ဦးတည်ရေးသားရသည့် အကြောင်းရင်းက ၂၀၁၀ ပြည့်နှစ် ရွေးကောက်ပွဲအကြောင်း ဖြစ်သော်လည်း စင်စစ်၌ စတိတ်မင် Stateman ဆိုသော အိုင်ဒီယာသည် ခုနိုင်ငံရေးခေတ်အားလုံးအတွက် အကျုံးဝင်သည်ဟု ယူဆထိုက်သည်။ နိုင်ငံရေးခေါင်းဆောင်တိုင်း စတိတ်မင်ဖြစ်ရမည်ဟု မျှော်လင့်၍ မရနိုင်စေကာမူ အချို့လောက် စတိတ်မင်ဖြစ်လျှင်ပင် ကျေနပ်အားရစရာ ဖြစ်သည်။
စတိတ်မင်ဆိုသည်မှာ အမြော်အမြင်ရှိရှိ အမျိုးသား အကျိုးစီးပွားရေးနှင့် အမျိုးသားပန်းတိုင်ကို ကာကွယ်ရန် အလို့ငှာ (၁) ခေတ်မီသော ဗဟုသုတကို လက်ကိုင်ထားသူ၊ (၂) ဒီမိုကရေစီတန်ဖိုးတို့ကို မြတ်နိုးသူ၊ (၃) ညှိနှိုင်းတိုင်ပင်တတ်သော အလေ့အကျင့်ရှိသူနှင့် (၄) နိုင်ငံရေးအကဲဖြတ်ချက် ကောင်းကောင်းပြုနိုင်သူကို ရည်ညွှန်းသည်။ အဆိုပါအနက် နိုင်ငံရေးအကဲဖြတ်ချက်ကောင်းကောင်း Good Political judgement ပြုနိုင်ခြင်းသည် သော့ချက်အရည်အချင်း ဖြစ်သည်။
ခေါင်းဆောင်တို့သည် လက်တွေ့မဖြစ်နိုင်သော စိတ်ကူးယဉ်မှုထဲ၊ နှိုးဆော်မှုမရှိ မွဲခြောက်ခြောက်နိုင်လှသော အစစ်အမှန်ဝါဒထဲ ရံဖန်ရံခါ ပိတ်မိနေတတ်သည်။ ဤထောင်ချောက်ကို ရှောင်နိုင်ပြီး အခြေအနေတစ်ရပ်၏ အနက်အဓိပ္ပါယ်အမှန်ကို ဖမ်းဆုပ်နိုင်သော လက်တွေ့ဉာဏ်ပညာ Practical Wisdom ကို လက်ကိုင်ထားနိုင်ရန် လိုသည်။ အထက်ရည်ညွှန်းပါ အရည်အချင်းတို့ကို ရှာဖွေထူထောင်သည်ဆိုသည်မှာ ရေစီးသန်လှသော အတွေ့အကြုံ စီးဆင်းမှုထဲ ခုန်ဆင်းပြီး လက်ပစ်ကူးခြင်းဖြစ်သည်။ အတွေ့အကြုံတို့သည် ရှုပ်ထွေးစွာ စီးဆင်းသည်။ စတိတ်မင်သည် စိစစ်ချက် Analysis ထက် သမ္ဘာရပေါင်းစပ်မှု Synthesis ကို ပို၍ ပြုလုပ်နိုင်စွမ်းရှိရမည်။
ဒီဇင်ဘာလ၊ ၂၀၀၉ ခုနှစ်။
စာမျက်နှာ - ၁၄၃
No comments:
Post a Comment