၂၀၀၉ ခုနှစ်ရေ...
ကြုံခဲ့ဖုံဖုံ၊ ဇာတ်လမ်းစုံကို
လုံခြုံသိမ်းဆည်း၊ သင့်ရင်ထဲ၌
ခွဲထားချန်ရစ်၊ မှတ်တမ်းဖြစ်ပြီ
နောင်ခေတ်ထိုလူ၊ ကြည့်လိုမူက
ယူထုတ်ဖော်ပြ၊ တို့ဘ၀အား
မခြွင်းမချန်၊ ရှိအမှန်ဖြင့်
သူတို့သိစေချင်ပါသည်။
၂၀၁၀ ခုနှစ်ရေ...
မျှော်လင့်အိပ်မက်၊ တပွေ့ဖက်ဖြင့်
လက်ကမ်းဆင့်ကြို၊ အပြုံးချိုသည်
ထိုထိုပီတိ၊ ဂွမ်းဆီထိဖြင့်
ငါတို့ကြိုဆိုကြပါသည်။
နှစ်သစ်ချိန်ခါ၊ ခုလိုခါမှာ
သူငါအများ၊ အေးစေငြားဟု
စိတ်ထားဆုမွန် ဆိုချင်သည်။
စိတ်ဝမ်းနှလုံး ရွှင်ရွှင်ပြုံးပြီး
အမုန်းတရား ကင်းပါစေ။
မျှော်လင့်တောင့်တ အိပ်မက်ညတို့
အမြန်မုချ ရောက်ပါစေ။
လိုရာဆန္ဒ ပြည့်စုံဝ၍
လောကကောင်းကျိုးသယ်နိုင်စေ...။
အမှတ်တရ
ကိုဉာဏ် (ပန်းလောင်မြေ)
၂၀၀၉ ခုနှစ် ဒီဇင်ဘာလ ၃၁ ရက်၊ ကြာသပတေးနေ့။
ည ၁၁ နာရီ ၅၀ မိနစ်တွင်ပြီး၏။
ကိုဉာဏ် (ပန်းလောင်မြေ)
၂၀၀၉ ခုနှစ် ဒီဇင်ဘာလ ၃၁ ရက်၊ ကြာသပတေးနေ့။
ည ၁၁ နာရီ ၅၀ မိနစ်တွင်ပြီး၏။
၂၀၀၉ ခုနှစ်ကို ဤကဗျာဖြင့် နှုတ်ဆက်ပါသည်။
No comments:
Post a Comment