Friday, July 24, 2009

သင့်ရဲ့ဗဟုသုတကို စစ်ဆေးကြည့်ပါ


ပန်းချီကားတွင် ကမ္ဘာကျော်လူပုဂ္ဂိုလ် (၁၀၀)ကျော်ခန့် ပါဝင်အောင် ရေးဆွဲထားပါသည်။ နိုင်ငံအသီးသီး၊ နယ်ပယ်အသီးသီး၊ လူမျိုးအသီးသီး၊ အသက်အရွယ် အသီးသီးမှ ကမ္ဘာသိပုဂ္ဂိုလ်များစွာ ပါဝင်ပါသည်။ အချို့ကို သင်ရင်းရင်းနှီးနှီး သိပါလိမ့်မည်။ အချို့ကို သိသလို မသိသလိုနှင့် ဇဝေဇ၀ါဖြစ်ရပါလိမ့်မည်။ အချို့ကိုကျတော့ တစ်ခါမှ မမြင်ဖူးတာ ဖြစ်နေနိုင်ပါသည်။ ဘောလုံးသမားလည်းပါသည်၊ နိုင်ငံရေးသမားတွေလည်းပါသည်၊ ဘတ်စကတ်ဘောသမားလည်းပါသည်၊ နိုင်ငံ့ခေါင်းဆောင်တွေလည်းပါသည်၊ စစ်ဗိုလ်ချုပ်ကြီးတွေလည်းပါသည်၊ ရုပ်ရှင်သရုပ်ဆောင်တွေလည်းပါသည်။ နောက်ဆုံး သိပ္ပံပညာရှင်တွေ၊ အတွေးအခေါ် ပညာရှင်တွေပင် ပါလိုက်သေးသည်။ မည်သို့ပင်ဆိုစေ မိမိစိတ်ဝင်စားရာ နယ်ပယ်အလိုက် မိမိသိသည့်ပုဂ္ဂိုလ်တွေ တစ်ဦးမဟုတ်တစ်ဦးတော့ ပါဝင်နေတာ သေချာနေသည့်အတွက် အားငယ်စရာတော့မရှိပါ။ ကဲ အဆိုပါ ပန်းချီကားတွင် သင်သိသည့်ပုဂ္ဂိုလ် မည်မျှပါသည်ကို ရေတွက်ကြည့်လိုက်ပါ။ အနည်းဆုံး (၂၅)ယောက်၏ အမည်ကို သင်ပြောနိုင်သည်ဆိုလျှင် သင်သည် အတော်လေး ဗဟုသုတပြည့်ဝသူဖြစ်ကြောင်း သူများကိုမမေးဘဲ ကိုယ့်ဘာသာကိုယ် ယုံကြည်လိုက်ပါ။ ပျော်ရွှင် ကျေနပ်နိုင်ကြပါစေ။
အောက်တွင်ပြထားသောပုံသည် နမူနာပုံအသေးဖြစ်ပါသည်။ ဤပုံကိုကြည့်၍ သင်မည်သို့မျှ ရေတွက်နိုင်မည်မဟုတ်ပါ။ မူရင်းပုံဆိုဒ်အကြီးကို သွားကြည့်ပါ။ သို့မဟုတ် သွားရောက် ဒေါင်းလုဒ်ချပြီးမှ ရေတွက်ကြည့်ပါဟု အကြံပေးစကားဆိုပါရစေ။



မူရင်းပုံကို ဆိုဒ်အကြီးဖြင့် မြင်ရအောင် ( ဒီနေရာ ) ကို သွားပါ။

No comments:

Post a Comment

 
Web Statistics