သတင်းများ၊ အင်တာဗျူးများနှင့် ပတ်သက်၍

သတင်းများ ဖော်ပြရာတွင်လည်းကောင်း၊ အင်တာဗျူးများ လုပ်ရာတွင်လည်းကောင်း၊ သတင်း၏ နောက်ကွယ်တွင်ရှိသော အကြောင်းအရာကို သိရှိပြီး ပါးနပ်လိမ္မာမှုရှိရန်နှင့် အများပြည်သူ၏ အကျိုးစီးပွား (Public Interest) ကို ဦးတည်ရန်လိုကြောင်း ၀ါရင့်သတင်းစာဆရာကြီးများ အပါအ၀င် လေ့လာသူများ၊ စာဖတ်သူများက သုံးသပ်မှုများ ရှိနေပါသည်။

ထိုကဲ့သို့သော သုံးသပ်ချက်များကို ပြီးခဲ့သည့် ရက်ပိုင်းအတွင်းက ထုတ်ဝေခဲ့သော ပြည်တွင်းထုတ် သတင်းဂျာနယ်တစ်စောင်တွင် မော်ဒယ်တစ်ဦး၏ အင်တာဗျူးကို ထည့်သွင်းဖော်ပြခဲ့ခြင်းနှင့် အခြားသတင်းဂျာနယ် တစ်စောင်တွင် ဖော်ပြထားသော ဒါရိုက်တာတစ်ဦး၏ အင်တာဗျူးများကို မူတည်၍ ပြောကြားခဲ့ခြင်း ဖြစ်ပါသည်။

"မြန်မာနိုင်ငံရဲ့ သရုပ်ဆောင်မော်ဒယ်လောကမှာ ဒီလောကကို ၀င်လာကတည်းက နိုင်ငံခြားဈေးဝယ် တစ်ခါထွက်ရင် ဒေါ်လာ ကိုးသောင်း၊ တစ်သိန်း ဖြုန်းနိုင်လောက်တဲ့အထိ ချမ်းသာတဲ့ အ၀န်းအ၀ိုင်းက ပေါက်ဖွားလာတာ တစ်ယောက်မှ မရှိဘူး။ ကျွန်တော်တို့အနေနဲ့ ဒီလောကသားတွေရဲ့ အတွင်းရေးတွေကို သိသင့်သလောက် သိနေတာပါပဲ။ ဒါပေမယ့် ကျွန်တော်တို့က Tabloid မဟုတ်တဲ့အတွက် အဲဒါတွေကို နှိုက်နှိုက်ချွတ်ချွတ် ရေးမှာ မဟုတ်ပါဘူး။ ရေးစရာလည်း အကြောင်းမရှိဘူး။ ဒါပေမယ့် မီဒီယာပေါ်ကို တက်လာပြီဆိုရင်တော့ သတင်းမီဒီယာဖြစ်တဲ့အတွက် ထောက်ပြသင့်တာတွေကိုတော့ ထောက်ပြရမှာပါပဲ။ ဘယ်သူမဆိုပါ။ Celebrity မှ ပြောနေတာမဟုတ်ဘူး။ ဘယ် Celebrity မဆို သူတို့ဟာ ပရိသတ်ရဲ့ စံနမူနာပြ မဟုတ်တောင်မှ ပရိသတ်တွေ အတုယူမှားစေတဲ့ အကြောင်းအရာ၊ ၀တ်စားဆင်ယင်မှု၊ ပြုမူပြောဆို နေထိုင်မှုတွေကို သတင်းမီဒီယာပေါ် တက်လာပြီး ထင်ထင်ပေါ်ပေါ် လုပ်လာမယ်ဆိုရင် ကျွန်တော်တို့ ဝေဖန်ရေးသား ထောက်ပြမှာပါပဲ" ဟု Eleven Media Group ၏ အနုပညာကဏ္ဍ အကြီးတန်းအယ်ဒီတာ ကိုနေထွန်းနိုင်က ပြောပါသည်။

"ကျွန်မတို့လည်း အနုပညာသတင်းတွေကို စိတ်ဝင်စားပါတယ်။ အိမ်မှာလည်း စာအုပ်ဆိုင် ဖွင့်ထားပါတယ်။ အိမ်ရှိလူကုန် ငွေရှာနိုင်မှ မိသားစုတစ်စု အဆင်ပြေနိုင်မယ့် ခေတ်ကြီးထဲမှာ ဒီမော်ဒယ်လေးအနေနဲ့ ဒီလောက်သုံးနိုင်၊ ဖြုန်းနိုင်တာ အံ့သြဖို့ ကောင်းပါတယ်။ ဘယ်က ၀င်ငွေတွေ ဒီလောက်ရနေသလဲဆိုတာ မေးခွန်းထုတ်စရာပဲ။ ဒီလို အကြောင်းတွေကို ဖော်ပြတဲ့ ဂျာနယ်တွေကိုလည်း အံ့သြမိပါတယ်။ သူ့အနေနဲ့ ဒီလိုသုံးနိုင်တယ်ပဲ ထားပါတော့၊ ဒီလိုကြွားစရာ မလိုပါဘူး" ဟု တက္ကသိုလ်ဆရာမ တစ်ဦးဖြစ်သူ ဒေါ်ခင်အေးဝင်းက ပြောကြားခဲ့သည်။

"မြန်မာနိုင်ငံမှာရှိတဲ့ အနုပညာအသိုင်းအ၀ိုင်းကသူတွေ အထူးသဖြင့် အမျိုးသမီး အနုပညာရှင်တွေနဲ့ အနုပညာလောကထဲကိုဝင်ဖို့ တာစူနေကြတဲ့ အမျိုးသမီးငယ်တွေ ရေလိုက်လွဲမှားနေကြတယ်။ ကျွန်တော်တို့ သတင်းတွေ အများကြီးရထားပါတယ်။ ကျွန်တော်တို့ ရေးဖို့တော့ မရှိပါဘူး။ ဒါပေမယ့် ရေလိုက်မလွဲစေချင်ဘူး။ မီဒီယာတွေပေါ်မှာ ထင်ထင်ပေါ်ပေါ် ဖြစ်လာတာတွေ မဖြစ်စေချင်ဘူး။ ဒါ ဂုဏ်ယူစရာ မဟုတ်ဘူးလို့ ယူဆပါတယ်။ အဲဒါကို ရေးတယ်။ ဂျာနယ်တစ်စောင်မှာ မင်းသမီးတစ်ယောက်နဲ့ အရင်က ပြဿနာဖြစ်ခဲ့တဲ့ မေးမြန်းသူကပဲ ဒီအကြောင်းကို အင်တာဗျူးမေးပြီး ဖော်ပြထားတယ်။ ကျွန်တော်တို့ ရည်ရွယ်ချက်နဲ့ ဒီအင်တာဗျူးရဲ့ ရည်ရွယ်ချက် ကွဲလွဲနေတယ်။ ကျွန်တော်တို့ ဖော်ပြခဲ့တဲ့ သတင်းရဲ့ ရည်ရွယ်ချက်က တစ်မျိုး၊ အင်တာဗျူးရဲ့ ရည်ရွယ်ချက်က ကွဲလွဲနေတယ်" ဟု ကိုနေထွန်းနိုင်က ပြောကြားခဲ့သည်။

"တိုင်းပြည်က ဆင်းရဲနေတယ်။ တိုင်းပြည်မှာရှိတဲ့ လူတော်တော်များများက ငွေကို ဒီလောက်အထိ မသုံးနိုင်ဘူး။ မသုံးနိုင်တဲ့ အခြေအနေမျိုးမှာ လူတော်တော်များများက တစ်နေ့စာတစ်နေ့ကို အနိုင်နိုင် ရှာဖွေနေရတဲ့အချိန်မှာ ဒီလိုစကားမျိုး ပြောတယ်ဆိုတာ အဓိပ္ပါယ်မရှိပါဘူး။ ကြွားပဲပြောပြော၊ ဘာပဲပြောပြော ရေးသားဖော်ပြတဲ့လူက နောက်ကွယ်ကအကြောင်းကို သိကိုသိမှရမယ်။ မြန်မာနိုင်ငံရဲ့ သရုပ်ဆောင်မော်ဒယ်လောကရဲ့ အခြေအနေကို အားလုံးသိပြီးသားပါ။ ဒီလိုအချိန်မှာ နိုင်ငံခြားဈေးဝယ် တစ်ခါထွက်ရင် ဘယ်လောက်သုံးတယ်လို့ ဖြေတဲ့ မော်ဒယ်ရဲ့ အဖြေစကားအပေါ် အားလုံးဝေဖန်နေကြချိန်မှာ အဲဒီမော်ဒယ်ကိုပဲ ထပ်မေးတဲ့ သတင်းထောက်နဲ့ ထည့်တဲ့ဂျာနယ်ရဲ့ ရပ်တည်ချက်က မေးခွန်းထုတ်စရာပါ။ ဒါပေမယ့် မီဒီယာသမားဆိုတာ ဘယ်ကိစ္စမဆို မှန်တဲ့ဘက်က ရပ်တည်ရမှာ ဖြစ်တဲ့အတွက် principle အရ အမှန်တရားဘက်ကပဲ ရည်တည်သွားမှာပါ။ အများပြည်သူရဲ့ အခက်အခဲတွေနဲ့ ဒုက္ခခံစားရတာတွေကို စာနာဖို့ လိုပါတယ်။ ကိုယ်ထင်ပေါ်ရေး၊ ကိုယ့်ဂျာနယ် စောင်ရေတက်ရေး တစ်ခုတည်းကိုပဲ မကြည့်သင့်ပါဘူး" ဟု Weekly Eleven News ဂျာနယ် တာဝန်ခံ အယ်ဒီတာ ကိုဝေဖြိုးက ပြောပါသည်။

[Bi Weekly ELEVEN, အတွဲ-၃၊ အမှတ်-၂၂၊ သြဂုတ် ၂၇၊ ၂၀၁၀၊ စာမျက်နှာ-၂၀၊ ၂၁၊ သတင်းများ ဖော်ပြရာတွင်လည်းကောင်း၊ အင်တာဗျူးများ လုပ်ရာတွင်လည်းကောင်း၊ သတင်း၏ နောက်ကွယ်တွင်ရှိသော အကြောင်းအရာကို သိရှိပြီး ပါးနပ်လိမ္မာမှုရှိရန်နှင့် အများပြည်သူ၏ အကျိုးစီးပွား (Public Interest) ကို ဦးတည်ရန်လို သတင်းမှ ကောက်နုတ်ဖော်ပြပါသည်။]