နိဒါန်း
အချို့သော အားကစားနည်းတွေကို ကြိုတင်ကျင်းပခဲ့တာ အားလုံးအသိဖြစ်ပါတယ်။ ၂၀၁၃ ခုနှစ် ဆီးဂိမ်းပြိုင်ပွဲရဲ့ ပထမဆုံး ရွှေတံဆိပ်ဆုကိုလည်း မြန်မာ့ရိုးရာခြင်းလုံးအသင်း (အမျိုးသမီး) က ရရှိခဲ့ပါတယ်။ မြန်မာ့ရိုးရာ ခြင်းလုံးပြိုင်ပွဲတွေမှာ မြန်မာအသင်းတွေ ပြတ်ပြတ်သားသား အနိုင်ရရှိအောင် စွမ်းဆောင်နိုင်ခဲ့ကြပါတယ်။ အခြားနိုင်ငံတွေက ဝေဖန်တာကို နားလည်နိုင်ပေမယ့် အချို့သော မြန်မာတွေက ကိုယ်နိုင်မယ့်ဟာကို ကိုယ်ထည့်တယ်တို့၊ ကိုယ့်ခြင်းလုံးမှ ကိုယ်မနိုင်ရင် အကုန်လုံးကို သတ်ပစ်ဖို့ပဲရှိတယ်တို့ စတဲ့စတဲ့ နားထောင်လို့တောင် မကောင်းလှတဲ့ စကားသံတွေနဲ့ ဝေဖန်ကြတာကိုလည်း ကြားရဖတ်ရပါတယ်။ အာဆီယံနိုင်ငံထဲက ဘယ်နိုင်ငံကရော သူတို့တွေဆီမှာ အိမ်ရှင်အဖြစ် လက်ခံကျင်းပတိုင်း သူတို့ရိုးရာ အားကစားနည်း တစ်ခုတစ်လေမျှ ထည့်သွင်းခြင်းမရှိဘဲ အိုလံပစ်အားကစားနည်းတွေကိုချည်းပဲ ထည့်သွင်းယှဉ်ပြိုင်တာ ကြားဖူးလို့လဲ။ အခုအချိန်မှာ မြန်မာ့ရိုးရာ ခြင်းလုံးဆိုတာ မြန်မာတွေရဲ့ မူပိုင်အားကစားလို့ ထင်မှတ်နေကြသူ အချို့ဟာ နောင်ကမ္ဘာတည်သရွေ့ ဒီအားကစားဟာ မြန်မာ့ရိုးရာအဖြစ်သာ ဆက်လက်ရှိသွားလိမ့်မယ်လို့ တွေးထားကြပုံပါပဲ။ ဘောလုံးအားကစားနည်းဟာ ဘယ်သူတွေရဲ့ အားကစားနည်းလဲဆိုတာ ပြန်စဉ်းစားကြစေချင်ပါတယ်။ အခုအချိန်မှာ ဘောလုံးအားကစားကို တီထွင်ခဲ့တယ်ဆိုတဲ့ နိုင်ငံခမျာ ခြေစစ်ပွဲအောင်ဖို့တောင် အတော်ကြီးကို ရုန်းကန်ခဲ့ရတာ မဟုတ်လား။ ဂေါက်သီးအားကစားကို တီထွင်ခဲ့တဲ့ နိုင်ငံလည်း အခုအချိန်မှာ ဂေါက်သီးနဲ့ ပတ်သက်ပြီး ဘယ်လောက်များ လောက်လောက်လားလား ရှိလို့လဲဗျာ။ အဲဒီ ဂေါက်သီးဘိုးအေ နိုင်ငံကြီးက နိုင်ငံသားတွေကပဲ ပြိုင်ပွဲတိုင်းမှာ ဆုတွေရနေကြတာလားဗျ။ ဝေဖန်တဲ့လူတွေကို တစ်ခုတော့ ချီးကျူးအသိအမှတ် ပြုချင်ပါတယ်။ သူတို့တွေဟာ အဲဒီအားကစားတွေ ထည့်သွင်းကျင်းပတဲ့အတွက် မြန်မာနိုင်ငံအပေါ် အခြားနိုင်ငံတွေက တစ်မျိုးမြင်ကြမှာ၊ အထင်သေးကြမှာကို မခံချင်ဘူးဆိုတဲ့ စိတ်အခံလေး ရှိလို့ဖြစ်ပါလိမ့်မယ်။ ကိုယ့်နိုင်ငံက အိမ်ရှင်အဖြစ် လက်ခံကျင်းပတဲ့ အချိန်မှာ သမာသမတ်ကျကျ အဆင့်အတန်းမြင့်မြင့် ယှဉ်ပြိုင်စေချင်တဲ့ စိတ်ဓာတ်ရှိနေတာကို အသိအမှတ် ပြုရပါတယ်။
သမိုင်းဝင် ဖွင့်ပွဲအခမ်းအနား
မြန်မာနိုင်ငံမှာ ပြုလုပ်ခဲ့ဖူးသမျှ အခမ်းအနားတွေထဲမှာ ပြောစရာအဖြစ်ဆုံးနဲ့ အခမ်းနား အထည်ဝါဆုံး ဖွင့်ပွဲအခမ်းအနား ဖြစ်ပါတယ်။ ဂုဏ်ယူရပါတယ်... ၀မ်းမြောက်ရပါတယ်။ ပျော်ရွှင်ရပါတယ်... ကျေနပ်ရပါတယ်။ မြန်မာဆိုတာ ဒီလိုနိုင်ငံကွလို့ အခြားနိုင်ငံတွေကို ကြေညာမောင်းခတ်ပြီးသား ဖြစ်သွားတယ်လို့ မြင်ပါတယ်။ ထင်မှတ်မထားလောက်အောင် ထည်ဝါခံ့ညား တင့်တယ်အံ့ဘနန်း ဖြစ်လှပါပေတယ်။ ဘယ်မြန်မာပြည်သူ တစ်ဦးတစ်ယောက်ကမျှ ဒီလိုအခမ်းအနားကြီး ဖြစ်လာလိမ့်မယ်လို့ ထင်မှတ်ထားကြမှာ မဟုတ်ပါဘူး။ ကိုယ့်နိုင်ငံသားတွေတောင် မင်သက်အံ့သြသွားရရင် အခြားနိုင်ငံတွေအတွက်ဆို ပိုလို့တောင် အံ့သြဘနန်း ဖြစ်ရပါလိမ့်မယ်။ မကျင်းပဖြစ်တာ မေ့လောက်အောင် ကြာခဲ့ပြီဖြစ်တဲ့ နိုင်ငံတစ်ခုက အခုမှ ပထမဆုံးအကြိမ် ပြန်လည်ကျင်းပတဲ့ အခမ်းအနားကို ဒေသတွင်းမှာ အဆင့်အတန်းအမြင့်ဆုံး အခမ်းအနားတစ်ခုဖြစ်အောင် အဆင့်မီ၊ တန်းမီ၊ ဒေါက်မီ လုပ်ပြသွားတာကို အခြားနိုင်ငံတွေ အံ့အားသင့်ကြမှာ မလွဲပါဘူး။ ရုပ်မြင်သံကြားကနေ လာနေတဲ့ အခမ်းအနား အစီအစဉ်တွေကို ကြည့်ရင်းနဲ့ ကြက်သီးတွေထပြီး ကျေနပ်ပီတိ ဖြစ်ရပါတယ်။ အဲဒီအတွက် တာဝန်ရှိသူများ အပါအ၀င်၊ ပူးပေါင်းပါဝင် ကူညီဆောင်ရွက်ပေးခဲ့ကြသူ အားလုံးကို နိုင်ငံသားတစ်ဦးအနေနဲ့ ကျေးဇူးတင်ရပါတယ်။ ကျွန်တော်တို့အတွက် ဂုဏ်ယူစွာ ပြောစမှတ်ဖြစ်အောင် လုပ်ပေးခဲ့တဲ့ သူတွေကို မမေ့မလျော့ ကျေးဇူးတင်ပါတယ်။
အကောင်းဆုံး ယှဉ်ပြိုင်နိုင်ကြပါစေ
အခြားသော အားကစားနည်းတွေကို ဆက်လက်ယှဉ်ပြိုင်ကြဦးမှာ ဖြစ်ပါတယ်။ ကိုယ့်နိုင်ငံအတွက် ရွှေဆုတွေ ရစေချင်တဲ့ ဆန္ဒရှိပေမယ့် သန့်ရှင်းမျှတစွာ ယှဉ်ပြိုင်ရင်း အခြားနိုင်ငံတွေက ကိုယ့်ထက်သာလွန်နေလို့ ဆုတံဆိပ်တွေနဲ့ ဝေးခဲ့လျှင်လည်း နားလည်ပေးနိုင်ရပါမယ်။ ပြီးခဲ့တဲ့အကြိမ် ပြိုင်ပွဲတုန်းက အဆင့် ၇ လောက်မှာ ရပ်တည်ခဲ့တဲ့ နိုင်ငံတစ်ခုက အိမ်ရှင်အဖြစ် လက်ခံကျင်းပတဲ့ အချိန်ကမှ ပထမနေရာမှာ ရပ်တည်သွားတယ် ဆိုတာမျိုးကတော့ မသင့်လျော်သလို မဖြစ်နိုင်တဲ့ အရာပါ။ အဲဒီပကတိတရားကို ကျွန်တော်တို့တွေ နားလည်ရပါမယ်။ ရသလောက် ရွှေတံဆိပ်တွေ ရယူဖို့ဖြစ်ပေမယ့် ကျွန်တော်တို့တွေရဲ့ အဓိကရည်မှန်းချက်က အိမ်ရှင်အဖြစ် လက်ခံကျင်းပတဲ့ အားကစားပြိုင်ပွဲကြီးကို အဆင်ပြေပြေ၊ ချောချောမွေ့မွေ့၊ သန့်သန့်ရှင်းရှင်း၊ မျှမျှတတ၊ ဖော်ဖော်ရွေရွေ၊ ခင်ခင်မင်မင်၊ ပျော်ပျော်ရွှင်ရွှင်နဲ့ ပြီးဆုံးသွားအောင် စွမ်းဆောင်ကြဖို့ ဖြစ်ပါတယ်။ လာပြိုင်ခဲ့တဲ့ အသင်းအားလုံးက ပြိုင်ပွဲပြီးသွားတဲ့ အချိန်မှာ မိမိတို့တိုင်းပြည်တွေကို မပြန်ချင်သေးဘဲ မြန်မာနိုင်ငံမှာပဲ ဆက်နေချင်သေးတဲ့ ခံစားချက်မျိုးဖြစ်သွားအောင်၊ သူတို့တိုင်းပြည်တွေကို ပြန်ရောက်တဲ့အခါ မြန်မာနိုင်ငံက ကောင်းမွန်တဲ့ အတွေ့အကြုံတွေနဲ့ ပတ်သက်ပြီးတော့ ပြောမဆုံးပေါင် တောသုံးတောင် ဖြစ်သွားတဲ့အထိ တသသ ပြောကြရအောင် ကျွန်တော်တို့တွေ ကြိုးစားကြရမှာပါ။ ပြိုင်ပွဲမှာ ရွှေတံဆိပ်တွေ အများကြီးနဲ့ ဗိုလ်စွဲဖို့ထက် ကိုယ့်နိုင်ငံသားတွေရဲ့ စည်းကမ်းရှိမှု၊ ဖော်ရွေမှု၊ ခင်မင်မှု၊ ရိုးသားမှု၊ နိုင်ငံကြီးသားပီသမှု၊ ရိုင်းပင်းကူညီတတ်မှု စတဲ့စတဲ့ ကောင်းမွန်တဲ့ စရိုက်လက္ခဏာတွေကို ပြသပြီး ကိုယ့်နိုင်ငံရဲ့ အဆင့်အတန်း၊ ကိုယ့်နိုင်ငံရဲ့ ဂုဏ်သိက္ခာကို မြှင့်တင်ကြဖို့ ပိုပြီးတော့ အရေးကြီးတယ်လို့ ကျွန်တော်ထင်ပါတယ်။ ဒါကြောင့် မြန်မာအားကစားသမားများ အကောင်းဆုံး ယှဉ်ပြိုင်နိုင်ကြပါစေလို့ ဆုမွန်ကောင်းတောင်းလိုက်ပါတယ်။
အမှတ်တရ
ကိုဉာဏ် (ပန်းလောင်မြေ)
၂၀၁၃ ခုနှစ်၊ ဒီဇင်ဘာလ ၁၂ ရက်၊ ကြာသပတေးနေ့။
နံနက် ၀၀ နာရီ ၃၀ မိနစ်တွင် ဂုဏ်ယူဝမ်းမြောက်စွာဖြင့် ရေးသားပြီးစီး၏။
သူငယ်ချင်းရေ
ReplyDeletepost အသစ်လေးတင်ပါအုံးဟ
အားပေးလျက်
ကုလားတောမှ ကိုနေကိုတိုး