ဒီသတင်းတွေ ဖတ်မိတယ်

ဒီအပတ်ထုတ် လျှပ်တစ်ပြက်သတင်းဂျာနယ် အတွဲ ၂၊ အမှတ် ၆၆ ထဲက ကျွန်တော်စိတ်ဝင်စားမိတဲ့သတင်းတွေကို ထုတ်နုတ်ပြထားတာပါ။ စိတ်ဝင်စားမှုချင်း မတူတာတွေအတွက်တော့ ဆောရီးပါဗျာ….။

(၁) ဒွေးအမှတ်တရ သီချင်းခွေ မေတ္တာဖြင့်သာ ဖြန့်ဝေမည်
အချပ်ပိုမျက်နှာဖုံးမှာ ဒွေးရဲ့ဇနီး (မ)မိုးမိုး၊ သားဖြစ်သူ ဝေယံမိုးနဲ့ ဒွေးရဲ့ညီ (ကို)ရန်အောင် တို့ရဲ့ ဓာတ်ပုံတွေနဲ့ မျက်နှာဖုံးတင်ထားတယ်ဆိုတော့ တစ်ခုခုပေးချင်လို့ ဖြစ်မှာတော့ အသေအချာပါပဲ။ ဆရာမြတ်ခိုင်ရဲ့ လျှပ်တစ်ပြက်ဟာ အကြောင်းမဲ့တော့ အဲဒီလိုမျိုး တင်လေ့မရှိပါဘူး။ သူတို့ သုံးဦးလုံးနဲ့ အင်တာဗျူးလုပ်ထားတာလည်း ဖော်ပြထားပါတယ်။ အကျဉ်းချုပ်ပြောရရင် ဒီလိုပါ။
(မမိုးမိုးနှင့် အင်တာဗျူးမှ)

• 5 Movies က ပြပြီးရင် ဒီအခွေ ပရိသတ်ကို ဝေမယ်
• လောလောဆယ် အခွေ ၁၀၀၀ ကူးထားတယ်
• ဒီအခွေမှာ သားဖြစ်သူ ဝေယံမိုးလည်း သရုပ်ဆောင်ထားတယ်
• (ကို)သားညီရဲ့ ကလေးလေးက ဒွေးဝင်စားတယ်လို့ ပြောကြတာနဲ့ပတ်သက်လို့တော့ ယုံတယ်လည်းမဟုတ်ဘူး၊ မယုံဘူးလည်းမဟုတ်ပါဘူး။ အခုနည်းနည်းကြီးလာတော့ ဘာမှတော့ မပြဘူး။ ငယ်ငယ်တုန်းကတော့ ပြန်မယ်ဆိုတဲ့စကားပြောလို့ကို မရဘူး။ ငိုတာပဲ။
• ဒွေးရဲ့ဓာတ်ပုံတွေကို ဘုရားခန်းထဲမှာ ထားတဲ့အကြောင်းက ကျေးဇူးရှင်မို့ပါ။ နောက်အိမ်ထောင်ပြုရင်လည်း ဒီအတိုင်းပဲ ရှိမှာပါ။ နောက်အိမ်ထောင်က နားလည်ပေးရမယ်။ နားမလည်လည်း မတတ်နိုင်ဘူး။ နားကိုနားလည်ပေးရမယ်။ ဒါဟာ အစ်မရဲ့ ကျေးဇူးရှင်လေ။

(ကိုရန်အောင်နှင့် အင်တာဗျူးမှ)

• သားညီနဲ့လိုက်မနေဘဲ ဘာဖြစ်လို့ မမိုးမိုးနဲ့ လိုက်နေတာလဲဆိုတော့ အစ်မက ကိုယ့်ငယ်ငယ်လေးကတည်းက မရီးဆိုပေမယ့် အစ်မလိုပဲလေ။ စောင့်ရှောက်ရမယ့် ၀တ္တရားလည်းရှိလို့။ အစ်မကလည်း တကယ့်ကို မောင်တစ်ယောက်လိုပဲ ကောင်းလို့။ သားညီကလည်း အိမ်ထောင်ကျသွားပြီဆိုတော့လေ။ အဲဒါကြောင့်ပါ။
• အိမ်ထောင်ပြုဖို့ ကြိုးစားတုန်းပါပဲ။ ကိုယ့်ခြေထောက်ပေါ် ကိုယ်ရပ်ဖို့ အခုမှ ဦးကျော်လည်း မရှိ၊ အစ်ကိုလည်း မရှိတော့ဘူး။ အခုမှ တစ်က ပြန်စတဲ့သဘော ရှိပါတယ်။
• အိမ်ထောင်ကျသွားရင်ရော မမိုးနဲ့နေမှာလားဆိုတော့ အဲဒီလိုတော့လည်း မဟုတ်ပါဘူး။ အစ်မကို ကျွန်တော် စောင့်ရှောက်မယ့် အချိန်အတိုင်းအတာ တစ်ခုပေါ့နော်။ အချိန်ကျရင်တော့ ကိုယ်လည်း ကိုယ့်လမ်းနဲ့ ကိုယ်ပေါ့နော်။ အစ်မ ဒီလောက် စောင့်ရှောက်တာပဲ ကျေးဇူးတင်ပါတယ်။
• ဦးကျော်နဲ့ ကိုသားကြီးတို့က အလုပ်အပေါ်မှာ ရူးသွပ်တာချင်းတော့ အတူတူပါပဲ။ ဒါပေမယ့် အလုပ်တစ်ခုကို အကောင်အထည်ဖော်တဲ့ နေရာမှာတော့ မတူဘူးပေါ့။ ဦးကျော်ကတော့ ဆင်ကြီးလိုပဲ။ သူသွားမယ့်လမ်းကို ရအောင်ဖောက်တာပေါ့။ အစ်ကိုကျတော့ မတူဘူးလေ။

(ဒါတွေကတော့ အင်တာဗျူးတွေထဲက ကောက်နုတ်ပြထားတာတွေပါ။ အဲဒါတွေပြီးတဲ့အချိန် နောက်ဆုံးမှာ ရေးထားတာလေးက ဒီလိုပါ။)
ဓာတ်ပုံတွေရိုက်၊ မေးခွန်းတွေမေးပြီးတဲ့အခါ ကျွန်မတို့ ကြိုးပမ်းလာမှုတွေထဲက ပရိသတ်စိတ်အ၀င်စားဆုံး အချက်တွေဟာ ဘာတွေဖြစ်လေမလဲလို့ ကျွန်မတို့ စဉ်းစားကြည့်လိုက်တဲ့အခါ….။

(ကဲ… စာဖတ်သူလည်း ကိုယ့်ဘာသာကိုယ်သာ စဉ်းစားကြည့်ပါတော့နော်။ ကျွန်တော်ကတော့ သိပ်မသိတော့ စဉ်းစားလို့ မရဘူး။ သိထားတာမှန်သမျှကလည်း အင်တာနက်ပေါ်က ဟိုလိုလို ဒီလိုလိုတွေချည်းပဲလေ။ ဘယ်ဟာကအမှတ် ဘယ်ဟာက ကောလာဟလဆိုတာလည်း မသိဘူးလေ)

(၂) ပုဂ္ဂလိက စာပေဆုပေးပွဲများ၊ စာမူဆုပြိုင်ပွဲများ ကျင်းပပြုလုပ်မည်ဆိုပါက မြန်မာနိုင်ငံ စာပေနှင့် စာနယ်ဇင်းအဖွဲ့သို့ ဆက်သွယ်ရန်လိုအပ်

(၃) မြန်မာနိုင်ငံ နယ်စပ်နှင့် တောင်တန်းဒေသ ထေရ၀ါဒဗုဒ္ဓဘာသာ သာသနာနုဂ္ဂဟအသင်း ဗဟိုအလုပ်အမှုဆောင် ကော်မတီဖွဲ့စည်း

• ဥက္ကဋ္ဌအဖြစ် ဇေကမ္ဘာကုမ္ပဏီဥက္ကဋ္ဌ ဦးခင်ရွှေ

(၄) ရတနာပုံဝဘ်ပေါ်တယ်ကို မြန်မာ့အကြီးဆုံး အင်တာနက်စာမျက်နှာအဖြစ် ၀ဘ်ဆိုက်လိပ်စာအတည်ပြု စမ်းသပ်လွှင့်တင်

• (www.yatanarpon.com.mm)
• လက်ရှိတွင် Beta Version အနေဖြင့် လွှင့်တင်ထားခြင်းဖြစ်

(၅) မခိုင်ရွှန်းလဲ့ရည်အားရည်စူးကာ ကျန်ရစ်သူ မိသားစုများက ငွေကျပ် သိန်း(၂၉၀)လှူဒါန်း

• ရွှေတိဂုံဘုရားဂေါပကအဖွဲ့သို့ ကျပ်သိန်း (၅၀)
• ရန်ကုန်နာရေးကူညီမှုအသင်း ဓာတ်မှန်ခန်းအဆောက်အဦအတွက် ကျပ်သိန်း (၁၅၀)
• ဇီဝိတဒါနသံဃာဆေးရုံကြီး၌ ငွေကျပ်သိန်း (၂၀)
• ရန်ကုန်ကလေးဆေးရုံကြီး၌ ကျပ်သိန်း (၃၀)
• ဦးလှထွန်းမေတ္တာရိပ်မွန် (ကင်ဆာ)ဖောင်ဒေးရှင်းသို့ ကျပ်သိန်း (၂၀)
• သာကေတမြို့နယ်၊ (၇)ရပ်ကွက်၊ မြင်တော်သာလမ်းရှိ အာယုဝဎုန အခမဲ့ဆေးကုခန်းပြုပြင်ရန် (၁၀)သိန်းကျပ်
• မုံရွာမြို့ရှိ ရေရှားပါးရပ်ဝန်းဒေသသို့ ရေတွင်းရေကန်အလှူ (၁၀)သိန်းကျပ်

(၆) ပြည်ထောင်စုမြန်မာနိုင်ငံတော်အစိုးရအဖွဲ့မှ အမိန့်ကြော်ငြာစာအမှတ် ၁၂/၂၀၀၉ ထုတ်ပြန်ကြေညာ၊ ရတနာပုံတယ်လီပို့ Co.,Ltd. အား စာတိုက်နှင့် ကြေးနန်းဆက်သွယ်ရေးလုပ်ငန်းများ လုပ်ကိုင်ခွင့်ပြု

• နိုင်ငံတော်ပိုင်စီးပွားရေးလုပ်ငန်းများ ဥပဒေပုဒ်မ ၃၊ ပုဒ်မခွဲ (စ)အရ အစိုးရကသာ နိုင်ငံတော်ပိုင် စီးပွားရေးလုပ်ငန်းအဖြစ် လုပ်ကိုင်ဆောင်ရွက်ခွင့်ရှိသည့် စာတိုက်နှင့် ကြေးနန်းဆက်သွယ်ရေး လုပ်ငန်းတွင်ပါဝင်သော သတင်းအချက်အလက်နှင့် ဆက်သွယ်ရေး နည်းပညာဝန်ဆောင်မှုလုပ်ငန်းများကို စည်းကမ်းသတ်မှတ်ချက်များနှင့်အညီ လုပ်ကိုင်ရန် ခွင့်ပြုလိုက်ခြင်းဖြစ်

(၇) သီချင်းရေးဆရာများ၏ ကြေညာချက်နှင့်ပတ်သက်၍ ဇော်ဝင်းထွဋ် သဘောထား

• ဒီကိစ္စ မလွယ်ဘူးလို့ ထင်တယ်။
• ပွဲစီစဉ်တဲ့သူတွေက သီချင်းရေးဆရာတွေဆီက ခွင့်တောင်းဖို့ကျတော့ မလွယ်လောက်ဘူးထင်တယ်။
• ဒီကိစ္စ အားလုံးပါဝင်ပူးပေါင်းမှ အောင်မြင်မယ်လို့ ကျွန်တော်တော့ထင်တယ်။
• မုန့်ဟင်းခါးတစ်ပွဲကောင်းဖို့က မုန့်ဖတ်ရယ်၊ ငါးရယ်၊ အစပ်အဟပ်တွေက အရေးကြီးတယ် မဟုတ်လား။
• သီချင်းရေးဆရာတွေရဲ့ ဖြတ်သန်းမှု၊ ရင်းနှီးမြှုပ်နှံမှု၊ လေ့လာမှု၊ ၀မ်းစာရှိမှုတွေကို ကျွန်တော် လေးစားတန်ဖိုးထားပါတယ်။ သူတို့တောင်းဆိုမှုတွေက မလွယ်လောက်ဘူးလို့ ကျွန်တော်တော့ထင်တယ်။

(၈) အွန်လိုင်းမှတစ်ဆင့် ပေးပို့နိုင်သော e-telegram ကြေးနန်း ၀န်ဆောင်မှုသစ်

• (www.etelegram.net.mm)
• အဆိုပါဝက်ဘ်ဆိုက်သို့ဝင်ပြီး Ready Made Telegram Form ကို အလွယ်တကူဖြည့်စွက်ကာ Fill up လုပ်ပြီး ပို့ရမည်ဖြစ်
• မြန်မာနိုင်ငံအတွင်း e-telegram ဆောင်ရွက်သည့်မြို့ပေါင်း (၈၅)မြို့သို့ လျင်မြန်စွာရောက်ရှိသွားမည်ဖြစ်
• ကြေးနန်းတစ်စောင်လျှင် (၃၀၀)ကျပ်
• တစ်ခါပို့လျှင် မြန်မာစာလုံးရေ ၅၀၀ နှင့် အင်္ဂလိပ်စာလုံးရေ ၃၀၀ ပေးပို့နိုင်ကြောင်း သိရှိရ
• e-telegram Prepaid ကတ် တစ်ကတ်လျှင် မြန်မာငွေ (၁၀၀၀၀)ကျပ်