ဆရာ အောင်ထွဋ်အတွက် ၀မ်းနည်းကြေကွဲရပါသည်

The Voice Weekly ဂျာနယ်က ဆရာအောင်ထွဋ် သေဆုံးသွားပြီဆိုတဲ့ သတင်းကို မိတ်ဆွေတစ်ယောက်က တယ်လီဖုန်းကတစ်ဆင့် အသိပေးလာတဲ့အခါ မယုံနိုင်အောင် ဖြစ်သွားရတယ်။ သတင်းမှားဖြစ်ပါစေ၊ အဲဒီသတင်း မဟုတ်ပါစေနဲ့လို့ ဆန္ဒဖြစ်မိတယ်။ အဲဒီဆန္ဒအတ္တဟာ ဘယ်လောက်အထိ ကြီးမားသွားခဲ့သလဲဆိုရင် သတင်းပေးတဲ့ မိတ်ဆွေကို ပုလိပ်စစ်သလို စစ်ဆေးမိတဲ့အထိ ဖြစ်သွားတဲ့အတွက် မ်ိတ်ဆွေက ဒေါဖောင်းသွားရတဲ့အထိပဲ။ ဟုတ်တော့လည်း ဟုတ်ပါရဲ့။ ကျွန်တော်ကလည်း သေချာလို့လား၊ ဘယ်သူလဲ၊ အောင်ထွဋ်ဟုတ်ရဲ့လား၊ ဒေါက်တာ နေ၀င်းမောင် ဟုတ်ရဲ့လား၊ ဗွိုက်(စ)ဂျာနယ်က ဟုတ်ရဲ့လား၊ မြန်မာအီးဂရက်(စ) တည်ထောင်သူ ဟုတ်ရဲ့လား စသည်ဖြင့် စုံနေတာပါပဲ။ ဖြစ်ချင်တော့ သတင်းပေးတဲ့ မိတ်ဆွေက အောင်ထွဋ်ကို သေချာသိတဲ့သူ မဟုတ်ပါဘူး။ ကျွန်တော်မေးတဲ့ သည်ဗွိုက်(စ) စီအီးအိုလား၊ မြန်မာအီးဂရက်(စ) တည်ထောင်သူလား စတာတွေကို မသိပါဘူး။ သူသိတာက အဲဒီစာရေးဆရာ သေသွားတဲ့အတွက် အင်တာနက်ပေါ်မှာ ဟိုးလေးတကြော် ဟိုကကွန်းမန့်တွေတက်၊ ဒီကကွန်းမန့်တွေတက်၊ ၀မ်းနည်းစကားဆိုကြ၊ စိတ်မကောင်းဖြစ်ကြတာမို့ ထူးထူးဆန်းဆန်းဆိုပြီး သတင်းပေးတာပါ။ နောက်ဆုံးဗျာ အောင်ထွဋ်ဆိုတာ ကျွန်တော် သိပ်သဘောကျတဲ့၊ အမြဲတမ်းစောင့်ဖတ်နေရတဲ့ စာရေးဆရာတစ်ယောက် ဆိုတာကိုတောင် သူက သိရှာတာ မဟုတ်ပါဘူး။ အဲဒီတော့ ကျွန်တော့်ရဲ့ ပုလိပ်စစ် စစ်ဆေးပြီး မယုံသင်္ကာနဲ့ သူ့ကို ပြန်မေးနေတာတွေကို သည်းခံနိုင်ပုံမရပါဘူး။ မယုံရင်လည်း နေတော့၊ ပြောလည်းပြောရသေးတယ် ဆိုပြီးတော့ စိတ်ဆိုးမာန်ဆိုးနဲ့ ဖုန်းချသွားပါတယ်။

အခြားတစ်ယောက်ဆီကို အတည်ပြုမေးမြန်းလိုက်တဲ့အခါမှာ ဒေါက်တာ နေ၀င်းမောင် (ခ) အောင်ထွဋ် သေသွားပြီဆိုတာ သေချာတယ်ဆိုတာကို သိလိုက်ရပါတယ်။ နှလုံးရောဂါနဲ့တဲ့။ လူတိုင်းဟာ သေမျိုးတွေချည်းပါပဲ၊ ကျွန်တော်လည်း တစ်နေ့မှာ မလွတ်စတမ်း သေရမှာပါပဲ၊ စာဖတ်သူလည်း ထိုနည်းအတူပါပဲ။ ဒါပေမယ့် အခုလို နိုင်ငံတော်သစ်ကို ချီတက်နေတဲ့အချိန်မျိုးမှာ ဆရာအောင်ထွဋ်ကို ရှိစေချင်သေးတာတော့ အမှန်ပါပဲ။ သူ့ရဲ့ ပြောင်မြောက်ရဲတင်းလှတဲ့ အတွေးအခေါ်တွေ၊ အယူအဆတွေကို ကျွန်တော် ဖတ်ချင်၊ သိချင်နေမိသေးတယ်။

ပြီးခဲ့တဲ့အပတ်ကပဲ The Voice Weekly ရဲ့ နှစ်သစ်အထူးလက်ဆောင်အဖြစ် ၂၀၁၂ ဟောကိန်းကို ကျွန်တော်တို့ ဖတ်ခဲ့ရသေးတယ်။ အံ့သြဘနန်း ဖြစ်လို့မဆုံး ဖြစ်ရသလို၊ အတွေးရဲတဲ့၊ အရေးရဲတဲ့ ဆရာအောင်ထွဋ်ကို အသိအမှတ် ပြုရပါတယ်။ လွန်ခဲ့တဲ့ တစ်ပတ်ကျော်ကမှ ဂျာနယ်ဆိုင်က မှာပေးထားတဲ့ ဆရာအောင်ထွဋ်ရဲ့ အပြောင်းအလဲအတွက် လူထုလိုသည် ဆိုတဲ့ စာအုပ်ကို ကျွန်တော်ဖတ်နေတာ တစ်ဝက်တောင် မကျိုးသေးပါဘူး။ ပြီးခဲ့တဲ့ လတွေက နိဒါန်းချီခဲ့တဲ့ ဖွဲ့စည်းပုံ အခြေခံဥပဒေရဲ့ လူသိမများတဲ့ လျှို့ဝှက်ချက်တွေ၊ ထူးခြားချက်တွေကို နောက်အပတ်တွေမှာ ချရေးပြတော့မယ်ဆိုလို့ စောင့်နေတဲ့ ကျွန်တော့်အတွက် အခုတော့ တကယ့်ကို ဟာတာတာကြီးပါပဲ။

၂၀၀၈ ခုနှစ်မှာ ပြုလုပ်ခဲ့တဲ့ ဖွဲ့စည်းပုံအခြေခံဥပဒေ ပြည်လုံးကျွတ်ဆန္ဒခံယူပွဲ၊ ၂၀၁၀ ပြည့်နှစ် ရွေးကောက်ပွဲ၊ နောက် ၂၀၁၁ ခုနှစ် လွှတ်တော်နိုင်ငံရေး အခင်းအကျင်း စတဲ့ ကာလတွေအားလုံးမှာ ဆရာအောင်ထွဋ်ဟာ တာဝန်ကျေခဲ့တယ်လို့ ကျွန်တော့်အမြင်ကို ဖော်ထုတ်ပါရစေ။ သူ့စာတွေကို အားလုံးလက်မခံနိုင်ပေမယ့် အားလုံးက စောင့်ဖတ်ခဲ့ရတာကိုတော့ ငြင်းပယ်ကြမယ် မဟုတ်ဘူးလို့ ထင်မိပါတယ်။ လက်ခံဖို့ ခက်ခဲတဲ့ အချက်အလက်တွေ၊ အရေးအသားတွေ၊ အပြောအဆိုတွေ ရှိခဲ့ပေမယ့် ကျွန်တော်တို့အတွက်တော့ ဦးနှောက်မုန်တိုင်း ဆင်ခဲ့ရတာပါပဲ။ အတွေးသစ်၊ အမြင်သစ်၊ ရှုထောင့်သစ်၊ ချဉ်းကပ်ပုံအသစ်တွေနဲ့ ထိတွေ့ခွင့် ရခဲ့ကြတာပါ။ ဆရာအောင်ထွဋ်ဟာ ဘယ်လိုလူမျိုးပါလို့ ညွှန်းဆိုပြစရာ မလိုပါဘူး။ သူရေးခဲ့တဲ့ စာတွေကို ဖတ်ဖူးသူတိုင်း သူ့အကြောင်းကို ကောင်းကောင်းသိကြပါတယ်။ ၂၀၁၀ အကြိုကာလက ရေးခဲ့တဲ့ သူ့စာတွေကို ဖတ်ကြည့်စေချင်ပါတယ်။ အဲဒီအခါမှာ ဒီနေ့ ကျွန်တော်တို့ ကြုံနေရတဲ့ အဖြစ်အပျက်တွေနဲ့ သူရေးတဲ့စာတွေကို နှိုင်းယှဉ်ကြည့်မိပါလိမ့်မယ်။ အဲဒီလို နှိုင်းယှဉ်ကြည့်မိတဲ့အခါမှာတော့ ဘာကြောင့် ကျွန်တော် ဒီလောက်အထိ ဖွဲ့နွဲ့နေရသလဲဆိုတာကို စာဖတ်သူ သဘောပေါက်နိုင်ပါလိမ့်မယ်။ The Voice Weekly ရဲ့ အယ်ဒီတာ့အာဘော် အကုန်နီးနီးကို ၂၀၀၉ ခုနှစ်နဲ့ ၂၀၁၀ ပြည့်နှစ်ကာလတွေက မြန်မာ့သွေးဘလော့ဂ်မှာ ကျွန်တော် တင်ပေးခဲ့ပါတယ်။ အခုထိ ပြန်ဖတ်နိုင်ပါသေးပါတယ်။ နောက်ပိုင်းကျမှသာ အင်တာနက်သုံးစွဲမှု အခက်အခဲကြောင့် ကျွန်တော်မတင်ပေးဖြစ်တော့တာပါ။

ဆရာအောင်ထွဋ်ဟာ သူ့ကလောင်အတွက်သူ တာဝန်ကျေခဲ့သူပါ။ အောင်ထွဋ်ဆိုတဲ့ ကလောင်အမည်ကို တွေ့လိုက်တာနဲ့ စာဖတ်သူကို တစ်ခုခု ပေးတော့မယ်ဆိုတဲ့ အသိတွေ ၀င်လာစေတဲ့အထိ ကလောင်စွမ်းအား ကြီးမားခဲ့သူပါ။ The Voice Weekly ဆိုတဲ့ ဂျာနယ်ကို နိုင်ငံရေးစိတ်ဝင်စားသူတိုင်း ဖတ်ဖြစ်အောင် ဆွဲဆောင်ထားခဲ့တာကလည်း ဆရာအောင်ထွဋ်ရဲ့ အယ်ဒီတာ့အာဘော်နဲ့ ဆောင်းပါးတွေကြောင့်ပါ။ အခုတော့ The Voice Weekly အတွက် စိန်ခေါ်မှုအသစ် စပါပြီ။ အရင်လိုပဲ ဆက်ပြီး ပန်းပန်နိုင်ဦးမလား ဆိုတာကိုတော့ ကျွန်တော်တို့ စောင့်ကြည့်ရမှာပါ။ အရင်လိုပဲ ဆက်လက်ချီတက်နိုင်ပါစေလို့ ဆန္ဒပြုပါတယ်ဗျာ။

 

နိုင်ငံရေး၊ နိုင်ငံ့အရေးအတွက် သန်းငါးဆယ်ကို အနိုင်ပေးပါ... ဆိုတဲ့ အောင်ထွဋ်၊

အပြောင်းအလဲအတွက် လူထုလိုသည်... ဆိုတဲ့ အောင်ထွဋ်၊

ချောတိုင်ဆက်တက်ဦးမယ်... ဆိုတဲ့ အောင်ထွဋ်၊

အရွေ့တစ်ခုအတွက် ကိုယ်တိုင်ယုံယုံကြည်ကြည် တွန်းခဲ့သလို အခြားသူတွေကိုလည်း လက်တွဲခေါ်ခဲ့သူ၊

နိုင်ငံသားတွေလည်း ပန်းတိုင်ရောက်၊ နိုင်ငံတော်လည်း ပန်းတိုင်ရောက်စေချင်ခဲ့တဲ့.... အောင်ထွဋ်၊

အခုတော့ ဆရာအောင်ထွဋ် ပန်းတိုင်တစ်ခုကို ရောက်သွားပြီလို့ ကျွန်တော်ယုံကြည်နေမိပါတယ်။

၂၀၁၂ အတွက် The Voice Weekly ရဲ့ ဟောကိန်းတွေ ဘယ်လောက်အထိ မှန်မလဲဆိုတာကိုတောင် ဆရာ စောင့်မကြည့်သွားနိုင်လိုက်ဘူးနော်။ ၀မ်းနည်းပါတယ်ဗျာ။

ဆရာ အောင်ထွဋ်ရေ… ကျွန်တော်ပြုခဲ့သမျှ ကုသိုလ်ကောင်းမှု အစုစုအတွက် အမျှပေးဝေပါတယ်။ ကောင်းရာမွန်ရာကနေ သာဓုခေါ်ပါဗျာ။

ဝမ်းနည်းစွာဖြင့်
ကိုဉာဏ် (ပန်းလောင်မြေ)
၂၀၁၂ ခုနှစ်၊ ဇန်န၀ါရီလ ၆ ရက်၊ သောကြာနေ့။
နံနက် ၁၁ နာရီ ၂၉ မိနစ်။