Sunday, November 29, 2009

ခံစားချက်ကို ဆေးရောင်ခြယ်သော စာအုပ်မှတ်စုများ - ကိုဉာဏ် (ပန်းလောင်မြေ)


အခုတလော ကျွန်တော် စိတ်အခန့်မသင့်တာလေးတွေကို ရေးမလိုလုပ်ပြီးကာမှ စိတ်ကူးပေါက်တာနဲ့ မရေးဖို့ ဆုံးဖြတ်လိုက်တယ်။ ဘာလဲဟ… ဆိုပြီး တစ်မျိုးဖြစ်သွားတယ်ထင်ပ။ ဒီလိုပါ။ ကျွန်တော်စိတ်ထဲမှာ မတွေ့တာတွေကို ချမရေးတော့ဘဲ သွယ်ဝိုက်သောနည်းတစ်ခုခုနဲ့ ရင်ဖွင့်ဖို့ပါ။ ကျွန်တော့်ဘလော့ဂ်ကို လာဖတ်တဲ့လူတွေအတွက် ဆန်းသစ်မှုတစ်ခုခုကို ခံစားရစေချင်လို့ပါ။ ကျွန်တော့်ရဲ့ မှတ်စုစာအုပ်တွေကို ဘေးမှာချပြီး ကျွန်တော်ပြောချင်တာတွေကို သွယ်ဝိုက်ပြီးပြောဖို့ ပြင်ဆင်ရတာ လွယ်တော့မလွယ်ဘူးဗျ။ တစ်မျက်နှာဆီ လိုက်လှန်နေရတာကိုး။ ကဲပါ… ဖတ်ကြည့်လိုက်ပါဦး။

(၁)
ခင်ဗျားကလည်းဗျာ… အင်္ဂလန်မှာ နေဖူးတယ်ဆိုတာကို နတ်ပြည်မှာ နေဖူးတယ်လို့ ပြောတာကျနေတာပဲ။ အံ့သြသွားလိုက်တာ… အင်္ဂလန်ဆိုတာလည်း ဘာများဆန်းလို့လဲ။ အင်္ဂလိပ်တွေနေတဲ့ တိုင်းပြည်ပေါ့။ ခင်ဗျားကြည့်ရတာ ကိုယ့်လူမျိုးနဲ့ ကိုယ့်တိုင်းပြည်ကလွဲရင် အားလုံးကို အထင်ကြီးမယ်ဆိုတဲ့ လူစားမျိုးနဲ့ တူတယ်…
(စာမျက်နှာ - ၁၄၊ မင်းသိင်္ခ ၏ မြိုင်ဟေ၀န် စာအုပ်မှ)

(၂)
လူငယ်များသည် ပုံသွင်းရန် အရာများမဟုတ်။ ပွင့်လန်းရှင်သန်လာအောင် ပြုစုပျိုးထောင်ရမည့် လူသားများသာ ဖြစ်သည်…
Jess Lair
(စာမျက်နှာ - ၃၁၊ အကြည်တော် ၏ မိတ္တ ဟဒယ ဟာသတက်ကျမ်း စာအုပ်မှ)

(၃)
တစ်ခါတစ်ရံ လောကဓံကို နားပန်ကျင်းပြီး… ကံကြမ္မာကို လက်ပြန်တစ်ချက်လောက် ဖြတ်ရိုက်လိုက်ချင်တယ်… ဘ၀ကို စိတ်တိုင်းကျ ထုဆစ်လို့ မရတဲ့အတွက် မရိုးသားတဲ့အကန့်လေးတွေ ပါလာရတာပါ….
(ရွှေသမက်ဇာတ်ကားမှ)

(၄)
တာဝန်ယူစိတ်မျိုးရှိမှ လူ့တာဝန် ကျေပွန်ပါတယ်။ တာဝန်သိစိတ်သာရှိပြီး တာဝန်ယူစိတ်မရှိရင် ဘာမှ ဖြစ်လာမှာ မဟုတ်ပါဘူး။ လုပ်သင့်လုပ်ထိုက်တဲ့ အလုပ်မျိုးကို ရဲရဲတာဝန်ယူပြီး လုပ်ဝံ့တဲ့စိတ် ရှိရပါတယ်…
လူထုစိန်ဝင်း
(လူငယ်နှင့် ယနေ့ခေတ် စာအုပ်မှ)

(၅)
သင်သေပြီး ပုပ်ဆွေးသွားတာနဲ့ သင့်ကို အများက မေ့သွားတာမခံချင်ရင် ဖတ်ထိုက်တာတွေ ရေးခဲ့၊ ရေးထိုက်တာတွေ လုပ်ခဲ့…
ဘင်ဂျမင် ဖရင်ကလင် (ပညာရှိ)
(စာမျက်နှာ - ၁၉၊ လျှပ်တစ်ပြက်ဂျာနယ်၊ အတွဲ ၁၊ အမှတ် ၃၃ တွင် ဖော်ပြပါရှိသည့် စိုးမြင့်သိန်း ၏ မှိုင်းတိုက်တွန်းထုတ် စာပေ၀ါဒ မှ)

(၆)
တစ်ခါတစ်ခါကျတော့လည်း
ကိုယ့်ဘ၀ကိုယ် စိတ်နာတယ်
ကိုယ့်တံတွေးကိုယ် ပြန်မြိုချရသလို
ဘာအရသာမှကို မရှိဘူး။
(စာမျက်နှာ - ၆၅၊ တာရာမင်းဝေ ၏ ကတ်ကြေးတစ်လက်နှင့်ကောင်းကင်တစ်ထည် စာအုပ်မှ)

(၇)
ကလေးတွေ အမှောင်ကိုကြောက်တာက မဆိုးဘူး…။ လူကြီးတွေ အလင်းကိုကြောက်တာက ဆိုးတယ်….
(ဒါက ကျွန်တော့်ရဲ့ ဘာခံစားချက်နဲ့မှ မဆိုင်ပါဘူး။ မှတ်စုစာအုပ်တွေကို လိုက်ဖတ်ရင်း ဒီစာပိုဒ်လေးကို သဘောကျလို့ တင်ပေးရုံသက်သက်ပါ။ ဘယ်ထဲက ကူးထားတယ်ဆိုတာ မှတ်မထားဘူးဗျ။ ကျွန်တော်ကလည်း အတော်ဆိုးတဲ့ကောင်ပဲ။ အဲဒီတုန်းက ဘယ်လိုဖြစ်ပြီး ဘယ်စာအုပ်ကကူးထားတယ်ဆိုတာကို မှတ်ဖို့ မေ့သွားတယ် မသိပါဘူး။ သူနဲ့အတူတူ မှတ်ထားတဲ့ စကားပုံတွေ၊ ဆိုရိုးစကားတွေလည်း အများကြီးတွေ့ရတယ်။ စကားပုံစာအုပ်တစ်ခုခုကနေ ကူးထားလိုက်တာ ဖြစ်မယ်ထင်ပါတယ်)

ကဲ….. ဒီပို့စ်မှာတော့ ဒီလောက်နဲ့ တော်ပါပြီ…
ကိုဉာဏ် (ပန်းလောင်မြေ)
၂၀၀၉ ခုနှစ် နိုဝင်ဘာလ ၂၈ ရက်၊ စနေနေ့။
နံနက် ၀ နာရီ ၁၀ မိနစ်တွင်ပြီး၏။

No comments:

Post a Comment

 
Web Statistics