လတ်တလော ကျွန်တော်စိတ်ဝင်စားသော သတင်းများ

( က )

နိုင်ငံ့ဝန်ထမ်းတွေရဲ့ လစာကို ကျပ် ၂ သောင်းစီ တိုးပေးမယ့်အကြောင်း ဘဏ္ဍာ/အခွန် ပြည်ထောင်စုဝန်ကြီးက ပြောကြားခဲ့တဲ့ကိစ္စ။ ၂၀၁၃-၂၀၁၄ ဘဏ္ဍာရေးနှစ်တွင် တိုးမှာဖြစ်တဲ့အတွက် လာမည့် ဧပြီလမှ လစာနှုန်းထားသစ်များကို ခံစားရရှိမှာ ဖြစ်ပါတယ်။ ၀မ်းသာရမှာလား၊ စိုးရိမ်ရမှာလား ကုန်ဈေးနှုန်းရယ်...။ :D

( ခ )
ချန်ပီယံလိဂ် ကွာတားဖိုင်နယ်ပွဲစဉ်တွေ မဲနှိုက်ပြီးသွားပြီ။ အိပ်ရေးပျက်မယ့်ရက်တွေ များဦးမှာပေါ့လေ။
၁။ မာလာဂါ (စပိန်)            နှင့်      ဒေါ့မွန် (ဂျာမနီ)
၂။ ရီးရဲလ်မက်ဒရစ် (စပိန်)    နှင့်      ဂါလာတာစာရေး (တူရကီ)
၃။ ပီအက်(စ်)ဂျီ (ပြင်သစ်)    နှင့်      ဘာစီလိုနာ (စပိန်)
၎။ ဘိုင်ယန်မြူးနစ် (ဂျာမနီ)  နှင့်       ဂျူဗင်တပ်(စ်) (အီတလီ)

( ဂ )
ယူရိုပါလိဂ် ကွာတားဖိုင်နယ်ပွဲစဉ်တွေ မဲနှိုက်ပြီးသွားပြီ။
၁။ ချဲလ်ဆီး (အင်္ဂလန်)      နှင့်     ရူဘင်ကာဇန် (ရုရှား)
၂။ စပါးစ် (အင်္ဂလန်)         နှင့်     ဘေဆယ် (ဆွစ်ဇာလန်)
၃။ ဖီနာဘာချီ (တူရကီ)     နှင့်     လာဇီယို (အီတလီ)
၎။ ဘင်ဖီကာ (ပေါ်တူဂီ)    နှင့်     နယူးကာဆယ် (အင်္ဂလန်)

(ဃ)

မြန်မာဘောလုံးအသင်း (အမျိုးသား) မတ်လအတွက် ဖီဖာရဲ့အဆင့်သတ်မှတ်ချက် အံ့သြလောက်အောင် တက်လာတယ်။ ယုံနိုင်စရာတောင် မရှိဘူး။ အရှေ့တောင်အာရှနိုင်ငံတွေထဲမှာ စတုတ္ထဖြစ်လာတယ်။ အံ့ရောပဲ။ (ရှေ့ကနံပါတ်တွေက အရှေ့တောင်အာရှ အဆင့်ဖြစ်ပြီး ကွင်းစကွင်းပိတ်ထဲက နံပါတ်တွေကတော့ ကမ္ဘာ့အဆင့်တွေပါ) မြန်မာအသင်းကို အားပေးရတာများ.. တကယ်ပါပဲ... ဖီဖာရဲ့အဆင့် အခုလို ခုန်တက်လာတာကိုတောင် ရဲရဲကြီး မပျော်ရဲတဲ့ဘ၀။ ငါတို့အသင်းက အဲဒီလောက် ဟုတ်မှဟုတ်ရဲ့လား ဆိုတဲ့စိတ်က အလိုလို ပေါ်ပေါ်လာတာ အတော်ခက်တယ်။

၁။ ဗီယက်နမ်         (၁၂၉)
၂။ ထိုင်း               (၁၃၅)
၃။ ဖိလစ်ပိုင်          (၁၄၅)
၎။ မြန်မာ             (၁၅၅)
၅။ စင်ကာပူ          (၁၆၂)
၆။ မလေးရှား         (၁၆၄)
၇။အင်ဒိုနီးရှား        (၁၆၆)
၈။ လာအို             (၁၆၈)
၉။ ကမ္ဘောဒီးယား    (၁၈၅)
၁၀။ ဘရူနိုင်း         (၁၈၆)
၁၁။ အရှေ့တီမော  (၁၈၆)

( င )

လက်ပံတောင်းတောင်စုံစမ်းစစ်ဆေးရေးကော်မရှင်ရဲ့ အစီရင်ခံစာနဲ့ပတ်သက်လို့ ဆန္ဒပြမှုတွေ၊ ကန့်ကွက်မှုတွေရဲ့ နောက်ကွယ်မှာ ကြိုးကိုင်သူရှိတယ်လို့ သတင်းထွက်လာတဲ့ကိစ္စ။ အသံဖိုင်ကို နားထောင်ကြည့်ရင် ဆက်တွေးစရာတွေ အများကြီး။ ဒီနေရာမှာ နားထောင်ပါ။
https://soundcloud.com/htut-naung/hf7qiwzgikmj

( စ )

၁၅-၃-၂၀၁၃ (သောကြာနေ့) ပြည်သူ့လွှတ်တော် ဆဋ္ဌမပုံမှန်အစည်းအဝေး၊ ၂၈ ရက်မြောက်နေ့မှာ ၂၀၀၈ ခုနှစ် ဖွဲ့စည်းပုံအခြေခံဥပဒေကို လေ့လာသုံးသပ်ရေးကော်မတီ၊ ကော်မရှင်များ ဖွဲ့စည်းဆောင်ရွက်ရေးအတွက် ပြည်သူ့လွှတ်တော်နှင့် ပြည်ထောင်စုလွှတ်တော်သို့ တိုက်တွန်းကြောင်း အရေးကြီးအဆိုကို သူရဦးအေးမြင့် (၀က်လက်မဲဆန္ဒနယ်) က တင်သွင်းခဲ့တာ ပြည်သူ့လွှတ်တော်က ကန့်ကွက်သူမရှိ အတည်ပြုခဲ့ပါတယ်။ ဘာတွေဆက်လုပ်ကြမှာလဲ... စောင့်ကြည့်ရသေးတာပ။ မြန်မာ့နိုင်ငံရေးဟာ အတော်လေးတော့ စိတ်ဝင်စားဖို့ ကောင်းလာတာ တွေ့ရပါတယ်။ မီဒီယာတွေက ပြောတော့လည်း မကြိုက်ဘူး။ ကိုယ်ရေးတာကိုယ် ပြန်ဖတ်ရဲ့လားတောင် သံသယဖြစ်မိတယ်။ ဖွဲ့စည်းပုံ အခြေခံဥပဒေကို ပြင်ဆင်တော့မည်တို့၊ ဖွဲ့စည်းပုံအခြေခံဥပဒေကိုပြင်ဖို့ ပြည်သူ့လွှတ်တော်က သဘောတူပြီတို့၊ ဖွဲ့စည်းပုံပြင်ဆင်ရေးအတွက် ကော်မတီ၊ ကော်မရှင်များ ဖွဲ့စည်းမည် စတဲ့စတဲ့ မဟုတ်တမ်းတရားတွေနဲ့ စာဖတ်သူတွေကို အယူမှားတွေ ဖြစ်အောင် လုပ်ကြပါတယ်။ စာဖတ်သူတွေထဲမှာ ဖတ်သမျှကို မှန်၏မှား၏၊ ဖြစ်နိုင်၏မဖြစ်နိုင်၏ ကိုယ့်ဘာသာကိုယ် ဝေဖန်ပိုင်းခြား ဆင်ခြင်နိုင်တဲ့လူ ရှိသလို မီဒီယာဆိုတာ ငါတို့ထက် သိတာပဲ၊ သူတို့က အသက်မွေးဝမ်းကျောင်း အနေနဲ့ လုပ်ကိုင်နေကြတာပဲလို့ မျက်စိမှိတ်ပြီး ယုံကြည်သူတွေလည်း ရှိပါတယ်။ ပြောရမယ်ဆိုရင် အဲဒီလို လူတွေကတောင် ပိုများပါသေးတယ်။ ဖွဲ့စည်းပုံအခြေခံဥပဒေ ဘယ်လိုပြင်ရမယ်ဆိုတာ စာဖတ်သူကို အသိပညာ မပေးဘဲ မဖြစ်နိုင်တဲ့ ကိစ္စရပ်တစ်ခုကို အတင်းပုံသွင်းပြီး လှုံ့ဆော်နေတာမျိုးကတော့ မီဒီယာ မပီသဘူးလို့ ထင်မြင်မိတာပါပဲ။

(ဆ)

ဧပြီလ ၁ ရက်နေ့မှာ GSM ဆင်းကတ်တစ်ခုကို ၂၀၀၀ ကျပ်၊ WCDMA ဆင်းကတ်တစ်ခုကို ၅၀၀၀ ကျပ် နှုန်းနဲ့ ရောင်းချပေးသွားမှာ ဖြစ်တယ်လို့ ဆက်သွယ်ရေး ဒုတိယ၀န်ကြီးက ပြောခဲ့တယ်လို့ သတင်းတွေ လှိုင်နေပါရောလား။ ဦးစိုးသိန်းလိုမျိုး အခုတစ်မျိုး၊ တော်ကြာတစ်မျိုး ထပ်မဖြစ်ပါစေနဲ့လို့ မြန်မာပြည်သူတွေ အားလုံးရဲ့ကိုယ်စား ဆန္ဒပြုလိုက်ပါတယ်။ April Fool မဟုတ်ဘဲ တကယ်ပဲ အဲဒီဈေးနဲ့ ရောင်းတော့မှာဆိုရင်တော့ Welcome ပါလို့ ပြောလိုက်ပါရစေဗျာ။ ကျေးဇူးတော့ အတင်မခံချင်နဲ့ဗျာ။ ဒါ ကျေးဇူးအတင်ခံချင်စိတ် မွေးရမယ့် ကိစ္စမဟုတ်ဘူး။ အခုမှ လုပ်ပေးနိုင်တာ၊ ရောင်းပေးနိုင်တာကို ရှက်တောင် ရှက်ရမယ့်ကိစ္စ။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ မတ်လ ၁၅ ရက်၊ သောကြာနေ့။

ည ၁၁ နာရီ ၄၅ မိနစ်တွင်ပြီး၏။