ဂျပန်နောက်ခံ မြန်မာနိုင်ငံသားတွေနဲ့ သက်ဆိုင်တဲ့ ဟာသကလေးတစ်ပုဒ်နဲ့ပဲ ကျွန်တော့်စကားကို စပါရစေ။ လူတော်တော်များများ ကြားဖူးကောင်း ကြားဖူးနေမယ့် ဟာသကလေးဖြစ်လို့ တကယ်လို့များ ကြားဖူးသိဖူး ဖြစ်နေခဲ့ကြရင် ခွင့်လွှတ်ပါလို့လည်း ကြိုတင်ပြီး တောင်းပန်ထားပါရစေဦး။
သည်လိုပါ...။
ဂျပန်နိုင်ငံက ရထားတွေပေါ်မှာတဲ့။ ရထားစီး ခရီးသည်တွေအနေနဲ့ လူ့အသုံးအဆောင်ပစ္စည်းကလေးတွေ မေ့မေ့ပြီး ကျန်နေခဲ့တတ်ကြပါတယ်တဲ့။ မျက်မှန်၊ လက်ကိုင်ဖုန်း၊ ထမင်းချိုင့်၊ ပိုက်ဆံအိတ်၊ အနွေးထည် စသည်ဖြင့် တစ်ခုခုပေါ့။ အဲသည်လို ပစ္စည်းလေးတွေများ မေ့ကျန်ခဲ့လို့ကဖြင့် ဘယ်သောအခါမှာမှ စိတ်မပူပါလေနဲ့တဲ့။ ၉၉ ဒသမ ၉၉ ရာခိုင်နှုန်းဟာ ပြန်ပြီးတော့ကို ရစေရမယ်တဲ့။ တစ်ခုပဲတဲ့။ ကိုယ်စီးတဲ့ ရထားချိန်ကို သေသေချာချာ မှတ်ထားဖို့ လိုပါတယ်တဲ့။ ရထားချိန်မှ မဟုတ်ပါဘူး။ ကိုယ်စီးခဲ့တဲ့ တွဲနံပါတ်၊ ပြီးတော့ ထိုင်ခုံနံပါတ် စတာတွေကိုလည်း မှတ်မိရမယ်တဲ့။
အဲဒါဆိုရင် တစ်ပတ်လောက်အချိန်အတွင်းအထိ အဲသည့်ရထား ရောက်ရှိနေမယ့် ဘူတာနဲ့အချိန်ကို ကြည့်ပြီးသွားစောင့်၊ ကိုယ်စီးခဲ့တဲ့ ရထားတွဲထဲက ကိုယ်ထိုင်ခဲ့တဲ့ ထိုင်ခုံနေရာကိုကြည့်လိုက်၊ ကိုယ်ကျန်ခဲ့တဲ့ ပစ္စည်းဟာ သည်အတိုင်းပဲတဲ့။ ဘယ်သူကမှ အဲသည့်ပစ္စည်းကို မယူလေဘူးတဲ့။ ကိုယ့်ပစ္စည်းကို ကိုယ်အသာကလေး ပြန်ကောက်ယူလိုက်ရုံ။ ရထားတွဲစောင့်ကလည်း ခြောက်ရက်တစ်ပတ် ကြာသည်အထိ အဲသည့်ပစ္စည်းကို သိမ်းမပစ်ဘူး။ ပိုင်ရှင်ဖြစ်သူ ပြန်လာယူနိုး ပြန်လာယူနိုးနဲ့ စောင့်နေခဲ့ပြီး မလာနိုင်တော့မှ သိမ်းပစ်လိုက်လေသတဲ့။
ဒါနဲ့ တစ်ယောက်က ဂျပန်တို့ ကိုယ်ကျင့်တရားကောင်းပုံကို အံ့သြသွားပြီး တစ်ခု မေးပါလေရော။ အခုရော ဆိုတဲ့ မေးခွန်း။ အမေးခံရတဲ့လူက ခဏတွေသွားပြီးတဲ့နောက်မှ အေးဗျ.... အခုတော့ ပစ္စည်း အခုကျန် အခုသွားကြည့်တာ မရှိတော့ဘူး လို့ လေးလေးတွဲ့တွဲ့ ဖြေပါလေသတဲ့။ ဒါနဲ့ ထပ်မေးတဲ့မေးခွန်းက ဘာလို့လဲဗျ ဆိုတဲ့မေးခွန်း။ ဖြေပါတယ်။ စိတ်မသက်မသာ အသံကြီးနဲ့။ မြန်မာတွေ ရောက်လာလို့တဲ့ဗျာ ဆိုတဲ့ အဖြေစကား။
စာဖတ်သူ စိတ်တော့မဆိုးနဲ့ဗျ။ ကျွန်တော်တို့ ကိုယ့်ကိုယ်ကိုယ် မညှာစတမ်းပြန်ပြီး သုံးသပ်ကြရအောင်။ ဆရာကြီး ဦးအောင်သင်း ပြောသလိုပေါ့။ အများသောက်ဖို့ လှူထားတဲ့ ရေချမ်းစင်က ခွက်ကို သော့ခတ်ထားရတာ ကြည့်လေကွာ တဲ့။
ဟုတ်ပါတယ်။ နိုင်ငံခြားသားတစ်ယောက် ကျွန်တော့်ကို ပြောဖူးသလိုပါပဲ။ ခင်ဗျားတို့ ဆင်းရဲသွားတာက ငွေတစ်ခုတည်း မဟုတ်ဘူးဗျာတဲ့။ စိတ်ပိုင်းဆိုင်ရာတွေပါ အကုန်လုံး ဆင်းရဲသွားတာတဲ့။ အထူးသဖြင့် ကိုယ်ကျင့်တရားပေါ့တဲ့။ ကျွန်တော်ဘာမှ ပြန်မပြောနိုင်တဲ့အပြင် ငိုင်ကျသွားမိတာ အမှန်ပါ။
............
......................
.......................................
[7Day Daily သတင်းစာ၊ အမှတ် ၆၅၊ ဇွန် ၂၈၊ ၂၀၁၃၊ စာမျက်နှာ ၁၉ မှ ပြန်လည်ထုတ်နုတ် ကူးယူဖော်ပြပါသည်]
No comments:
Post a Comment