သွေးမျိုးဆက်

မိခင်ဖခင်၏ သွေးအမျိုးအစား	သားသမီး၌ဖြစ်ပေါ်နိုင်သော သွေးအမျိုးအစား	သားသမီး၌ ဖြစ်ပေါ်မလာနိုင်သော သွေးအမျိုးအစား
အေ+အေ	အေ၊ အို	ဘီ၊ အေဘီ
အေ+ဘီ	အေ၊ ဘီ၊ အေဘီ၊ အို	မရှိ
အေ+အေဘီ	အေ၊ ဘီ၊ အေဘီ	အို
ဘီ+ဘီ	ဘီ၊ အို	အေ၊ အေဘီ
ဘီ+ဘီအေ	ဘီ၊ အေဘီ	အို
ဘီ+အို	ဘီ၊ အို	အေ၊ အေဘီ
အေဘီ+အို	အေ၊ ဘီ	အို၊ အေဘီ
အေဘီ+အို	အေ၊ ဘီ	အို၊ အေဘီ
အို+အို	အို	အေ၊ ဘီ၊ အေဘီ
အေဘီ+အေဘီ	အေ၊ ဘီ၊ အေဘီ	အို

အပေါ်က သွေးမျိုးဆက်ကိုရေးရင်းတဲ့ ကျွန်တော့်ရဲ့ မှတ်စုစာအုပ်ထဲမှာ သွေးအမျိုးအစားကိုလိုက်ပြီး လူတွေရဲ့ အကျင့်စရိုက်တွေ ဘယ်လိုရှိတတ်တယ်ဆိုတာကို မှတ်ထားဖူးတယ်ဆိုတာကို သတိရတယ်။ အဲဒါကြောင့် မှတ်စုစာအုပ်တွေပြန်ရှာတဲ့အခါ လွယ်လွယ်ကူကူပဲ တွေ့တဲ့အတွက် တင်ပေးလိုက်ပါတယ်။ ဘယ်ကကူးထားခဲ့သလဲ ဆိုတာနဲ့ပတ်သက်ပြီး နည်းနည်းတော့ ဇဝေဇ၀ါဖြစ်ပါတယ်။ မှတ်စုခေါင်းစဉ်က ရှေ့စာရွက် ၅ ရွက်ကျော်လောက်မှာ ရှိနေတဲ့အတွက် အဲဒီမှတ်ထားတဲ့စာအုပ်ကပဲလား ဒါမှမဟုတ် အခြားစာအုပ်ကလားဆိုတာ ၀ိုးတိုးဝါးတားပါ။ အမှတ်မမှားဘူးဆိုရင်တော့ အဲဒီခေါင်းစဉ်ထဲကအတိုင်း ၂၀၀၈ ခုနှစ် ဇန်န၀ါရီလထုတ် International Magazine အမှတ်(၁၀၈)ကပါ။ အဲဒီလို ဇဝေဇ၀ါဖြစ်သွားရတာက စာအုပ်တစ်အုပ်ဖတ်ပြီးလို့ မှတ်စရာရှိတာတွေ ကူးမှတ်ပြီးတိုင်း ဘယ်ရက်၊ ဘယ်အချိန်မှာပြီးတယ်ဆိုပြီး လက်မှတ်ထိုးထားတတ်တဲ့ ကျွန်တော့်အကျင့်ကြောင့်ပါ။ အခုမှတ်စုမှာ ဘယ်အချိန်ပြီးတယ်ဆိုတာ လက်မှတ်ထိုးထားတာ မရှိတဲ့အတွက်ကြောင့်ပါ။ တကယ်လို့ ကျွန်တော်ညွှန်းတဲ့စာအုပ် မှားနေခဲ့ရင် အနူးအညွတ်တောင်းပန်ပါတယ်။
ကဲ သွေးအမျိုးအစားအလိုက် လူတွေရဲ့ စရိုက်က ဘယ်လိုရှိသလဲဆိုတာ ဖတ်ကြည့်ပါဦး။ မှန်မမှန်တော့ ကိုယ့်ဘာသာကိုယ်သာ ဆုံးဖြတ်ကြပါလို့။

A သွေး
စေ့စပ်သေချာသူတွေပါတဲ့။ အရာရာကို စနစ်တကျ၊ သပ်သပ်ရပ်ရပ် လုပ်ကိုင်လိုပြီး လူကျင့်ဝတ်တွေကို အတတ်နိုင်ဆုံး လိုက်နာကြပါတယ်တဲ့။ လူမှုရေး စည်းကမ်းတွေ၊ လူ့ဘောင်အသိုက်အ၀န်းတွေကို အလွန်ဂရုစိုက်တတ်ကြသူတွေတဲ့။ လွယ်လွယ်ကူကူ ဥပမာပေးရရင်တော့ အေသွေးပိုင်ရှင်တွေက စာမေးပွဲရှိပြီဆိုတာနဲ့ စာကျက်ဖို့ ပြင်လိမ့်မယ်။ သူတို့ရဲ့ ဖတ်စာအုပ်တွေမှာ စာရှင်းပြတာကို မှတ်ထားတာကလွဲပြီး တခြားဘာအရာမှ တွေ့ရမှာမဟုတ်ဘူး။ နောက်ပြီး ဆရာဆူမှာတို့၊ ကျောင်းနောက်ကျမှာတို့ကို တော်တော်စိုးရိမ်တတ်ကြတဲ့ လူတွေပေါ့။ သမားရိုးကျဆန်ပြီးတော့ စာမှန်မှန်ကျက်တဲ့လူတွေ၊ အလုပ်အကြွေးမထားတဲ့လူတွေ၊ စိတ်လွတ်ကိုယ်လွတ် မနေတတ်တဲ့လူတွေတွေ့ရင် အေသွေး လို့သာ မှန်းလိုက်တော့။ ဂျပန်လူမျိုးတွေရဲ့ ၈၀% ဟာ အေသွေးပိုင်ရှင်တွေပါတဲ့။

B သွေး
အေသွေးနဲ့ ဆန့်ကျင်ဘက်ပါပဲ။ ဘာကိုမှ အရေးမထားဘူး။ သူတို့လုပ်ချင်တာပဲ စိတ်ဝင်စားတယ်။ မလုပ်ချင်ဘူးဆိုရင် တော်ရုံတန်ရုံ ဘယ်သူ့ကိုမှ ဂရုမစိုက်တတ်ကြဘူး။ လူမှုရေးတွေ၊ ပတ်ဝန်းကျင်တွေကိုလည်း ခေါင်းထဲမှာ သိပ်မတွေးဘဲ လွတ်လွတ်လပ်လပ် နေတတ်တဲ့လူတွေပါ။ ဒါပေမယ့် ဘီသွေးပိုင်ရှင်တွေမှာ သူတစ်ပါးကို မြင်တတ်ကြတဲ့ အမြင်စိတ်ကူးတွေ ရှိကြပါတယ်တဲ့။ ဥပမာ မနက်ဖြန်လို စာမေးပွဲရှိတာတောင် ဒီနေ့ ဂိမ်းဆော့နေနိုင်တဲ့လူ၊ အလုပ်ပြုတ်မှာတွေ၊ ကျောင်းထုတ်ခံရမှာတွေကို သိပ်မကြောက်တတ်တဲ့လူ၊ သပ်သပ်ရပ်ရပ်မရှိဘဲ သူတို့ပျော်သလို နေတတ်ကြသူတွေက ဘီသွေး ပိုင်ရှင်တွေပါပဲ။ အနုပညာသမားတွေ၊ ဝေဖန်ရေးဆရာတွေထဲမှာ ဘီသွေးက အများဆုံးပဲတဲ့။

O သွေး
ဒီသွေးက ဆရာကြီးသွေး။ ဒီသွေးပိုင်ရှင်တွေက သူများကို ဦးဆောင်ရမှ ကျေနပ်ကြတယ်တဲ့။ အပေါင်းအသင်းစိတ်ရှိပြီး အေးအေးဆေးဆေး နေလိုတဲ့ အခါမျိုးလည်း ရှိတတ်ကြပါတယ်။ တစ်ခါတစ်လေကျတော့လည်း နည်းနည်းတော့ တစ်ကိုယ်ကောင်း ဆန်ချင်ကြတယ်တဲ့။ သူတို့ပြောတာမှ အမှန်လို့ ယူဆချင်ကြတာလည်း ဒီ အိုသွေး အုပ်စုဝင်တွေပါပဲ။ အပေါင်းအသင်းတွေထဲမှာ သူများကို ဆရာလုပ်တတ်တဲ့ အကျင့်ရှိနေသူတွေကို အိုသွေးလို့သာ စွပ်စွဲလိုက်ပါ။ သူတို့ကျတော့ ကျောင်းဆရာတွေ၊ ခေါင်းဆောင်တွေ အဖြစ်များကြတယ်။ မြန်မာပြည်မှာတော့ အိုသွေး ပိုင်ရှင် အများဆုံးလို့ ထင်ပါတယ်။

AB သွေး
ရှားလည်းအရှားဆုံး၊ ထူးလည်း အထူးဆန်းဆုံးပဲ။ သူတို့မှာ အေရော၊ ဘီရော ပေါင်းထားတဲ့ အရည်အသွေးတွေ ရှိနေတတ်ကြတယ်တဲ့။ ဘီသွေးတွေထက်တောင် ပိုပြီး ဘာကိုမှ မမှုကြဘူးတဲ့။ အေသွေးတွေလိုပဲ စနစ်တကျလည်း လုပ်တတ်ကြပါတယ်။ အခန်းထဲမှာ ဒီလူကတော့ တစ်မျိုးပဲလို့ တွေးမိရင် အဲဒီလူက အေဘီသွေးပိုင်ရှင် ဖြစ်ဖို့များနေပြီ။ သွေးအုပ်စုဝင်တွေအားလုံးထဲမှာ အရှားဆုံးသွေးပါ။

အေသွေးသမားနဲ့ ဘီသွေးသမားက မတည့်ပါဘူး။
အိုသွေးသမားနဲ့ ဘီသွေးသမားကတော့ တည့်တယ်။
အေဘီကတော့ ဘယ်သူနဲ့မှကို သိပ်ပြီး အဆင်မပြေချင်ပါဘူးတဲ့။
သြော်... ဒါနဲ့ စကားမစပ် ကျွန်တော်က အေသွေး ပိုင်ရှင်ပါခင်ဗျ။