၅။ နရသူ (၇၂၁-၇၂၆)
ကျော်စွာငယ်မင်း နတ်ရွာစံလေသော် ညီတော် နရသူသည် စောဥမ္မာကိုပင် မိဖုရားမြှောက်၍ ပင်းယထီးနန်းကို ဆက်ခံလေသည်။ သို့ရာတွင် မြောက်ဘက် မောရှမ်းတို့ လာရောက်တိုက်ခိုက် ဖမ်းယူသွားသဖြင့် မောပါနရသူဟုသာ တွင်လေသည်။
၆။ ဥဇနာပြောင် (၇၂၆)
မင်းမရှိလျှင် နောင်တော် ဥဇနာပြောင်ကို မှူးမတ်တို့က နန်းတင်ရာ စောဥမ္မာကိုပင် မိဖုရားမြှောက်လေသည်။ သို့ရာတွင် ယင်းယထီးနန်းတွင် ၃ လမျှသာ စံရလေသည်။ အကြောင်းမူကား ကြခတ်ဝရာမှ အားစုနေသော သတိုးမင်းဖျားက လုပ်ကြံလိုက်သောကြောင့် ဖြစ်လေသည်။
သတိုးမင်းဖျားမှာ အခြားသူမဟုတ်ပေ။ စစ်ကိုင်းအသင်္ခယာစောယွမ်း၏မြေး ဖြစ်လေသည်။ အသင်္ခယာစောယွမ်း၏သမီး စိုးမင်းကြီးနှင့် တကောင်းနန်းရိုး သတိုးဆင်ထိန်းတို့မှ ဖွားမြင်သူဖြစ်၍ စိုးမင်းကြီးကို စစ်ကိုင်းမင်းပြောင်က ကောက်ယူသောအခါ သား သတိုးမင်းဖျားအား တကောင်းမြို့စားအရာ ပေးထားလေသည်။
ထိုအချိန်တွင် ပင်းယမင်းဆက် ပြတ်သွားပြီဖြစ်သကဲ့သို့ စစ်ကိုင်း၌ အသင်္ခယာစောယွမ်းမှ ဆက်လက်စိုးစံသော မင်းဆက်လည်း ပြတ်ရလေတော့သည်။
စစ်ကိုင်းတွင် အုပ်စိုးခဲ့သော မင်းများမှာကား
- အသင်္ခယာစောယွမ်း (၆၈၄-၆၉၂)
- နောင်တော်တရာ့ဖျားမင်းကြီး (၆၉၂-၆၉၈)
- သားတော် ရွှေတောင်တက် (၆၉၈-၇၀၁)
- အသင်္ခယာ သားတော်ကျစွာ (၇၀၁-၇၀၆)
- ညီတော် နော်ရထာမင်းရဲ (၇၀၆-၇၁၄)
- ညီတော် ဆင်ဖြူရှင် တရာ့ဖျားငယ် (၇၁၄-၇၁၄)
- စိုးမင်းကြီး မြောက်သားတော် မင်းပြောက် (၇၁၄-၇၂၅)
အသင်္ခယာစောယွမ်း၏ သမီးတော် စိုးမင်းကြီး၏ မြောက်သားတော် သီဟပတိ မင်းပြောက်မှာ မိဖုရားစော၏ အစ်မမှ ဆင်းသက်သောမြေးဖြစ်၍ နန်းမှူးမဟုတ်ချေ။ စိုးမင်းကြီးတွင် ပထမမြောက်သားတော် တကာင်းမင်းရိုးဖြစ်သူ သတိုင်းဆင်ထိန်းဟူ၍ ရှိခဲ့ဖူးရာ ထို သတိုးဆင်ထိန်းနှင့် သားတော် ရာဟုလာ (သတိုးမင်းဖျား)၊ သမီးတော် ရှင်စောကြီးနှင့် စောဥမ္မာတို့ကို ဖွားမြင်လေသည်။ မင်းပြောက်နှင့်ကား သမီးတော် စောတော်ဦးကို ဖွားမြင်လေသည်။
စစ်ကိုင်းတွင် မင်းပြောက် နန်းစံချိန်၌ ပင်းယမင်း နရသူသည် မင်းရိုးမဟုတ်၍ မလိုလားသောကြောင့် ကိုးနယ်စော်ဘွား သိုချည်ဘွားကို အကူအညီတောင်းသဖြင့် ၇၂၅ ခုနှစ်တွင် ရှမ်းတို့ ချီလာလေသည်။ ထိုအခါက တကောင်းမြို့ကို စားရသော သတိုးမင်းဖျားသည် ခုခံနိုင်ခြင်းမရှိသဖြင့် ဘထွေးဖြစ်သော မင်းပြောက်က သံခြေကျင်းခတ်၍ ကြခတ်ဝရာသို့ ပို့လေသည်။ ရှမ်းတို့သည် စစ်ကိုင်းရော ပင်းယကိုပါ တိုက်ခိုက်သဖြင့် နှစ်ပြည်လုံး ပျက်လေလျှင် နရသူကိုဖမ်းယူ၍ ပြန်သွားကြလေသည်။ (အထက် နရသူမင်း (၇၂၁-၇၂၆) တွင် ဖော်ပြခဲ့ပြီးဖြစ်သည်။)
ပင်းယတွင် နရသူ မရှိသည့်နောက် ဥဇနာပြောင်က စိုးစံလျက်ရှိပြန်လေသည်။ စစ်ကိုင်းတွင်ကား မင်းဆက်ပြတ်ရလေတော့သည်။
ဤအချိန်တွင် စစ်ကိုင်းမင်းပြောက်သည် ရှမ်းတို့ရန်မှ ရှောင်တိမ်းရင်း ကြခတ်ဝရာသို့ သွားရောက်ခိုလှုံရာ သတိုးမင်းဖျားသည် အငြိုးရှိသည့်အတိုင်း လုပ်ကြံပြီးနောက် စစ်သည်အလုံးအရင်းကို သိမ်းယူစည်းရုံးကာ စစ်ကိုင်းကို သိမ်းပိုက်ကာ ပင်းယသို့ ချီတက်ပြီး ပင်းယမင်း ဥဇနာပြောင်ကိုပါ လုပ်ကြံ၍ စောဥမ္မာကို မိဖုရားမြှောက်ကာ ပင်းယတွင် နန်းစံလေတော့သည်။ ဤသို့အားဖြင့် စစ်ကိုင်းရော ပင်းယပါပျက်၍ သတိုးမင်းဖျား တစ်ပါးတည်း စိုးစံလိုက်ရာတွင် ပုဂံ၌ကား စောမွန်နစ်သည် ယိမ်းပျက်လုဆဲ ပုဂံထီးနန်းတွင် စံမြန်းဆဲပင် ရျိလေသေးသည်။ သို့ရာတွင် ကြာရှည်တော့သည်ကား မဟုတ်ပေ။ သတိုးမင်းဖျားသည် ပင်းယကို သိမ်းပြီးနောက် ၇၂၆ ခုနှစ်တွင် အင်းဝမြို့နန်းကို တည်ထောင်စိုက်ဆောက်၍ အင်းအားခိုင်ပြီး တိုးတက်လာလေသည်။ ၇၃၀ ပြည့်နှစ်တွင် အောက်ပြည်တစ်လွှားသို့ စည်းရုံးရာတွင် ပုဂံမင်း စောမွန်နစ်လည်း အင်းဝသတိုးမင်းဖျားထံ အညံ့ခံလိုက်လေသည်။
ဤနည်းဖြင့် ပုဂံနှောင်းခေတ်ပိုင်းတွင် ပုဂံနှင့် မင်းပြိုင်ဖြစ်ခဲ့သော စစ်ကိုင်း၊ ပင်းယတို့နှင့် ပုဂံပါ မင်းဆက်ပြတ်ပြီးနောက် တစ်ပါးတည်းသော အင်းဝသတိုးမင်းဖျား၏ လက်အောက်သို့ ရောက်ရှိခဲ့လေသည်။ သတိုင်းမင်းဖျားမှစ၍ အင်းဝခေတ်ကို တစ်ခန်းစတင် ထူထောင်လိုက်ကြပြန်လေသည်။
မှတ်ချက်
ဆရာလှသမိန် ၏ မြန်မာရာဇ၀င်အကျဉ်း စာအုပ်မှ ပြန်လည်ကူးယူဖော်ပြခြင်း ဖြစ်ပါသည်။ မြန်မာစကား၊ မြန်မာစာကို ပြောဆိုရေးသားအသုံးပြုနေသည့် မြန်မာလူမျိုးတစ်ယောက်အနေဖြင့် မြန်မာပြည်တွင်မှ မဟုတ်ဘဲ မည်သည့်နေရာဒေသတွင် ရောက်ရှိအခြေချနေထိုင်နေသည်ဖြစ်စေ မြန်မာ့အကြောင်း၊ မြန်မာ့ရာဇ၀င်ကို သိသင့်သည်ဟု ယူဆသည့်အတွက် ပြန်လည်ကူးယူဖော်ပြခြင်း ဖြစ်ပါသည်။
No comments:
Post a Comment