လင်မယားကွာရှင်းပြတ်စဲခြင်း
လင်မယားကွာရှင်းပြတ်စဲခြင်းဆိုတာ နုတ်မရသိမ်းမရနိုင်လောက်အောင် လက်တွေ့ကျလွန်းတယ် သားတို့ရေ။ ပြန်ပြီး ရင်ကြားစေ့သင့်မြတ်သွားတဲ့ ပြတ်တောက်ကွာရှင်းပြီးသား အိမ်ထောင်ရေးမျိုးကတော့ နည်းပါတယ်။
မင်းတို့ရဲ့ အနာဂတ်အရေးကို ဖေဖေစိုးရိမ်တယ်။ အထူးသဖြင့် မင်းတို့ရဲ့ ဇနီးမယားနဲ့ ပတ်သက်လို့ပေါ့။ ဒါကြောင့် နောက်ဆက်တွဲ ဆောင်းပါးကလေးကို ရေးလိုက်ရပြန်တယ်။
အမှားအားလုံးကို အချစ်က ဖုံးလွှမ်းပစ်တယ်တဲ့။ ဒီအဆိုအမိန့်ဟာ သိပ်ကို မှန်ကန်တဲ့ အဆိုအမိန့်ပေါ့။ ဖေဖေ့မိတ်ဆွေတစ်ယောက်က ပြောပြတယ်။ သူဟာ လူမှုရေးအရကော ရုပ်ပိုင်းအရပါ အရိုးစွဲနေတဲ့ ပြဿနာတွေရှိနေတဲ့ မိန်းမတစ်ယောက်ကို လက်ထပ်ခဲ့တယ်တဲ့။ သူတို့ လက်ထပ်ပြီးတဲ့နောက်ပိုင်းမှာ အဲဒီ အမျိုးသမီးက ဒီလူ့ကို အတော့်ကို ဒုက္ခပေးခဲ့ဆိုပဲ။ ဖေဖေကတော့ ဒီလူရဲ့ သည်းခံနိုင်စွမ်းနဲ့ အချစ်စိတ်ကို လေးစားအားကျမိတယ်။ ဒီလူ ဒီမိန်းမကို ဘာဖြစ်လို့ လက်ထပ်ယူခဲ့ပါလိမ့်လို့လည်း ဖေဖေ မကြာမကြာ အတွေးကြွယ်မိတယ်။
ဖေဖေ့မိတ်ဆွေ နောက်တစ်ယောက်ကတော့ စိတ်ရောဂါရှင် အမျိုးသမီးတစ်ယောက်နဲ့ လက်ထပ်ခဲ့တယ်။ ဒီလူဟာ ခုချိန်ထိ သူ့မိန်းမကို ပြုစုစောင့်ရှောက်ဖို့ သူ့အချိန်တွေ အများကြီးပေးခဲ့တာကလား။ စိတ်ရှည်ဖို့၊ သည်းခံဖို့၊ တယုတယပြေုစုစောင့်ရှောက်ဖို့ အများကြီးလိုတာပေါ့ကွယ်။ အဲဒီလို လူမျိုးတွေကို ဖေဖေ ဦးညွတ်အလေးပြုမိပါတယ်။ အချစ်စစ်အချစ်မှန်ဆိုတာ ကောင်းကင်ဘုံက လာတာပါ။ အချစ်စစ် အချစ်မှန်တွေ အများကြီး ပိုင်ဆိုင်ခွင့်ရဖို့ မင်းတို့ ဘုရားသခင်ထံမှာ တောင်းခံရမယ်။
တကယ်လို့ မင်းတို့ဟာ မင်းတို့မိန်းမကို တကယ်ချစ်တယ်ဆိုရင် သူ့ရဲ့ နောက်ကြောင်းရာဇ၀င်ကို မမေးရဘူး။ နောက်ကြောင်းရာဇ၀င်ဆိုတာ များသောအားဖြင့် မကောင်းဘူး။ နောက်ကြောင်းရာဇ၀င်ကို နည်းနည်းသိလေ ပိုကောင်းလေပဲ။ ဒါမှ ခိုက်ရန်ဒေါသဖြစ်ရတဲ့ အခါမျိုးတွေမှာ မခံချိမခံသာ ဖြစ်စေမယ့် စကားမျိုးတွေ မပြောဖြစ်တော့မှာပေါ့။
မင်းတို့ရဲ့ ဇနီးမယားက ဘုရားသခင်အကြောင်းကိုသိတယ်။ ဘယ်လိုဝတ်ပြုဆုတောင်းရမယ်ဆိုတာကို သိတယ်ဆိုရင် အနာဂတ်ကာလမှာ မင်းတို့ ဒုက္ခကြီးကြီးကျယ်ကျယ် တွေ့မှာမဟုတ်ဘူး။ သူဟာ မင်းတို့ရဲ့ ခွန်အားနဲ့ ပျော်ရွှင်မှု ဖြစ်နေလိမ့်မယ်။ အလှအပထက် ဘုရားသခင်ကို ပိုပြီးဆည်းကပ်ကိုးကွယ်ပါ။ တကယ်လို့ မင်းတို့ရဲ့ ဇနီးမယားဟာ ဘယ်လိုဝတ်ပြုဆုတောင်းရမယ်ဆိုတာကို မသိဘူး။ ၀တ်ပြုဆုတောင်းခြင်းနဲ့ ပြဿနာတွေကို ဖြေရှင်းကျော်လွှားနိုင်တယ်ဆိုတာလည်း မသိဘူးဆိုရင် သူဟာ နောင်တစ်ချိန်မှာ ဆင်းရဲဒုက္ခတွေနဲ့ ကောလာဟလသတင်းတွေကို လက်လျှော့အရှုံးပေးသွားလိမ့်မယ်။
အောင်မြင်တဲ့ယောက်ျားတိုင်းရဲ့ နောက်ကွယ်မှာ မိန်းမတစ်ယောက် ရှိနေတယ်။ အဲဒီအတိုင်းပဲ။ မအောင်မြင်တဲ့ ယောက်ျားတိုင်းရဲ့ နောက်ကွယ်မှာ ရှိနေတာကလည်း မိန်းမပါပဲ။ ဇနီးမယားရွေးတဲ့အခါ ဂရုတစိုက်ရွေးချယ်ပါ။ သူ့ရဲ့ ၀တ်စားဆင်ယင်ပုံနဲ့ စားပုံသောက်ပုံ ဓလေ့စရိုက်တွေကို လေ့လာပါ။ အကဲခတ်ပါ။ သူ့အပေါင်းအသင်းတွေ၊ သူ့မိတ်ဆွေတွေဟာ ဘယ်သူတွေလဲဆိုတာကို ကြည့်ပါ။ ဖော်ထုတ်ပါ။ တကယ်လို့ ဒီမိန်းကလေးဟာ ပေါ့ပြက်ပြက်မိန်းကလေးမျိုး ဖြစ်နေရင် ပြီးတော့ သူပေါင်းသင်းတဲ့ သူတွေကလည်း မကောင်းဘူးဆိုရင်တော့ သားတို့ရေ… ဝေးရာကိုသာ ပြေးကြပေတော့။
လက်ထပ်ထိမ်းမြားပြီးတဲ့နောက်ပိုင်းကျတော့ မင်းတို့ ကွာရှင်းပြတ်စဲရေးတို့ကို စဉ်းစားချင်စိတ် ပေါက်လောက်တဲ့ အနေအထားတချို့ တွေ့လာလိမ့်မယ်။ အထင်အမြင်လွဲတဲ့ အခိုက်အတန့်လေးတွေ မလွှဲသာမရှောင်သာ ပေါ်ပေါက်လာမှာပဲ။ အဲဒီအခါမျိုးမှာ ခက်ထန်မာကျောတဲ့ ဆုံးဖြတ်ချက်မျိုးတွေကို စိတ်လိုက်မာန်ပါ မဆုံးဖြတ်ပါနဲ့။ အဲဒီလို ဆုံးဖြတ်ချက်မျိုး ချမှတ်ဖို့ အနည်းဆုံး ခြောက်လကနေ သုံးနှစ်အထိ အချိန်ပေးပါ။ မိဘနှစ်ပါးစလုံးဟာ ရင့်ကျက်တဲ့ သဘောထားရှိပြီး စာနာထောက်ထားတတ်တဲ့ စိတ်မျိုးရှိရင် အိမ်ထောင်ရေးပြဿနာတွေကို ဘယ်လောက်မြန်မြန်ဆန်ဆန် ဖြေရှင်းကျော်လွှား နိုင်တယ်ဆိုတာ မင်းတို့ တအံ့တသြ တွေ့ကြရလိမ့်မယ်။
လုပ်စရာရှိတာကို မြန်မြန်ဆန်ဆန်လုပ်ပစ်ဖို့ အကြံပေးလာတဲ့ အပေါင်းအသင်းတွေရဲ့ စကားကို မနာခံပါနဲ့။ ကွာရှင်းဖို့၊ ပြတ်စဲဖို့ ရှေ့နေလိုက်တဲ့လူတွေကိုကြည့်လိုက်၊ အများစုဟာ သူတို့ကိုယ်တိုင်က ကွာရှင်း ပြတ်စဲထားသူ၊ လင်မယားကွဲနေသူ၊ အိမ်ထောင်မရှိသူ၊ မိန်းမလျာ၊ ဒါမှမဟုတ် ယောက်ျားလျာတွေ ဖြစ်နေတာ တွေ့ရလိမ့်မယ်။
လင်မယားကွာရှင်ပြတ်စဲခြင်းကို ဘုရားသခင်က စက်ဆုပ်တော်မူတယ်။ ဒီတော့ ဘ၀ကြင်ဖော်ကို ရွေးတဲ့အခါ ကိုယ်နဲ့အတွဲညီမယ့် အဖော်မွန်ကို ရွေးမိစေဖို့ အလေးထားဂရုစိုက်ပါ။ ဘယ်လိုပဲဖြစ်ဖြစ် အခြေအနေက တကယ့်ကို ဆိုးဆိုးရွားရွား ဖြစ်နေပြီဆိုရင်တော့ ဘုရားသခင်ထံမှာ ဆုတောင်းဖို့နဲ့ ဘုရားသခင်ရဲ့ ထိန်းကျောင်းစောင့်ရှောက်မှုကို ခံယူဖို့ လင်မယားနှစ်ယောက် ခဏတစ်ဖြုတ် ခွဲခွာနေနိုင်တာပဲ။ ဒါပေမယ့် အဲဒီလို ခွဲခွာနေပြီး အဖော်သစ်ကို မရှာပါနဲ့။
လင်မယားကွာရှင်းပြတ်စဲမှုကို တားဆီးဖို့အတွက် လင်မယားနှစ်ယောက်စလုံး အတူတွဲပြီး နေ့စဉ်နေ့တိုင်း ဘုရားသခင်ထံမှာ ၀တ်ပြုဆုတောင်းမယ်ဆိုရင် မမှားနိုင်ပါဘူး။
အိမ်ထောင်ပြုခြင်းဟာ လူသားမျိုးနွယ်အတွက် ဘုရားသခင်က ချီးမြှင့်တော်မူတဲ့ ကောင်းချီးမင်္ဂလာပဲ။
ဒီတော့ အိမ်ထောင်သုခကို ခံစားပြီး သားသမီးတွေ ပွားစည်းစေပါ။
ခိုင်မြဲတဲ့ ချစ်ခြင်းမေတ္တာလမ်းကြောင်းကို လျှောက်ပါ။
အမုန်းလမ်းကြောင်းကို မလျှောက်ပါနဲ့။
ဒီတော့ အိမ်ထောင်သုခကို ခံစားပြီး သားသမီးတွေ ပွားစည်းစေပါ။
ခိုင်မြဲတဲ့ ချစ်ခြင်းမေတ္တာလမ်းကြောင်းကို လျှောက်ပါ။
အမုန်းလမ်းကြောင်းကို မလျှောက်ပါနဲ့။
No comments:
Post a Comment