How to become the President of the United States

ကိုယ့်စာနဲ့ကိုယ် ခေါင်းလှည့်မရ၊ ကိုယ်လှည့်မရမို့ စာမရေးဖြစ်တာ အတော်ကြာပါပြီ။ မြန်မာသတင်း စာမျက်နှာတွေ၊ လူမှုကွန်ရက်သတင်းတွေ ဖတ်ဖြစ်ရင်လည်း ပြောစရာ၊ ရေးစရာ၊ စိတ်တိုစရာ၊ စိတ်ညစ်စရာတွေ မြင်ရကြားရမှာ သိနေတာမို့ မဖတ်ဖြစ်အောင် ဂရုစိုက်ပါတယ်။ ဒီနေ့တော့ ကျောင်းပိတ်ရက်လည်းဖြစ်၊ မလုပ်မဖြစ်လုပ်ရမယ့် ကျောင်းစာအချို့လည်း အတန်အသင့် ပြီးစီးသွားတာမို့ သတင်းလေးတွေ ဖတ်ဦးမှပါလေလို့ စိတ်ကူးဝင်ပြီး နာမည်ကြီး လူမှုကွန်ရက် စာမျက်နှာအချို့ကို ဖတ်မိပါတယ်။ စိတ်ပိုင်းဖြတ်ပြီး အမွေဖြတ်ထားခဲ့တာ ရက်သတ္တပတ် နှစ်ပတ်လောက် ကြာခဲ့ပြီးကာမှ သံယောဇဉ်မပြတ်နိုင်ဘဲ ၀င်ဖတ်ဝင်ကြည့်မိတဲ့ ကိုယ့်ဘာသာကိုယ်ပဲ အပြစ်တင်မိတယ်။ မြန်မာ့နိုင်ငံရေး ထုံးစံအတိုင်း တစ်ဖက်နဲ့တစ်ဖက် ငါ့စကားနွားရ၊ ခါးအောက်ပိုင်းထိုးကွက်တွေနဲ့ အပြစ်တင်ရ၊ ဝေဖန်ရ၊ ကန့်ကွက်ရရင်ပြီးရော ရေးထား၊ ဝေဖန်ထားတာ တွေကို အားပါးတရ ဖတ်ခွင့်ရခဲ့ပါတယ်။ စိတ်ချမ်းသာကျေနပ်မှု ရသလားတော့ မေးမနေပါနဲ့ဗျာ။ ကိုယ့်ကွန်ပျူတာကို ကိုယ့်ဘာသာကိုယ် ကိုင်ပေါက်ချင်စိတ် ပေါက်သွားမိတယ်။ အစိုးရကို ထောက်ခံတဲ့သူတွေရော၊ အတိုက်အခံတွေရော နှစ်ဖက်စလုံးမှာ အသုံးမကျတဲ့ မျက်ကန်းထောက်ခံသူတွေ၊ မျက်စိမှိတ်အားပေးသူတွေ ရှိနေတာဟာ ကျွန်တော်တို့တွေရဲ့ အားနည်းချက်၊ လိုအပ်ချက်တွေကို ပြသနေတာလို့ပဲ မြင်ပါတယ်။

အစိုးရ သို့မဟုတ် ပြည်ခိုင်ဖြိုးပါတီကို ထောက်ခံသူ၊ လော်ဘီလုပ်သူက သူ့ခံယူချက်အရ၊ သူ့ယုံကြည်ချက်အရ၊ သူ့တာဝန်အရ အခြားအတိုက်အခံတွေအကြောင်း မကောင်းပြောတာ၊ အတိုက်အခံ ဘာလုပ်လုပ် အပုပ်ချတာ၊ ဝေဖန်တာကို မကြိုက်ပေမယ့် နားလည်နိုင်တယ်။ ထို့အတူပဲ အတိုက်အခံ သို့မဟုတ် ဒေါ်စုပါတီကို လော်ဘီလုပ်သူတွေကလည်း အစိုးရရဲ့ ပျော့ကွက်၊ အားနည်းချက်ကို အသုံးချပြီး အရှိုက်ထိုးတာ၊ ပြည်ခိုင်ဖြိုးပါတီအပေါ် အပုပ်ချမှု၊ ဝေဖန်မှု၊ ကဲ့ရဲ့မှုလုပ်တာတွေကိုလည်း မကြိုက်ပေမယ့် နားလည်နိုင်တယ်။ ဒါပေမယ့် ၀င်ဖတ်ကြသူတွေ၊ ၀င်မန့်ကြသူတွေဟာ ကိုယ့်ပညာ၊ ကိုယ့်စဉ်းစားဉာဏ်၊ ကိုယ့်အတွေ့အကြုံ၊ ကိုယ့်အသိဉာဏ်တွေကို အနည်းငယ်လေးပဲဖြစ်ဖြစ် အသုံးမချဘဲ စောစောကပြောတဲ့ ဘက်နှစ်ဘက်လုံးက လော်ဘီတွေ ရေးသမျှ၊ တင်သမျှ၊ ပြောသမျှကို လက်ခံယုံကြည်ပြီး စိတ်ခံစားမှုတွေဖြစ်၊ ပေါက်ကွဲသံစဉ်တွေထွက်ပြီး ကွန်းမန့်တွေမှာ ပျော်ပျော်ပါးပါးကြီး ၀င်ရေး၊ ၀င်ဆဲ၊ ၀င်နွှာ၊ ၀င်နှက် လုပ်နေကြတာကို မြင်ရတော့ စိတ်မချမ်းသာပါဘူး။ ဒါကလည်း တဖြည်းဖြည်းနဲ့ ပြောင်းလဲသွားနိုင်တဲ့ အခြေအနေတစ်ရပ်လို့ မြင်မိပါတယ်။

စကားတွေပလ္လင်ခံနေတဲ့အတွက် လိုရင်းကို မရောက်တော့ပါ။ ဒီနေ့ ဖတ်ဖြစ်ခဲ့တဲ့အထဲက ကျွန်တော့်အတွက် စိတ်ဝင်စားစရာ၊ စိတ်ညစ်စရာအကောင်းဆုံး သတင်းတစ်ခုကတော့ အမေရိကန် သမ္မတ ရွေးကောက်ပွဲနဲ့ ပတ်သက်ပြီးတော့ တစ်ဘက်နဲ့တစ်ဘက် အပြိုင်အဆိုင် ဝေဖန်ကြ၊ ထောက်ပြကြ၊ ဆော်ကြ၊ နှက်ကြ ဖြစ်နေတဲ့ အကြောင်းအရာပါပဲ။ မသိတဲ့ လူတွေအတွက် ဟိုလိုလို ဒီလိုလို ဖြစ်သွားစေနိုင်တဲ့ အကြောင်းအရာလည်း ဖြစ်ပါတယ်။ ထူးဆန်းအံ့သြမိတာ တစ်ခုကတော့ အမေရိကန်နိုင်ငံမှာ ကာလကြာရှည် နေထိုင်ခဲ့ပြီး သူတို့ကိုယ်တိုင် မဲပေးခဲ့ကြဖူးတဲ့ မြန်မာနိုင်ငံဖွား အမေရိကန်နိုင်ငံသားအချို့ကပါ အမေရိကန် သမ္မတရွေးကောက်ပွဲစနစ်ကို ဇဝေဇ၀ါ နဝေတိမ်တောင်ဖြစ်ပြီး မပြောသင့်၊ မရေးသင့်တာတွေ ၀င်ရေး၊ ၀င်ပြောကြတာကို မြင်ရတာပဲ ဖြစ်ပါတယ်။ အကုန်လုံးကို သိမ်းကြုံးပြီး ကျွန်တော်မရမ်းလိုပါဘူး။ အချို့ကလို့ သေသေချာချာ ပြောခဲ့ပါတယ်နော်။ ကျွန်တော့်အတွက် နောက်ထပ် သင်ခန်းစာ တစ်ခုပါပဲ။ အမေရိကန်မှာနေတယ်၊ အမေရိကန်နိုင်ငံသား ခံယူထားတယ်၊ အမေရိကန်သမ္မတ ရွေးကောက်ပွဲတွေမှာ ၀င်ပြီးတော့ မဲပေးဖူးတယ်၊ ဆိုရုံမျှနဲ့ အဲဒီစနစ်အကြောင်းကို သိတာမဟုတ်ဘူး၊ သူလိုကိုယ်လို မဲထည့်ဆိုလို့သာ ထည့်လိုက်ရတာ၊ မဲပေးတဲ့စနစ်က ဘာလဲ၊ ကိုယ်ပေးတဲ့ မဲဟာ ဘယ်အတွက်လဲ ဆိုတာကို ရေရေရာရာ မသိနိုင်ဘူး၊ လေ့လာပါမှ၊ စိတ်ဝင်စားပါမှ သိနိုင်တယ် ဆိုတာမျိုးပါ။ အမေရိကန်မှာ ရောက်နေတဲ့လူတွေ၊ နိုင်ငံခြားကို ရောက်နေတဲ့လူတွေ၊ နိုင်ငံခြားပြန် ဆိုတဲ့လူတွေကို အထင်ကြီးတတ်တဲ့၊ အားလုံးသိတယ်လို့ ထင်တတ်ကြတဲ့ ကျွန်တော့်မိတ်ဆွေ အချို့ကို ကျွန်တော်နမူနာ ပြစရာ နောက်တစ်ခုရတယ်လို့ မှတ်ယူပါတယ်။

ကျွန်တော်လေ့လာမိသမျှလေးတွေကို ပြန်လည်ဝေမျှလိုက်ပါတယ်။ ကျွန်တော်ကပြောရင် ကျွန်တော့်အာဘော်ပဲ ဖြစ်နေမှာစိုးလို့ မူရင်းအတိုင်းပဲ ဖတ်ရှု သုံးသပ်ဆင်ခြင်နိုင်အောင် ဖတ်ဖြစ်ခဲ့တဲ့ လင့်ခ်တွေ၊ ဓာတ်ပုံတွေကိုပဲ ပြန်လည်ဝေမျှလိုက်ပါတယ်။ ယောင်ယောင်ဝါးဝါး ဖြစ်နေတဲ့ နီးစပ်ရာ မိတ်ဆွေများ ရှိခဲ့လျှင် သူတို့ကို အမှန်အတိုင်းသိအောင် လက်ဆင့်ကမ်းလိုက်ကြပါဦးခင်ဗျာ။

သေသေချာချာ သွားဖတ်နိုင်တဲ့ လင့်ခ်တွေကိုလည်း ဝေမျှလိုက်ပါတယ်။

၁။ http://kids.usa.gov/president/index.shtml

၂။ http://2012election.procon.org/view.resource.php?resourceID=004333

၃။ http://en.wikipedia.org/wiki/United_States_presidential_election

၎။ http://www.enchantedlearning.com/vote/presidential_elections.shtml

အခုလောလောဆယ် စာအုပ်တွေကြားမှာ ခေါင်းနစ်နေရတဲ့အတွက် ဘလော့ဂ်မှာ ပို့စ်တွေ မတင်နိုင်တာကို နားလည်ပေးကြပါ။ မကြာမတင် ကျောင်းပိတ်ရက်ကာလ ရောက်တော့မှာဖြစ်တဲ့အတွက် အဲဒီအချိန်ကျမှ အတိုးချပြီး တ၀ကြီး ဖတ်ကြအားပေးကြပါလို့ တောင်းပန်လိုက်ပါတယ်။

အမှတ်တရ

ကိုဉာဏ် (ပန်းလောင်မြေ)

၂၀၁၄ ခုနှစ်၊ မတ်လ ၈ ရက်၊ စနေနေ့။

မွန်းလွဲ ၁၂ နာရီ ၅၈ မိနစ်တွင်ပြီး၏။