ဟာသလေးတွေဖတ်ပြီး ရယ်မောပျော်ရွှင်ရမယ့်အချိန်

ကိုယ်ဝန်အရင့်အမာနှင့် မိန်းမဖြစ်သူ အလွန်အမင်း ဗိုက်နာနေသည့်အတွက် ယောက်ျားဖြစ်သူက ဆရာဝန်ကို အသည်းအသန် ဖုန်းဆက်ခေါ်သည်။
ဆရာဝန်မကြီးရောက်လာပြီးနောက်-
"လူနာရော"
"အခန်းထဲမှာ"
"ရှင် အပြင်မှာပဲနေနော်၊ အခန်းထဲဝင်မလာနဲ့"
"ဟုတ်ကဲ့"
ခဏကြာတော့ ဆရာဝန်မကြီးက တံခါးဟလိုက်ပြီး ယောက်ျားဖြစ်သူကို လှမ်းပြောတယ်။
"၀က်အူလှည့်ရှိရင် အမြန်ပေးပါ"
"ဟုတ်ကဲ့"
ယောက်ျားဖြစ်သူက ယူပေးလိုက်တယ်။ ဆရာမကြီးဝင်သွားပြီး ခဏနေတော့ ပြန်ထွက်လာတယ်။
"ပလာယာပါ လိုချင်တယ်"
"ဟုတ်"
တစ်မိနစ်လောက်ကြာတော့
"စို့ နဲ့ တူသာ ပေးပါတော့"
ဒီတော့ လူနာရှင်ယောက်ျားက စိုးရိမ်တကြီးနဲ့
"ဆရာမရယ်၊ ပွင့်ပွင့်လင်းလင်းပြောပါခင်ဗျာ၊ လူနာရဲ့ အခြေအနေက တော်တော်ဆိုးလို့လား"
"မပြောတတ်သေးဘူးရှင့်၊ ဆေးသေတ္တာကို ဖွင့်လို့မရသေးလို့ လူနာကို မကြည့်ရသေးဘူး"

ဂျီကာဂိုမြို့မှ အမျိုးသမီးကြီးတစ်ဦးသည် မရောက်ဖူးသေးသည့် ဖလော်ရီဒါပြည်နယ်သို့ ခရီးထွက်ရန် ဆုံးဖြတ်လိုက်သည်။ မြို့တစ်မြို့သို့ ရောက်သောအခါ ဟိုတယ်တစ်ခုသို့ ၀င်သည်။ အဆိုပါဟိုတယ်မှာ လူမျိုးရေးခွဲခြားမှုရှိသော ဟိုတယ်အဖြစ် ထင်ရှားသည့်ဟိုတယ် ဖြစ်သည်။
ဟိုတယ်မန်နေဂျာအား အမျိုးသမီးကြီးက ပြောလိုက်သည်။
"ကျွန်မကို အခန်းတစ်ခန်းပေးပါ၊ နှစ်ပတ်ကြာနေပါ့မယ်"
မန်နေဂျာက ပြန်ဖြေသည်။
"၀မ်းနည်းပါတယ်ခင်ဗျာ၊ ကျွန်တော်တို့ဆီမှာ အခန်းလွတ်မရှိပါဘူး"
ထိုအချိန်တွင် ဧည့်သည်တစ်ယောက် အခန်းလာအပ်သည်ကို တွေ့ရသဖြင့် အမျိုးသမီးကြီးက ၀မ်းသာအားရပြောလိုက်သည်။
"ကြည့်စမ်း၊ အဆင်ပြေလိုက်တာ၊ အခန်းတစ်ခန်း လွတ်သွားပြီ။ အခုပြန်အပ်တဲ့အခန်းကို ကျွန်မကိုပေးလို့ ရပြီမလား"
"စိတ်မရှိပါနဲ့ဗျာ၊ ကျွန်တော်တို့ဟိုတယ်မှာ ဂျူးလူမျိုးတွေကို တည်းခိုခွင့်မပြုပါဘူးခင်ဗျ"
"ဘယ်သူလဲ ဂျူးလူမျိုးက၊ ကျွန်မလား၊ ကျွန်မက ကတ်သိုလစ်ဘာသာဝင်ရှင့်"
"လွယ်လွယ်ယုံဖို့တော့ ခက်ပါတယ်ခင်ဗျ၊ မေးခွန်းအချို့ မေးခွင့်ပြုပါ၊ ဘုရားသခင်ရဲ့ သားတော်ဟာ ဘယ်သူပါလဲ"
"မယ်တော်မေရီကမွေးတဲ့ ယေရှုသခင်ပေါ့ရှင့်"
"သူ့ကို ဘယ်မှာမွေးတာလဲ"
"နွားတင်းကုတ်မှာ"
"ဘာဖြစ်လို့ နွားတင်းကုတ်မှာ မွေးရတာလဲ"
"နင်တို့လို အကောင်မျိုးတွေကြောင့် မယ်တော်မေရီ အခန်းငှားမရလို့တဲ့ဟေ့"


တစ်နေ့တွင် ဆရာဝန်တစ်ယောက်ထံ နားထဲသို့ ဂေါ်လီလုံးဝင်သွားသော ကလေးလူနာတစ်ယောက် ရောက်လာလေသည်။ ဆရာဝန်ခမျာ ကလေးနားထဲသို့ ၀င်နေသော ဂေါ်လီလုံးကို ခက်ခက်ခဲခဲနှင့် အသည်းအသန်ကြိုးစားပြီး ထုတ်ပေးလိုက်ရသည်။ ထို့နောက် ကလေးငယ်အား မေးလိုက်သည်။
"သားရယ်… နားထဲကို ဂေါ်လီလုံးဝင်အောင် ဘယ်လိုများ ဆော့လိုက်ပါလိမ့်"
ထိုအခါ ကလေးငယ်က "ဒီလိုပဲ ဦးဦးရဲ့" ဟုဆိုကာ ဂေါ်လီလုံးကို နားထဲသို့ ပြန်ထည့်ပြလိုက်လေသည်။

လူနာ - ဒေါက်တာ၊ ကျွန်တော်လေ… အမြဲတမ်း စိတ်အားငယ်သလို ဖြစ်နေတယ်၊ ဘာလုပ်ရမလဲဆိုတာ အကြံပေးပါဦးခင်ဗျာ။
ဆရာဝန် - လွယ်ပါတယ်ဗျာ၊ တခြားအကြောင်းတွေ လျှောက်စဉ်းစားမနေနဲ့၊ အလုပ်ထဲမှာ ခေါင်းမြှုပ်ထားလိုက်။
လူနာ - (ပြာပြာသလဲဖြင့်) ဟာ… အဲဒါတော့ မဖြစ်ဘူးဆရာ၊ ကျွန်တော်က ဘိလပ်မြေဖျော်တဲ့လူဗျ။

ပါမောက္ခက ကျောင်းသားအား နောက်ဆုံးစာမေးပွဲအတွက် လူတွေ့စစ်မေးနေလေသည်။
ပါမောက္ခ - ရွှေနဲ့ အသိဉာဏ် နှစ်ခုယှဉ်လာရင် မင်း.. ဘာကို ရွေးချယ်မလဲကွ။
ကျောင်းသား - ရွှေကို ယူမှာပေါ့ဆရာရဲ့။
ပါမောက္ခ - ဆရာကတော့ အသိဉာဏ်ကို ယူမယ်ကွ၊ ဘာကြောင့်လဲ သိလား။
ကျောင်းသား - သိပါတယ်ဆရာ၊ လူဆိုတာ ကိုယ့်မှာ မရှိတာ၊ မပြည့်စုံတာကို လိုချင်တတ်ကြတာ သဘာဝပဲလေ။

ဧည့်သည်များစုံလင်နေချိန်တွင် လူတစ်ဦးက အခြားသူငယ်ချင်းတစ်ဦးကို နောက်ပြောင်လိုသောကြောင့် စကားလှမ်းပြောသည်။
"တလောက ငါ အိပ်မက်,မက်တယ်ကွ၊ အိပ်မက်ထဲမှာ မင်းနဲ့ငါနဲ့ အတောင်ပံတွေပေါက်ပြီး ပျံကြတယ်။ ဒါပေမယ့် ဝေးဝေးကို မပျံနိုင်ဘဲ တို့နှစ်ယောက်လုံး မြေကြီးပေါ်ကို ပြန်ကျလာကြတယ်။ အဲဒီအချိန်မှာ ငါက ပျားရည်တွေ အပြည့်ရှိတဲ့ တွင်းထဲကို ပြုတ်ကျပြီးတော့၊ မင်းကတော့ အညစ်အကြေးတွေ ပြည့်နေတဲ့ တွင်းကြီးထဲကို ကျသွားတယ်ကွ"
အပြောခံရတဲ့ သူငယ်ချင်းကလည်း ဟာသဉာဏ်ရှိသူဖြစ်လေတော့ ချက်ချင်းပဲ ပြန်ပြောလိုက်တယ်-
"အံ့သြစရာကောင်းလိုက်ပါဘိကွာ၊ ငါလည်း အဲဒီပုံစံအတိုင်းပဲ အိပ်မက်,မက်တာကွ။ ဒါပေမယ့် ငါက ရှေ့ဆက်ပြီး အိပ်မက်ဆုံးတဲ့အထိ မက်ခဲ့သေးတယ်ကွ"
"ဟေ၊ ဟုတ်လား… ဘာတွေ ဆက်မက်ခဲ့သေးလို့လဲ"
"ငါတို့တွေ တွင်းတွေထဲကနေ ပြန်တက်လာပြီးတဲ့အချိန်မှာ တစ်ယောက်နဲ့တစ်ယောက် အပြန်အလှန် လျှာနဲ့လျှက်ကြတယ်လေ"

ကျောင်းနေစ ကလေးငယ်တစ်ဦးကို လူကြီးတစ်ယောက်က အင်္ဂလိပ်စာလုံးများ မေးမြန်းလျက်ရှိသည်။
လူကြီး - Ant ကို သိလားကွ။
ကလေး - သိပါတယ်၊ ပုရွက်ဆိတ်ပါ။
လူကြီး - မှန်တယ်၊ Apple ကရော။
ကလေး - ပန်းသီးပါ။
လူကြီး - ဒါဆို Book ကရောကွ။
ကလေး - စာအုပ်။
လူကြီး - အေးမှန်တယ်ကွ၊ Bag ကရောကွာ။
ကလေး - လွယ်အိတ်ပါ။
လူကြီး - Cat ဆိုတာကရော။
ကလေး - (အတန်ကြာစဉ်းစားလျက် မဖြေနိုင်သဖြင့် ခေါင်းကုတ်လျက်) မသိဘူးခင်ဗျ။
ကလေးငယ်အား ဖြေနိုင်စေရန်အတွက် လူကြီးဖြစ်သူက နိမိတ်ပြမေးခွန်း မေးလေသည်။
လူကြီး - သားတို့အိမ်မှာ ကြွက်ကို ဘယ်သူဖမ်းသလဲ။
ကလေး - အမေက ကြွက်ထောင်ချောက်နဲ့ ဖမ်းပါတယ်။
လူကြီး - ဘာကွ။

************************
ကွန်ပျူတာထဲမှာ သိမ်းထားတဲ့ ဟာသတွေကို ပြန်ဖတ်ရင်းနဲ့ သဘောကျတာလေးတွေကို ပြန်ဝေမျှတာပါ။ မူရင်းဟာသတွေမှာ အချို့အရေးအသားတွေကို သဘောမကျတဲ့အတွက် ဆီလျော်အောင် ပြန်ရေးထားပါတယ်။ ဖတ်ပြီးတော့ မရယ်ရဘူးဆိုရင် ကျွန်တော်ပြန်ပြင်ရေးတာ လိုသွားလို့ ဖြစ်ပါလိမ့်မယ်။ မူရင်းဟာသတွေကတော့ တကယ်ရယ်ရတာ သေချာပါတယ်။ ရယ်မောပျော်ရွှင်၍ အမောအပန်းပြေနိုင်ကြပါစေဟု...။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ ဇူလိုင်လ ၂၈ ရက်၊ ဗုဒ္ဓဟူးနေ့။