မြန်မာ့ရုပ်မြင်သံကြားမှာ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ကြားဖြတ်ရွေးကောက်ပွဲ အတွက် မဲဆွယ်စည်းရုံးရေး ဟောပြောတာကို နားထောင်လိုက်ရပါတယ်။ သေချာမကြားလိုက်တာတွေ၊ မရှင်းလင်းတာတွေ ပြန်နားထောင်နိုင်အောင် ကျွန်တော့်ရဲ့ ဓာတ်ပုံကင်မရာမှာပါတဲ့ ဗီဒီယိုရိုက်တဲ့ လုပ်ဆောင်ချက်ကိုပါ အသုံးပြုပြီး ရိုက်ကူးယူထားလိုက်ပါတယ်။
မညာတမ်းဝန်ခံရရင် ဒေါ်အောင်ဆန်းစုကြည် ဟောပြောမှာကို အတော်လေးကို စိတ်ဝင်စားခဲ့ပါတယ်။ ရုပ်သံကတစ်ဆင့် တစ်နိုင်ငံလုံးကို ဟောပြောမှာဖြစ်တယ်၊ နိုင်ငံပိုင်ရုပ်သံကနေ တရားဝင် ဟောပြောစည်းရုံးခွင့်ရတဲ့ ရှားရှားပါးပါး အခွင့်အရေးဖြစ်တယ်၊ မဲဆွယ်စည်းရုံးရေး ခရီးစဉ်တွေမှာလည်း ပြောထားတာတွေက မနည်းမနော အများကြီးနဲ့ စုံစီနဖာမို့ပါ။ ဟောပြောခွင့်ရတဲ့ ၁၅ မိနစ်တာ အချိန်ကာလလေးမှာ ပြောချင်တာအားလုံးပါအောင် ဘယ်လိုမျိုး နည်းလမ်းတွေနဲ့ အထိရောက်ဆုံး တင်ပြမလဲဆိုတာကိုပါ စိတ်ဝင်စားခဲ့ပါတယ်။ ဒေါ်အောင်ဆန်းစုကြည်ဟာ စကားပြောကောင်းတယ်၊ ဟောပြောတာကောင်းတယ်လို့ တခြားလူတွေ ပြောကြတာကို ကြားဖူးနေတော့ ဒေါ်စုရဲ့ စကားပြောစွမ်းရည်ကို စောင့်ကြည့်အကဲခတ်တာလည်း ပါပါတယ်။
ဒေါ်စုဟောပြောတာကို နားထောင်ပြီးတဲ့အခါမှာ ကျွန်တော့်မျှော်လင့်ချက်တွေအားလုံး အငွေ့ပျံသွားခဲ့ပါတယ်။ စာစောင်တွေ၊ ဂျာနယ်တွေမှာ နေ့စဉ်ရက်ဆက်ဆိုသလို အတင်းကာရော ကြော်ငြာပေးနေတဲ့၊ ပရိုမိုးရှင်း လုပ်ပေးနေတဲ့၊ အတင်းကို ပုံဖော်ပေးနေတဲ့ လူထုခေါင်းဆောင်ဆိုသူ၊ ဒီမိုကရေစီ သူရဲကောင်းလို့ ခံယူထားတဲ့ ဒေါ်အောင်ဆန်းစုကြည်မှ ဟုတ်ပါလေစလို့ သံသယဖြစ်မိပါတယ်။ မျှော်လင့်ထားတဲ့အတိုင်း နမူနာယူစရာ၊ သင်ယူစရာတွေ မရခဲ့ဘဲ ဆင်ခြင်စရာတွေ၊ သင်ခန်းစာဖော်ထုတ်စရာတွေ၊ ရှောင်ကြဉ်သင့်တာတွေသာ ကျွန်တော့်အတွက် ရရှိခဲ့ပါတယ်။ ဒါလည်း ဆိုးတော့မဆိုးပါဘူးလေ။
ကျွန်တော့်အမြင်လေးတွေကို ပြန်လည်ဖောက်သည်ချပါရစေ…
(၁) ဒေါ်အောင်ဆန်းစုကြည်ဟာ နိုင်ငံရေးပါး မ၀ပါဘူး။
(၂) ကိုယ့်ကိုယ်ကိုယ် ယုံကြည်မှု လွန်ကဲနေပါတယ်။
(၃) အခြေအနေ၊ အချိန်အခါအလိုက် မပြောနိုင်ပါဘူး။
(၄) နားထောင်တဲ့လူအတွက် တသသဖြစ်ပြီး၊ တစိမ့်စိမ့်တွေးပြီး ကျန်ရစ်အောင် မပြောနိုင်ခဲ့ပါဘူး။
(၅) သူပြောတာတွေနဲ့၊ သူလုပ်တာတွေဟာ တခြားစီ ဖြစ်နေတာဟာ အဆိုးဝါးဆုံးပါပဲ။
အမှတ်စဉ် (၁) အတွက် စာဖတ်သူအချို့က ကျွန်တော့်ကို ခါးခါးသီးသီး ငြင်းဆန်ကြပါလိမ့်မယ်၊ တုံ့ပြန်ကြပါလိမ့်မယ်၊ ဝေဖန်ကြပါလိမ့်မယ်၊ ဆော်နှက်ကြပါလိမ့်မယ်။ အားလုံးကို ကျွန်တော် မျှော်လင့်ထားပြီး ဖြစ်ကြောင်း ပြောပါရစေ။ ဒေါ်စုလို လူတစ်ယောက်ကို ကျွန်တော်ကိုဉာဏ်လို ဘာမဟုတ်၊ ညာမဟုတ် သာမန်လူတစ်ယောက်က အဲဒီလို မှတ်ချက်ချရမလားဆိုပြီး ဆန္ဒတွေစောပြီး ဒေါသတွေ မကဲပါနဲ့ဦးဗျာ။ ကျွန်တော်ဘာကြောင့် ပြောရသလဲဆိုတဲ့ အကြောင်းပြချက်လေးတွေတော့ ဖတ်ကြည့်ပေးပါဦး။ ဟေ့ကောင် ကိုဉာဏ်… မင်းက ဘယ်လောက်တောင် နိုင်ငံရေးပါး ၀လို့လဲကွ လို့ မေးလာကြရင်လည်း ကျွန်တော် ဖြေပါ့မယ်။ ဟုတ်ကဲ့ ကျွန်တော်ကိုဉာဏ်ဟာ နိုင်ငံရေးနဲ့ ပတ်သက်ရင် သူငယ်တန်းပါခင်ဗျာလို့ ပြန်ဖြေပါ့မယ်။ အဲဒီလိုကောင်က ဒေါ်စုကို နိုင်ငံရေးပါး မ၀ဘူးလို့ပြောတာ မလွန်လွန်းဘူးလား ဆိုရင်တော့ မလွန်ပါဘူးခင်ဗျာ လို့ ကျွန်တော် ပြန်ဖြေရပါလိမ့်မယ်။ ဒေါ်စုဟာ နိုင်ငံတကာအရေးတွေကို ကျွမ်းကျင်ရင် ကျွမ်းကျင်ပါလိမ့်မယ်၊ ကမ္ဘာပတ်ခဲ့သူမို့ နိုင်ငံစုံရဲ့ ဒီမိုကရေစီ အတွေ့အကြုံတွေ များကောင်းများပါလိမ့်မယ်၊ ဒါပေမယ့် မြန်မာ့နိုင်ငံရေးကိုတော့ မကျွမ်းကျင်ဘူးလို့ ကျွန်တော်သုံးသပ်လိုပါတယ်။ သူ့စိတ်ထဲမှာ အခုအချိန်အထိ လွန်ခဲ့တဲ့ ၂ နှစ်လောက်က အခြေအနေမျိုးလို့ စိတ်ထဲမှာ ခံယူထားဆဲ ဖြစ်နေတယ်လို့ ကျွန်တော်မြင်မိပါတယ်။ ခေတ်ပြောင်း စနစ်ပြောင်းကို စတင်ကူးပြောင်းနေပြီဆိုတာ သူက ဥပေက္ခာ ပြုထားပါတယ်။ (မသိဘူးလို့ သုံးမလို့ပါပဲ၊ ဒါပေမယ့် မသိဘူးဆိုတာ ဘယ်လိုမှ မဖြစ်နိုင်တာမို့ မသိချင်ယောင်ဆောင်ပြီး ဥပေက္ခာပြုထားတယ်လို့ပဲ သတ်မှတ်လို့ ဖြစ်ပါတယ်။) လက်ရှိ သမ္မတကြီးနဲ့ အစိုးရအဖွဲ့ဟာ ဒေါ်စုအပေါ် ဘာတွေများ မကောင်းတာပြော၊ မကောင်းတာလုပ်နေသလဲလို့ မေးခွန်းထုတ်ချင်ပါတယ်။ သူပြောတဲ့ စကားတွေရဲ့ အဓိပ္ပါယ်ဟာ အစိုးရမှန်ရင် ဆန့်ကျင်မယ်ဆိုတဲ့ သဘောတွေချည်းပဲ ဖြစ်နေတာကိုတော့ အံ့သြမိပါတယ်။ ဒီမိုကရေစီလိုလားသူတွေလို့ ကိုယ့်ကိုယ်ကိုယ် အမည်တပ်ကြတဲ့ လူအများစုမှာလည်း အဲဒီသဘောမျိုး ရှိနေတတ်တာကို စိတ်မကောင်းဖွယ် တွေ့ရပါတယ်။ သူတို့တွေက ပြောတတ်ကြပါတယ်။ အခုအစိုးရဟာ အရင်အစိုးရက လူတွေအများစုမို့ အရင်အစိုးရလိုပဲလို့ ပြောတတ်ကြတာပါပဲ။ ဒုက္ခပါပဲကွယ်လို့ပဲ ပြောရတော့မယ် ထင်ပါတယ်။ လူ့ဘ၀မှာ ဘယ်လိုပဲ နေခဲ့၊ နေခဲ့ သင်္ကန်းဝတ်ပြီး သံဃာ့ကျင့်ဝတ်နဲ့အညီ ထေရ၀ါဒနဲ့အညီ နေထိုင်ကျင့်ကြံတယ်ဆိုရင် ကန်တော့အပ်တဲ့၊ ကိုးကွယ်ဆည်းကပ်အပ်တဲ့ ရဟန်းသံဃာပဲ မဟုတ်ဘူးလားလို့ မေးလိုပါတယ်။ အရင်တုန်းက ဘယ်လိုမို့ အခုလည်း ဒီလိုပဲ ဖြစ်မှာပဲလို့ အသေစွဲမှတ် ထားသူတွေကို ပြောချင်တာတစ်ခုကတော့ အဲဒီလိုစိတ်ဓာတ်နဲ့သာဆိုရင် တွေ့မရှောင် လူသတ်သမားကနေ ရဟန်းဖြစ်သွားခဲ့တဲ့ အင်္ဂုလိမာလတို့၊ ဒီနေ့ နာမည်ကြီး ဓမ္မကထိက ဒယ်အိုးဆရာတော်တို့၊ စစ်ဗိုလ်ချုပ် ဘ၀ကနေ နိုင်ငံရေးဘက်ကို လုံးလုံးလျားလျား ကူးပြောင်းပြီး အရပ်ဝတ်လဲခဲ့တဲ့ ဗိုလ်ချုပ်အောင်ဆန်းတို့၊ လူတွေသေစေနိုင်တဲ့ ဒိုင်းနမိုက်ကို တီထွင်မိလို့ ယူကျုံးမရ ဖြစ်ခဲ့ရဖူးတဲ့ နိုဘယ်လ်ဆုများရဲ့ မူလအလှူရှင် အဲဖရက်နိုဘယ်လ်တို့၊ မူလအရိုင်းဘ၀မှ စာပေဆုအလှူရှင်အထိ ပြောင်းလဲသွားခဲ့တဲ့ မခုက္ကူ ဦးအုန်းဖေ တို့သာဆိုရင် ဘယ်လောက်ပဲ ကောင်းအောင်လုပ်လုပ်၊ သံသယမျက်ဝန်းတွေထဲကနေ ဘယ်တော့မှ ပြေးထွက်ခွင့် ရခဲ့မှာ မဟုတ်ဘူးဆိုတာပါပဲ။ ဒေါ်အောင်ဆန်းစုကြည် ကိုယ်တိုင်က အခုအချိန်အထိ အစိုးရ မကောင်းကြောင်းပြောတာဟာ နိုင်ငံရေးလုပ်ငန်းစဉ် တစ်ရပ်ပဲလို့ စွဲစွဲမြဲမြဲ ခံယူပြီး ပြောဆိုမြဲ ပြောဆိုနေသေးတာ၊ လမ်းပေါ်မှာ လူတွေအများကြီး စုဝေးနိုင်ခြင်းဟာ ဒီမိုကရေစီပဲလို့ တလွဲဆံပင် ကောင်းနေတာတွေဟာ လက်ရှိ မြန်မာ့နိုင်ငံရေးပါး မ၀ဘူးလို့ ကျွန်တော်ပြောချင်တဲ့ အကြောင်းအရာ အချို့ပါပဲဗျာ။
အမှတ်စဉ် (၂) ဖြစ်တဲ့ ကိုယ့်ကိုယ်ကိုယ် ယုံကြည်မှုနဲ့ ပတ်သက်လို့ကတော့ အထူးပြောရန် လိုမယ်မထင်ပါဘူး။ သူပြောနေတဲ့ စကားတွေအားလုံးဟာ သူနဲ့ သူ့ရဲ့ အမျိုးသားဒီမိုကရေစီ အဖွဲ့ချုပ်သာလျှင် ဒီနိုင်ငံရဲ့ ကယ်တင်ရှင်၊ သူတို့သာလျှင် ဒီမိုကရေစီစံနှုန်းတွေကို အသေအချာသိတဲ့ ဒီမိုကရေစီကျမ်းကျေသူ၊ သူ့ပါတီသာလျှင် ဒီနိုင်ငံမှာ အကောင်းဆုံးပါတီ ဆိုတဲ့အချက်တွေကို မီးမောင်းထိုးပြနေခြင်းပဲ ဖြစ်ပါတယ်။ အဆိုးဆုံးကတော့ မဲဆွယ်ဟောပြောမှုထဲမှာ တပ်မတော်ကို ပြောင်ပြောင်တင်းတင်း စိန်ခေါ်တဲ့သဘော ပြောခဲ့တာပါပဲ။ ဒေါ်စုဟာ အခုအချိန်မှာ ကြားဖြတ်ရွေးကောက်ပွဲမှာ ၀င်မပြိုင်ရသေးပါဘူး။ ကိုယ်စားလှယ်လောင်း အဆင့်မှာပဲ ရှိပါသေးတယ်။ လွှတ်တော်ထဲကို ရောက်ပါ့မယ်လို့ ဘယ်သူကမှ တပ်အပ်သေချာ မပြောနိုင်သေးပါဘူး။ သူ့ကို သဘောကျတဲ့လူတွေ ရှိသလို၊ သဘောမကျတဲ့လူတွေလည်း ရှိကောင်းရှိမှာပါပဲ။ အဲဒီ လူနှစ်မျိုးမှာ ဘယ်သူက ပိုများသလဲဆိုတာ ကြားဖြတ်ရွေးကောက်ပွဲ ရလဒ်ထွက်မှပဲ သေချာသိရမှာပါ။ ဒါတောင်မှ သူ့ကို ထောက်ခံသူ၊ မထောက်ခံသူဆိုတာ သူဝင်ပြိုင်တဲ့ ကော့မှူးမြို့နယ် တစ်ခုတည်းမှာပဲ သိနိုင်တာမျိုးပါ။ အဲဒီလို လူတစ်ယောက်က ဖွဲ့စည်းပုံအခြေခံဥပဒေအရ လွှတ်တော်ထဲမှာ ပါဝင်နေတဲ့ တပ်မတော်သားတွေကို စိန်ခေါ်တဲ့စကား၊ မလိုလားတဲ့စကား ပြောခဲ့တာကိုတော့ အတော်ကြီးကို အံ့သြမိပါတယ်။ အချို့လူတွေအတွက်တော့ ဒေါ်စုက သတ္တိရှိရှိ ပြောရဲတယ်လို့ ထုံးစံအတိုင်း ချီးကျူးတာတွေ၊ သဘောကျတာတွေ ရှိကောင်းရှိပါလိမ့်မယ်။ ဖွဲ့စည်းပုံ အခြေခံဥပဒေကို နားမလည်တဲ့လူတွေလို့ပဲ အတိအလင်း ပြောပါရစေ။ ကျွန်တော်ဘာကို ဆိုလိုတယ်ဆိုတာ နားလည်တဲ့သူတွေက ထောက်ခံကြပါလိမ့်မယ်။ နားမလည်တဲ့လူတွေက ကျွန်တော့်ကို ၀ိုင်းဝန်းမေတ္တာပို့ကြမှာကိုလည်း မျှော်လင့်ထားပြီး ဖြစ်ကြောင်းမို့ အထူးအထွေ မတုန်လှုပ်ပါခင်ဗျား။ မိမိစိတ်၊ မိမိအတွေး၊ မိမိခံယူချက်အတိုင်းသာ ဖြစ်ကြောင်းပါခင်ဗျား။
နံပါတ် (၃) အချက်မှာ အခြေအနေနဲ့ အချိန်အခါအလိုက် မပြောနိုင်ဘူးလို့ ကျွန်တော်ပြောခဲ့ပါတယ်။ ဟုတ်ကဲ့၊ ပထမဆုံးအချက်ကတော့ အခုကျင်းပမယ့် ရွေးကောက်ပွဲဟာ အထွေထွေ ရွေးကောက်ပွဲကြီး မဟုတ်ပါဘူးခင်ဗျ။ ကြားဖြတ်ရွေးကောက်ပွဲ တစ်ခုသာလျှင် ဖြစ်ပါတယ်။ လစ်လပ်တာကလည်း ၄၈ နေရာသာလျှင် ဖြစ်ပါတယ်ခင်ဗျ။ ကြားဖြတ်ရွေးကောက်ပွဲဆိုတာ လစ်လပ်သွားသော အချို့သော ကိုယ်စားလှယ် နေရာတွေအတွက် (တစ်နည်းပြောရရင် လွှတ်တော်ထဲက နေရာအချို့အတွက်) လုပ်ပေးခြင်းသာ ဖြစ်ပါတယ်။ အဲဒီလို ကြားဖြတ်ရွေးကောက်ပွဲအတွက် မဲဆွယ်တာက တကယ့်ကို မစားရ၀ခမန်းပါပဲ။ ကျွန်တော်ဖြင့် ကြည့်နေရင်းနဲ့ အမေရိကန်သမ္မတလောင်းတွေ အပြိုင်မဲဆွယ် နေသလားတောင် ထင်မှတ်မိပါတယ်။ ကြားဖြတ်ရွေးကောက်ပွဲမှာ ဘယ်နေရာတွေမှာ ပြိုင်မယ်၊ ဘယ်သူတွေ ပြိုင်ကြမယ်၊ အနိုင်ရခဲ့ရင် လွှတ်တော်ထဲမှာ ဘာတွေလုပ်ဆောင်သွားမယ်၊ ဘာတွေဖြစ်အောင် လုပ်ပေးဖို့ အစီအစဉ်ရှိတယ် စသဖြင့် တစ်ခွန်းမှ မပြောဘဲ ဟိုအကြောင်းပြောလိုက်၊ ဒီအကြောင်းပြောလိုက်၊ ဟိုကဏ္ဍရောက်လိုက်၊ ဒီကဏ္ဍရောက်လိုက်နဲ့ တကယ့်ကို မြန်မာဗီဒီယိုတွေမှာ ကြည့်နေရတဲ့ ဇာတ်ကားကြော်ငြာ ကြည့်နေရသလိုပါပဲ။ ပြီးတော့မှ ကျွန်တော် ပြန်တွေးမိတာက သူ့ခမြာ အခြားပါတီတွေလို ၂၀၁၀ ရွေးကောက်ပွဲနောက်ပိုင်း လွှတ်တော်ထဲမှာ ဘာတွေလုပ်ပေးနိုင်ခဲ့တယ်၊ ဘာတွေ တောင်းဆိုပေးနိုင်ခဲ့တယ်၊ ဘာတွေတော့ ဆောင်ရွက်ပေးနိုင်ခဲ့တယ်ဆိုတာ ပြောစရာမှ မရှိတာပဲဆိုတာ ဖြစ်ပါတယ်။ သူရဲ့ အမိန့်တစ်ခုတည်းနဲ့ မှန်သည်မှားသည် ပြောခွင့်မရဘဲ ၂၀၁၀ ပြည့်နှစ် ရွေးကောက်ပွဲကို သပိတ်မှောက်ခဲ့ရတဲ့ အမျိုးသားဒီမိုကရေစီ အဖွဲ့ချုပ်က ကိုယ်စားလှယ်လောင်းတွေခမြာ သူတို့ဒေသတွေမှာ အပြောခံနေရတာကို ဘယ်လိုမှကို အခုထက်ထိ ပြန်မဖြေရှင်းနိုင်သေးပါဘူး။ ဒေါ်စုစကားကို သံယောင်လိုက်ပြီး ဒီအစိုးရက လုပ်ပေးတဲ့ ရွေးကောက်ပွဲတွေဟာ သန့်ရှင်းမျှတမှုမရှိဘူးတို့၊ လွှတ်တော်ထဲကို ရောက်သွားတဲ့ ကိုယ်စားလှယ်တွေဆိုတာလည်း လက်ညှိုးထောင်ခေါင်းညိတ်ပဲ လုပ်တတ်တဲ့လူတွေတို့၊ စတဲ့ စတဲ့ သူမပါရင် ဘယ်သူမှ မကောင်းဘူးဆိုတဲ့ မူနဲ့ ပြောခဲ့ဟောခဲ့ ကြေညာချက်တွေ အမျိုးမျိုး၊ ဝေဖန်ချက်တွေအဖုံဖုံ ထုတ်ခဲ့ပြီး အခုကျမှ ကြားဖြတ်ရွေးကောက်ပွဲမှာ နေရာအားလုံး မနိုင်နိုင်အောင် လိုက်ပြီး စည်းရုံးရ၊ ဟောပြောရ၊ မဲဆွယ်ရ လုပ်နေတာ ဘာကြောင့်လဲလို့ မေးလိုက်ချင်ပါတယ်။ နိုင်ငံအတွက် ကျွန်မတို့ကတော့ ဘာတွေ လုပ်ပေးခဲ့ပါတယ်၊ အခုဆက်ပြီး ဘာတွေလုပ်ပေးသွားပါမယ်လို့ သူဘာကြောင့် မပြောနိုင်ခဲ့သလဲ။ တကယ်ဆိုရင် သူဂုဏ်ယူစွာ ပြောသင့်တာတွေ အများကြီးရှိတာပဲ။ မြန်မာနိုင်ငံကို နိုင်ငံတကာ ခရီးသွားတွေ မလာအောင် ကျွန်မလုပ်နိုင်ခဲ့တယ်၊ နိုင်ငံတကာက စီးပွားရေးအရ အရေးယူပိတ်ဆို့မှုတွေ လုပ်ဖြစ်ခဲ့အောင် ကျွန်မဆောင်ရွက်နိုင်ခဲ့တယ်၊ နိုင်ငံတော်သမ္မတကြီးနဲ့ အမေရိကန်နိုင်ငံခြားရေးဝန်ကြီးတို့ တွေ့ဆုံဆွေးနွေးမှုမှာ မြန်မာနိုင်ငံကို သံအမတ်ကြီးအဆင့်နဲ့ ပြန်လည်ဆက်ဆံမယ်လို့ ပြောခဲ့ပေမယ့် ကျွန်မက ဆိုင်းငံ့ထားပါဦး၊ စောင့်ကြည့်ပါဦးလို့ ပြောထားတဲ့အတွက် အခုထက်ထိ မြန်မာနိုင်ငံဆိုင်ရာ အမေရိကန်သံအမတ်ကြီး မခန့်အပ်နိုင်သေးတာ၊ စတဲ့စတဲ့ အချက်တွေကို တကယ်ဆိုရင် ထည့်ပြောသင့်တယ်လို့ ကျွန်တော်ထင်တာပါပဲ။ ကျွန်တော်တို့နိုင်ငံရဲ့ စနစ်အတွက် ရွေးကောက်ပွဲတွေဟာ ဥပဒေပြုအမတ်တွေကိုပဲ ရွေးချယ်ပေးနိုင်တာ ဖြစ်ပါတယ်။ ဒါကို အခုအချိန်အထိ ဒေါ်စု သဲကွဲပုံ မရဘူးလို့ ကျွန်တော်ယူဆပါတယ်။
ကျွန်တော်ပြောခဲ့တဲ့ နံပါတ် (၄) အချက်ကတော့ ရှင်းပါတယ်ဗျာ။ နားထောင်နေတဲ့ မြန်မာတစ်ပြည်လုံးက လူတွေက ဒေါ်စုရဲ့ ဟောပြောမှုကို နားထောင်ပြီးတဲ့အခါမှာ ငါတို့တော့ ဘာတွေမျှော်လင့်နိုင်ပြီ၊ ငါတို့တော့ ဘာတွေမှာ စိတ်ချနိုင်ပြီ၊ ငါတို့အတွက် ဘာအခွင့်အရေးတွေ ရှိပါ့လား၊ ဒေါ်စုဟာ ဒါတွေကို ဆောင်ရွက်ပေးမှာ ဖြစ်တဲ့အတွက် ငါတို့အတွက်တော့ အဲဒီကိစ္စတွေမှာ ဒေါ်စုနဲ့ သူ့ပါတီကို အားကိုးရနိုင်တယ် စသည်ဖြင့် မျှော်လင့်စရာ တစ်ခုမျှ မတွေ့ရပါဘူး။ သူ့ဟောပြောမှုဟာ နေရာလွဲနေတယ် ထင်ပါရဲ့ဗျာ။ သူ့စကားကို မြေ၀ယ်မကျ မှန်မှန်မှားမှား တင်ပါ့ဘုရား လုပ်ကြမယ့် သူ့စီအီးစီတွေ၊ သူ့အမာခံတွေကို ပြောရမယ့် စကားတွေဗျ။ သာမန်လူတစ်ယောက်အနေနဲ့ ကျွန်တော်ပြောရမယ်ဆိုရင်တော့ ကြားဖြတ်ရွေးကောက်ပွဲမှာ ဒေါ်စုနဲ့ သူ့ပါတီက လူတွေကို မဲပေးသင့်ပါတယ် ဆိုတဲ့အချက် တစ်ချက်တစ်လေမျှ သူ့ဟောပြောမှုမှာ မပါဝင်ခဲ့ဘူးဗျ။ လက်ရှိ အုပ်ချုပ်ရေးတာဝန်၊ တရားစီရင်ရေးတာဝန်၊ ဥပဒေပြုရေးတာဝန်ကို ထမ်းဆောင်နေကြတဲ့ လူတွေကိုသာ မကျေမနပ် ပုတ်ခတ်ပြောသွားတယ်လို့ပဲ မှတ်ယူတယ်ဗျာ။ လောက်လောက်လားလား မှတ်သားစရာ မပါဘူး။ မဲပြာပုဆိုး ဆိုပါတော့ဗျာ။ အဲဒီခေတ်က လွန်ခဲ့တဲ့ ၃ နှစ်လောက်ကတည်းက ပြီးသွားခဲ့ပြီဗျ။
နံပါတ် (၅) အချက်မှာ သူလုပ်တာတွေနဲ့ သူ့အပြောတွေဟာ တစ်ခြားစီ ဖြစ်နေတယ်လို့ ကျွန်တော် ဆိုခဲ့ပါတယ်။ သူပြောတဲ့ သူ့ပါတီရဲ့ အဓိကရည်မှန်းချက် (၃) ခုဆိုတာကို လေ့လာကြည့်ရအောင်ပါ။
*** တရားဥပဒေစိုးမိုးရေးကို နံပါတ်တစ်နေရာမှာထားပြီး ပြောသွားခဲ့ပါတယ်။ အများကြီး မရှင်းပြလိုတော့ပါဘူး။ တစ်ခုပဲ မေးခွန်းလေး မေးပါမယ်။ အခုလတ်တလော သူသွားသမျှ ခရီးစဉ်တွေမှာ လိုက်ပါနေတဲ့ သူ့ဘေးက ပါတီဝင်တွေဟာ ဥပဒေနဲ့အညီ ဖြစ်ပါရဲ့လား၊ နေ့ခင်းကြောင်တောင်ကြီးမှာ ကားတွေကို မီးဖွင့်ပြီး မောင်းတာ၊ ကားဘေးမှာ မတ်တတ်တွေရပ်ပြီး တွဲခိုပြီးလိုက်တာ၊ ယာဉ်ကြောတွေ ပိတ်ဆို့ကုန်အောင် ဝေးလေးဝါးလေး လုပ်ကြတာ၊ ပတ်ဝန်းကျင် နားမခံသာအောင် ဟိုအော်ဒီအော် အော်ကြတာ၊ ဘယ်ကမှန်းမသိတဲ့ သင်္ဃန်းဝတ်တွေက လောကုတ္တရာနဲ့ လားလားမျှ မအပ်စပ်တဲ့ နဖူးစည်းတွေစည်းတာ၊ ကားမိုးပေါ်တက်ပြီး လက်သီးလက်မောင်း တန်းကြတာ၊ နဖူးတွေ၊ ပါးတွေမှာ တံဆိပ်စတစ်ကာတွေ ကပ်ကြတာ၊ ဆိုင်ကယ်တွေ တရုန်းရုန်း၊ ကားတွေတအုန်းအုန်းနဲ့ လမ်းပြောင်းပြန်မောင်းကြတာ၊ လမ်းဖြတ်သန်းခ ကောက်ခံတဲ့ဂိတ်တွေမှာ ဖြတ်သန်းခ မပေးဘဲ မင်းမဲ့စရိုက်ဆန်ဆန် ဖြတ်ချင်တိုင်း ဖြတ်ခဲ့ကြတာ၊ ဟွန်းတွေ နားမခံသာအောင် တီးခဲ့ကြတာ၊ မီးပွိုင့်တွေဘာတွေ နားမလည်ဘဲ NLD တံဆိပ်ပါတယ်ဆိုပြီး မီးနီကို ဖြတ်မောင်းတာ၊ အတင်းကာရော ဖြတ်ဝင်တာတွေကရော NLD အနေနဲ့ တရားဥပဒေစိုးမိုးရေးကို တစ်ဖက်တစ်လမ်းက ကူညီနေတာလားလို့ မေးချင်ပါတယ်။
*** နံပါတ်နှစ် အချက်ကတော့ ပြည်တွင်းငြိမ်းချမ်းရေး တဲ့ခင်ဗျ။ နားထောင်လို့တော့ အတော်ကောင်းသားနော်။ အခုအစိုးရကရော ပြည်တွင်းငြိမ်းချမ်းရေးကို မလုပ်ဘဲ နေနေလို့လားဗျာ။ ဘာကိစ္စ အလကားနေရင်း ပဏ္ဍာဝင်ယူချင်နေတယ်ဆိုတာ နားမလည်နိုင်ဘူး။ ဒေါ်စုကို တိုက်တွန်းချင်တာကတော့ ပြည်တွင်းငြိမ်းချမ်းရေး မလုပ်ပါနဲ့ဦး သူ့ပါတီတွင်း ငြိမ်းချမ်းရေးပဲ အရင်လုပ်စမ်းပါဦးဗျာ။၊ ဟိုပါတီဝင်တွေက မကျေနပ်၊ ဒီပါတီဝင်တွေက အမြင်မကြည်၊ ဟိုလူက ခွဲထွက်လိုက်၊ ဒီလူက စွန့်ခွာလိုက်နဲ့ သူ့ပါတီထဲက လူတွေကိုတောင် စည်းလုံးညီညွတ်အောင်၊ ငြိမ်းချမ်းအောင် မလုပ်နိုင်ဘဲနဲ့များ ပြည်တွင်းငြိမ်းချမ်းရေးလေး ဘာလေးနဲ့ ရထားတဲ့ ငြိမ်းချမ်းရေးနိုဘယ်လ်ဆုအတွက် ပိုက်ဆံသုံးလို့ကောင်းအောင် လျှောက်ပြောမနေစမ်းပါနဲ့။ အခြားနိုင်ငံက တကယ်စွမ်းစွမ်းတမံ ဆောင်ရွက်ပြီး ငြိမ်းချမ်းရေး နိုဘယ်လ်ဆု ရခဲ့တဲ့ လူတွေကိုတောင် အားနာဖို့ကောင်းတယ်။ ဒေါ်စုထက်စာရင် တောင်ကတုံးကို သျှောင်ထုံးနေတဲ့ ဦးအုန်းကို ငြိမ်းချမ်းရေး နိုဘယ်လ်ဆု ပေးတာကမှ အများကြီး အကျိုးရှိလိမ့်မယ် ထင်ပါရဲ့ဗျာ။ လက်နက်ကိုင် တိုင်းရင်းသားတွေကို ငြိမ်းချမ်းရေးရအောင် မစေ့စပ်၊ မဖြန်ဖြေပေးပါနဲ့၊ ကိုယ့်သွေးသား အရင်းအချာဖြစ်တဲ့ ဦးအောင်ဆန်းဦးနဲ့ပဲ ငြိမ်းချမ်းရေးရအောင်၊ ပြေလည်အောင်၊ ခွင့်လွှတ်အောင် အရင်လုပ်ပါဦးလို့ ပြောချင်တယ်ဗျာ။ သူတို့ မောင်နှမချင်းတောင် မတည့်တဲ့ကိစ္စကို ပြည်တွင်းငြိမ်းချမ်းရေးကို လုပ်ချင်သေးသတဲ့။ အံ့ရောဗျာ။
*** ဖွဲ့စည်းပုံအခြေခံဥပဒေကို ပြင်ဆင်ရေးဆိုတာကိုလည်း သူက တတိယအချက်အနေနဲ့ ပြောသွားသေးတာကိုး။ မသိတဲ့လူတွေကများ သူ့စကားကို အဟုတ်မှတ်ပြီး နားယောင်မိလို့ကတော့ မြတ်စွာဘုရား၊ တကယ့်ကို ငါးပါးမှောက်မယ့် ကိန်းပါပဲ။ ဖွဲ့စည်းပုံအခြေခံဥပဒေဆိုတာ ဒေါ်စုပြင်မှ၊ NLD ပြင်မှ ရမှာတဲ့လားဗျ။ ဒုက္ခပါပဲဗျာ။ မြန်မာပြည်သူပြည်သား အပေါင်းတို့ခင်ဗျား၊ ဖွဲ့စည်းပုံအခြေခံဥပဒေရဲ့ အခန်း (၁၂) ဟာ ဖွဲ့စည်းပုံအခြေခံဥပဒေ ပြင်ဆင်ခြင်း ဆိုတဲ့အခန်း ဖြစ်ပါတယ်ဗျာ။ ဥပဒေနဲ့အညီ လွှတ်တော်ထဲမှာ ဘယ်အချိန်မဆို၊ ဘယ်သူမဆို ပြင်နိုင်တဲ့ ပြဋ္ဌာန်းချက်တွေပါ။ ဒါကို မဟုတ်ကဟုတ်က ခုတုံးလုပ်ပြီး ဒေါ်စု နိုင်မှပဲ၊ သူ့ပါတီနိုင်မှပဲ ဖွဲ့စည်းပုံအခြေခံဥပဒေကို ပြင်ဆင်နိုင်မလိုလို လုပ်နေတာကတော့ တကယ့်ကို အပေါစားဆန်တယ်လို့ ကျွန်တော်မြင်ပါတယ်ခင်ဗျ။ ပြင်မယ်ပြင်မယ်သာ လူကြားကောင်းအောင် အော်နေတာ၊ ဘယ်အချိန် ပြင်မှာလဲဗျ၊ ဘယ်လိုပြင်မှာလဲဗျ၊ သေသေချာချာ ထည့်မပြောပါဘူးနော်။ ဒေါ်စု မေ့သွားတာ ထင်ပါရဲ့ဗျာ။ ကျွန်တော်ကပဲ အသေအချာ ပြောလိုက်ပါမယ်။ မြန်မာပြည်သူပြည်သား အပေါင်းတို့ခင်ဗျား၊ ဒေါ်စုနှင့် သူ့ပါတီဝင်များ ကြားဖြတ်ရွေးကောက်ပွဲမှာ ၄၈ နေရာလုံး နိုင်ခဲ့ရင်တောင် ဖွဲ့စည်းပုံအခြေခံဥပဒေကို ပြင်လို့ မရသေးကြောင်းပါခင်ဗျား။ ဘယ်အချိန်မှာများ ဖြစ်နိုင်မလဲလို့ ကျွန်တော့်ကို မေးလာမယ်ဆိုရင်တော့ အခုပုံစံအတိုင်းသာ ဒေါ်စုနှင့် NLD အချိုးမပြောင်းဘဲ ဆက်လုပ်နေလျှင်ဖြင့် ရွှေပြည်တော် မျှော်တိုင်းဝေး ဖြစ်နေဦးမည် ဖြစ်ကြောင်းပါခင်ဗျား။
ကျွန်တော့်ပို့စ်လည်း အတော်ကြီးကို ရှည်လျားနေပါပြီ။ သီးခြားပြောကြားလိုသည်များကို ပြောပါရစေ။ အထက်တွင် ပြောခဲ့သမျှသည် ဒေါ်စုကို ပုဂ္ဂိုလ်ရေးတိုက်ခိုက်မှုအရ ပြောခြင်းမဟုတ်ပါ။ သူလုပ်နေသည်များ တရားနည်းလမ်းမကျ၍၊ လက်ခံနိုင်စရာမရှိ၍ ဖြစ်ပါသည်။ နိုင်ငံရေးသမားဟူသည် အမြော်အမြင် ကြီးရသည်ဟု ကြားဖူး၊ ဖတ်ဖူး၊ မှတ်ဖူးပါသည်။ ဟုတ်ကဲ့၊ သူ့လိုမျိုး ကိုယ့်ကိုယ်ကိုယ် လူထုခေါင်းဆောင်ဟု ခံယူထားသူ တစ်ဦးဆိုလျှင် ထို့ထက်ပိုသင့်သည်ဟု ထင်ပါသည်။ အခုတော့ သူ့ပါတီအကျိုးတစ်ခုကိုသာ ရှေးရှုပြီး မပြောသင့်တွေပြော၊ မလုပ်သင့်တာတွေလုပ် ဖြစ်ချင်တိုင်းဖြစ်နေခြင်းသည် ကောင်းသောအလားအလာ မဟုတ်ပါ။ နိုင်ငံတော်သမ္မတကြီးနှင့် လွှတ်တော်ဥက္ကဋ္ဌများက မြန်မာ့ဒီမိုကရေစီလမ်းကြောင်းသည် ဘယ်တော့မှ နောက်ပြန်လှည့်တော့မှာ မဟုတ်ကြောင်း အတိအလင်း ပြောကြားထားကြပါသည်။ သို့သော် ဒေါ်စုကတော့ နောက်ကြောင်းပြန် လှည့်စေချင်ပုံ ရပါသည်။ သူလုပ်နေသမျှသည် နောက်ထပ် ၈၈ အရေးအခင်းတစ်ခု ဖြစ်စေချင်သလိုမျိုး သဘောဆောင်နေပါသည်။ လူထုတွေကို အုံကြွစေချင်သည့် လက္ခဏာတွေ မြင်နေရပါသည်။ လူထုကို သွေးဆူအောင် ဆွပေးနေသည်ဟု မြင်နေရပါသည်။ သူနှင့် သူ့ပါတီ၏ လုပ်ဆောင်ချက်၊ အားထုတ်မှု၊ သူကိုးကွယ်သည့် နိုင်ငံကြီးများ၏ ထောက်ခံမှု၊ ထောက်ပံ့မှု၊ အကူအညီ တစ်စုံတစ်ရာမပါဘဲ ယခုကဲ့သို့ မြန်မာဒီမိုကရေစီ ရေစီးကြောင်းကြီး အားကောင်းမောင်းသန် စီးဆင်းနေသည်ကို လိုလားပုံ၊ ကျေနပ်ပုံ မရပါ။ ထို့ကြောင့်လည်း ဦးသန်းညွန့်တို့၊ ဦးခင်မောင်ဆွေတို့ကို သူ့အနေဖြင့် မကျေနိုင်၊ မချမ်းနိုင် ဖြစ်နေပုံရပါသည်။ သေချာသည်ကတော့ ယနေ့လွှတ်တော်သည် ဒေါ်စုကြောင့်သော်လည်းကောင်း၊ NLD ကြောင့်သော်လည်းကောင်း၊ အမေရိကန်ကြောင့်သော်လည်းကောင်း၊ အီးယူကြောင့်သော်လည်းကောင်း ပေါ်ပေါက်လာခြင်း မဟုတ်ဆိုသည့်အချက် ဖြစ်ပါသည်။ ယခင် တပ်မတော်အစိုးရနှင့် မြန်မာပြည်သူအပေါင်း လက်တွဲညီညီဖြင့် လမ်းသစ်ထွင်ဖောက်ခဲ့ခြင်း၊ လျှောက်ခဲ့ခြင်း ဖြစ်ပါသည်။ မည်သည့်သွေးထွက်သံယိုမှုမျှ မရှိခဲ့ပါ၊ မည်သည့် ဆူပူမှုမျှ မဖြစ်ခဲ့ပါ၊ မည်သည့် အုံကြွမှုမျှ မပေါ်ပေါက်ခဲ့ပါ၊ သို့သော် ယနေ့အချိန်တွင် မည်မျှတာဝန်ကျေနေသည်ကို အားလုံးအသိ ဖြစ်ပါသည်။ အားလုံးအမြင် ဖြစ်ပါသည်။ အခြားမဏ္ဍိုင်များကို မပြောလိုသော်လည်း သေချာသည်ကတော့ ဥပဒေပြုရေး မဏ္ဍိုင်နှင့် အုပ်ချုပ်ရေးမဏ္ဍိုင်သည် သီးခြားစီရပ်တည်ပြီး အပြန်အလှန် ထိန်းကျောင်းနေပြီ ဆိုသည့်အချက် ဖြစ်ပါသည်။
ယနေ့ လွှတ်တော်အသီးသီးတွင် တပ်မတော်သားကိုယ်စားလှယ် ၂၅ ရာခိုင်နှုန်း ပါဝင်နေပါသည်။ အလကားနေရင်း ၀င်ထိုင်နေကြခြင်း မဟုတ်ပါ။ ဖွဲ့စည်းပုံအခြေခံဥပဒေနှင့်အညီ ပါဝင်ဆောင်ရွက်နေကြခြင်း ဖြစ်ပါသည်။ မြန်မာ့သမိုင်း လိုအပ်ချက်အရ ယခုအချိန်တွင် တပ်မတော်သားကိုယ်စားလှယ် ၂၅ % ပါဝင်ရန် လိုအပ်နေသေးသည်ဟု ယူဆပါသည်။ အမြဲတမ်းအတွက်တော့ ကျွန်တော် မဆိုချင်ပါ။ သင့်လျော်သည့် အချိန်ရောက်လျှင် တပ်မတော်သား ကိုယ်စားလှယ်တွေပါဝင်မှု ရပ်ဆိုင်းသွားမည်ဟု ယုံကြည်ပါသည်။ မည်သည့် တပ်မတော်ခေါင်းဆောင်ကမျှ လွှတ်တော်တွေထဲမှာ တပ်မတော်သား ကိုယ်စားလှယ်တွေ အမြဲတမ်းပါဝင်နေအောင် ကြိုးပမ်းမည်ဟု ပြောဆိုခြင်း မရှိပါ။ အခြေအနေနှင့် အချိန်အခါ လိုအပ်ချက်အရ တပ်မတော်သားတွေ ပါဝင်ရန် လိုအပ်နေသေး၍သာ ပါဝင်နေခြင်း ဖြစ်ပါသည်။ နောက်တစ်ချက်မှာ လွှတ်တော်ထဲတွင် ပါဝင်နေသည့် တပ်မတော်သားတွေသည် ဒီအတိုင်းဝင်ထိုင်ပြီး လက်ညှိုးထောင် ခေါင်းညိတ် လုပ်နေကြသူများ မဟုတ်ကြောင်းကို လွှတ်တော်မှတ်တမ်းများတွင် ဖတ်ရှုနိုင်ပါသည်။ ဒေါ်စုအနေဖြင့် လွှတ်တော်သတင်းများကို စိတ်ဝင်တစား နားထောင်ပုံမရ၊ လေ့လာပုံမရဟု ကျွန်တော်သုံးသပ်ပါသည်။ နိုင်ငံရေးလုပ်မည့် ပုဂ္ဂိုလ်တစ်ဦးသည် နိုင်ငံ့အရေး ဆောင်ရွက်နေသည်များကို စိတ်မ၀င်စားလျှင် ဘယ်အရာများကို စိတ်ဝင်စားနေပါသနည်း။ ဘီဘီစီက ဘာပြောသလဲ၊ ဗွီအိုအေက ဘာအော်နေသလဲ၊ အာအက်ဖ်အေက ဘာတွေဖွနေသလဲ၊ ဒီဗွီဘီမှာ ဘာတွေတက်နေသလဲ၊ ဧရာဝတီမှာ ဘာတွေအပုပ်ချထားသလဲ၊ စတဲ့စတဲ့ ဒါတွေကိုပဲ စိတ်ဝင်တစား ဖတ်နေသလား၊ နားထောင်နေသလား၊ သိချင်စမ်းလှပါသည်။ နိုင်ငံအတွက်၊ ပြည်သူတွေအတွက် အကျိုးရှိမည့် ဥပဒေမှန်သမျှတွင် တပ်မတော်သားတွေ ပါဝင်ဆွေးနွေးနေတာ၊ ထောက်ခံနေတာ၊ ပြောသင့်တာပြောနေတာ ဒေါ်စု မသိတာလား၊ မသိချင်ယောင် ဆောင်နေတာလား ဝေခွဲမရဖြစ်မိပါသည်။ နောက်ဆုံး ယုံကြည်ချက်ကြောင့် အကျဉ်းကျခံနေရတဲ့ အကျဉ်းသားတွေ လွှတ်ပေးဖို့ဆိုပြီး ဦးသိန်းညွန့်က အဆိုတင်သွင်းတာကိုပင် တပ်မတော်သားအားလုံးက ထောက်ခံပေးခဲ့တာ ဒေါ်စု မသိတာလား၊ မျက်မှန်စိမ်း တပ်ထားတာလား။ ကိုယ့်ဘာသာကိုယ်ပင် ဖြေကြည့်စေချင်ပါသည်။ ဒီနေ့အထိ ပြည်သူတွေအတွက် အကျိုးရှိမည့် ဥပဒေတွေ၊ အဆိုတွေကို တပ်မတော်သားတွေက ကန့်ကွက်လိုက်လို့ဆိုတာ မကြားဖူးသေးပါ။ ဒေါ်စုခင်ဗျား၊ NLD ကိုယ်စားလှယ်လောင်းတွေကို ဒေါ်စုရွေးတာထက် တပ်မတော်ခေါင်းဆောင်က သူ့ကိုယ်စားလှယ်တွေကို ရွေးချယ်တဲ့နေရာမှာ ပိုပြီးတော့ အလေးဂရုထားတယ်၊ စိစစ်တယ်ဆိုတာကို မမေ့စေလိုပါ။ တိုင်းပြည်နှင့် လူမျိုးအတွက် အသက်ကိုစွန့်ရန်ပင် သစ္စာပြုထားကြတဲ့ တပ်မတော်သားတွေဟာ လွှတ်တော်ထဲမှာ တိုင်းပြည်နဲ့ လူမျိုးအတွက် ကောင်းရာကောင်းကျိုး ပြုဖို့အတွက်ဆိုတာဖြင့် သံသယမြူမှုန်မျှ မထားသင့်ကြောင်း အကြံပြုလိုပါတယ်။
ကျွန်တော်တို့တွေအားလုံးက ဒေါ်စုကို အပြုသဘောဆောင်တဲ့၊ တိုင်းပြည်နဲ့လူမျိုးအတွက် ကောင်းရာကောင်းကျိုးတွေကို ဆောင်ကြဉ်းပေးမယ့် အတိုက်အခံကောင်းအဖြစ် မျှော်လင့်ခဲ့ကြတာပါ။ အခုတော့ ဒေါ်စုနဲ့ သူ့ပါတီဟာ လက်ရှိအစိုးရ ဘာလုပ်လုပ် ကန့်ကွက်မယ်၊ ဝေဖန်မယ်၊ ပုတ်ခတ်မယ်၊ ထိပါးမယ်၊ ရန်စမယ်၊ NLD ကလွဲရင် အခြားပါတီတွေဟာ ဒီမိုကရေစီပါတီစစ်စစ်တွေ မဟုတ်ကြဘူး၊ အခွင့်အရေးသမားတွေ စတဲ့စတဲ့ အဆိုးမြင်မှုတွေနဲ့ တကယ့်ကို မကောင်းမြင် အတိုက်အခံ ဖြစ်နေတာကို တွေ့ရပါတယ်။ သူများကို ဝေဖန်တယ်ဆိုတာ သိပ်လွယ်တာပေါ့ဗျာ။ ဘယ်လိုကောင်းအောင် လုပ်သင့်တယ်ဆိုတဲ့ နည်းလမ်းနဲ့တကွ အကြံဉာဏ်ပေးတာကသာ ခက်တာကိုးခင်ဗျ။ ကျွန်မဆိုရင်တော့ ဘယ်လိုလေး လုပ်လိုက်ပါမယ်လို့၊ ဘယ်လိုနည်းလမ်းဆိုရင်ဖြင့် ပြည်သူတွေအတွက် ပိုပြီးတော့ အကျိုးရှိပါမယ်လို့ ဒေါ်စု ဘယ်နှခါများ ပြောဖူးပါသလဲ။ အားလုံးကို သိမ်းကျုံးပြီး ငါကလွဲရင် ငါ့ရန်သူလို့ မကောင်းမြင်နေရင်တော့ ဒေါ်စုဟာ ခေတ်သစ်ဒီမိုကရေစီအာဏာရှင် ဖြစ်လာတော့မှာ မလွဲဧကန် ဖြစ်ပါကြောင်း သတိပေးရေးသားလိုက်ရပါတယ်။
အမြင်မတူတာတွေ၊ ခံစားချက်မတူတာတွေ ရှိခဲ့လျှင်လည်း လွတ်လွတ်လပ်လပ် ဝေဖန်နိုင်ပါတယ်။ ထောက်ပြနိုင်ပါတယ်။ ကျွန်တော်သည်လည်း ပြည့်စုံသူတစ်ဦး မဟုတ်တဲ့အတွက် အမှားတွေ တွေးမိကောင်း တွေးမိနိုင်ပါတယ်၊ အမှားတွေ ရေးမိကောင်း ရေးမိနိုင်ပါတယ်။ မြန်မာ့သွေးမိတ်ဆွေအပေါင်းက ထောက်ပြ ဝေဖန် အကြံပြုကြပါရန်လည်း တောင်းပန်လိုပါတယ်။
အင်း၊ ပြောသာပြောရတယ်၊ ကျွန်တော်ကိုဉာဏ်လို ဘာမဟုတ်၊ ညာမဟုတ် လူတစ်ယောက်က အန်တီစုလို လူထုခေါင်းဆောင်ဆိုတဲ့သူကို ဝေဖန်ရတာတော့ နည်းနည်းတော့ ခပ်လန့်လန့်ခင်ဗျ။ ဒါပေမယ့် တတ်နိုင်ဘူးလေ၊ ဆိုရေးရှိက ဆိုအပ်လှ၏ ဆိုတဲ့စကားလည်း ရှိတယ်မဟုတ်လား။ ပြောခဲ့တာတွေလည်း ပြောပြီးပြီဆိုတော့ ပြည်သူ့ခေတ်ဂျာနယ် အတွဲ ၂၊ အမှတ် ၈၆ က ကာတွန်းလေးတစ်ကွက်နဲ့ နိဂုံးချုပ်ပါရစေ။ တွေးဆဆင်ခြင် ပြုံးပျော်ရွှင်နိုင်ကြပါစေဗျာ။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ မတ်လ ၁၇ ရက်၊ စနေနေ့။
မွန်းလွဲ ၁ နာရီ ၅ မိနစ်တွင်ပြီး၏။
No comments:
Post a Comment