သရုပ်ဆောင် မော်ဒယ်လ် ရွှေစင်နှင့် အင်တာဗျူးများ

"ရွှေစင်က Shopping ထွက်ရင် စင်ကာပူကို ဈေးဝယ်သွားရတာ ကြိုက်တယ်။ အိပ်ရာခင်းကိုတော့ Dunlopillo ကို ကြိုက်နှစ်သက်ပြီး ရေမွှေးဆိုရင် Chanel, Marc Jacob, Bulgari, So Sexy, Elizabeth Arden ကို သုံးဖြစ်ပါတယ်။ ဟန်းဖုန်းက LV တံဆိပ် (Limited Edition) သိန်း ၃၆၀ ပေးရပါတယ်။ လက်ရှိမှာတော့ ရွှေစင်ရဲ့ အကြိုက်တွေက Branded တွေကို အကြိုက်များနေတယ်။ Branded တွေကိုပဲ Set လိုက် ၀ယ်သုံးဖြစ်တယ်။ ရွှေစင် ဈေးဝယ်ထွက်တဲ့အခါမှာ ပြည်ပမှာ ဈေးဝယ်ဖြစ်တာများတယ်။ ဈေးတစ်ခါဝယ်ရင် ဒေါ်လာ ကိုးသောင်းနဲ့ တစ်သိန်းကြား သုံးဖြစ်ပါတယ်"

[7DAY Shopping Guide, အတွဲ-၁၊ အမှတ်-၁၊ သြဂုတ် ၉၊ ၂၀၁၀၊ စာမျက်နှာ-၁၂၊ စင်ကာပူမှာ ဈေးဝယ်ရတာကြိုက်တဲ့ ရွှေစင်၊ ရွှေစင်ရဲ့ Shopping သတင်းမှ ကောက်နုတ်ဖော်ပြပါသည်။]

-
- -
- - -
- - - -
- - - - -

-
- -
- - -
- - - -
- - - - -

ညီမလေးရဲ့ မိသားစုအကြောင်းကို ပြောပြပါဦး။
ဖေဖေက တရားရုံးချုပ်ရှေ့နေ ဦးကျော်မြိုင်၊ မေမေ ဒေါ်ခင်ဝင်းကြည်။ ဖေဖေက ခု အငြိမ်းစားယူလိုက်ပြီ။ မီးက ဥပဒေနဲ့ မာစတာတက်ပြီးပြီ။ DBL တက်တာလည်း ပြီးသွားပြီ။ အစ်ကိုနှစ်ယောက် ရှိတယ်။ မွေးနေ့က သြဂုတ် ၂၁ ရက်နေ့။ မန္တလေးမှာ မွေးတာ။ ငယ်ငယ်က ကျောက်ဆည်မှာလည်း နေဖူးတယ်။ ကိုယ့်မြို့ဆိုတော့ ပျော်တာပေါ့နော်။ ခုရက်ပိုင်း အရမ်းအလုပ်များတော့ ပြန်လို့ မရသေးဘူး။ ပြန်ချင်နေတာ နှစ်လလောက်ရှိပြီ။

ညီမလေးရဲ့ မိသားစုက အပြင်စီးပွားရေးအနေနဲ့ ဘာတွေများ လုပ်ကိုင်ကြပါသလဲ။
လုပ်တာက အစုံပါပဲ။ အစ်ကိုနှစ်ယောက်က တက္ကသိုလ်တွေမှာ အဆောင်တွေ ဖွင့်ထားပါတယ်။ ကြီးကြီးကျယ်ကျယ် လုပ်တာက ကားအရောင်းအ၀ယ်ပါ။ ဖေဖေကတော့ သူရုံးအလုပ်နဲ့ သူပါ။ မေမေကတော့ အစ်ကိုတွေကို ထိန်းလိုက်၊ မီးကို ထိန်းလိုက်ပေါ့။

အခုလက်ရှိ ညီမရဲ့ အင်တာဗျူးလေးတွေက ပေါက်နေတော့ ဒီအပေါ်မှာ ဘာများ ပြောချင်ပါသေးလဲ။
ပထမဆုံးပြောချင်တာက စာနယ်ဇင်းသမားတွေ အားလုံးကို ချစ်လည်းချစ်တယ်။ မီး ဘာဖြစ်လို့ အောင်မြင်လာတာလဲဆိုတဲ့ မေးခွန်းတွေကိုဖြေတိုင်း စာနယ်ဇင်းတွေရဲ့ ပံ့ပိုးကူညီမှုတွေကို ပထမဆုံးအနေနဲ့ ပြောတာ။ စာနယ်ဇင်းနဲ့ မီးနဲ့ ပြဿနာတက်တယ်ဆိုတာ ဘယ်တော့မှ မရှိရဘူး။ ဒါကြောင့် စာနယ်ဇင်းတွေ မေးသမျှကို အကောင်းဆုံး အများဆုံး ဖြေပေးတာပေါ့နော်။ ဒါပေမယ့် တချို့မေးခွန်းလေးတွေကို မီးရဲ့ ဉာဏ်ရည်လေးနဲ့၊ အသက်အရွယ်အရ ကိုယ်ဖြေတတ်သလိုလေး ဥပမာ မီးရဲ့ နောက်ဆုံးအသုံးအဆောင်ပစ္စည်းက ဘာလဲဆိုရင် မီးက ရိုးရိုးလေးပဲ ချပြလိုက်တာပေါ့နော်။ ဘယ်တံဆိပ်ကြိုက်လဲဆို ကြိုက်တဲ့တံဆိပ်လေးကို ရိုးရိုးသားသား ဖြေမိတာပါ။ နောက်ဆုံး ဘာသုံးနေလဲဆိုရင်လည်း ကိုယ်သုံးနေတာလေး၊ ၀ယ်ထားတာလေးကို ပြောမိတယ်။ အနုပညာရှင်တွေရဲ့ ဘ၀ကို ပရိသတ်က စိတ်ဝင်စားတယ်လို့ မီးထင်တယ်လေ။ အနုပညာရှင်တွေ လက်ထပ်တာ၊ ကလေးမွေးတာ၊ မွေးနေ့လုပ်တာ စသဖြင့် စာနယ်ဇင်းတွေက ရေးပေးတယ်ဆိုတာက ပရိသတ်သိချင်တဲ့ စကားကို စာနယ်ဇင်းတွေက ကိုယ်စားပြုပြီးတော့ မေးပေးတာလို့ မြင်ပါတယ်။ ဒါကြောင့် မေးလာသမျှကို မီးက ရိုးရိုးသားသား ဖြေမိတာ။ အဲဒီကဏ္ဍအတွက် မီးကို ကိုယ်စားပြုပြီး မေးတာလို့ ထင်တဲ့အတွက် မီးဖြေတတ်သလိုလေး အရိုးသားဆုံး ဖြေတယ်။ မီးဖြေလိုက်တဲ့အပေါ် ပရိသတ်က စိတ်ဝင်စားတယ်ဆိုရင်လည်း ဖြေရကျိုးနပ်တာပေါ့။ မီးဖြေလိုက်တဲ့ အထဲမှာ အမှားပါတယ်ဆိုရင်လည်း ဖတ်မိတဲ့သူတွေ အားလုံးအတွက် အမှားတစ်ခုလို ဖြစ်သွားပြီးတော့ စိတ်အနှောင့်အယှက် ဖြစ်ရတယ်ဆိုရင် မီးက အားလုံးကို တောင်းပန်ပါတယ်။

အနုပညာကရတဲ့ ၀င်ငွေနဲ့ ထွက်ငွေ မျှအောင် ဘယ်လိုသုံးစွဲပါသလဲ။
အိတ်တော့ မစိုက်ရပေမယ့် အိတ်စိုက်လုနီးပါး ဖြစ်ခဲ့ဖူးပါတယ်။ မီးတို့အတွက် အနုပညာကြေးဆိုတာ အသစ်တုန်းကတော့ အသစ်အလျောက်ပဲ ရခဲ့တာ။ ခုလည်း ကြိုးစားတုန်းပါပဲ။ အသစ်ထက်စာရင်တော့ မီးတို့အတွက် သုံးစွဲရတာ နည်းနည်းလေးတော့ လုံလောက်လာပါတယ်။ မလောက်တော့လည်း အိမ်က ပြန်တောင်းရတာပေါ့။

အလုပ်ကရတဲ့ ၀င်ငွေနဲ့ မိသားစုကို ဘာတွေလုပ်ပေးဖူးလဲ။
မီးကတော့ ရသမျှပိုက်ဆံ မေမေ့ကို အကုန်အပ်လိုက်တာပဲ။ ပြီးတော့မှ မေမေရေ ဒီတိုက်ခန်းကို နေချင်တယ်ဆို မေမေက ၀ယ်ပေးတယ်။ မေမေရေ ရှုတင်သွားရတာ ဒီကားနဲ့ အဆင်မပြေတော့ဘူးဆိုရင် မီးလိုချင်တဲ့ကားကို မေမေက ၀ယ်ပေးတယ်။ ပိုက်ဆံအိတ်လေး လိုချင်တယ်ဆိုလည်း အိမ်ကပဲ။ အပ်တော့အပ်လိုက်တယ်။ အပ်ပြီးတော့လည်း ပြန်မတောင်းဘူး။ ဒါပေမယ့် တောင်းလိုက်ရင်လည်း အကြီးကြီးတွေ။ (ရယ်လျက်)

ညီမလေးကို မြန်မာနိုင်ငံရဲ့ အချမ်းသာဆုံး မော်ဒယ်လို့ ပြောဆိုဝေဖန်ကြတဲ့အပေါ် ဘာများ ပြောစရာရှိပါသလဲ။
ပရိသတ်ကြီးက ဒီလိုသတ်မှတ်ရင်လည်း ပရိသတ်ကြီးပေးတဲ့ဆုနဲ့ ပြည့်ရပါစေလို့။

ညီမလေးရဲ့ အချစ်ရေး အခြေအနေကရော။
ချစ်သူမရှိပါဘူးမမ။

[7DAY News, အတွဲ-၉၊ အမှတ်-၂၂၊ သြဂုတ် ၁၉၊ ၂၀၁၀၊ စာမျက်နှာ-၄၃၊ ၄၅၊ အေးသူ ၏ ရွှေစင်နှင်အင်တာဗျူး မှ ကောက်နုတ်ဖော်ပြပါသည်။]

-
- -
- - -
- - - -
- - - - -

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

အစကတော့ ဒီသတင်းတွေ၊ အင်တာဗျူးတွေကို တင်ပေးဖို့ အစီအစဉ်မရှိဘူးဗျ။ သူတို့ဟာသူတို့ ရှော့ပင်းထွက်တာ၊ အင်တာဗျူးတာကို အလုပ်လုပ်ပြီးတော့ မပြောချင်၊ မရေးချင်ဘူး။ ဒါပေမယ့် ဒီအကြောင်းအရာက အခုတလော အတော်လေးကို ပြောစရာဖြစ်နေတာရယ်၊ ပြီးခဲ့တဲ့အပတ်ထုတ် Bi Weekly Eleven ဂျာနယ်တွေထဲက သတင်းဆောင်းပါး တစ်ခုကြောင့် လွန်ခဲ့တဲ့အပတ်က မဖတ်ဘဲ ဒီအတိုင်းထားခဲ့တဲ့ ရွှေစင်နဲ့ အင်တာဗျူးကို ပြန်ဖတ်မိတာရယ်ကြောင့် ပြောစရာတွေတွေ့လာ၊ မြင်လာရလို့၊ ပြောချင်လွန်း၊ ရေးချင်လွန်းတဲ့အတွက် ဒီပို့စ်ကို အရင်ဆုံးတင်ပေးလိုက်ပါတယ်။ ဒီပို့စ်ကို ဖတ်ပြီးရင် မူလအကြောင်းအရာလေးတွေကိုတော့ သိခွင့်ရနိုင်ပါတယ်။ အဲဒီအပေါ်မှာ ဆင့်ပွားဖြစ်လာတဲ့ အခြားသော ဝေဖန်ရေးသားမှုတွေ၊ ကျွန်တော့်အမြင်တွေကို သီးခြားတင်ပေးမှာပါ။ အခုတော့ ဒီပို့စ်ကို အရင်ဆုံး ဖတ်လိုက်ကြပါဦးဗျာ။ နောက်ထပ်ပို့စ်တွေ လာပါဦးမည်။ ရွှေစင်ရဲ့ ဓာတ်ပုံကိုတော့ Planet မှာတွေ့လို့ ယူသုံးထားတာပါ။

ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ သြဂုတ်လ ၃၀ ရက်၊ တနင်္လာနေ့။