အရက်သေစာ သောက်စားခြင်း
မင်းတို့ သူငယ်ချင်းအပေါင်းအသင်းတွေနဲ့ အပြင်ထွက်ပြီး သောက်စားပျော်ပါးတဲ့အခါ သူတို့တိုက်တဲ့ အရက်ကို နှစ်ခွက်ထက်ပိုမသောက်ဘဲ နေခြင်းဟာ လိမ္မာယဉ်ကျေးတဲ့ အပြုအမူ ဖြစ်တယ်။ တကယ်လို့ နှစ်ခွက်ထက်ပိုသောက်ဖို့ လိုအပ်လာရင် နောက်ထပ်သောက်တဲ့ အရက်ဖိုးကို ကိုယ့်ဘာသာ ကိုယ်ပေးပါ။ မော်တော်ကားမောင်းနိုင်တယ်လို့ တရားဝင်ခွင့်ပြုထားတဲ့ ယမကာပမာဏက ဘီယာနှစ်ခွက်နော်။ အဲဒီထက် ပိုသောက်ထားမိရင် ကားမမောင်းမိဖို့ သတိထားပါ။ တဒင်္ဂပျော်ရွှင်မှုဟာ တစ်သက်လုံး ကြေကွဲစရာ ဖြစ်သွားနိုင်တယ်။ အိမ်ပြန်ဖို့ အငှားကားစီးပါ။ မူးနေတဲ့ အပေါင်းအသင်းတွေက ကားမောင်းပြီး လိုက်ပို့ပေးတာကိုလည်း ခွင့်မပြုနဲ့။ အမူးသမားမောင်းတဲ့ မော်တော်ကားတွေနဲ့ လိုက်မိတဲ့ ခရီးသည်အတော်များများဟာ ခုဆို သူတို့ရဲ့ အုတ်ဂူတွေထဲမှာ အိပ်စက်အနားယူနေကြပြီလေ။
မိတ်ဆုံစားသောက်ပွဲတွေမှာ လူတွေရဲ့ အကျင့်စရိုက်ကို အကဲခတ်မှန်းလို့ ရနိုင်တယ်။ ယမကာဖိုးကို ဘယ်သူက ပေးချေနေတယ်ဆိုတာ အမှုမထားဘဲ ကိုယ်သောက်နိုင်သလောက် နင်းကန်သောက်တတ်တဲ့ လူတွေရှိနေတယ်ကွယ့်။ သူတို့ဟာ မိတ်ဆွေအပေါင်းအသင်းတွေရဲ့ စေတနာနဲ့ လောက၀တ်ပြုမှုကို အခွင့်အရေးယူတတ်တဲ့ လူတွေပေါ့။ ဒီတော့ အဲဒီလူမျိုးတွေကို သတိထား။ အဲဒီလူမျိုးတွေနဲ့ တွဲဖက်ပြီး စီးပွားရေးမလုပ်မိအောင် ဆင်ခြင်ပါ။
ဟောဒီမှာ စိတ်ဝင်စားစရာကောင်းတဲ့ အချက်ကလေးတချို့ ဖော်ပြထားတယ်။
အလှူရှင်အများစုဟာ သူတို့ရဲ့ ဧည့်သည်တွေကို ပိုပြီးသောက်စေချင်တယ်။ ဒီတော့ နှစ်ခွက်သောက်ပြီးလို့ နောက်ထပ်လည်း သောက်ရဦးမယ်။ အရက်ဖိုးပေးခွင့်လည်း မပြုဆိုရင် ယမကာကို ကိုယ့်ဘာသာ သွားယူခွင့်ပြုဖို့ အလှူရှင်ကို ချိုသာယဉ်ကျေးစွာ ပြောပါ။ မင်းတို့ရဲ့ ယဉ်ကျေးဖွယ်ရာမှုကို သူ တလေးတစား အသိမှတ်ပြုပါလိမ့်မယ်။ အဲဒီလို ပြုမူတဲ့လူဟာ မင်းတစ်ယောက်တည်းပဲ ရှိကောင်းရှိနိုင်တယ်။
ဘရန်ဒီဆိုရင် ဖြည်းဖြည်းချင်းအရသာခံပြီး သောက်ရတယ်။ ယမကာကို မြန်နိုင်သမျှအမြန်ဆုံး လည်ချောင်းထဲလောင်းထည့်တဲ့ တရုတ်သောက်နည်းဟာ မှားတယ်။ ငွေဖြုန်းတီးရာ ရောက်တယ်။
အသားနီ (သိုး၊ အမဲ စတဲ့အသားဟင်းလျာ) ကို စားနေရင် ၀ိုင်အနီကို သောက်ပါ။ အသားဖြူ (ကြက်၊ ဘဲ စတဲ့ အသားဟင်းလျာနဲ့ ပင်လယ်အစားအစာ)ကို စားနေရင် ၀ိုင်အဖြူကို သောက်ပါ။
ယမကာအနည်းကျဉ်းသောက်တာ ကိုယ်ခန္ဓာအတွက် သင့်လျော်ကောင်းမွန်တယ်။ အဲဒီလို သောက်တာကို သမ္မာကျမ်းစာကတောင် အားပေးထောက်ခံတယ်။
သင့်တင်လျောက်ပတ်စွာ ယမကာသောက်သုံးခြင်းဟာ ကောင်းပါတယ်။ ဒါပေမယ့် အရက်သေစာ အလွန်အကျွံသောက်စားမှုကြောင့် ဖြစ်ပေါ်ခဲ့ရတဲ့ ဘေးဒုက္ခတွေအကြောင်း သမိုင်းစဉ်တစ်လျှောက်မှာ တခမ်းတနားရှိလေရဲ့။ အရက်ရဲ့ ကျေးကျွန်ခေါင်းဆောင်တွေကြောင့် စီးပွားရေးလုပ်ငန်းတွေနဲ့ အစိုးရ အဖွဲ့အစည်းတွေ ပြိုလဲပျက်စီးခဲ့ရတယ်။ ဘယ်အလုပ်မဆို အစွန်းရောက်အောင်လုပ်ရင် မကောင်းဘူး။ မင်းတို့ရဲ့ ဘွားအေကြီးဆို အသက် ၉၆ နှစ်ထိ အသက်ရှင်နေထိုင်သွားတယ်။ ဖေဖေတို့ဟာ ဆင်းရဲ နွမ်းပါးပေမယ့် သူက ညစဉ်ညတိုင်း အိပ်ရာမ၀င်မီ ဖန်ခွက်ကလေးတစ်ခွက်နဲ့ ဆေးဖက်ဝင် ၀ိုင်အချို သောက်လေ့ရှိတယ်။ အသက် ၉၀ ရောက်တဲ့တိုင် သူ့မျက်လုံးတွေ အမြင်ကြည်နေတုန်းပဲ။ သူဟာ အပ်ပေါက်လည်း ထိုးနိုင်တယ်။ အပ်လည်း ချုပ်နိုင်တယ်။
ယမကာကောင်းကောင်းကို သောက်သုံးပါ။
အလွန်အကျွံ မသောက်ရင် ပျော်ရွှင်ကြည်နူးစရာ ကောင်းပါတယ်။
အလွန်အကျွံ မသောက်ရင် ပျော်ရွှင်ကြည်နူးစရာ ကောင်းပါတယ်။
No comments:
Post a Comment