ကျွန်တော်နှင့် မတော်တရော်များ

အထူးအဆန်းတော့ မဟုတ်ပါဘူး။ လူတိုင်းလူတိုင်း နေ့စဉ်နဲ့အမျှ ကြုံတွေ့နေရတဲ့ အဆီအငေါ် မတည့်မှုတွေပါပဲ။ ကျွန်တော့်တစ်ယောက်တည်းကျမှ ထူးပြီးတော့ ဖြစ်နေ၊ တွေ့နေ၊ မြင်နေ၊ ကြားနေရတာတော့ မဟုတ်ပါဘူးလေ။ ဒါပေမယ့် ရင်ထဲမှရှိနေတာထက် စကားလုံးတွေအဖြစ် အသွင်ပြောင်းလိုက်တော့ သက်သာရာရသလို ဖတ်ရသူတွေအတွက်လည်း ခံစားမှုတစ်ခုခု ရလိမ့်မယ်ထင်လို့ ရေးလိုက်တာပါ။ တွေးမြင်ခံစားပုံ မတူခဲ့ရင်လည်း အံ့သြစရာတော့ မရှိပါဘူး။ ခင်ဗျားက ခင်ဗျား၊ ကျွန်တော်က ကျွန်တော်ပဲလေ။ မဟုတ်ဘူးလား။

(က)

ဟိုးတလောလေးက ဖတ်လိုက်ရတဲ့ သတင်းတစ်ပုဒ်ကလည်း ရယ်ရမလား၊ ဆဲရမလား မသိတော့ပါဘူးဗျာ ဆိုတဲ့သတင်းတစ်ပုဒ်ပါပဲ။ တခြားမဟုတ်ပါဘူး။ မီးကင်းစောင့်တဲ့ မီးကင်းတဲ မီးလောင်သတဲ့လေ။ ရပ်ကွက်က အလှည့်ကျတာဝန်ကျသူတွေ (အများစုကတော့ လူငှားစောင့်ကြတာပါပဲ)က ရပ်ကွက်သူ၊ ရပ်ကွက်သားတွေ အိပ်မောကျနေချိန်မှာ မီးရေးကင်းရေးအတွက် စောင့်ကြည့်ရာနေရာဖြစ်တဲ့ မီးကင်းတဲက မီးလောင်တယ်ဆိုတော့ စဉ်းစားသာကြည့်ပါတော့ဗျာ။ ရပ်ကွက်တိုင်း ရပ်ကွက်တိုင်းက မီးကင်းတဲတွေရဲ့ လုပ်ဆောင်မှုတွေ၊ စွမ်းဆောင်မှုတွေနဲ့ ပတ်သက်ပြီး အကောင်းမြင်တာ ကြားရခဲပေမယ့် ယနေ့အချိန်အထိ အဲဒီမီးကင်းတဲတွေရဲ့ အခန်းကဏ္ဍဟာ အရေးပါနေဆဲဖြစ်တာနဲ့ ရပ်ကွက်ထဲမှာ ခန့်ခန့်ကြီး ယနေ့အထိ ရှိနေသေးတာကတော့ စဉ်းစားစရာပါပဲ။

( ခ )

7Day Daily သတင်းစာထဲမှာပါတဲ့ ကာတွန်းတစ်ကွက်ကြောင့် ကျွန်တော့်မှာ အတော်လေးကို ဒေါသထွက်မိတယ်။ ကာတွန်းရေးတဲ့လူက ပညာအရည်အချင်းနည်းပါးလို့၊ ဟိုလူပြော ဒီလူပြော ရပ်ထဲရွာထဲစကားကို ကာတွန်းဆွဲပြီး သရုပ်ဖော်တယ်ဆိုပေမယ့် နေ့စဉ်သတင်းစာထုတ်နေတဲ့ အယ်ဒီတာချုပ်တွေ၊ အယ်ဒီတာအဖွဲ့တွေကတော့ ဒီကာတွန်းဟာ ထည့်သင့်တယ်၊ မထည့်သင့်ဘူး၊ ကာတွန်းရည်ရွယ်ချက်ဟာ ကောင်းတယ်၊ မကောင်းဘူး၊ အများပြည်သူအတွက် အကျိုးရှိတယ်၊ မရှိဘူး၊ စသဖြင့်ပေါ့လေ စဉ်းစားတည်းဖြတ်သင့်တယ်လို့ ထင်မိပါတယ်။ ကာတွန်းကို အရင်ဆုံး ကြည့်စေချင်ပါတယ်။

ပထမဆုံး ဝေဖန်ချင်တာက ကာတွန်းရေးတဲ့လူပဲ။ ဗဟုသုတလည်းမရှိ၊ ပညာအရည်အချင်းလည်း မရှိဘဲ ဟိုလူပြော ဒီလူပြော ကြားဖူးနားဝနဲ့ ကာတွန်းကို ရေးတယ်လို့ ကျွန်တော်က ဒဲ့(တဲ့)ပဲ ပြောချင်တယ်။ ကာတွန်းရဲ့ အဓိပ္ပါယ်ဟာ ဘယ်အထိ ရောက်သွားသလဲဆိုတာကိုတောင် အဲဒီကာတွန်းရေးတဲ့လူ သိရဲ့လားလို့ သံသယဖြစ်မိတာအမှန်ပဲ။ သမ္မတမို့ မဝေဖန်ရဘူးလို့ ကျွန်တော်ပြောနေတာ မဟုတ်ပါဘူး။ အာဇာနည်နေ့မှာ သမ္မတကြီး ဦးသိန်းစိန် ဘယ်ရောက်နေလဲ ဆိုတာကိုတောင် မသိတဲ့သူက ခေတ်ကို သရော်တဲ့၊ ခေတ်ကိုထင်ဟပ်တဲ့ ကာတွန်းမျိုး ရေးချင်တယ်ဆိုတာ သူငယ်တန်းကလေးက အင်္ဂလိပ်ဝတ္ထုစာအုပ်ကို ဟိုလှန်ဒီလှန် လျှောက်လှန်ပြီး အရုပ်ရှာနေသလို ဖြစ်နေတော့မှာပေါ့ဗျ။ အဲဒါကိုပဲ ကြည့်စမ်း.... ဒီကလေးက ငယ်ငယ်လေးပဲရှိသေးတယ်၊ အင်္ဂလိပ်ဝတ္ထုတွေတောင် ဖတ်ချင်နေပြီ ဆိုပြီးတော့ မျက်စိမှိတ်ပြီး လက်ခုပ်တီးမယ့်အထဲမှာ ကျွန်တော်မပါဘူး။ ဒီကာတွန်းကို ထည့်ပေးတဲ့ 7Day Daily သတင်းစာက အယ်ဒီတာအဖွဲ့လည်း သောက်ရူးတွေပဲ။ အလကားလူတွေ... တတ်လို့လုပ်စားတာ မဟုတ်ဘူး၊ ငတ်လို့ လုပ်စားနေတဲ့လူတွေ။ နိုင်ငံရေးတိုက်ကွက်တွေ အမျိုးမျိုးကြားမှာ လက်ရှိအစိုးရကို အတိုက်အခံလုပ်နေတဲ့ လူတွေပြောတဲ့ စကားတွေနဲ့ မှိုင်းမိနေတဲ့လူတွေ။ ဟေ့... ဦးသိန်းစိန် လုံးဝဥဿုံ ကောင်းတယ်လို့ ကျုပ်ဆိုတဲ့ ကိုဉာဏ် ဘယ်တုန်းကမျှ မပြောခဲ့ဘူး၊ ဦးသိန်းစိန်လောက် တော်တဲ့လူ မြန်မာပြည်မှာ မရှိဘူးလို့ ကျုပ်တစ်ခါမျှ မပြောခဲ့ဘူး၊ ဦးသိန်းစိန်ဟာ သူတော်ကောင်းကြီးကွ၊ မပြစ်မှားကောင်းဘူးလို့လည်း ကျုပ်ကိုဉာဏ် တစ်ခါမျှ မပြောခဲ့ဘူး။ ဒါပေမယ့် ကျုပ်တို့နိုင်ငံရဲ့ သမ္မတကြီးတစ်ဦးအနေနဲ့ သူ့အပေါ်မှာ လေးစားမှုရှိတယ်၊ ယုံကြည်မှုရှိတယ်၊ မျှော်လင့်ချက်ရှိတယ်။ တိုင်းပြည်အတွက် သူကြိုးစားနေတယ်ဆိုတာကို သံသယ လုံးဝမရှိဘူး။ မှားချင်မှားမယ်၊ မှန်ချင်မှန်မယ်။ ကိုယ်တွေအတွက်၊ ကိုယ့်တိုင်းပြည်တွက် လက်ရှိအချိန်မှာ တာဝန်ယူပြီး ထမ်းဆောင်ကြိုးပမ်းနေတဲ့ ကိုယ့်နိုင်ငံက သမ္မတအပေါ်ကိုတောင် မလေးစားနိုင်တဲ့လူတွေက ဘယ်သူ့အပေါ်ကို လေးစားချင်သေးတာလဲ။ အာဇာနည်နေ့တုန်းက ဦးသိန်းစိန် ဘယ်ရောက်နေသလဲ၊ ဘယ်လိုပြုမူဆောင်ရွက်ခဲ့သလဲ ဆိုတာကိုတောင် သတင်းမသိတဲ့ ကာတွန်းရေးတဲ့သူနဲ့ အဲဒီကာတွန်းကို ခွင့်ပြုပေးရဲတဲ့ သတင်းစာကို ကျုပ်တို့က ချီးကျူးရမှာလား။ ရှင်းရှင်းပြောရရင် ဒါ ကျုပ်တို့နိုင်ငံရဲ့ အကြီးအကဲကို အသရေဖျက်တာပဲ၊ ဂုဏ်သတင်းကျဆင်းအောင် လုပ်ဆောင်တာပဲ။ 7Day လည်း တဖြည်းဖြည်းနဲ့ ကြောင်ချေးဖြစ်လာပါပြီ။ သမ္မတကို ပေါ်တင်ကြီး စော်ကားတဲ့၊ အသရေဖျက်တဲ့ ဒီလို ကာတွန်းမျိုးကျတော့ ၀မ်းသာအားရ ထည့်ပေးတယ်။ နိုဘယ်လ်ဆုရှင်တွေကို သရော်တဲ့ သဘောမျိုးပါတဲ့ ဆရာဘစီရဲ့ ဆောင်းပါးမှာကျတော့ မဆီမဆိုင် ကွင်းစကွင်းပိတ်ထဲမှာ သရော်စာဖြစ်ပါကြောင်း၊ စာရေးသူ၏ အာဘော်သာ ဖြစ်ပါကြောင်းဆိုပြီး ရှင်းလင်းချက် ရေးထားတယ်။ အဲဒီတစ်ခုတည်းနဲ့ ပြောနေတာ မဟုတ်ဘူး၊ ဆရာမောင်သာချိုရေးတဲ့ သရော်စာကိုလည်း ထိုနည်းလည်းကောင်းပဲ။ ဆောင်းပါးနာမည်က (သူတို့ပြောသလိုဆိုရင် သရော်စာနာမည်က) ငါမကောင်း ငါ့အကြောင်းရေးနှင့် စုံနံ့သာမြိုင်နေ့စဉ် တဲ့။ ရေးသူက ဂျက်ကွမ်းခြံကုန်း။ နေ့စဉ်သတင်းစာအကြောင်း သရော်ထားတဲ့ သရော်စာဆောင်းပါးပေါ့။ အောက်ဆုံးမှာ 7Day က ဘာရေးထားတဲ့ဆိုတော့ (ဤသရော်စာစုသည် ဂျက်ကွမ်းခြံကုန်း၏ အာဘော်သာ ဖြစ်ပါသည်။) တဲ့။ အဲဒါ ဘာသဘောလဲဗျ... ဟင်...။ ခင်ဗျားတို့ ဘယ်လိုထင်တုန်း။ ကိုယ့်သတင်းစာက တာဝန်မခံနိုင်ရင်၊ တာဝန်မခံရဲရင် မထည့်နဲ့ပေါ့ဗျာ။ အခုတော့ အဲဒီသရော်စာနဲ့ ပတ်သက်ပြီး ကိစ္စအ၀၀ဟာ ကျွန်တော်တို့နဲ့ ဘာမျှမဆိုင်ဘူး၊ စာရေးတဲ့သူနဲ့ပဲ ဆိုင်တယ်လို့ ပေါ်တင်ကြီး တာဝန်ရှောင်လွှဲတာ၊ မျက်နှာလွှဲခဲပစ်တာ မဟုတ်ဘူးလား။ အခြား ရှိသေးတယ်.... ရှိသေးတယ်..။ နောက်ကြုံမှ ထပ်ပြောမယ်။ နည်းနည်းချင်းပဲ ပြောတော့မယ်။ 7Day ကို ကျွန်တော်စောင့်ကြည့်နေတာ အတော်ကြာပြီ။ ခင်ဗျားတို့နဲ့ ကျွန်တော်ကိုဉာဏ် လောင်းကြေးတစ်ခုလောက် ထပ်လိုက်ချင်သေးတယ်။ ၂၀၁၄ နှစ်ကုန်ပိုင်းရောက်တာနဲ့ အဲဒီ 7Day သတင်းစာနဲ့ ဂျာနယ်ဟာ သမ္မတလောင်းတစ်ယောက်ကို ပေါ်တင်ကြီး လော်ဘီလုပ်လိမ့်မယ်ဗျာ။ သတ္တိမခေသူများ၊ မယုံကြည်သူများ၊ ဘာလဲဟဆိုသူများ ကျွန်တော်နှင့် ကြိုက်ကြေးထပ်နိုင်ပါသည်။ အခုကာတွန်းဆိုတာ ခြေဆင်းလောက်ပဲ ရှိသေးတယ်ဆိုတာ ကျွန်တော်ကိုဉာဏ် ကောင်းကောင်းတွေးနိုင်ပါသည်။ :D

( ဂ )

မနေ့ညက 5 Plus လိုင်းကနေ လားရှိုးသိန်းအောင်ရဲ့ နှုတ်မဆက်နဲ့ ငိုချင်တယ် ဖျော်ဖြေပွဲကို ပြန်လွှင့်ပေးတာ ကြည့်လိုက်ရပါတယ်။ အရမ်းသဘောကျတဲ့ အဆိုတော်ဖြစ်လို့ အစအဆုံး ထိုင်ကြည့်ဖြစ်တယ်။ အစီအစဉ်တင်ဆက်သူဖြစ်တဲ့ ကောင်လေးနဲ့ ကောင်မလေးရယ်၊ 5 Plus က အင်တာဗျူးလိုက်လုပ်တဲ့ ကလေးမလေးရယ်ဟာ ဘာပြောကြတယ်ထင်သလဲ။ အစ်ကိုကြီး လားရှိုးသိန်းအောင်၊ အစ်ကိုကြီး လားရှိုးသိန်းအောင် တဲ့။ သူတို့တွေကိုကြည့်တော့ နနွင်းနံ့တောင် မစင်သေးဘူး။ အသက်ကလေးတွေရှိလှ ၂၀ ကျော်ပေါ့။ ၃၀ ၀န်းကျင် တစ်ယောက်မျှ မပါဘူး၊ သေချာတယ်။ ဒင်းတို့က လားရှိုးသိန်းအောင်ကို အစ်ကိုကြီးဆိုတော့ ကျုပ်ကိုများတွေ့ရင် မောင်လေးများ လုပ်ကြဦးမလားမသိ။ ရှိုးပွဲကိုလာကြည့်တဲ့ ပရိသတ်အများစုက အဘိုးကြီး၊ အဘွားကြီးတွေ၊ သူတို့ငယ်ငယ်လေးကတည်း သဘောကျတဲ့ အဆိုတော်ကို လာအားပေးတာတဲ့။ ခင်သီတာထွန်းတောင် ပါသေးတယ်။ ကဲ... အဲဒီလို အဆိုတော်ကြီးကို အစ်ကိုကြီး၊ အစ်ကိုကြီးဆိုတော့ ကျုပ်မှာလေ ဖျော်ဖြေပွဲကြည့်ရတာနဲ့ မတူဘဲ Mr.Bean ကို စီးရီးလိုက် ထိုင်ကြည့်နေမိသလို ဖြစ်နေတော့တာပါပဲ။ ဆံပင်ဖြူဖြူ၊ နှုတ်ခမ်းမွှေးဖြူဖြူနဲ့ လားရှိုးသိန်းအောင်ကို အစ်ကိုကြီး လားရှိုးသိန်းအောင်လို့ အသက် ၂၀ ကျော်လေးတွေက ခေါ်နေမှတော့ ခင်ဗျားကုသိုလ်ကံ ကြီးလှချည်လား ကိုဂျင်မီဂျက်ရယ်လို့ပဲ ရေရွတ်မိပါတော့တယ်။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ ဇူလိုင်လ ၂၃ ရက်၊ အင်္ဂါနေ့။

မွန်းလွဲ ၁၂ နာရီ ၁၈ မိနစ်တွင်ပြီး၏။