Friday, May 18, 2012

တိုင်းပြည်စည်ပင်ရာ အကြောင်း ၁၀ ပါး


၁။ နေလဂြိုဟ်သွားမှန်သည်။
၂။ မိုးမှန်စွာရွာသည်။
၃။ မြေသြဇာရှိ၍ အသီးကောင်းသည်။
၎။ သစ်ကျားစသော အန္တရာယ်မရှိသည်။
၅။ မုဒိန်းတန္တငြိမ်းသည်။
၆။ စစ်မက်မရှိသည်။
၇။ အချင်းချင်း မညှင်းဆဲသည်။
၈။ တရားဖြောင့်သည်။
၉။ ရတနာသုံးပါးကို ရိုသေကြသည်။
၁၀။ ရဟန်းတို့ သာသနာတော်ကို စောင့်သည်။

စာတွေပြန်ရှာဖတ်ရင်းနဲ့ တွေးနေမိတဲ့ အကြောင်းအချက်လေးတွေပါ။ ဘာမှမဟုတ်တဲ့ မဖြစ်ညစ်ကျယ်ဉာဏ်လေးနဲ့ အချို့အချက်တွေကို သဘောမတူချင်ပေမယ့် အားလုံးနီးပါးက အခုအချိန်အထိ မှန်ကန်နေဆဲဆိုတာ တွေ့ရတယ်။ ရှေးပညာရှိတွေရဲ့ ဉာဏ်ကြီးရင့်မှုကို အံ့သြမဆုံး ဖြစ်ရတယ်။ သဘာဝနက္ခတ်ပါတယ်၊ ရာသီဥတုပါတယ်၊ သဘာဝပတ်ဝန်းကျင်ပါတယ်၊ ရဟန်းရှင်လူတွေပါတယ် စသည်ဖြင့်ပေါ့လေ။ ဆက်တွေးမိတော့ အခုလက်ရှိ ကျွန်တော်တို့နိုင်ငံရော အဲဒီအချက် ၁၀ ချက်ထဲက ဘယ်နှချက်နဲ့များ ညီညွတ်နေပြီလဲလို့ တွေးမိတယ်။ ဟူး ဆိုတဲ့ သက်ပြင်းတစ်ခု ချမိတယ်။ ဘာကြောင့်လဲ။ ကျွန်တော့်နိုင်ငံကို စည်ပင်စေချင်တာကိုး၊ ဖွံ့ဖြိုးစေချင်တာကိုး၊ တိုးတက်စေချင်တာကိုး။ သေချာတာကတော့ တိုင်းပြည်စည်ပင်ဖို့အတွက် တစ်ဦးတစ်ယောက်၊ တစ်ဖွဲ့တစ်ပါတီကသာ ဆောင်ရွက်နိုင်တာမဟုတ်ဘူးလို့ ဆက်တွေးမိတယ်။ ကိုယ့်တာကို ကိုယ်လုံအောင် စောင့်ကြလျှင်ဖြင့် ...................။

အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ မေလ ၁၈ ရက်၊ သောကြာနေ့။
နံနက် ၁ နာရီ ၃၃ မိနစ်။

No comments:

Post a Comment

 
Web Statistics