Thursday, March 28, 2013

ရယ်စရာ၊ ပြုံးစရာ၊ တွေးစရာ ဟာသများ


(၁)
အမေရိကန်ပြည်ထောင်စုရဲ့ အခြေခံဥပဒေ ရေးဆွဲဖို့ ၁၇၈၇ ခုနှစ်မှာ ဂျော့ဝါရှင်တန်ခေါင်းဆောင်ပြီး အစည်းအဝေးတစ်ခုကို ကျင်းပခဲ့တယ်။ အဲဒီ သမိုင်းတွင်တဲ့ အစည်းအဝေးမှာ ၀ါရှင်တန် စကားများများ မပြောဘူး။ ရေငုံနှုတ်ပိတ် နေတာများတယ်။ ဒါပေမယ့် တစ်ယောက်ကစပြီး အမေရိကန်စစ်တပ်ရဲ့ စစ်သားဦးရေကို ၅၀၀၀ သာ ကန့်သတ်ထားကြောင်း အခြေခံဥပဒေထဲမှာ ထည့်သွင်းရေးဆွဲဖို့ အကြံပေးတယ်။ ဒီမှာတင် ၀ါရှင်တန် ရေငုံနှုတ်ပိတ် မနေနိုင်တော့ဘူး။
ဒီလိုဆိုရင် ဘယ်နိုင်ငံခြား တိုင်းပြည်ကမျှ ကျွန်ုပ်တို့ အမေရိကန်ပြည်ထောင်စုကို စစ်သားအင်အား ၃၀၀၀ ထက်ပိုသော စစ်တပ်ဖြင့် မကျူးကျော်၊ မတိုက်ခိုက်ရ ဆိုတဲ့အချက်ကိုပါ အခြေခံဥပဒေထဲမှာ ရေးထည့်လိုက်ပါ။
လို့ ဒေါမာန်ပါပါ ထပြောချပစ်လိုက်လေရဲ့။

(၂)
လင်ကွန်းရဲ့ အကြံပေးပုဂ္ဂိုလ်တချို့က ကျွန်အားလုံး လွတ်လပ်ကြပြီလို့ ပြောပြတဲ့ ကြေညာချက်တစ်စောင် ထုတ်ပြန်ဖို့ တိုက်တွန်းပြောဆိုကြတယ်။ ဒီတော့ သမ္မတလင်ကွန်းက သူတို့ လွတ်လပ်ကြပြီလို့ ပြောရုံနဲ့တော့ သူတို့ကို လွတ်လပ်သွားအောင် ဖန်တီးပြုလုပ်ပေးရာ မကျပါဘူး လို့ တုံ့ပြန်ပြောဆိုလိုက်တယ်။ လင်ကွန်းက ဆက်ပြီး ဥပမာထုတ်ပြန်တယ်။
သိုးတစ်ကောင်ရဲ့အမြီးကို ခင်ဗျားတို့က ခြေထောက်တစ်ချောင်းလို့ ခေါ်မယ်ဆိုရင် သိုးမှာ ခြေထောက် ဘယ်နှချောင်း ရှိမလဲ။
ငါးချောင်း ရှိမှာပေါ့။
မဟုတ်ဘူး။ သိုးတစ်ကောင်မှာ ခြေထောက် လေးချောင်းပဲ ရှိတယ်။ အမြီးတစ်ချောင်းကို ခြေထောက်ပါလို့ ပြောရုံနဲ့ အဲဒီအမြီးတစ်ချောင်းက ခြေထောက် ဖြစ်မသွားဘူးလေ။

(၃)
၁၉၂၉ ခုနှစ် သမ္မတရွေးကောက်ပွဲအတွက် မဲဆွယ်တရားပွဲများ စတင်ချိန်မှာ သမ္မတကူးလစ် (အမေရိကန်ပြည်ထောင်စု၏ ၃၀ ဦးမြောက် သမ္မတ) ကို နောက်တစ်ကြိမ် အရွေးခံဖို့ အစီအစဉ်ရှိမရှိ မေးကြတယ်။
ပြန်အရွေးခံဖို့လမ်းကို ကျုပ်မရွေးဘူး။
သတင်းထောက်တစ်ယောက်ကလည်း ပထမအမေးသဘောဆောင်တဲ့ မေးခွန်းတစ်ခုကို မေးပါတယ်။
မစ္စတာကူးလစ်ခင်ဗျား၊ ခင်ဗျားအနေနဲ့ နောက်ထပ် သမ္မတ မဖြစ်ချင်ဘူးလား။
မဖြစ်ချင်ပါဘူး။ တိုးတက်ဖို့ အခွင့်အလမ်း ဘာမျှမရှိဘူး။
လို့ သမ္မတက ဖြေလိုက်လေရဲ့။

(၄)
သမ္မတ ထရူးမင်းက ပြောတယ်။
လက်တစ်ဖက်တည်းပါတဲ့ အကြံပေးပုဂ္ဂိုလ် တစ်ဦးကို ကျုပ်လိုချင်တယ်။ အခု ကျုပ်ရဲ့ အကြံပေးပုဂ္ဂိုလ်တွေ ပြောပြောနေကြတာက တစ်ဖက်မှာ ဒီလိုရှိတယ်။ ဒါပေမယ့် အခြားတစ်ဖက်မှာတော့ ....... တွေချည်းပဲ။ ကျုပ်လိုတာက လိုရင်း၊ တိုရှင်း အဖြေမျိုးပေးနိုင်တဲ့ အကြံပေးပုဂ္ဂိုလ်ပဲ။

(၅)
သမ္မတနစ်ဆင်ဟာ အမြဲလိုလို ကွန်ဂရက်နဲ့ အဆင်မပြေဘူး။ တစ်ခါတော့ သူက
ကွန်ဂရက်ဟာ သိပ်ကို အဖြတ်အတောက်တွေ များလွန်းတယ်။ တကယ်လို့များ သူတို့က ပညတ်တော်ဆယ်ပါးအတွက် မဲပေးရမယ်ဆိုရင် ပညတ်တော် ရှစ်ပါးလောက်ပဲ ကျန်လိမ့်မယ်။
လို့ ရိလိုက်ပါသတဲ့။

[ခင်မောင်တိုး (မိုးမိတ်) ရဲ့ အမေရိကန်သမ္မတတို့ရဲ့ ဟာသများစာအုပ်မှ အချို့ကို ပြန်လည်ကူးယူ ဖော်ပြခြင်း ဖြစ်ပါသည်။]

No comments:

Post a Comment

 
Web Statistics