ခေါင်းစဉ်ကိုဖတ်ပြီး ကိုဉာဏ်တစ်ယောက်တော့ ၀ိုင်ဝိုင်းရဲ့သီချင်း ဆိုနေတယ်လို့ မထင်မှတ်လိုက်ပါနဲ့ဗျာ။ ကျွန်တော့်ရဲ့ မြန်မာ့သွေးဘလော့ဂ်ကို စာတွေ၊ သတင်းတွေ ဖတ်ရှုဖို့ အမြဲလာလည်တတ်တဲ့ မိတ်ဆွေတွေကို ကျွန်တော်ကိုဉာဏ်က တောင်းပန်ပါရစေလို့ ခွင့်တောင်းတာပါ။
ကျွန်တော့်ဆရာတစ်ဦးက ပြောဖူးတဲ့စကားတစ်ခွန်းကို ကျွန်တော် အမြဲသတိထားပြီး ဆင်ခြင်ဖြစ်ပါတယ်။ စိတ်ညစ်နေတဲ့အချိန်၊ ၀မ်းသာနေတဲ့အချိန်၊ ဒေါသဖြစ်နေတဲ့အချိန် စတဲ့အချိန်မျိုးတွေမှာ ဆုံးဖြတ်ချက်တွေ မချပါနဲ့တဲ့။ နောက်ဆက်တွဲ ထပ်မှာတာက မင်းက စာရေးချင်တဲ့လူဆိုတော့ အဲဒီလိုအချိန်မျိုးတွေမှာ စာမရေးပါနဲ့တဲ့။ ဟုတ်ကဲ့ ကျွန်တော်ကိုဉာဏ် မှတ်သားခဲ့ရပါတယ်။ လိုက်နာမှုမှာတော့ အားနည်းခဲ့ပါတယ်။ အဲဒါကြောင့်လည်း အချို့သော ပို့စ်တွေမှာ ဒေါသသံတွေ တသင်းသင်း၊ အမျက်မာန်တွေ တ၀င်းဝင်းနဲ့ ဖြစ်ခဲ့ရတာပါ။ သွေးပူနေ၊ သွေးဆူနေတုန်းကတော့ ကျွန်တော့်ကိုယ်ကျွန်တော် ဟုတ်လှချည်၊ တော်လှချည်ရဲ့လို့ ဘ၀င်တွေ မြင့်မိတာပေါ့။ ဒါပေမယ့် သွေးအေးလို့ ပြန်ဖတ်မိတဲ့အခါ ကျွန်တော့်မှာ နောင်တတွေ တသီကြီးနဲ့ စိတ်ညစ်ခဲ့ရတာ အခါခါပါ။
ဒီရက်ပိုင်းတွေမှာတော့ ကျွန်တော့်အတွက် အတော်လေးကို ကသိကအောက်ဖြစ်စရာ ရက်သတ္တပတ်တွေ ဖြစ်ခဲ့ပါတယ်။ လူမှုရေး အခက်အခဲမျိုးစုံနဲ့ ကျွန်တော်ဖြတ်သန်းခဲ့ရတယ်။ အရင်းနှီးဆုံး လူတွေရဲ့ သစ္စာဖောက်မှု၊ အထင်အမြင်လွဲမှုတွေ ခံခဲ့ရတယ်။ ကျွန်တော် အားကြိုးမာန်တက်လုပ်ဖို့ မျှော်လင့်ထားတဲ့ အလုပ်တွေကို စွန့်လွှတ်ခဲ့ရတယ်။ ကိုယ်လုပ်ရင် အကောင်းဆုံးဖြစ်မှာ သိလျက်နဲ့ ခ၀ါမချနိုင်တဲ့ ကျွန်တော့်ရဲ့ မာနတွေကြောင့် ဘေးကနေဘဲ လက်ပိုက်ကြည့်နေဖြစ်တယ်။ နောင်တတော့ မရမိပါဘူး။ သိက္ခာမရှိတဲ့ လူတွေနဲ့ အလုပ်တွဲလုပ်ရမှာထက် ဘာမှမလုပ်ဘဲ ဒီအတိုင်း ငုတ်တုတ်ထိုင်ပြီး အသေခံရတာက ပိုမြတ်တယ်လို့ ကျွန်တော်ခံယူထားတယ်။ နောက်တစ်ခုက ကျွန်တော့်မှာ ချမ်းသာတာဆိုလို့ ဒီမာနတွေပဲ ရှိတာမဟုတ်လား။ မကောင်းမှန်းသိပေမယ့် ပုထုဇဉ်ပီပီ ကျွန်တော် ဖက်တွယ်ထားချင်ပါသေးတယ်။
လိုရင်းကိုပြောရရင် ဒီကာလတွေမှာ ကျွန်တော် စိတ်ညစ်ရ၊ ဒေါသဖြစ်ရ၊ စိတ်တိုရ၊ သောကဖြစ်ရတာတွေ များနေတဲ့အတွက် စာတွေမရေးဖြစ်၊ မတင်ဖြစ်ပါဘူး။ သတင်းတွေဖတ်ပြီး ထပ်ခါထပ်ခါ စိတ်တိုရလို့ သတင်းတွေတောင် သေချာမဖတ်ဖြစ်ဘူး။ အဲဒါကြောင့် ကျွန်တော့်ဘလော့ဂ်ကို စာဖတ်ဖို့ လာလည်ကြသူတွေကို ကျွန်တော် မျက်နှာပူပါတယ်။ အားလည်းနာပါတယ်။
ဒါကြောင့်လည်း ခေါင်းစဉ်မှာကတည်းက ကျွန်တော် တောင်းပန်ပါရစေလို့ အမည်ပေးလိုက်မိတာပါ။ ဟုတ်ကဲ့.... မြန်မာ့သွေးမိတ်ဆွေများအားလုံးကို ကျွန်တော်ကိုဉာဏ် အနူးအညွတ် တောင်းပန်ပါတယ်။ စာတွေ ပြန်ရေးပါ့မယ်၊ ပို့စ်တွေ ပြန်တင်ပါ့မယ်။ စောင့်မျှော်ဖတ်ရှုကြပါဦးခင်ဗျား။
အားလုံးပဲ ရွှင်လန်းချမ်းမြေ့ကြပါစေ.....။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ သြဂုတ်လ ၈ ရက်၊ ဗုဒ္ဓဟူးနေ့။
ည ၁၁ နာရီ ၀၉ မိနစ်တွင်ပြီး၏။
No comments:
Post a Comment