အစိုးရတို့၏ အာဏာသုံးရပ်ကို ပိုင်းခြား၍ အပြန်အလှန် ထိန်းကျောင်းရာတွင် အုပ်ချုပ်ရေးအာဏာတို့၏ သဘောတရားမှာ ဖြစ်နိုင်လျှင် ဥပဒေပြုအာဏာ၏ အပြန်အလှန်ထိန်းကျောင်းမှုကို ရလိုမည် မဟုတ်ပါ။ ထိုသို့သော ခုခံမှုများကြားမှ ဥပဒေပြုအာဏာက လုပ်ရသော အပြန်အလှန် ထိန်းကျောင်းမှုသည် ဥပဒေပြုအာဏာ၏ အနှစ်သာရလည်း ဖြစ်ပေသည်။
ဆိုလိုသည်မှာ ဥပဒေပြုအာဏာအတွင်း ရောက်ရှိသွားသည့် နိုင်ငံရေးအင်အားစုများအနေဖြင့် မိမိထမ်းဆောင်ရမည့် တာဝန်ကိုလည်း နားလည်ပြီး အခြေခံဥပဒေ ပေးထားချက်များကိုလည်း သဘောပေါက်ပါက တစ်မျိုးသားလုံး၏ ဘုံအကျိုးစီးပွားအတွက် ပါးနပ်စွာ အကောင်အထည်ဖော်နိုင်သော နည်းလမ်းများရှိပါသည်။ မြန်မာနိုင်ငံတွင် နှစ်ပေါင်း ၅၀ အတွင်း ပထမဆုံးအကြိမ် ပေါ်ပေါက်မည့် လွှတ်တော်များက ထမ်းဆောင်ပေးရမည့် အရေးတကြီး တာဝန်အများစုမှာ သဘောထား ကွဲလွဲစရာမရှိဘဲ တစ်မျိုးသားလုံး၏ ဘုံအကျိုးစီးပွားအတွက် အားလုံးက သဘောတူနိုင်သော ကိစ္စရပ်များသာဖြစ်ရာ စနစ်တကျ ထုပ်ပိုးရောင်းချနိုင်သည်နှင့်အမျှ တိုးတက်အောင်မြင်မှုများလည်း မြင်တွေ့ရမည်သာ ဖြစ်ပေသည်။
ဤနေရာတွင် အရေးကြီးသည်မှာ အပြန်အလှန်ထိန်းကျောင်းမှု Check and Balance ပြုလုပ်သည်ဆိုခြင်းမှာ အရာရာ အတိုက်အခံလုပ်ရသည်၊ ဆန့်ကျင်ဘက်ကို ပြောရသည်ဆိုသော သဘောမဟုတ်ပါ။ ပေးပါမည်ဟု ပြောထားသော ကတိစကားအတိုင်း မလွဲမသွေရရှိအောင် ထိန်းကျောင်းပေးနိုင်လျှင်ပင် ပြည်သူလူထုအတွက် လွှတ်တော်များက ဆောင်ကြဉ်းပေးနိုင်သော ကောင်းကျိုးများစွာ ရှိနေသည်ဟု ဆိုချင်ပါသည်။
မြန်မာနိုင်ငံတွင် နှစ်ပေါင်း ၂၀ ကြာ မြင်တွေ့နေကြသော နိုင်ငံရေးအတိုက်အခံဆိုသော သဘောတရားနှင့် ယနေ့လွှတ်တော်ထဲသို့ ရောက်ရှိသွားတော့မည့် နိုင်ငံရေးအင်အားစုများ၏ သဘောသဘာဝမှာ များစွာ ကွာခြားသွားသည်ကို မကြာမီ ပြည်သူလူထု မျက်ဝါးထင်ထင် မြင်တွေ့ရတော့မည် ဖြစ်သည်။ ယခင် မြန်မာနိုင်ငံတွင် မြင်တွေ့ခဲ့ရသော နိုင်ငံရေးပါတီ၊ နိုင်ငံရေးအင်အားစု၊ နိုင်ငံရေး အတိုက်အခံများသည် လွှတ်တော်ထဲသို့ မရောက်သော လွှတ်တော်ပြင်ပ နိုင်ငံရေးကိုသာ လုပ်ကိုင်ခဲ့ကြရခြင်းဖြစ်ပြီး ယခု မြင်တွေ့ရမည့် နိုင်ငံရေးအင်အားစုများသည် လွှတ်တော်တွင်း နိုင်ငံရေးကို လုပ်ကိုင်ခွင့် ရကြသည်ဖြစ်ရာ သဘောသဘာဝချင်း လုံးဝကွာခြားသွားတော့မည် ဖြစ်သည်။
လွှတ်တော်တွင်းနိုင်ငံရေးနှင့် လွှတ်တော်ပြင်ပနိုင်ငံရေးတို့၏ ကွာခြားမှုကို မြင်နိုင်လျှင် နိုင်ငံရေးအင်အားစုများ ထက်မြက်ပါးနပ်သည်နှင့်အမျှ ရလဒ်ကောင်းများကိုလည်း မျှော်လင့်နိုင်ကြောင်း မီးမောင်းထိုးဖော်ပြလိုပါသည်။
Saturday, October 16, 2010
လွှတ်တော်တွင်းနိုင်ငံရေးနှင့် လွှတ်တော်ပြင်ပနိုင်ငံရေး
အယ်ဒီတာ (၁၁-၁၀-၂၀၁၀)
Posted by Ko Nyan Posted Time 1:03 PM
Labels Political, နိုင်ငံရေး
Subscribe to:
Post Comments (Atom)
No comments:
Post a Comment