မစ္စတာဒေးဗစ်စပါးကြီးရဲ့ မျက်လှည့်ပွဲ၊ မိုးသစ်ဝေ

ရထားကြီးတစ်စင်းလုံး ဖျောက်ပြတာလောက်လား
ခေါက်ထား…။
လစ်ဘာတီရုပ်တုကြီး ဖျောက်ပြတာလောက်လား
ခေါက်ထား…။
ငါတို့ရှေ့က မျက်လှည့်ဆရာ
မျိုချပြနေတာက
ကျောက်တောင်ကြီးတွေ တစ်တောင်ပြီးတစ်တောင်
သစ်တောကြီးတွေ တစ်တောပြီးတစ်တော
ကုန်းထွက်ပစ္စည်း ရေထွက်ပစ္စည်း ဘာကြီးဖြစ်ဖြစ်
အကုန်မျိုပစ်လိုက်မယ်
လာထား…။
အသေးအမွှားတွေပါမချန် တောက်တဲ့တစ်ကောင်တောင် မကျန်စေရ
ပါးစပ်ကလည်း မျိုချစရာ ဘာကျန်သေးလဲ တစ်မေးတည်းမေး
ငါတို့မှာ ငေးနေရတုန်း....
နောက်ဆုံးပြကွက်မှအပြီးမှာ
ဟာ....... မြစ်ကြီးတစ်စင်း ဘယ်လိုပျောက်သွားတာလဲ။

[၂၀၁၂ ခုနှစ်၊ နိုဝင်ဘာလထုတ် ရနံ့သစ်မဂ္ဂဇင်း မှ]