အလုပ်က လိုက်ရှာနေတဲ့လူများ - မောင်သာချို

(တစ်)

နိုင်ငံတစ်နိုင်ငံ၏ ဖွံ့ဖြိုးမှု၊ မဖွံ့ဖြိုးမှုကို တိုင်းတာသည့် ပေတံတွေ တော်တော်များများ ရှိပါလိမ့်မည်။

တချို့က GDP ဖြင့် တိုင်းပါသည်။ Gross Domestic Product ခေါ် အမျိုးသားထုတ်လုပ်မှု ပမာဏဟူသော ပေတံဖြင့် တိုင်းတာမှု၊ တချို့ကမူ GNH ပေတံဖြင့်တိုင်းလေသတဲ့။ Gross National Happiness ပေတံ။ နိုင်ငံသူ၊ နိုင်ငံသားတွေ ဘယ်လောက်ပျော်သလဲ၊ မပျော်ဘူးလဲဆိုသောပေတံ။ တချို့က inflation ပေတံတဲ့။ ငွေကြေးဖောင်းပွမှု (သို့မဟုတ်) အရပ်ရပ်ပစ္စည်းများ ဈေးတက်မှု အနေအထားကိုကြည့်ကာ နိုင်ငံအခြေအနေကို တွက်ခြင်းဖြစ်ပါသည်။ နောက်ပေတံတစ်ခုကတော့ အလုပ်လက်မဲ့ မည်မျှရှိသလဲဟူသော ပေတံ။ အလုပ်လက်မဲ့များလျှင် တိုင်းပြည်မဖွံ့ဖြိုး၊ အလုပ်လက်မဲ့နည်းမှ တိုင်းပြည်တိုးတက်သည်ဆိုသော ပေတံ။

အလုပ်၊ အလုပ်။
သည်အလုပ်အကြောင်းကိုပဲ ကျွန်တော်က ပြောလိုခြင်းဖြစ်ပါသည်။ ကျွန်တော်တို့အားလုံး အလုပ်ကိုရှာဖွေကြ၊ အလုပ်တွေလုပ်နေကြရပါသည်။။ အလုပ်ခေါ်ယူသည့် ကြော်ငြာပေါင်းစုံကို အငမ်းမရ ရှာဖွေဖတ်ရှုကြ၊ အလုပ်လျှောက်လွှာတွေတင်ကြ၊ ရေးဖြေစာမေးပွဲတွေ ၀င်ဖြေကြ၊ လူတွေ့အင်တာဗျူးခန်းမရှေ့မှာ တန်းစီစောင့်စားကြ၊ ခန့်မှန်းလစာတွေ ရေးထည့်ကြ။ ပြည်တွင်း၊ ပြည်ပ နေရာမျိုးစုံ၊ ရာထူးမျိုးစုံ။

သို့သော် ကမ္ဘာ့မည်သည့်နေရာမှာမဆို လူတိုင်းအလုပ်မရနိုင်ကြ။ ထို့ကြောင့် အလုပ်ကိုဆက်၍ဆက်ကာ ကျွန်တော်တို့ ရှာကြရပါသည်။ ရသည်လည်းရှိ၊ မရသည်လည်းရှိ။ လူကအလုပ်ကို လိုက်ရှာနေရသည့် နေ့ရက်များ။

ဒါဆို အပြန်အလှန်အားဖြင့် အလုပ်ကရော လူကိုလိုက်ရှာနေတာမျိုး မရှိနိုင်ဖူးတဲ့လား။ ရှာတဲ့လူကိုရော အလွယ်တကူတွေ့တတ်ခဲ့ကြရဲ့လား။ ဒါကိုပဲ ကျွန်တော်က ပြောလိုခြင်းဖြစ်ပါသည်။

(နှစ်)

ဤနေရာ၌ ကျွန်တော်နှင့် ထိတွေ့ဆက်စပ်နေသော နေရာဒေသသုံးလေးခုအကြောင်းကို ပြောလိုပါသည်။

ပထမနေရာက စာအုပ်တိုက်တစ်ခုဖြစ်ပါသည်။ အောင်မြင်သော ဂျာနယ်သုံးစောင်နှင့် မဂ္ဂဇင်းကြီးတစ်ခုကို ထုတ်ဝေနေသည့် စာအုပ်တိုက်ကြီးပဲ ဖြစ်ပါသည်။ စာပေနှင့်ပတ်သက်ရာရာ နေရာများအတွက် မကြာခဏ အလုပ်ခေါ်လေ့ရှိရာ တစ်ကြိမ်၌ မိန်းကလေးနှစ်ယောက် လူတွေ့လာဖြေပါသည်။ မေးလိုက်သည့်မေးခွန်း ခက်မခက်ကို စာဖတ်သူကပဲ သုံးသပ်ကြည့်စေလိုပါသည်။

"အပတ်စဉ်ထွက်နေတဲ့ ဂျာနယ်သုံးစောင်ရဲ့ အမည်ပြောပြပါ"
မေးခွန်းက ဒါပဲဖြစ်ပါသည်။ တစ်ယောက်က တစ်စောင်မှမပြောနိုင်။ တစ်ယောက်ကမူ နှစ်စောင်ပြောပြီးနောက် ရပ်သွားသည်။ စာနယ်ဇင်းသမား (Journalist)ရာထူးအတွက် ခန့်သင့်သလား၊ မခန့်သင့်သလား စာဖတ်သူကပဲ ဆုံးဖြတ်ကြည့်စေလိုပါသည်။

ဒုတိယနေရာက မြန်မာ့အသံနှင့် ရုပ်မြင်သံကြားဝင်းအတွင်းမှာ ဖြစ်ပါသည်။ ၂၀၀၄ ခုနှစ် သြဂုတ်လကုန်ခါနီးရက်များ။ မှတ်မှတ်ရရ သြဂုတ် ၁၄ တွင် ထူးအိမ်သင်ဆုံး၍ သြဂုတ် ၁၅ ၌ ဆရာမင်းသုဝဏ် အနိစ္စရောက်ပြီးကာစရက်များ ဖြစ်ပါသည်။ မန္တလေးအက်ဖ်အမ်နှင့် MRTV-4 အတွက် လူတွေ့လာရောက်သော မိန်းကလေးကို တာဝန်ရှိသူတစ်ယောက်က မေးခွန်းအနည်းငယ်မေးပါသည်။ ဒါကိုလည်း ကတ်သီးကတ်သတ် မေးခွန်း ဟုတ်မဟုတ် စာဖတ်သူကပဲ သုံးသပ်စေလိုပါသည်။
"ခုရက်ထဲမှာ စာပေပညာရှင်ကြီးတစ်ယောက်ဆုံးတယ် သမီးရဲ့၊ သိလား"
"နောက် အဆိုတော်တစ်ယောက်လည်း ဆုံးရှာတယ်ကွာ"
အမေးနှစ်ခုလုံးအတွက် အဖြေကတစ်ခုတည်း ဖြစ်ပါသည်။ ခေါင်းခါခြင်းနှင့် ဟင့်အင်း။ လူထုဆက်သွယ်ရေး မီဒီယာလုပ်ငန်းအတွက် အသုံးတည့်သူတွေလား မတည့်သူတွေလား စာဖတ်သူကပဲ စဉ်းစားဖို့ဖြစ်ပါသည်။

နောက်တစ်နေရာက စီးပွားရေးကုမ္ပဏီတစ်ခု။ လာလျှောက်သူ၏ ပူးတွဲတင်ပြထားသော လက်မှတ်တွေထဲမှာ LCCI Level အမျိုးမျိုး၏ လက်မှတ်တွေ ပါပါသည်။ ထို့ကြောင့် စာရင်းဇယားတစ်ခုကို လက်တွေ့ပြုစုခိုင်းသည်။
"သမီးက စာတွေပဲ အလွတ်ရတာ။ လက်တွေ့မလုပ်တတ်ဘူး"
ထိုသမီးငယ်၏ အဖြေကိုရော၊ ကုမ္ပဏီက ငြင်းလွှတ်လိုက်တာကိုရော စာဖတ်သူဘ၀င်ကျနိုင်ပါစ။

မြန်မာနိုင်ငံ၏ ထိပ်တန်းအဆင့် ဂျာနယ်တိုက်ကြီးတစ်ခုက သုတေသနအရာရှိ ရာထူးအတွက် လူခေါ်ပါသည်။ အခုအထိ လူရှာလို့မရ။ ပြည်တွင်းနှင့် ပတ်သက်သည့် အချက်အလက်(Data) များကို ဂျာနယ်က တောင်းလာခဲ့သော် ညွှန်းပေးရမည့်ရာထူး။ ဥပမာ - ကာလသားရောဂါ နောက်ခံဝတ္ထုဟုဆိုလျှင် သိန်းဖေမြင့်၏ တက်ခေတ်နတ်ဆိုးကို ညွှန်းပေးဖို့၊ ပုဂံခေတ်က ရဟန်းတော်များအကြောင်းဟုဆိုလျှင် ဆရာပါရဂူ၏ ပဉ္စ၀ဂ္ဂီကို ညွှန်းပေးဖို့၊ မင်္ဂလာ ၁၂ ပါး၊ ၃၈ ဖြာ မင်္ဂလာ၊ ကောင်း ၆၄ ဟု ဆိုလာလျှင် သုခမှတ်စုကို ညွှန်းပေးဖို့၊ ရှေးခေတ်ဝတ်စားဆင်ယင်ပုံများဆိုလျှင် ဆရာတော်ရွှေကိုင်းသား၏ ဆင်ယင်ထုံးဖွဲ့မှုကျမ်းကို ညွှန်းပေးဖို့ ရာထူးမျိုးဖြစ်ပါသည်။ စမ်းသပ်ခန့်ထားသမျှသော လူတွေအများစုက မညွှန်းနိုင်ကြ။ မိမိကိုယ်မိမိ ပြန်လည်တွေ့ရှိကာ အလုပ်မှ ထွက်သွားခဲ့ကြသည်။

မဟာဝိဇ္ဇာဘွဲ့ရပြီး တစ်ယောက်ကို တိုက်ထိုင်အယ်ဒီတာရာထူးအတွက် လူခေါ်တွေ့ပါသည်။ စကားစဖြစ်ကြပုံမှာ ဤသို့။
"ဘယ်မှာ နေတာလဲ"
"မြောက်ဥက္ကလာပါ"
"သြော်… တို့နဲ့အတူတူပေါ့။ ဘယ်ရပ်ကွက်လဲ"
"နွယ်နီလေ၊ ဆေးရုံရှေ့"
"သြော်… ဆရာနတ်နွယ်တို့ ရပ်ကွက်ပေါ့"
"ရှင်"
"ဆရာနတ်နွယ်လေ"
"ဘာလုပ်တာလဲ မသိဘူး"
ဤ၌ စကားဝိုင်းက ခြောက်ကပ်သွားပါသည်။ နောက်တော့ ကျန်တာတွေလည်း ခြောက်ကပ်သွားပါသည်။

(သုံး)

လူတို့အလုပ်ကို လိုက်ရှာကြပါသည်။ လွယ်လွယ်နှင့်မရ။ ထို့အတူ တချို့အလုပ်တွေကလည်း လူကို လိုက်ရှာနေပါသည်။ လွယ်လွယ်နှင့်မရပြန်။ သည်တော့မှ အလုပ်ရှားသလို၊ အလုပ်ကလိုအပ်သည့် လူကလည်း ရှားပါလားဆိုတာကို ကျွန်တော်သဘောပေါက်သွားပါသည်။ ဘာ့ကြောင့်လဲဆိုသည့် အဖြေကတော့ အရှင်းကြီး။

Skill ပဲပေါ့။ Ability ပဲပေါ့။ စွမ်းဆောင်နိုင်မှု၊ ကျွမ်းကျင်မှု။ ဒါက ကိုယ့်ဘက်က ဖြည့်ဆည်းထားရမည့်အပိုင်း။ ဘယ်သူ့ကိုမှ အပြစ်ပုံချနေစရာမလို။

လူတွေက အလုပ်ကို လိုက်ရှာနေသလို၊ တချို့တချို့သော အလုပ်တွေကလည်း လူကိုလိုက်ရှာနေပါသည်။

( 7Day News ဂျာနယ် အတွဲ ၈၊ အမှတ် ၃၃ မှ ပြန်လည်ကူးယူဖော်ပြပါသည် )