ဖတ်မိ၊ ကြားမိ၊ ခံစားမိသော သတင်းများ (ဇူလိုင် ၅ ရက်နေ့အထိ)

(၁)

ဒုတိယသမ္မတ(၁) သီဟသူရ ဦးတင်အောင်မြင့်ဦး ရာထူးတာဝန်က အနားယူသွားတဲ့အကြောင်း ပြည်ထောင်စုလွှတ်တော် အစည်းအဝေးမှာ နာယကကြီးက ပြောကြားခဲ့တယ်။

ကျန်းမာရေးအခြေအနေကြောင့် ဖြစ်တဲ့အကြောင်း ကြားရသိရတယ်။ အခုလောလောဆယ် ရန်ကုန်မှာ ဘုန်းကြီးဝတ်နေတယ်လို့ သူများတွေပြောနေတာကို ကျွန်တော်သိရတယ်။ အချို့ကလည်း အခုလို ရာထူးက အနားယူတာဟာ ဘယ်သူနဲ့ ဘယ်လိုဖြစ်လို့၊ ဘယ်ကိစ္စမှာ ဘယ်လိုဖြစ်သွားတာ စသည်ဖြင့် တီးတိုးတီးတိုး ပြောကြတာလည်း ရှိတယ်။ ဘာပဲဖြစ်ဖြစ် ကြားသမျှကို နားထောင်လိုက်ပါတယ်၊ သိသမျှကို မှတ်သားလိုက်ပါတယ်။ သေချာတာကတော့ ဒုတိယသမ္မတကြီးတစ်ဦးဖြစ်တဲ့ သီဟသူရ ဦးတင်အောင်မြင့်ဦးဟာ ရာထူးတာဝန်ကနေ လုံးဝအနားယူသွားတာပါပဲ။ ဖွဲ့စည်းပုံအခြေခံဥပဒေနဲ့အညီ ဆောင်ရွက်ခဲ့တာ၊ နုတ်ထွက်ခဲ့တာဖြစ်လို့ ဘာမျှ အထွေအထူး ပြောစရာ မရှိကြောင်းပါခင်ဗျား။

(၂)

နုတ်ထွက်သွားတဲ့ ဒုတိယသမ္မတ(၁) အစား ဒုတိယသမ္မတသစ်တစ်ဦး တင်ပေးရမှာဖြစ်ပါတယ်။ ဦးတင်အောင်မြင့်ဦးကို တပ်မတော်သား လွှတ်တော်ကိုယ်စားလှယ်များ အစုအဖွဲ့က တင်မြှောက်ခဲ့တာ ဖြစ်တဲ့အတွက် အခုလည်း လစ်လပ်တဲ့နေရာကို တပ်မတော်သား ကိုယ်စားလှယ်တွေက ရွေးချယ်ပေးကြပါလိမ့်မယ်။ အများကြီးစဉ်းစားပြီးမှ ရွေးချယ်ပေးမှာဖြစ်လို့ စိတ်ဝင်စားစရာကောင်းတာ အမှန်ပါပဲ။ သူများတွေကတော့ ဘာကိုဘယ်လို စိတ်ဝင်စားကြတယ် ကျွန်တော် မပြောနိုင်ပါဘူး။ ကျွန်တော်ကိုဉာဏ်ကဖြင့် အလွန်အင်မတန်မှကို စိတ်ဝင်စားမိကြောင်းပါ။ တစ်အချက်- ရွေးပေးရမယ့် ဒုတိယသမ္မတကို တပ်မတော်ကာကွယ်ရေးဦးစီးချုပ် အသစ်က ရွေးချယ်ပေးမှာ ဖြစ်လို့ပါ။ နှစ်အချက်- သမ္မတကြီး ဦးသိန်းစိန်က မလိုလားတဲ့လူကို တပ်မတော်သား အစုအဖွဲ့က ရွေးချယ်ပေးလိမ့်မယ် မဟုတ်ဘူးလို့ တွက်မိလို့ပါ။ သုံးအချက်- လက်ရှိတာဝန်ထမ်းဆောင်နေသူ တပ်မတော်အရာရှိကြီးတွေထဲက တစ်ဦးဦးကို ရွေးချယ်ပေးမယ်လို့ ကျွန်တော်မထင်လို့ပါ။ လေးအချက်- အားလုံးက တွက်ကိန်းထုတ်နေတာတွေကို ဘယ်သူမှန်တယ်ဆိုတာ ကျွန်တော်သိချင်လို့ပါ။ ကဲ.. ကျွန်တော်လည်း ခေတ်မီပါတယ်နော်။ အငြိမ့်မှာ လူရွှင်တော်တွေ ပြောသလို အင်း... ဒုတိယသမ္မတသစ်လား.... ငါထင်တယ်... ငါထင်တယ်... ဆိုပြီးလည်း ပြောလို့က မရသေးဘူးဗျ။ အသက်ကန့်သတ်ချက်က ၄၅ နှစ် ဖြစ်နေသေးတာကိုး။

(၃)

ခွင့်ပြုချက်မတောင်းခံခဲ့တဲ့ သတင်းဓာတ်ပုံကို ဖော်ပြခဲ့တဲ့အတွက် လျှပ်တစ်ပြက်ဂျာနယ်ကို ထုတ်ဝေခွင့် ပိတ်ထားခဲ့တဲ့အပြင် ဂျာနယ်အယ်ဒီတာချုပ် မြတ်ခိုင်ကိုလည်း တရားစွဲဆိုထားခဲ့တာ လူတိုင်းအသိ ဖြစ်ပါလိမ့်မယ်။ အခုနောက်ဆုံး ဖတ်ရတဲ့ သတင်းတွေအရ လျှပ်တစ်ပြက်ဂျာနယ်ကို ဒီအပတ်မှာ ပြန်လည်ထုတ်ဝေခွင့် ပြုထားတယ်လို့ ဆိုပါတယ်။ ကြိုဆိုပါတယ်ဗျာ။ အခြားဟာတွေ မပြောလိုပါဘူး။ ပုံမှန်ထွက်နေတဲ့ ဂျာနယ်တစ်ခု အကြောင်းတစ်ခုခုကြောင့် မထွက်ရဘူးဆိုတာဟာ အဲဒီဂျာနယ်အတွက်ရော၊ အဲဒီဂျာနယ်မှာ အလုပ်လုပ်နေတဲ့ ၀န်ထမ်းတွေအတွက်ရော၊ အဲဒီဂျာနယ်ကို အားပေးကြတဲ့ စာဖတ်ပရိသတ်အတွက် မကောင်းဘူးလို့ ထင်မိလို့ပါ။

အွန်လိုင်းပေါ်မှာဖတ်ရတဲ့ ကဗျာတစ်ပုဒ်ကို သတိရမိလိုက်တယ်။ လယ်သမားတွေက လယ်အသိမ်းခံရတယ်၊ စာနယ်ဇင်းသမားက ဂျာနယ်အသိမ်းခံရတယ်တဲ့။ တွေးစရာကောင်းပါတယ်။ ကျွန်တော့်အမြင်အရတော့ လယ်သမားကလည်း လယ်ကို အသိမ်းမခံရအောင် ကြိုးစားသင့်သလို၊ စာနယ်ဇင်းသမားကလည်း ဂျာနယ်အသိမ်းမခံရအောင် ဂရုစိုက်သင့်ပါတယ်။ သေချာတာကတော့ မြန်မာပြည်မှာ အပတ်စဉ်ထွက်နေတဲ့ ဂျာနယ်တစ်ရာကျော်လုံးကို စာပေစိစစ်ရေးက ပိတ်သုံးနေတာ၊ အရေးယူနေတာ မဟုတ်ဘူးဆိုတာပါပဲ။ အချို့ကိစ္စတွေမှာ ကျွန်တော်အကုန် မသိနိုင်တဲ့အတွက် ဘယ်သူမှားတယ်၊ မှန်တယ်ဆိုတာကို မပြောလိုတော့ဘဲ ဘေးကထိုင်ကြည့်တဲ့ ပွဲကြည့်ပရိတ်သတ်သာ လုပ်နေမိပါကြောင်း။

(၄)

ပထမအကြိမ် ပြည်ထောင်စုလွှတ်တော် စတုတ္ထပုံမှန်အစည်းအဝေး ပြန်လည်စတင် ကျင်းပနေပြီ ဖြစ်ပါတယ်။ ဥပဒေကြမ်းတွေ အစီအရီ တင်သွင်းကြမယ်လို့ သတင်းတွေအရ ကြားသိရပါတယ်။ ကောင်းတဲ့လက္ခဏာဖြစ်လို့ ကြိုဆိုလိုက်ပါတယ်။ ဥပဒေပြုတဲ့အလုပ်ဟာ လွှတ်တော်တွေရဲ့ အဓိကအလုပ်ပဲ ဖြစ်ပါတယ်။ သူတို့အလုပ်ကို သူတို့ ကျေပွန်ဖို့ လိုပါတယ်။ တစ်ခုလောက် မေတ္တာရပ်ခံချင်တာကတော့ ဥပဒေအသစ်တွေကိုချည်း စဉ်းစားမနေဘဲ ရှိပြီးသား ဥပဒေဟောင်းတွေထဲက ခေတ်နဲ့ မလျော်ညီတော့တဲံ ဥပဒေတွေကို ပြင်ဆင်နိုင်အောင် အလျင်ဆုံး ကြိုးစားသင့်တယ် ဆိုတာပါပဲ။ အချို့ဥပဒေပုဒ်မများဟာ အလွန့်ကို ဟာသဖြစ်စရာ၊ မေးငေါ့ချင်စရာ ဖြစ်နေလို့ပါ။ ဥပဒေအသစ်တွေလည်းရေး၊ အဟောင်းတွေကိုလည်း ပြင်ကြဆင်ကြပါဦးလို့ တောင်းပန်လိုက်ပါရစေ။ လွှတ်တော်အသက်ဝင်ပါစေ၊ ကျန်မဏ္ဍိုင်များကို အပြန်အလှန် ထိန်းကျောင်းနိုင်ပါစေ။ ပြည်သူ့အသံ ထင်ဟပ်ပါစေ။ ပြည်သူ့ဆန္ဒများကို ဖြည့်ဆည်းပေးနိုင်ပါစေ။

(၅)

သြော်... ကျွန်တော်တို့ရဲ့ အန်တီစုကြီး နိုင်ငံခြားက ပြန်လာတော့ ပင်ပန်းနေလို့ လွှတ်တော်မတက်ဘဲ ခွင့်ယူထားပါသတဲ့။ နေမကောင်းလို့ဆိုတဲ့ သတင်းတွေကို ဖတ်ရလို့သာ ပြောရတယ်၊ အင်တာနက်ပေါ်မှာတော့ အန်တီကြီးက ကော့မှူးကို ရောက်လို့ပါဗျာ။ ပြုံးလို့ရွှင်လို့၊ လန်းလို့ဆန်းလို့ပါဗျာ။ အလှူတွေဘာတွေလည်း လုပ်လို့ခင်ဗျ။ ကော့မှူးက လူတွေကတော့ အန်တီစုလာတယ်ဆိုပြီး ပျော်နေကြမှာပါပဲ။ ကိုယ့်မြို့နယ်က ကိုယ်စားလှယ်ကိုး။ ဒါပေမယ့် ငါတို့အန်တီစုက ငါတို့ဆီကို အရင်မလာဘဲ နိုင်ငံခြားကို အရင်သွားတယ်လို့ သူတို့တွေးမိရင် ဘယ်လိုများ ခံစားကြမလဲလို့ ကျွန်တော်ကိုဉာဏ်က မဆီမဆိုင် ၀င်တွေးနေမိကြောင်းပါခင်ဗျား။

(၆)

အာရှအဆင့် အသက် ၂၂ အောက် ဘောလုံးပြိုင်ပွဲ ခြေစစ်ပွဲမှာ မြန်မာအသင်း ခြေစစ်ပွဲ အောင်မြင်သွားခဲ့တဲ့ ၀မ်းသာမဆုံး ဖြစ်ရကြောင်းပါခင်ဗျ။ ကိုယ့်မြေ၊ ကိုယ့်ရေ၊ ကိုယ့်ကွင်း၊ ကိုယ့်ပရိတ်သတ်ရှေ့မှာ အကောင်းဆုံး ကပြအသုံးတော်ခံသွားတဲ့ မြန်မာလူငယ်တွေကို ချီးကျူးဂုဏ်ပြုလိုက်ပါတယ်။ တောင်ကိုရီးယား၊ တရုတ်(တိုင်ပေ)၊ မလေးရှား အသင်းတွေနဲ့ တစ်အုပ်စုတည်း ကျရောက်ခဲ့တာမို့ အားလုံးက အုပ်စုအဆင့်ပဲလို့ တွက်ထားခဲ့ကြတာ။ အခုတော့ ပန်းပန်လျက်ပါဗျာ။ ဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က ဆုငွေ အနည်းဆုံး ဒေါ်လာနှစ်သိန်း ရအောင် သူအာမခံပါတယ်လို့ ဆိုထားတဲ့အတွက်လည်း အံ့သြ၀မ်းသာမိကြောင်းပါခင်ဗျာ။ ဒါပေမယ့် နောက်ဆက်တွဲ ကြားနေဖတ်နေရတဲ့ သတင်းတွေအရ အသက်ပြဿနာတွေ ပေါ်ပေါက်နေတယ် ဆိုတဲ့အတွက် စိတ်ပူမိကြောင်းပါ။ ကြားရတဲ့ သတင်းတွေအရ အသင်းခေါင်းဆောင် ကျော်ဇေယျာဝင်း အပါအ၀င် ကစားသမားအချို့ကို အသက်ကျော်လွန်တယ်ဆိုပြီး ကန့်ကွက်ထားတယ် ဆိုတဲ့အချက်ပါ။ ပြိုင်ပွဲက ထွက်ရတာ၊ မထွက်ရတာတွေကို မပြောလိုပါဘူး။ ဒီနေ့ ဒီအချိန်မှာတော့ ဒီလိုအကျင့်တွေ မရှိသင့်တော့ဘူးလို့ ကျွန်တော်မြင်မိပါတယ်။ ကောင်းချင်လျှင် ကောင်းအောင်လုပ်ရမည် ဖြစ်ပါတယ်။ ကလေးပြိုင်ပွဲကို လူကြီး ၀င်ကန်သင့်သည်ဟု ကျွန်တော် မထင်မိပါ။ သူ့နေရာနှင့်သူသာ ဖြစ်သင့်ပါသည်။ ဘာပဲဖြစ်ဖြစ် ခြေစစ်ပွဲအောင် ယူ ၂၂ အသင်းကို ဂုဏ်ပြုလိုက်ပါသည်။ သြော်... ဒါနဲ့ စကားမစပ် မြန်မာဘောလုံးပရိသတ်တွေ အရင်လို မကြမ်းတော့ဘူးဟု ပြောဆိုနေကြသည်ကို ဖတ်ရ ကြားရပါသည်။ ၀မ်းသာမိပါသည်။ မြန်မာတွေ အရိုင်းအစိုင်းမဟုတ်ကြောင်း ပါးစပ်ဖြင့်မပြောဘဲ လက်တွေ့နေထိုင် ကျင့်ကြံပြခြင်းဖြင့် သက်သေပြကြပါရန် တိုက်တွန်းလိုပါသည်။ မြန်မာဘောလုံး ပရိတ်သတ်ကြီးကို ကျေးဇူးတင်ပါသည်။

(၇)

အကျဉ်းသားတွေ လွှတ်ပေးမယ်ဆိုတာ ဂျာနယ်တွေတောင် မသိလိုက်တဲ့အတွက် ရင်ထုမနာ ဖြစ်တဲ့လေသံနဲ့ ရေးထားတာကို ဂျာနယ်တစ်စောင်မှာ ဖတ်မိလိုက်ပါတယ်။ ကျွန်တော်တို့ဆီမှာက ဂျာနယ်တွေဟာ သိပ်ကိုအလိုလောဘ များကြတာပဲဗျာ။ ဘာပဲလုပ်လုပ် သူတို့တွေကို ကြိတင်သတိပေးပြီးမှ လုပ်ရလျှင်ဖြင့် အလုပ်ဖြစ်နိုင်မည် မထင်မိကြောင်းပါခင်ဗျာ။

အခုတော့ နားဦးမည်။ ဆက်ပါဦးမည်။

အမှတ်တရ

ကိုဉာဏ် (ပန်းလောင်မြေ)

၂၀၁၂ ခုနှစ်၊ ဇူလိုင်လ ၀၅ ရက်၊ ကြာသပတေးနေ့