နိုင်ငံတစ်ခုကို တည်ဆောက်သည်ဆိုရာတွင် အဓိကအချက်မှာ နိုင်ငံစီးပွားရေးကို တည်ဆောက်ရခြင်း ဖြစ်ပါသည်။ ရိုးစင်းအောင်ပြောရလျှင် နိုင်ငံသားတိုင်းကို တန်းတူရည်တူ အလုပ်လုပ်ခွင့်ပေးပြီး နိုင်ငံသားတိုင်းလည်း ပန်းတိုင်ရောက်၊ နိုင်ငံတော်လည်း ပန်းတိုင်ရောက် စီစဉ်ဆောင်ရွက်ရခြင်း ဖြစ်သည်။ လုံခြုံရေးကိစ္စရပ် ဆိုသည်မှာ နိုင်ငံသားတိုင်း အလုပ်လုပ်ခွင့်ကို ဆောင်ရွက်ရာတွင် ထိုနိုင်ငံသားများကို အေးချမ်းစွာ အလုပ်လုပ်နိုင်ရန် ပြည်တွင်း၊ ပြည်ပရန်မှ ကာကွယ်ပေးရခြင်းဖြစ်သည်။ သို့မှသာ နိုင်ငံသားအားလုံး ညီမျှစွာ၊ လုံခြုံစွာ အလုပ်လုပ်ကြသည့်အခါ အဆုံးတွင် နိုင်ငံတော်လည်း ပန်းတိုင်ရောက်သွားခြင်း ဖြစ်သည်။
ဤနေရာတွင် နိုင်ငံတော်ဆိုသော စကားလုံး၏ အဓိပ္ပါယ်ကို အမှန်တကယ် နက်နဲစွာ သဘောပေါက်ရေးသည်လည်း အရေးကြီးသည်။ နိုင်ငံတော်ဟု ဆိုရာတွင် မြန်မာနိုင်ငံတွင် အများနားလည်ထားသည်မှာ အစိုးရဖြစ်သည်။ အမှန်အားဖြင့် နိုင်ငံတော်ဆိုရာတွင် ထိုနိုင်ငံ၏ ရေမြေ၊ သယံဇာတ၊ ပြည်သူ၊ အစိုးရ အားလုံးပါဝင်ပြီး အစိုးရသက်သက် မဟုတ်ပေ။ နိုင်ငံတော်သည် ပါတီနိုင်ငံရေးနှင့် ကင်းရှင်းပြီး အစိုးရများသည် မကင်းရှင်းလှပေ။ ထို့ကြောင့် နိုင်ငံတော်ဆိုသည်မှာ ယာဉ်တစ်စီးနှင့်တူပြီး အစိုးရဆိုသည်မှာ ထိုယာဉ်ကို မောင်းသူနှင့် တူသည်။ ယာဉ်မောင်းဖြစ်၍ မတည်မြဲသော သဘောကိုလည်း ဆောင်သည်။
ဤနေရာတွင် အရေးကြီးသည်မှာ Political Will ဖြစ်သည်။ ယာဉ်မောင်းဆိုသည်မှာ ထိုယာဉ်ကို တည်ဆောက်သူ မဟုတ်သကဲ့သို့ ထိုယာဉ်ကို ပြင်ဆင်တတ်သူလည်း မဟုတ်ပေ။ ထို့ကြောင့် ယာဉ်တစ်စုံတစ်ခုဖြစ်လျှင် ပြင်တတ်သူထံ ပို့ဆောင်ပေးရန်အတွက် ယာဉ်မောင်းတွင် Political Will ရှိရသည်။ မဟုတ်လျှင် ကားကိုမပြင်ဘဲ ဆက်မောင်းနေသည့်သဘော သက်ရောက်တတ်သည်။
မြန်မာနိုင်ငံတွင် အသစ်ပေါ်ထွန်းလာသည့် နိုင်ငံရေးအင်အားစုများ၏ မူဝါဒများနှင့် ပတ်သက်၍ ရေးသားဖော်ပြမှု အမျိုးမျိုးကို ဖတ်ရပါသည်။ သို့သော် အဓိကကျသည်မှာ ထိုယာဉ်မောင်းလောင်းလျာများ၏ Political Will သာလျှင် ဖြစ်ပါသည်။ Political Will ဆိုသည်မှာ နိုင်ငံသားတိုင်းကို ကားစီးစေချင်သော စေတနာ၊ နိုင်ငံသားတိုင်းကို မီးမှန်စေလိုသော စေတနာ၊ နိုင်ငံသားတိုင်းကို ချမ်းသာကြွယ်ဝစေလိုသော စေတနာ၊ နိုင်ငံသားတိုင်းကို ဥပဒေ၏ အကာအကွယ် ရရှိစေလိုသော စေတနာမျိုးကို ဆိုလိုပေသည်။
အယ်ဒီတာ (၂၁-၈-၂၀၁၀)
No comments:
Post a Comment