Thursday, February 25, 2010

Myanmar bye AFC Challenge Cup 2010 Final


အကြိုဗိုလ်လုပွဲစဉ်များရလဒ်
၁။ တာဂျစ်ကစ္စတန် [ ၀ - ၂ ] တာမင်နစ္စတန်
၂။ မြောက်ကိုရီးယား [ ၅ - ၀ ] မြန်မာ

တတိယလုပွဲ (၂၇-၂-၂၀၁၀)
မြန်မာ - တာဂျစ်ကစ္စတန်
(အုပ်စုတွင်းရလဒ် တာဂျစ် ၃ - ၀ မြန်မာ)

ဗိုလ်လုပွဲ (၂၇-၂-၂၀၁၀)
မြောက်ကိုရီးယား - တာမင်နစ္စတန်
(အုပ်စုတွင်းရလဒ် မ/ကိုရီးယား ၁ - ၁ တာမင်)

အခြားမြန်မာတွေနည်းတူ ကျွန်တော်လည်း မျှော်လင့်တကြီးနဲ့ အားပေးခဲ့ရတဲ့ မြန်မာအသင်း အခုတော့ မြောက်ကိုရီးယားကို အရှက်တကွဲ ရှုံးနိမ့်သွားရပါပြီ။ ဒါပေမယ့် ကျွန်တော် ဂုဏ်ယူကျေနပ်ပါတယ်။ ၀င်မပြိုင်ဘဲ ၀င်ခွင့်မရခဲ့တာထက် ၀င်ရောက်ယှဉ်ပြိုင်ခဲ့ပြီးမှ အရေးနိမ့်ခဲ့ရတာက အများကြီး ပိုအဓိပ္ပါယ်ရှိပါတယ်။ ကိုယ့်ပြည်တွင်းမှာပဲ မြန်မာနေရှင်နယ်လိဂ်ကို ပရိသတ်တွေ သည်းသည်းလှုပ် အားပေးနေတာကို ကျေနပ်နေရာက ဘာတွေလုပ်သင့်တယ်၊ အခြားအသင်းတွေ ဘယ်လောက်ကွာသွားပြီလဲဆိုတာ သိခွင့်ရခဲ့တဲ့ ပွဲစဉ်တွေဖြစ်ခဲ့လို့ပါ။ အနိုင်မရခဲ့လို့ ၀မ်းနည်းစိတ်မကောင်းဖြစ်ရပေမယ့် မြန်မာအသင်းပေါ် မအောင်မြင်ရလေခြင်းဆိုပြီး အပြစ်မမြင်မိဘူးဆိုတာတော့ ပြောလိုပါတယ်။ တကယ်လည်း အပြစ်မမြင်ပါဘူး။ ကိုယ့်မြန်မာအသင်းမို့ နိုင်စေချင်တဲ့ စိတ်ကြောင့်သာ လောဘတွေ ကြီးနေခဲ့ရတာပါ။ ကမ္ဘာ့ဖလားဝင်ခွင့်ရထားတဲ့ အသင်းတစ်သင်းကို မြန်မာအသင်းက မနိုင်သင့်ဘူးဆိုတာကို ကျွန်တော်တို့ လက်ခံရပါမယ်။ ဘောလုံးမှာ အားလုံးဖြစ်နိုင်တယ်ဆိုပေမယ့် မတန်တာကိုတော့ အတင်းကာရော မမှန်းသင့်ဘူးထင်တာပါပဲ။ မဖြစ်သင့်မှန်းသိရဲ့နဲ့ မျှော်မှန်းထားမိရင် ကိုယ်တွေပဲ စိတ်ဆင်းရဲရမှာပါ။ ဖိလစ်ပိုင်ကို၊ ကမ္ဘောဒီးယားကို မြန်မာအသင်းရှုံးရင် ကျွန်တော်တို့အားလုံး ပေါက်ကွဲမိမှာပါပဲ။ ဆဲဆိုမိမှာပါပဲ။ ကိုယ့်ထက်အစစအရာရာ နိမ့်ကျနေတဲ့ အသင်းတွေကို မနိုင်ရလေခြင်းဆိုပြီးတော့ပေါ့။ အဲဒီလိုပဲ မြောက်ကိုရီးယားအသင်းကလည်း မြန်မာလိုအသင်းကို မနိုင်ရင် သူတို့အတွက် အမည်းစက်ဖြစ်စေမယ့် ကိစ္စမျိုး လုပ်မယ်မထင်ပါဘူး။ တရားမျှတပါတယ်။ ငါးဂိုး-ဂိုးမရှိ ဆိုတဲ့ရလဒ်ကို ကျွန်တော်ကျေနပ်ပါတယ်။ ဖြစ်လည်းဖြစ်သင့်ပါတယ်။ စာဖတ်သူအားလုံးနဲ့ ကျွန်တော် အမြင်တူချင်မှ တူပါလိမ့်မယ်။ အမြင်မတူသူတွေကိုလည်း ဇွတ်အတင်း လက်ခံပါလို့ မပြောလိုပါဘူး။ လူတိုင်းလူတိုင်းမှာ ကိုယ့်အမြင်နဲ့ကိုယ် ရှိကြမှာပါပဲလေ။

တတိယလုပွဲကိုလည်း မြန်မာဆိုတဲ့စိတ်ကြောင့်သာ နိုင်စေချင်ပေမယ့် နိုင်ဖို့မလွယ်တာတော့ အမှန်ပါပဲ။ မြောက်ကိုရီးယားကို ရှုံးထားတဲ့စိတ်ဟာ မြန်မာတွေကို နှိပ်စက်ဦးမှာ အသေအချာပါပဲ။ ဖြစ်စေချင်တာကတော့ တတိယလုပွဲမှာ ခေါ်သွားတဲ့ အရန်ကစားသမားတွေ (လူငယ်တွေကိုပေါ့) အားလုံးကို ၀င်ကစားစေချင်တာပါ။ သူတို့တွေအတွက် အတွေ့အကြုံ အမြတ်တွေ ရစေချင်တာပါ။ မြန်မာပရိသတ်တွေအတွက် ရေကုန်ရေခန်း တတိယနေရာရအောင် ကြိုးစားဦးမဟဲ့ဆိုရင်လည်း နားလည်ပါတယ်။ ပြောသာပြောနေရပေမယ့် ကိုယ့်မြန်မာအသင်း တတိယဆုရပြီး ပြန်လာတာကိုတော့ အခြားမြန်မာအားလုံးနည်းတူ မြင်ချင်တယ်ဆိုတာကိုတော့ ၀န်ခံပါတယ်။ ကျွန်တော်လည်း မြန်မာတစ်ဦးပေကိုး။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ် ဖေဖော်ဝါရီလ ၂၅ ရက်၊ ကြာသပတေးနေ့။
နေ့လည် ၂ နာရီ ၀၅ မိနစ်တွင်ပြီး၏။

No comments:

Post a Comment

 
Web Statistics