နေမင်းပါလား
အခုစကားပြောနေတာ
ကဗျာဆရာပါ။
ခင်ဗျားကို
အင်ကာတွေက ရှိခိုးတယ်
ဟာနုမာက ဆော့ကစားတယ်
မာယာကော့စကီးက လက်ဖက်ရည်တိုက်တယ်
ကျုပ်က ဖုန်းဆက်တယ်။
ဘုရားသခင်က ပြောတယ်
သူဖန်ဆင်းတဲ့ ခင်ဗျားဟာ
နှာစေးချောင်းဆိုး ကင်းရဲ့လားတဲ့။
လေအေးစက်က ပြောတယ်
သူချွေးမထွက်တာ ကြာပြီတဲ့။
တိမ်တိုက်တစ်ခုက ပြောတယ်
သူ့ရေကူးကန်ဟာ ရွှေရောင်တဲ့။
နွားတစ်ကောင်က ပြောတယ်
မျက်မှန်စိမ်းတစ်လက်လောက် လိုချင်တယ်တဲ့။
လမင်းက ပြောတယ်
ခင်ဗျားပို့လိုက်တဲ့ သံကြိုးစာ မရောက်ပါတဲ့။
နေကြာပန်းက ပြောတယ်
သူမျှားနေတဲ့ ငါးဟာ ခင်ဗျားတဲ့။
ကလေးတစ်ယောက်က ပြောတယ်
ခင်ဗျားမှာ ဦးထုပ်တစ်လုံး ရှိသလားတဲ့။
အရုဏ်ဦးက ပြောတယ်
ခင်ဗျားရဲ့ အိပ်ခန်းတံခါးကိုခေါက်တာ သူပါတဲ့။
အရိပ်တစ်ခုက ပြောတယ်
သူ့မှာ ကျည်ကာအင်္ကျီတစ်ထည် ရှိတယ်တဲ့။
ဇီးကွက်တစ်ကောင်က ပြောတယ်
ခင်ဗျားဟာ သူ့အတွက် အကောင်းဆုံးအိပ်ဆေးတဲ့။
တပေါင်းလက ပြောတယ်
သူ ထဘီအသစ်တစ်ထည် လဲချင်ပြီတဲ့။
ခင်ဗျားကို ကျုပ်က ပြောတယ်
မြင်းမိုရ်တောင်ထိပ်မှာ
ရာသီဥတု သာယာပါရဲ့လား။
No comments:
Post a Comment