ပူဇော်ကိုးကွယ်ရကျိုးနပ်မှာ
ဘုရားရဲ့အကြောင်း၊ ဘုရားရဲ့ဂုဏ်ပုဒ်တွေ၊ ဘုရားရဲ့ သဗ္ဗညုတဉာဏ်တော်ကြီး၊ ဘုရားရဲ့ မြင့်မြတ်ပုံတွေကို စုံအောင် လေ့လာကြဖို့ လိုတယ်။ အဲဒီလို လေ့လာသိရှိပြီးတော့ ရုပ်တုတော် ပုံတော်တွေအတွင်း ဂုဏ်တော်တွေသွင်းပြီး ကြည်ညိုတတ်ကြရမှာ။ အဲဒီတော့မှလည်း ဆင်းတု ရုပ်တုတော်တို့ကို ပူဇော် ကိုးကွယ်ရကျိုး နပ်မှာ။ အဲဒီလို သိတော့မှလည်း သာသနာတော်ရဲ့ အကျိုးကြီးမားပုံကို ပိုပြီး သိနိုင်မှာပဲ။
ငှက်ဖြစ်သော်လည်း တစ်ကိုင်းတည်း
ဒါနပြုတဲ့နေရာမှာ သံသရာ မရှည်အောင်တော့ ပြုရမှာနော။ ဒါနက သံသရာရှည်စေတာတော့ မဟုတ်ပါဘူး။ ကိုယ့်ဆုတောင်းက ရှည်အောင် ဆုတောင်းလို့ ရှည်သွားတာပါ။ အခု အများအားဖြင့် ဆုတောင်းနေကြတာက "ဒီသမီး၊ ဒီသား၊ ဒီမယား၊ ဒီဆွေမျိုးနဲ့ ဘ၀ဆက်တိုင်း မကွဲမကွာ ငှက်ဖြစ်သော်လည်း တစ်ကိုင်းတည်း၊ ဆင်ဖြစ်သော်လည်း တစ်ကျွန်းတည်း" စသည်ဖြင့် ဆုတောင်းနေကြလို့ ရှည်ကြတာပါ။ ဆုတောင်းတာက သံသရာရှည်ကြောင်း ဆုတောင်းတာကိုး။
"နိဗ္ဗာနပစ္စယော ဟောတု" က လိုရင်းပါ
လာကတည်း ကိုယ့်အတွက်ရချင်လို့ ဆိုတာက ပါနေတယ်။ အမှန်က အဲသည်လို စိတ်မထားပါနဲ့။ စိတ်ထားရမှာက ဆင်းရဲသူတွေကို ဝေငှပေးကမ်းတယ်ဆိုလျှင် သူတို့ရဲ့ ပြည့်စုံမှုကိုသာ ဦးစားပေးပါ။ အကျိုးပေးက သူ့ဘာသာသူ လာမှာပါ။ တားလို့ မရပါဘူး။ ဆုတောင်းပြန်လို့ရှိလျှင်လည်း "နိဗ္ဗာနပစ္စယော ဟောတု" က လိုရင်းပါ။ လိုရင်းကိုပဲ ဆုတောင်းပေါ့။ ဒါက ဦးတည်ချက်ပန်းတိုင် ပျောက်မသွားရုံပါပဲ။ တကယ်တော့ ဆုတောင်းနေရုံနဲ့ ပြီးတာ မဟုတ်ပါဘူး။ ရနိုင်လောက်အောင်လုပ်မှ ရတာပါ။
Saturday, September 25, 2010
လူဝတ်ကြောင်တို့အတွက် နံနက်ခင်းသြ၀ါဒများ - မဟာဂန္ဓာရုံဆရာတော်
Posted by Ko Nyan Posted Time 1:37 PM
Labels ဘာသာရေး-Religious
Subscribe to:
Post Comments (Atom)
No comments:
Post a Comment