နှစ်သစ်ကူးအခါသမယမှာ အချို့သောလူတွေဟာ New Year Resolution လို့ခေါ်တဲ့ နှစ်သစ်ကူး အဓိဌာန် ပြုလုပ်ကြလေ့ရှိပါတယ်။ လာမယ့်နှစ်မှာ ကိုယ်ဘာလုပ်မယ်၊ ဘာဖြစ်ရမယ်၊ လာမယ့်နှစ်မှာ ဆေးလိပ်ဖြတ်မယ် စသည်ဖြင့်ပေါ့လေ။ အဲဒီအကျင့်ကို ကျွန်တော်နဲ့ မိတ်ဆက်ပေးခဲ့တာက သူငယ်ချင်း ဗိုလ်ကောင်းပါ။ သူမိတ်ဆက်ပေးတဲ့ နှစ်ကစပြီး နှစ်စဉ်နှစ်တိုင်း နှစ်သစ်အဓိဌာန်ကို မပျက်မကွက် ပြုလုပ်ခဲ့ပါတယ်။ ဒိုင်ယာရီစာအုပ်ရဲ့ ရှေ့ဆုံးစာမျက်နှာမှာ သေသေချာချာ ရေးဖြစ်ခဲ့ပါတယ်။ နှစ်ကုန်သွားတဲ့အခါ ကိုယ်လုပ်ခဲ့တဲ့ အဓိဌာန်တွေထဲက ဘယ်နှချက်များ လုပ်နိုင်ခဲ့သလဲဆိုတာ အင်မတန်မှ စိတ်ဝင်စားစရာ ကောင်းပါတယ်။
သူများတွေရဲ့ နှစ်သစ်စိတ်ကူး အဓိဌာန်တွေက တစ်ချက်၊ နှစ်ချက်ပါပဲ။ ဒါပေမယ့် ကျွန်တော်ကတော့ နှစ်တိုင်းလိုလို နှစ်သစ်ကူး အဓိဌာန်တွေ အများကြီး ချဖြစ်တတ်တယ်။ ၁၀ ချက် ၁၂ ချက်လောက် ပါတဲ့ အဓိဌာန်တွေ အများကြီးရှိခဲ့ဖူးတယ်။ နှစ်စဉ်ဆိုသလို တစ်ဝက်လောက် (၅၀%) တော့ အောင်မြင်ပြီးမြောက်တာ တွေ့ရပါတယ်။ ကျေနပ်တယ်တော့ မဟုတ်ပေမယ့် ကြည်နူးမိတာတော့ အမှန်ပါပဲ။
ဒီနှစ်လည်း New Year Resolution မလုပ်ရသေးဘူးဆိုပြီး သတိရမိတယ်။ ဒါပေမယ့် ထူးဆန်းတာက အရင်လိုမျိုး ဘာလုပ်မယ်၊ ညာလုပ်မယ်၊ ဘာဖြစ်ရမယ်၊ ညာဖြစ်ရမယ် ဆိုတာမျိုး အများကြီး မရှိတော့ဘဲ ဖြစ်နေတာပါပဲ။ ကျွန်တော့်စိတ်ထဲမှာ ဖြစ်ချင်တာတွေ သိပ်မများတော့တာများလားပေါ့။ အဲလိုလည်း မဟုတ်ရပါဘူး။ ဖြစ်ချင်တာတွေ၊ လုပ်ချင်တာတွေ တောင်ပုံရာပုံပါ။
ကဲပါဗျာ... လေရှည်နေမိတာနဲ့ လိုရင်းကို မရောက်တော့ဘူး။ ကျွန်တော့်ရဲ့ နှစ်သစ်အဓိဌာန်ကိုပဲ ပြောပြပါတော့မယ်။
(၁) ဖွဲ့စည်းပုံအခြေခံဥပဒေနှင့် ပတ်သက်၍ ကျွန်တော်ပြုစုထားသမျှ၊ သိထားသမျှကို အများသိအောင် ပြန်လည်ဖြန့်ဝေပေးမည်။ ပြန့်ပွားအောင် ဆောင်ရွက်မည်။
(၂) ပုံနှိပ်မီဒီယာများတွင် ဆောင်းပါးများ၊ ကဗျာများ၊ အတွေ့အကြုံများ စတင်ရေးသားပါမည်။
(၃) မြန်မာပြည်က လူတွေထဲတွင် ကိုဉာဏ် (ပန်းလောင်မြေ) ဆိုသည့် လူသားတစ်ဦးရှိကြောင်း မှတ်တမ်းရေးထိုးနိုင်အောင် ကြိုးစားပါမည်။
ကဲ... ကျွန်တော့်ရဲ့ နှစ်သစ်အဓိဌာန်တွေပါခင်ဗျာ။ စာဖတ်သူအတွက် ကြောင်တောင်တောင် ဖြစ်နေရင်လည်း သည်းခံ၍သာ ဖတ်ရှုကြပါဦးခင်ဗျား။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ ဇန်န၀ါရီလ ၈ ရက်၊ တနင်္ဂနွေနေ့။
မွန်းလဲ ၁၂ နာရီ ၂၀ မိနစ်။
စစ်တွေမြို့။
No comments:
Post a Comment