ရှိတယ်လို့ ထင်သွားကြလို့ပဲ။ ဘာဖြစ်လို့လဲဆိုတော့ ဒီလူက အိမ်တွေလျှောက်ဝယ်တယ်။ ပြီးတော့ အပျံစား မော်တော်ကားကိုမှ စီးတယ်လေ။
လောဘမသတ်နိုင်သူတွေကို ဖြားယောင်းလှည့်စားပြီး “အချဉ်ဖမ်း” ကြတဲ့ လောင်းကစားသမား အုပ်စုတွေ ရှိတယ်။ ဂျင်ကလေးတွေကို လိုအပ်သလို ထိန်းချုပ်လို့ရအောင် ဂျင်လှည့်တဲ့စားပွဲအောက်မှာ သံလိုက်တွေ တပ်ဆင်ထားတာ ဖေဖေကိုယ်တိုင် မြင်တွေ့ခဲ့ဖူးတယ်။ မင်းတို့ဆီမှာ ပိုက်ဆံရှိမှန်းသိရင် မင်းတို့ကို အပိုင်ကြံဖို့ နည်းလမ်းတွေ ရှာကြံကြတော့တာပဲ။ သူတို့ကို ရှောင်ကွင်းနိုင်ဖို့အတွက် လောင်းကစားမှု မလုပ်ပါနဲ့။ ဒါမှမဟုတ် လောဘမကြီးပါနဲ့။ ငွေရမြန်တဲ့ ဖြတ်လမ်းနည်းကို ရှောင်ပါ။ ဖြတ်လမ်းနည်းနဲပ သူဋ္ဌေးဖြစ်စေရမယ်လို့ မင်းတို့ကို အာမခံတဲ့လူတွေဟာ ပုံမှန်အားဖြင့် “ဘိုင်” တွေချည်းပဲ။ ဒါပေမယ့် သူတို့က ချမ်းသာကြွယ်ဝသူများဂိုက်မျိုး ဖမ်းထားကြတယ်။
မကြာသေးမီကလေးကပဲ အင်ဒိုနီးရှားလူမျိုး စီးပွားရေးသမားတစ်ယောက်က သူ့ကို အမေရိကန်ဒေါ်လာ သန်း ၅၀၀ ချေးပါ။ သူ့ဘဏ်က အာမခံအဖြစ် အဲဒီတန်ဖိုးနဲ့ညီမျှတဲ့ ဘဏ်အာမခံစာချုပ်တစ်စောင် ထုတ်ပေးထားပါမယ်လို့ ပြောတယ်။ ဒီတော့ “ပရိုင်းဘဏ်” က အာမခံစာချုပ်တောင် ထုတ်ပေးနိုင်မှတော့ အဲဒီငွေကိုလည်း ထုတ်ချေးနိုင်မှာပေါ့လို့ ဖေဖေက ပြန်ပြောလိုက်တယ်။ ဖေဖေ့ကို ကြားပွဲစားအဖြစ် ထားနေဖို့ မလိုဘူးလေ။ ရယ်စရာကောင်းတာက အဲဒီ “ဘဏ်အာမခံစာချုပ်” လိမ်ဆင်တွေအကြောင်း လွန်ခဲ့တဲ့ ၂၅ နှစ်လောက်ကတည်းက စီးပွားရေးသမား အတော်များများဆီက ကြားနေရတာ ဖန်တစ်ရာ တေနေပြီ။ အဲဒီအထဲမှာ အများစုဟာ ဘဏ်အာမခံစာချုပ် အတုတွေချည်းပဲ။
ဒီကမ္ဘာပေါ်မှာ လိမ်ညာလို့လွယ်တဲ့ လောဘသားတွေအများကြီးရှိလေရဲ့။ သူတို့ဟာ ငွေရလွယ်မယ်ဆိုရင် ဘယ်လိုစီမံကိန်းမျိုးကိုမဆို ဘယ်လောက်ပဲ သံသယ၀င်စရာကောင်းနေပေမယ့်လည်း ယုံကြည်လက်ခံ လိုက်ကြတာပဲ။ လူသိများတဲ့ စင်ကာပူလူမျိုး၊ ငွေကြေးကုမ္ပဏီတစ်ခုရဲ့ အထွေထွေ မန်နေဂျာတစ်ဦး ဆိုရင် အဲဒီလို စီမံကိန်းမျိုးထဲမှာ ရင်းနှီးမြှုပ်နှံဖို့ သူ့အိမ်ကိုတောင် ရောင်းလိုက်တယ်။ သူ့ခမျာ အစစ အရာရာ ဆုံးရှုံးသွားတယ်။ အဲဒီအထဲမှာ သူ့မိသားစုတောင် ပါသွားတယ်လေ။ နောက်ပြီး သူ့မှာ အကြွေးတွေလည်း တင်သွားတယ်။ အဲဒီအချိန်ကစပြီး သူလည်း စင်ကာပူကနေ ပျောက်သွားတော့တယ်။ ဒီတော့ လူလိမ်လူကောက်တွေကို သတိကြီးကြီးထားပါ။ သူတို့က မင်းတို့ရဲ့ ပိုက်ဆံတွေကို မသမာတဲ့ နည်းနဲ့ ယူချင်ကြတာဟေ့။
မင်းတို့မှာ ငွေကြေးရှိကြောင်း လူတွေ မသိပါစေနဲ့။ မင်းတို့ ချမ်းသာကြွယ်ဝကြောင်း လူတွေသိအောင် ကြွားဝါစရာအကြောင်း ဘာမှမရှိဘူး။ ရဟတ်ယာဉ်နဲ့ ရေငုတ်သင်္ဘောက ကွာခြားတယ်။ အဲဒီယာဉ် နှစ်မျိုးစလုံးဟာ လိုရာအရပ်ကို ရောက်အောင် သွားနိုင်တာချည်းပဲ။ ဒါပေမယ့် ရဟတ်ယာဉ်က သူလာပြီ ဆိုရင် အဝေးကြီးကတည်းက ကြေညာလာတယ်။ ရေငုပ်သင်္ဘောကတော့ လိုရာအရပ်ကို အသံတိတ် ရောက်အောင် သွားတယ်လေ။
ကိုယ်က လူလိမ်လူကောက်တွေထက် ပိုပြီးလျင်ပါ။ နည်းလမ်းရှိရင် သူတို့ကို ဖော်ထုတ်ပါ။ တစ်ချိန်တည်းမှာ မင်းတို့ရဲ့ ပကတိအသိဉာဏ်ကို လေဘဇောတိုက်မှုက မလွှမ်းမိုးရအောင် သတိထားပါ။ ဖြတ်လမ်းနည်းနဲ့ သူဋ္ဌေးဖြစ်ဖို့ ကမ်းလှမ်းချက်ဆိုရင် ဘယ်ကမ်းလှမ်းချက်မျိုးကိုမှ လက်မခံပါနဲ့။
မြန်မြန်ပိုက်ဆံရတယ်ဆိုတာ မြန်မြန် ဒုက္ခရောက်တော့မယ်ဆိုတဲ့ အဓိပ္ပါယ်ပဲ။ ဒီတော့ နှိမ့်ချစွာ၊ ရောင့်ရဲစွာ၊ လောင်းကစားခြင်းကင်းစွာ နေထိုင်ပြီး မင်းတို့ဘ၀ထဲကို လူလိမ်လူကောက်တွေ ၀င်ရောက် နှောင့်ယှက်ခွင့် မပေးပါနဲ့။
No comments:
Post a Comment