နိုင်ငံတော်ဒူးမား (ပါလီမန်) ရွေးကောက်ပွဲ ကျင်းပသည့်နေ့။
အီဗန်နော့သည် သွားနေကျ နိဗ္ဗာန်တံခါး ဘီယာဘားရှေ့တွင် သူငယ်ချင်းဖြစ်သူ အင်ဒရေကို စောင့်သည်။
ကြာကြာမစောင့်ရ၊ ငါးမိနစ်အတွင်း အင်ဒရေ ရောက်လာသည်။ ရောက်လာသည်နှင့် နီကိုလိုင်က မေးသည်။
"ဟေ့ အင်ဒရေ၊ မင်း ဘယ်ပါတီကို မဲထည့်လိုက်သလဲကွ"
"ဘာဖြစ်လို့ သိချင်ရတာလဲ" စိုးရိမ်သံဖြင့် အင်ဒရေ ပြန်မေးသည်။
"ဟ.... တစ်ပါတီထဲကို မင်းရောငါပါ မဲထည့်ခဲ့တယ်ဆိုရင် တို့နှစ်ယောက် သူငယ်ချင်းအဖြစ်နဲ့ ဆက်ပြီး ပေါင်းနိုင်ကြတာပေါ့ကွ၊ အေး... မဲထည့်တာချင်း မတူဘူးဆိုရင်တော့ သူငယ်ချင်းဖြစ်ပေမယ့် သူသေကိုယ်သေ ထိုးကြိတ်ကြတဲ့ အဆင့်အထိတောင် ရောက်နိုင်တယ်ဆိုတာ မင်းကြားဖူးသားပဲ၊ ကိုင်း.. ပြော၊ ဘယ်ပါတီကို မဲပေးခဲ့သလဲ"
"မင်းကကော ဘယ်ပါတီကို မဲပေးခဲ့သလဲ"
"ဟေ့... မင်းကို ငါက အရင်မေးတာပါကွ"
"အဲဒါဘာဖြစ်လဲ၊ အရင်မေးတဲ့လူ အရင်ဖြေစတမ်း"
အနည်းငယ်စဉ်းစားပြီးနောက် နီကိုလိုင်ဖြေသည်။
"ငါတို့ဘက်က ရပ်တဲ့ပါတီကို မဲပေးလိုက်တယ်"
"ငါလည်း ငါတို့ဘက်က ရပ်တဲ့ပါတီကို မဲထည့်လိုက်တယ်။ ဒါနဲ့ မင်းတို့ဘက်က ရပ်တဲ့ပါတီဆိုတာဟာ ဘာပါတီလဲကွ"
"မင်းတို့ဘက်က ရပ်တဲ့ပါတီကရော... အခု မင်းဖြေရမယ့်အလှည့်"
"ဟဲဟဲ၊ မင်း အတော်ပါးတဲ့အကောင်။ ငါဖြေလိုက်ပါပြီတဲ့၊ ပါတီချင်း မတူဘူးဆိုပြီး မင်းငါ့ကို ထိုးမယ်ပေါ့လေ ဟုတ်လား၊ ဒီလိုတော့ မရဘူး၊ တကယ်တမ်းပြောရရင် လျှို့ဝှက်မဲပေးကြတာကွ၊ တို့နှစ်ယောက်စလုံး ထုတ်ပြောပိုင်ခွင့် မရှိဘူး"
နီကိုလိုင် စောဒကတက်သည်။
"အင်မတန်ချစ်ကြတဲ့ သူငယ်ချင်းတွေကြားမှာ လျှို့ဝှက်ချက်ဆိုတာ မရှိသင့်ပါဘူးကွ၊ မင်းမဲပေးလိုက်တဲ့ပါတီဟာ ငါထောက်ခံတဲ့ ပါတီ ဖြစ်ချင်ဖြစ်နေမှာပေါ့ကွ၊ ပြောကွာ"
အင်ဒရေ့ဆီက ဘာသံမှထွက်မလာ၊ ဒီမေးခွန်းကိုတော့ ဘယ်နည်းနဲ့မျှ မဖြေဟု ဆုံးဖြတ်ထားသည့်ပုံ။ သို့နှင့် နီကိုလိုင် တစ်မျိုးလှည့်ပြီး ပြောသည်။
"ဒီလိုလုပ်၊ ဗြောင်ပြောရမှာ ခက်နေရင် အရိပ်အမြွက်နဲ့ ပြောကွာ၊ ကိုင်း... မင်းရဲ့လူတွေဟာ အခြေအနေ တည်ငြိမ်ရေးကို လိုလားသလား၊ ဆန့်ကျင်သလား"
"အရမ်းလိုလားတယ်"
"ဟုတ်ပြီ။ ငါ့လူတွေလည်း ထောက်ခံတဲ့ဘက်ကပဲ၊ လာဘ်စားမှု တိုက်ဖျက်ရေးကိစ္စကျတော့ရောကွာ၊ မင်းရဲ့ ပါတီက ဒီထက်ပိုပြီး အရှိန်မြှင့်တိုက်ပွဲဝင်ရေးကို နှိုးဆော်သလား"
"ပြတ်ပြတ်သားသား တိုက်ဖို့ ပြောတယ်"
"ဟေ့ ငါ့လူတွေလည်း အမြစ်ပြတ်အောင် ဖြတ်ချင်သကွ"
"ရပ်တည်ချက်ချင်း အင်မတန်နီးစပ်တာပဲ၊ ဒါနဲ့ မင်းရဲ့ ပုဂ္ဂိုလ်တွေ အလုပ်လက်မဲ့ဦးရေ ကျဆင်းရေးအတွက် ဆန္ဒ ပြင်းပြကြသလား"
"ဟာ... သိပ်ကျဆင်းစေချင်တာပေါ့"
"ရာခိုင်နှုန်း ဘယ်လောက်အထိကျအောင် လုပ်မတဲ့လဲ"
"၂ ရာခိုင်နှုန်း"
"ငါ့ပါတီကတော့ ၁ ဒသမ ၉၅ ရာခိုင်နှုန်း၊ ဘာပဲဖြစ်ဖြစ် ထပ်တူနီးပါးပါပဲ၊ နေဦး၊ ဒုစရိုက်ဂိုဏ်းတွေ ချေမှုန်းရေးနဲ့ပတ်သက်ပြီး မင်းလူတွေ ဘာပြောလဲ"
"ရှိသမျှအင်အားကို အသုံးပြုပြီး တိုက်ပွဲဝင်ဖို့ ဆော်သြတယ်။ မင်းလူတွေကရော"
"မနိုင်မချင်း တိုက်မယ်ကွ၊ ဒါနဲ့ ၀န်ထမ်းတွေ အခုရင်ဆိုင်နေရတဲ့ လခ မှန်မှန်မရတဲ့ ပြဿနာကို ဖြေရှင်းဖို့ မင်းလူတွေ အချိန်ဘယ်လောက် ယူမတဲ့လဲ"
"သုံးလ"
"ငါ့ပါတီကလည်း သုံးလထက် ပိုမကြာစေရပါဘူးတဲ့ကွ"
"ဟေ့၊ အဲဒါဆို မင်းနဲ့ငါ တစ်ပါတီထဲကို အတူတူ မဲထည့်လိုက်တဲ့ သဘောပေါ့"
"ငါ... ဒီအတိုင်း ဖြစ်လိမ့်မယ်လို့ ထင်ထားတာပါ။ တို့ နှစ်ယောက်ဟာ သူငယ်ချင်းတွေ မဟုတ်လားကွ၊ ကိုင်း... အခုပြောတော့ မင်း မဲပေးလိုက်တဲ့ ပါတီရဲ့နာမည်"
"ငါ ပြောပြီးသားပဲ၊ မင်း အရင်ပြော"
အင်ဒရေ စိတ်တိုချင်သလို ဖြစ်လာသည်။
"တော်တော်ခက်ပါလား၊ ဒီရွေးကောက်ပွဲကိစ္စကို မင်း ဘာဖြစ်လို့ ရေးကြီးခွင်ကျယ် လုပ်နေရတာလဲ၊ ကောင်းပြီ၊ မင်းဒီလောက်တောင် သိချင်နေရင် ငါပြောမယ်။ ငါ ဘယ်ပါတီကိုမှ မဲမထည့်ခဲ့ဘူး"
"မလိမ်နဲ့"
"ဘုရားစူးရစေရဲ့၊ မဲရုံကို ငါမရောက်ခဲ့ဘူး၊ ကိုင်း၊ မင်း စိတ်ချလက်ချ ပြောလို့ရပြီ၊ မင်းကို ငါ လက်ဖျားနဲ့တောင် မတို့ဘူး။ မင်း ဘယ်ပါတီကို မဲပေးခဲ့သလဲ။ ရဲရဲပြောစမ်းပါ"
"အင်း၊ ငါလည်း မင်းလိုပါပဲ၊ ဘယ်ပါတီကိုမှ မဲမပေးခဲ့ပါဘူးကွာ"
အင်ဒရေ၏မျက်နှာ ၀င်းလက်သွားသည်။
"ဟေ့... မဲထည့်တာချင်း မတူမှာကို မင်း စိုးရိမ်ခဲ့တယ်။ အခု တွေ့တယ်မဟုတ်လား၊ မင်းရောငါပါ တစ်ထပ်တည်း ဆန္ဒပြုခဲ့ကြတယ်။ အဲလေ.. ဘယ်သူမှ ဆန္ဒမပြုခဲ့ကြဘူး"
နီကိုလိုင်လည်း ၀မ်းသာသံဖြင့် ပြန်ပြောသည်။
"ဒီလိုပဲ ဖြစ်ရမှာပေါ့။ မင်းနဲ့ငါဟာ အချစ်ဆုံး သူငယ်ချင်းတွေမဟုတ်လား။ ကြည်နူးစရာကောင်းတဲ့ အခုလို သဘောထားချင်း တိုက်ဆိုင်မှုရဲ့ အထိမ်းအမှတ်အဖြစ်နဲ့ ပွဲကလေးတစ်ပွဲ ကျင်းပရအောင်၊ ကိုင်း... လာ၊ ဘားထဲဝင်ကြမယ်"
[မောင်ကောင်းထိုက် (နှီးပဒေါ) ၏ အပြုံးလက်ဆောင် စာအုပ်မှ ပြန်လည်ကူးယူဖော်ပြပါသည်]
No comments:
Post a Comment