ဇွဲတင်းနမူနာ လူသား ဆယ်ယောက် - မောင်ဝံသ

[မောင်ဝံသ]

လူတိုင်းရဲ့ဘ၀မှာ အခက်အခဲ အကျပ်အတည်းပေါင်းစုံနဲ့ ကြုံတွေ့ရတတ်စမြဲပါ။ အဲသလို ကြုံရတဲ့အခါများမှာ မိမိထက်ပိုပြီး ကြီးကျယ်တဲ့ လူသားကြီးတွေလည်း အခက်အခဲတွေနဲ့ ကြုံခဲ့ကြတာပဲ၊ သူတို့ဟာ ကြုံတွေ့ရတဲ့ အခက်အခဲတွေကို မလျှော့သော ဇွဲလုံ့လ၀ီရိယနဲ့ ကျော်လွှားနိုင်ခဲ့ကြလို့ အောင်မြင်မှုပန်းတိုင်ကို တက်လှမ်းနိုင်ခဲ့ကြတယ် မဟုတ်ပါလားဆိုတဲ့ ဇွဲတင်းစိတ်ကို မွေးနိုင်ကြဖို့ အရေးကြီးတယ်။

ဇွဲတင်းစိတ်ကို စံနမူနာပြခဲ့ကြတဲ့ ပုဂ္ဂိုလ်ကြီး (၁၀) ယောက် အကြောင်းကို <www.school-teacher-student-motivation-resources-courses.com> က ဖော်ပြပြီး လူငယ်တွေကို အားပေးထားတယ်။ ထိုပုဂ္ဂိုလ်များကတော့ -

(၁) ဟယ်လင်ကဲလား (Helen Keller)
အသက် ၂ နှစ်သမီးအရွယ်ကတည်းက မျက်မမြင်၊ ဆွံ့အနားမကြား ဖြစ်ခဲ့တယ်။ သို့ပေမယ့် သူမဟာ ပညာတတ်တစ်ယောက်ဖြစ်အောင် ကြိုးစားနိုင်ခဲ့ပြီး ကမ္ဘာအနှံ့ ခရီးလှည့်လည်ကာ လူတွေကို အားပေးစကား ပြောခဲ့သေးတယ်။ ဟယ်လင်ကဲလား (၁၈၈၀-၁၉၆၈) ရဲ့ လက်သုံးဆောင်ပုဒ်က "ကမ္ဘာကြီးဟာ ဒုက္ခသုက္ခတွေနဲ့ ပြည့်ကောင်းပြည့်နေမယ်၊ ဒါပေမယ့် အဲသည် ဒုက္ခတွေကို ကျော်လွှားလွန်မြောက်နိုင်မှုတွေကလည်း အပြည့်ပါပဲ" "The world may be full of suffering but it is also full of overcoming" တဲ့။

ဘ၀မှာ ကြီးမားလှပါတယ်ဆိုတဲ့ ပြဿနာနဲ့ ရင်ဆိုင်ခဲ့ရသူတွေဟာ ဟယ်လင်ကဲလားအကြောင်းကို သိလာပြီး သူမနဲ့ ယှဉ်ကြည့်လိုက်တော့မှ သူတို့ကြုံနေရတဲ့ ပြဿနာဆိုတာ ပြောပလောက်စရာ မဟုတ်တော့ဘူးလို့ နားလည်သွားကြတယ်။ ဟယ်လင်ကဲလားတောင် ပြဿနာတွေကို ကျော်လွှားနိုင်သေးတာပဲ မိမိက ဘာကြောင့် မကျော်လွှားနိုင်ရမလဲ။ မုချ ကျော်လွှားနိုင်ရမယ်လို့ ဇွဲတင်းနိုင်ခဲ့ကြပါတယ်။

(၂) လန့်စ် အမ်းစထရောင်း (Lance Armstrong)
ကင်ဆာရောဂါကို လိုအပ်တဲ့ ခွဲစိတ်ကုသမှုတွေ၊ ဓာတုနည်းနဲ့ ကုသမှုတွေ မဆုတ်မနစ်ပြုလုပ်ကာ အောင်နိုင်ခဲ့သူ၊ ကမ္ဘာ့ပြိုင်စက်ဘီးစီး ချန်ပီယံအဖြစ် ၁၉၉၉ ကစလို့ ခုနစ်နှစ်ဆက်တိုက် ဗိုလ်စွဲခဲ့သူ။ သူ့အမှတ်တံဆိပ် ရော်ဘာ လက်စည်းကလေးကို ၀ယ်ပြီး သူ့ဆီက အားမာန်တွေကို ကူးစက်ယူကြတယ်။ သူ့ရဲ့ စိတ်ဓာတ်ကြံ့ခိုင်မှုနဲ့ အောင်ရမယ်၊ ကြံ့ခိုင်စွာနေရမယ် (Livestrong) ဆိုတဲ့ စွဲမြဲယုံကြည်မှုဟာ ဇွဲတင်းလိုသူတွေအဖို့ တန်ဖိုးကြီးလှပါတယ်။

(၃) မာတင်လူသာကင်း (Martin Luther King)
လူမျိုးနဲ့ အသားအရောင်ခွဲခြားမှုနဲ့ ဆင်းရဲငတ်မွတ်မှုတို့ကို ကြံ့ကြံ့ခံ ရပ်တည်ခဲ့သူ၊ အမေရိကမှာ လူလူချင်း တန်းတူညီမျှရေး လမ်းဖွင့်ပေးခဲ့သူ။ လူတစ်ယောက်ဟာ ကမ္ဘာကြီးမှာ အပြောင်းအလဲတွေဖြစ်အောင် မလုပ်နိုင်ဘူးလို့ ဘယ်သူပြောနိုင်မလဲ။ ကျွန်တော်တို့ အားလုံးဟာ အပြောင်းအလဲကို ဖြစ်စေနိုင်ကြတာပဲ။ လိုအပ်တာ တစ်ခုတည်းရှိတယ်။ အဲဒါကတော့ မွတ်သိပ်ခြင်းပဲ။ တစ်ခုခုကို ပြင်းပြင်းပြပြ လိုလားမွတ်သိပ်နေဖို့ပဲ ဖြစ်တယ်။

(၄) မဟတ္တမ ဂန္ဒီ (Mahatma Gandhi)
ဗြိတိသျှအင်ပါယာကြီးကို အကြမ်းမဖက် နှလုံးရည်တိုက်ပွဲဖြင့် တော်လှန်ပြီး အိန္ဒိယပြည်ကြီးကို လွတ်လပ်စေခဲ့သူ။ အသားအရောင် ခွဲခြားမှုမရှိ၊ ဇာတ်နိမ့် ဇာတ်မြင့် ခွဲခြားမှုမရှိ၊ ဘာသာရေး၊ လူမျိုးရေး ခွဲခြားမှုမရှိ၊ ငြိမ်းချမ်းရေးသမားသက်သက် ဖြစ်ပါတယ်။ သူ့ကို တစ်ကမ္ဘာလုံးက ကြည်ညိုလေးစားကြတယ်။ သူသေတော့ ပိုင်ဆိုင်မှုဆိုလို့ မဆိုစလောက် အသေးအဖွဲ ပစ္စည်းကလေးတွေပဲ ကျန်ရှိတယ်။

(၅) ထောမတ် အက်ဒီဆင် (Thomas Edison)
တစ်စုံတစ်ခုကို မဖြစ်ဖြစ်အောင် လုပ်မယ်ဆိုတဲ့ ဇွဲရှိရင် အဆုံးတစ်နေ့မှာ အောင်မြင်နိုင်တာပဲဆိုတာကို သက်သေထူသွားသူ ဖြစ်တယ်။ လျှပ်စစ်မီးလုံးကို တီထွင်ခဲ့ရာမှာ အကြိမ်ပေါင်း တစ်သောင်း မအောင်မမြင် ဖြစ်ခဲ့ပြီး နောက်ဆုံးကျတော့ အောင်မြင်သွားပါတယ်။ အက်ဒီဆင်က ဆုံးရှုံးခဲ့တဲ့ အကြိမ်တိုင်းဟာ အောင်မြင်မှုပန်းတိုင်ဆီကို တစ်လှမ်းချင်း နီးကပ်လာတာပဲလို့ ပြောခဲ့ပါတယ်။

(၆) အိုင်းစတိုင်း (Einstein)
၂၀ ရာစုရဲ့ အကြီးကျယ်ဆုံး ပညာရှင်ကြီး ဖြစ်ပါတယ်။ အိုင်းစတိုင်းရဲ့ ရီလေတီဗီတီ သီဝရီဟာ သိပ္ပံလောကကြီး တစ်ခုလုံးကို လှုပ်ရှားသွားစေခဲ့တယ်။ သူဟာ တက္ကသိုလ်ကျောင်း မနေခဲ့ဖူးဘူး။ မှတ်ပုံတင်ရုံးက စာရေးလေးဘ၀ကနေ ကိုယ်ထူကိုယ်ထ လေ့လာဆည်းပူးပြီး သိပ္ပံပညာရှင်ကြီး ဖြစ်လာခဲ့တယ်။ အိုင်းစတိုင်း ကလေးဘ၀က တော်တော်နဲ့ စာသင်လို့ မရဘူး။ အသက် ၂ နှစ်ကျော်အထိ စကားမပြောခဲ့ဘူး။ အိုင်းစတိုင်းက "စိတ်ကူးဟာ သုတပညာထက် ပို အရေးကြီးတယ်" လို့ ပြောခဲ့တယ်။ သည်စကားဟာ ကိုယ့်ဘ၀ကိုယ် အားငယ်နေသူတွေအတွက် ဘယ်လောက်ကောင်းတဲ့ အားဆေးကြီးလဲ။ ပညာ ကောင်းကောင်း မသင်ခဲ့ရလို့ စိတ်ငယ်နေသူတွေအတွက် ဇွဲတင်းစရာ ဖြစ်လာပါတယ်။

(၇) ၀င်စတန်ချာချီ (Winston Churchill)
ဒုတိယကမ္ဘာစစ်မှာ ဂျာမနီကို အနိုင်တိုက်ကာ ဗြိတိန်နိုင်ငံကို နာဇီတို့လက်အောက် မကျရောက်အောင် ကယ်တင်ခဲ့သူဖြစ်တယ်။ ချာချီဟာ ဘ၀တစ်လျှောက်လုံး အမြဲတမ်း အောင်မြင်ခဲ့သူ မဟုတ်ဘူး။ ၆ တန်း ကျောင်းသားဘ၀မှာ စာမေးပွဲ ကျရှုံးခဲ့တယ်။ နိုင်ငံရေးထဲ ၀င်တော့လည်း ရွေးကောက်ပွဲဝင်တိုင်း ရှုံးခဲ့တာ အသက် ၆၂ နှစ် အထိတိုင်ဖြစ်တယ်။ နောက်ဆုံးမှာ ရွေးကောက်ပွဲနိုင်ပြီး ၀န်ကြီးချုပ်ဖြစ်လို့ သူ့တိုင်းပြည်ကို ကယ်ဆယ်ခွင့် ရခဲ့တယ်။ ဒုတိယကမ္ဘာစစ်ကြီး ပြီးဆုံးသွားတဲ့နောက် ပထမဆုံးကျင်းပတဲ့ ရွေးကောက်ပွဲမှာ ချာချီကြီး ရှုံးပြန်တယ်။ သူ့တိုင်းပြည်က သူ့ကို လိုတဲ့အချိန်မှာ သုံးပြီး မလိုတဲ့အချိန်မှာ ဖယ်လိုက်တာလို့ ပြောစမှတ် ဖြစ်ခဲ့တယ်။ သို့ပေမယ့် ချာချီဟာ နိုင်ငံရေးကို မစွန့်ခွာဘဲ ဖက်တွယ်နေခဲ့တယ်။ ၁၉၅၁ မှာ ၀န်ကြီးချုပ် ပြန်ဖြစ်တယ်။

(၈) အေဘရာဟမ် လင်ကွန်း (Abraham Lincoln)
စစ်တပ်ထဲ ၀င်တော့လည်း မအောင်မြင်၊ စီးပွားရေးလုပ်တော့လည်း ကုန်ရှုံး ကြွေးတင်၊ ချစ်သူရည်းစား ထားပြန်တော့လည်း အိမ်ထောင်သည်ဘ၀ မရောက်ခင် ချစ်သူက ကွယ်လွန်၊ သူကိုယ်တိုင်လည်း ဘ၀ရဲ့ ထုထောင်းချက်တွေကြောင့် စိတ်ဓာတ်တွေ ကျခဲ့ရတဲ့ လင်ကွန်း။ နိုင်ငံရေးလုပ်ပြန်တော့လည်း ပါဝင်အရွေးခံသမျှ ရွေးကောက်ပွဲတွေမှာ ရှုံးပြီးရင်း ရှုံး။ ကွန်ဂရက်လွှတ်တော်အမတ် ၀င်အရွေးခံတယ်။ ရှုံးတယ်။ ဆီနိတ်ခေါ် အထက်လွှတ်တော်အမတ် ၀င်အရွေးခံတယ်။ ရှုံးပြန်တယ်။ ၁၈၅၆ ကျတော့ ဒုတိယသမ္မတလောင်းဖြစ်ဖို့ ၀င်ပြိုင်တယ်။ ရှုံးတာပါပဲ။ သည်လိုနဲ့ ဇွဲခတ်ပြီး ၁၈၆၀ မှာ သမ္မတလောင်းအဖြစ် ၀င်အရွေးခံတော့ အနိုင်ရခဲ့တယ်။ အမေရိကန်သမိုင်းမှာ အကြီးမြတ်ဆုံး သမ္မတကြီးလို့ ကမ္ပည်းထိုးခံရတယ်။

(၉) အက်ဖ် ဒဗလျူ ၀ူးလ်ဝပ် (F.W.Woolworth)
အမေရိကန်က ၁၀ ပြားဆိုင်များရဲ့ သူဌေးကြီး ၀ူးလ်ဝပ် (၁၈၅၂-၁၉၁၉) ဟာ ကုန်ခြောက်ဆိုင် လုပ်သားလေးဘ၀မှာ အလုပ်ရှင်သူဌေးက သူ့ကို ဖောက်သည်တွေနဲ့ စကားပြောခွင့်တောင် မပေးခဲ့ဘူး။ သူ့မှာ ဈေးဝယ်တွေနဲ့ စကားပြောတတ်တဲ့ အရည်အချင်းတောင် မရှိဘူးလို့ အထင်ခံခဲ့ရတာပါ။ အဲသလောက် သူရာမ၀င်ခဲ့သူ ၀ူးလ်ဝပ်ဟာ ၁၉၁၁ ခုနှစ် ရောက်တော့ အမေရိကန်တစ်နိုင်ငံလုံးမှာ ကုန်စုံဆိုင်ကြီးပေါင်း ၅၈၆ ဆိုင်ရဲ့ ပိုင်ရှင်ဖြစ်လာတယ်။

(၁၀) ရစ်ချတ် ဘက် (Richard Bach)
၁၉၇၀ ပြည့်နှစ်က ထုတ်ဝေတဲ့ ယောနသန်ဇင်ယော် (Jonathan Livingston Seagull) ပုံပြင်စာအုပ်ကလေးကို ရေးခဲ့သူ စာရေးဆရာ။ သူရေးထားတဲ့ ဇင်ယော်ပုံပြင်ကို ထုတ်ဝေသူပေါင်းများစွာက ပယ်ချခဲ့ကြတယ်။ ဒါပေမယ့် သူစိတ်မပျက်ဘူး။ စာအုပ်တိုက် တစ်တိုက်ပြီးတစ်တိုက်ကို ဆက်သွယ်ပြီး ကြိုးစားခဲ့တယ်။ နောက်ဆုံးတော့ မက္ကမီလန် စာအုပ်တိုက်က ယောနသန် ဇင်ယော်ကို ၁၉၇၀ မှာ ထုတ်ဝေခဲ့တယ်။ ၁၉၇၅ ခုနှစ်ရောက်တော့ အဲဒီစာအုပ်ကလေးဟာ အုပ်ရေပေါင်း (၇)သန်း ထုတ်ဝေခဲ့ရပြီးပါပြီ။

ကိုင်း.... သင် ဘယ်လောက် ကံဆိုးနေသလဲ။ ဘယ်လောက် အဆင်မပြေဖြစ်နေသလဲ။ ဘယ်လောက် အခက်အခဲတွေ တွေ့နေရသလဲ။ အထက်ပါ လူဆယ်ယောက်အကြောင်းကို လေ့လာကြည့်လိုက်ပါ။ သူတို့ဆီက ဇွဲ သတ္တိတွေကို ဓာတ်ကူးလိုက်စမ်းပါ။ သင်လည်း မုချ အောင်မြင်တော့မည် အသေအချာ။

[မောင်ဝံသ၊ ရှာမှရှားတဲ့ နိုင်ငံရေးသမားနှင့် နိုင်ငံရေးဆောင်းပါးများ၊ စာမျက်နှာ-၄၄၅ မှ ၄၄၈]