၂၀၁၀ ကမ္ဘာ့ဖလားပြိုင်ပွဲ နွှဲကြမည့်အသင်းများ

၂၀၁၀ ကမ္ဘာ့ဖလားပြိုင်ပွဲကြီး တောင်အာဖရိကနိုင်ငံမှာ ကျင်းပပြုလုပ်သွားမှာဖြစ်ပါတယ်။ အဲဒီပြိုင်ပွဲမှာ နောက်ဆုံးအဆင့်အနေနဲ့ ပါဝင်ယှဉ်ပြိုင်ခွင့်ရဖို့အတွက် တိုက်အလိုက်၊ ဒေသအလိုက်က အသင်းတွေဟာ ခြေစစ်ပွဲတွေ ယှဉ်ပြိုင်ခဲ့ကြရပါတယ်။ ဘောလုံးပြိုင်ပွဲထဲမှာ အဆင့်အမြင့်ဆုံး နိုင်ငံအဆင့်ပြိုင်ပွဲကြီးဖြစ်တဲ့အတွက် ကမ္ဘာ့ဖလားပြိုင်ပွဲကို ၀င်ရောက်ယှဉ်ပြိုင်ခွင့်ရရှိရေး၊ အနိုင်ရဗိုလ်စွဲနိုင်ရေးဟာ နိုင်ငံတိုင်းရဲ့ အာသီသပဲ ဖြစ်ပါတယ်။ ဥပမာအနေဖြင့် ဘရာဇီးလ်လို့ ဆိုလိုက်တာနဲ့ အခြားသောစီးပွားရေး၊ နိုင်ငံရေးတွေကို စဉ်းစားမိသူထက် ကမ္ဘာ့ဖလားပြိုင်ပွဲကို အကြိမ်အများဆုံးဝင်ပြိုင်ထားတဲ့နိုင်ငံ၊ ဖလားအများဆုံးရရှိထားတဲ့နိုင်ငံ၊ ပီလီ၊ ရော်နယ်လ်ဒို၊ ရော်နယ်လ်ဒင်ဟို၊ ကာကာ၊ ရိုမာရီယို တို့ရဲ့ ဘောလုံးနိုင်ငံအဖြစ်သာ သိသူများလှပါတယ်။ အိုင်ဗရီကို့စ်ဆိုတာ ဘယ်နားမှာရှိမှန်းမသိပေမယ့်၊ ဒရော့ဘာ၊ ကာလူတို့ရဲ့ နိုင်ငံ၊ ကမ္ဘာ့ဖလားခြေစစ်ပွဲအောင်ထားတဲ့ နိုင်ငံဆိုတာတော့ လူတိုင်းနီးနီး သိကြပါတယ်။ လက်တွေ့လူမှုနယ်ပယ်မှာ ဘောလုံးရဲ့ အရှိန်ဟာ အဲဒီလောက်အထိ ကြီးမားတာဖြစ်ပါတယ်။ ၀မ်းနည်းစရာကောင်းတာက အခုခေတ်မှာ အရှေ့တောင်အာရှလို့ ပြောလိုက်ရင် ထိုင်းအသင်းနဲ့ စင်ကာပူအသင်းကိုပဲ လူတွေသိတော့တဲ့ အချက်ပါ။ အရှေ့တောင်အာရှမှာ အခုအချိန်အထိ မြန်မာအသင်းရဲ့ အောင်မြင်မှုသမိုင်းကို ကျော်တက်နိုင်တဲ့အသင်း မရှိသေးဘူးဆိုတာကို သိသူနည်းသွားပါပြီ။ အတိတ်ကရွှေရောင်တောက်ခဲ့ပေမယ့် ပစ္စုပ္ပန်က မှေးမှိန်နေလေတော့ ဘယ်သူကမှ အဖက်လုပ်ပြီး မပြောကြတော့ပါဘူး။ စကားဘေးချော်သွားပါသည်။ ပြန်တည့်ပါမည်။ အခုလာမည့် ၂၀၁၀ ကမ္ဘာ့ဖလားပြိုင်ပွဲမှာ နောက်ဆုံးအဆင့်အနေနဲ့ ၀င်ရောက်ယှဉ်ပြိုင်ခွင့်ရခဲ့တဲ့ အသင်းတွေကို အောက်မှာဖော်ပြလိုက်ပါတယ်။

အိမ်ရှင်
၁။ တောင်အာဖရိက

အာဖရိကဇုန်
၁။ ကင်မရွန်း
၂။ နိုင်ဂျီးရီးယား
၃။ အယ်လ်ဂျီးရီးယား
၎။ ဂါနာ
၅။ အိုင်ဗရီကို့စ်

အာရှဇုန်
၁။ သြစတြေးလျ
၂။ ဂျပန်
၃။ တောင်ကိုရီးယား
၎။ မြောက်ကိုရီးယား

ဥရောပဇုန်
၁။ ဒိန်းမတ်
၂။ ဆွစ်ဇာလန်
၃။ စလိုဗက်ကီးယား
၎။ ဂျာမနီ
၅။ စပိန်
၆။ အင်္ဂလန်
၇။ ဆားဗီးယား
၈။ အီတလီ
၉။ နယ်သာလန်(ဟော်လန်)
၁၀။ စလိုဗေးနီးယား
၁၁။ ပြင်သစ်
၁၂။ ဂရိ
၁၃။ ပေါ်တူဂီ

မြောက်/အလယ် အမေရိကတိုက်နှင့် ကာရစ်ဘီယံဒေသ
၁။ အမေရိကန်
၂။ မက္ကစီကို
၃။ ဟွန်ဒူးရပ်စ်

သမုဒ္ဒရာပိုင်းဇုန်
၁။ နယူးဇီလန်

တောင်အမေရိကဇုန်
၁။ ဘရာဇီးလ်
၂။ ချီလီ
၃။ ပါရာဂွေး
၎။ အာဂျင်တီးနား
၅။ ဥရုဂွေး

ခြေစစ်ပွဲကာလတွေမှာကတည်းက ပြိုင်ဆိုင်မှုပြင်းထန်ခဲ့တဲ့ ကမ္ဘာ့ဖလားပြိုင်ပွဲမျှော်လင့်ချက်တွေဟာ နောက်ဆုံး ၃၂ သင်းသာ ယှဉ်ပြိုင်တော့မယ့် အချိန်မှာတော့ အမြင့်ဆုံးအထွဋ်အထိပ်ကို ရောက်ရှိနေမှာ အသေအချာပါပဲ။ နိုင်ငံအသင်းတွေကလည်း ပြိုင်ပွဲမှာ အကောင်းဆုံးယှဉ်ပြိုင်နိုင်ဖို့အတွက် ပြင်ဆင်နေကြသလို တောင်အာဖရိကကို လိုက်ပါအားပေးကြမယ့် ပရိသတ်တွေအတွက်လည်း အခုကတည်းက ရင်တခုန်ုခုန်နဲ့ စိတ်ကူးယဉ်ပြင်ဆင်နေကြပြီ ဖြစ်ပါတယ်။

ခြေစစ်ပွဲကာလတွေ ပြီးသွားတဲ့အခါမှာ-

• အာရှတိုက်က တောင်ကိုရီးယားနဲ့ မြောက်ကိုရီးယား နှစ်နိုင်ငံလုံး ခြေစစ်ပွဲအောင်ခဲ့တာ၊
• အာဖရိကတိုက်က အီဂျစ်နဲ့ အယ်လ်ဂျီးရီးယားတို့ နောက်ဆုံးအချိန်အထိ ပြိုင်ဆိုင်မှုကြီးမားခဲ့တာ၊
• ၂၀၀၈ ခုနှစ် ကမ္ဘာ့အကောင်းဆုံးဘောလုံးသမား စီရော်နယ်လ်ဒိုရဲ့ ပေါ်တူဂီတို့ နောက်ဆုံးအချိန်အထိ ရုန်းကန်ခဲ့ရတာ
• သူကိုင်တွင်သမျှ အသင်းတွေကို ကံကောင်းခြင်းတွေ ဆောင်ကြဉ်းပေးတတ်တဲ့ ဟစ်ဒင့်ရဲ့ ရုရှားအသင်း မထင်မှတ်ဘဲ အရေးနိမ့်သွားပြီး အာရှာဗင်၊ ပေါ်လျူချန်ကို၊ ဇာကော့ဗ်တို့ ကမ္ဘာ့ဖလားပြိုင်ပွဲနဲ့ လွဲချော်သွားရတာတွေ၊
• Play Off ပြန်ကန်ပွဲမှာ အိုင်ယာလန်ဘက်ကို ပြင်သစ်အသင်းက ဂါးလက်စ် ဂိုးသွင်းနိုင်ဖို့ဖန်တီးပေးခဲ့ရာမှာ အွန်နရီတစ်ယောက် စည်းကျော်တော့မယ့်ဘောလုံးကို လက်နဲ့အသာပုတ်ထိန်းပြီး ကစားသွားခဲ့တာတွေ၊
• ကမ္ဘာကျော် ဂန္ထ၀င်ကစားသမားကြီး မာရာဒိုနာကိုင်တွယ်တဲ့ မက်ဆီ၊ တိဗက်ဇ်၊ မာရှေရာနိုတို့ရဲ့ အာဂျင်တီးနားအသင်း နောက်ဆုံးအချိန်အထိ ရုန်းကန်ခဲ့ရတာတွေဟာ သမိုင်းမှတ်တမ်းအနေနဲ့ ပြောစရာကျန်ခဲ့ရပြီ ဖြစ်ပါတယ်။

အခုလာမယ့် ၂၀၁၀ ကမ္ဘာ့ပြိုင်ပွဲ နောက်ဆုံးအဆင့်မှာလည်း ခြေစစ်ပွဲအောင်ထားကြတဲ့ အသင်းတွေဟာ မိမိနိုင်ငံ၊ မိမိဒေသကို ဂုဏ်ဆောင်နိုင်ဖို့အတွက် ရေကုန်ရေခန်းယှဉ်ပြိုင်ကစားကြရင်း ဘယ်သို့ဘယ်ပုံသော ပြောစရာသမိုင်းတွေ ချန်ထားရစ်ခဲ့ကြဦးမလဲ၊ ဘယ်အသင်းက ပျိုတိုင်းကြိုက်တဲ့ နှင်းဆီခိုင် ကမ္ဘာ့ဖလားကြီးကို သိမ်းပိုက်သွားဦးမလဲ ဘယ်သူတွေ ထင်ပေါ်လာပြီး ဘယ်သူတွေ ပြောစရာဖြစ်ကြဦးမလဲဆိုတာကို ရင်ခုန်စွာ မျှော်လင့်စောင့်စားကြပါစို့ဟု...........။

အမှတ်တရ
ကိုဉာဏ် (ပန်းလောင်မြေ)
၂၀၀၉ ခုနှစ်၊ နိုဝင်ဘာလ ၂၉ ရက်၊ တနင်္ဂနွေနေ့။
နေ့လည် ၄ နာရီ ၄ မိနစ်တွင်ပြီး၏။

ကိုးကား - www.fifa.com/worldcup