Thursday, June 26, 2008

ပုဂံကျောင်းကခေါင်းလောင်းသံ


ပုဂံကျောင်းက ခေါင်းလောင်းသံ
တင်မိုး

ပုဂံကျောင်းက
ရွှေဒေါင်းတောင်ကျိုး၊ ကလောင်ရိုးဖြင့်
ထိုးလိုက်ပါတဲ့ ခေါင်းလောင်းသံ။

နေရီမိုးချုပ်၊ ခေါင်းလောင်းထိုးလည်း
ညိုးညိုးမညံ၊ တိုးတိုးသံ။

ပုဂံအတိတ်၊ ပုဂံရိပ်ကို
ကားလိပ်တင်မ၊ ပွဲခင်းပြသို့
ကြွပါကြည့်ပါ၊ ဆင်ခြင်ပါဟု
ပြလာသေးဟန်၊ ရှေးပုဂံ။

တိုးတိုးမြည်ဟန်၊ ခေါင်းလောင်းသံကား
ပုဂံနိမိတ်၊ ပုဂံစိတ်ဟု
စိတ်နေမြင့်မြတ်၊ စိတ်ဓာတ်မြင့်မား
စိတ်ထားမြင့်မိုရ်၊ စိတ်လိုမြင့်မာန်
စည်ကြီးသံ။

ပုဂံတရား၊ ပုဂံသားတို့
တရားကိုချစ်၊ ဓားကိုချစ်ခဲ့
အသစ်တည်ထောင်၊ နိုင်ငံအောင်ဖို့
ရွက်ဆောင်ခဲ့ကြ အားနှင့်မာန်။

ပုဂံကျောင်း၏
တောင်စောင်းတောင်ထိပ်၊ စေတီရိပ်က
တိုးတိတ်ညင်သာ၊ ထိုးခတ်လာသော
ကဗျာငြိမ့်ညောင်း၊ ဤခေါင်းလောင်းကြောင့်
ကောင်းမှုတွေနိုး၊ ကောင်းမျိုးတွေဝေ
ကောင်းစေစိတ်သန်၊ အဓိဋ္ဌာန်။

ဆွံ့သူကြား၍
ကြားသူလမ်းမြင်၊ မြင်သူရှေ့တိုး
အားလုံးနိုးဖို့
ထိုးလိုက်ပါတဲ့ ခေါင်းလောင်းသံ။

No comments:

Post a Comment

 
Web Statistics