နက်ဖြန်ဆိုရင် စာသင်ခန်းတွေ ပြန်ဝင်ရပါပြီ။ တစ်လကျော်လောက် နားခဲ့ရတဲ့ စာသင်တဲ့အလုပ်ကို ပြန်လုပ်ရမှာမို့လား မသိပါဘူး။ တွေးပြီး ရင်ခုန်မိသလိုလို၊ စိတ်လှုပ်ရှားမိသလိုပါပဲ။ အခုမှ စာ,စသင်မှာမဟုတ်ပေမယ့် ဘာကြောင့်များ ဒီလောက်စိတ်လှုပ်ရှားနေရသလဲဆိုတာ တွေးနေမိသလဲလို့ ကိုယ့်ဘာသာကိုယ်လည်း နားမလည်ပါဘူး။ နက်ဖြန်ကျရင် ပထမဆုံးအချိန်မှာ ဘယ်လိုမိတ်ဆက်စကားပြောရမလဲ၊ ဘာတွေပြောရမလဲ၊ သူတို့အကြောင်းတွေကို ဘယ်လိုမေးရမလဲ၊ သင်ခန်းစာနဲ့ပတ်သက်လို့ ဘာတွေနိဒါန်းပျိုးရမလဲဆိုတာကို စိတ်ကူးထဲမှာ စဉ်းစားနေမိတာ အံ့သြမိပါတယ်။ အရင်လည်း ဒီလိုပဲ စာသင်ခန်းဝင်လိုက်၊ သင်လိုက်၊ ပြောလိုက်ပါပဲ။ ဒါပေမယ့် အခုလိုမျိုး စာသင်နှစ်တစ်နှစ်ပြန်စလို့ ကျောင်းသားသစ်တွေနဲ့ တွေ့ရတော့မယ့်အခါတိုင်းလည်း အခုလိုမျိုး အမြဲတမ်းခံစားမိနေတာဟာ ကျောင်းဆရာတိုင်းရဲ့ ဖြစ်ရိုးဖြစ်စဉ်ပဲလား မသိပါဘူး။
မနှစ်ကမျက်နှာဟောင်းတွေ ဘယ်နှခုပြန်တွေ့ရမလဲ၊ ဘယ်လိုကျောင်းသားသစ်တွေနဲ့ တွေ့ရမလဲ၊ ဆုံးမနာယူလွယ်သူတွေလား၊ ဘွဲ့တစ်ခုရရုံသက်သက် စာသင်ချင်သူတွေလား၊ ပညာကိုတကယ်လိုချင်တဲ့သူတွေလား၊ စာမေးပွဲအောင်ရုံ သင်ညာသက်သက်ကိုသာ လိုချင်တဲ့သူတွေလား၊ ရသမျှကို မိုးစက်မိုးပေါက်စုသလိုစုပြီး နာခံသင်ယူမယ့်လူတွေလား၊ စသည်ဖြင့် မေးခွန်းများစွာ၊ အတွေးပေါင်းအနန္တနဲ့ ကြိုတင်ပုံဖော် စိတ်ကူးယဉ်ရတာလည်း ဘာနဲ့မှမတူတဲ့ ကျောင်းဆရာတစ်ယောက်ရဲ့ ခံစားချက်ပဲ ဖြစ်မယ်ထင်ပါရဲ့။
ကိုယ်သင်ရမယ့် သင်ခန်းစာတွေနဲ့ပတ်သက်လို့ ဘာတွေပြင်ဆင်ရမလဲ၊ မနှစ်ကအတွေ့အကြုံတွေအပေါ် အခြေခံပြီး သင်ရမယ့် တပည့်တွေကို ပိုမိုရှင်းလင်းနားလည်လွယ်အောင် ဘယ်လိုရှင်းလင်းသင်ပြရမလဲ၊ ကြုံလာနိုင်တဲ့ အခက်အခဲတွေ၊ ပြဿနာတွေအတွက် ဘယ်လိုကိုင်တွယ်ဖြေရှင်းရမလဲ၊ စာသင်ခန်းတွေအပေါ် သူတို့တွေ ငြီးငွေ့မသွားအောင် ဘယ်လိုတွေအားပေးရမလဲ၊ ဘယ်လိုတွေ ပြောပြရမလဲ၊ သင်ခန်းစာတွေအပေါ်မှာ အာရုံစူးစိုက်မှုအပြည့်နဲ့ တတ်နိုင်သမျှ အများဆုံးရယူနိုင်အောင် ဘယ်လိုသင်ကြားနည်းတွေ၊ ဘယ်လိုရှင်းလင်းမှုတွေ၊ ဘယ်လိုအထောက်အကူပစ္စည်းတွေနဲ့ ပြင်ဆင်သင်ကြားပေးရမလဲ စတဲ့ မေးခွန်းများစွာအတွက် ရင်ခုန်ရတာလည်း စာသင်ချိန် ပထမဆုံးအချိန်မတိုင်မီအထိ ခံစားနေရတဲ့ လတ်တလော ဖီလင်တွေပါပဲ။ ဒုတိယအချိန်စာသင်ခန်းဝင်တာနဲ့ သင်ခန်းစာပို့ချမှုတွေနဲ့ သူ့ဟာနဲ့သူ အရှိန်ရပြီး လည်ပတ်သွားမှာဖြစ်တာကို သိနေပါရက်နဲ့ ပထမဆုံးတွေ့ဆုံမှုအတွက် ရင်ခုန်နေမိတာကို ကိုယ့်ဘာသာကိုယ် အံ့သြနေမိပါရဲ့ဗျာ။
ကျွန်တော်မကြာခဏပြောခဲ့ဖူးပါတယ်။ ဘလော့ဂ်ရေးတာကို ကျွန်တော့်အနေနဲ့ အလုပ်တစ်ခုလိုမျိုး၊ မလုပ်ရမနေနိုင်တဲ့ ၀ါသနာတစ်ခုလိုမျိုး ရေးနေတာပါလို့။ တစ်ရက်တစ်ရက် ဘလော့ဂ်ပေါ်မှာ တင်ထားတဲ့ ပို့စ်တွေကို ကိုယ့်ဘာသာကိုယ် ပြန်ဖတ်ရတဲ့အရသာဟာလည်း ဘာနဲ့မှကို မတူတဲ့၊ တော်ရုံလူနားမလည်နိုင်တဲ့ ခံစားမှုပီတိတွေပါပဲ။ ဒါပေမယ့် အခုတော့ ကျွန်တော့်ရဲ့အဲဒီခံစားမှုလေးတွေကို အနိုင်ယူသွားမယ့်လူတွေ ပေါ်လာပြီ။ ကျွန်တော်တွေ့ရတော့မယ့် တပည့်သစ်လေးတွေပေါ့။ အကြောင်းအမျိုးမျိုးကြောင့် မနှစ်ကဆုံခဲ့ဖူးတဲ့ တပည့်ဟောင်းတွေလည်း ကျွန်တော့်ရဲ့ အတန်းဟောင်းတွေကို ပြန်တက်တာကို မြင်ရဦးမှာပါ။ သူတို့တွေကိုလည်း အားပေးရဦးမယ်။ ဆုံးမရဦးမယ်။ ဘာပဲဖြစ်ဖြစ် သူတို့တွေအတွက် အခုကတည်းက ကျွန်တော် ရင်ခုန်နေရပြီ။ စိတ်လှုပ်ရှားနေရပြီ။ ဘာတွေသင်ပေးမယ်၊ ဘာတွေပြောပြမယ်၊ ဘာတွေဆုံးမမယ်၊ ဘာတွေပြုပြင်မယ် စသည်ဖြင့် ဘာတွေများစွာအတွက် ကျွန်တော့်မှာ ခွန်အားတွေအပြည့်ဖြစ်နေတာကို မအံ့သြမိတော့ပါဘူး။ ကျွန်တော်တို့ကို သင်ကြားပေးလိုက်တဲ့ ဆရာ၊ ဆရာမတွေရင်ထဲမှာလည်း အဲဒီလိုစိတ်တွေ၊ ခံစားချက်တွေ ဖြစ်ခဲ့မှာပဲဆိုတာကို တွေးမိလိုက်တဲ့အချိန်မှာ ကျွန်တော် အလိုလို လက်အုပ်ချီမိပါတယ်။ ဆရာတွေရဲ့ရင်ကို ကျွန်တော့်ကိုယ်တွေ့နဲ့ရင်းပြီး မြင်နေရပြီလေ။ သူတို့တွေကြောင့်သာ အခုလိုမျိုးအခြေအနေကို ကျွန်တော်ရရှိနေတယ်ဆိုတာ ကျွန်တော်ရင်တွင်းမှာ မှတ်တမ်းကမ္ဗည်းထိုးထားပါတယ်။ ဘယ်တော့မှ မပျက်ပြယ်နိုင်တဲ့ နှလုံးသွေးနဲ့ရေးပြီးတော့ပေါ့။
မနေ့က တစ်ညလုံးနီးပါး သင်ခန်းစာအချိန်ဇယားဆွဲတာတွေ၊ သင်ခန်းစာနဲ့ပတ်သက်တာတွေ စီစဉ်တာတွေနဲ့ အချိန်ကုန်ခဲ့ရပါတယ်။ အိပ်ခါနီးအချိန်ကျမှ ဘလော့ဂ်အတွက် ဘာပို့စ်မှ မရေးရသေးပါလားဆိုပြီး သတိရမိတယ်။ ဒါပေမယ့် ဘာရေးရမယ်ဆိုတာကို လုံးဝကို စဉ်းစားလို့မရတော့ဘူး။ ကျွန်တော့်အတွေးတစ်ခုလုံးကို စာသင်ခန်းတွေနဲ့ တပည့်သစ်တွေက နေရာယူထားကြတယ်လေ။ ကျွန်တော့်ဘလော့ဂ်ကို နေ့စဉ်လာဖတ်နေကြတဲ့ ဘလော့ဂ်ဖတ်သူတွေကို စဉ်းစားမိပြီး အလိုလို အားနာနေမိတယ်။ နားလည်နိုင်ကြပါစေဗျာ။ ဘလော့ဂ်အတွက် ပို့စ်တွေကို အချိန်သီးသန့်ပေးပြီး တင်ပေးနေဦးမှာပါ။
ခင်ဗျားအနေနဲ့ ဒီစာကိုဖတ်နေရတဲ့အချိန်မှာ ကျွန်တော်ကတော့ စာသင်ခန်းထဲတွေထဲကို ရောက်နေလောက်ပါပြီ။ တပည့်တွေရှေ့မှာ မိတ်ဆက်စကားပြောနေတာလည်းဖြစ်မယ်၊ ဒါမှမဟုတ် သင်ခန်းစာအသစ်တစ်ခုကို စတင်ဆွေးနွေးနေတဲ့အချိန်လည်း ဖြစ်မယ်၊ ဒါမှမဟုတ် အားလပ်ချိန်တစ်ခုမှာ တပည့်တွေနဲ့ အလ္လာပသလ္လာပပြောနေတဲ့အချိန်လည်း ဖြစ်နေနိုင်ပါတယ်။ သေချာတာကတော့ အရင်လို ကွန်ပျူတာရှေ့မှာ တချောက်ချောက်နဲ့ စာရိုက်နေတာမဟုတ်ဘဲ တပည့်တွေကြားမှာ ရှိနေမယ်ဆိုတာပါပဲ။ ဟုတ်တယ်… ဥယျာဉ်မှူးစိတ်ဓာတ်တွေနဲ့ ကျွန်တော် လုပ်ငန်းခွင်ပြန်ဝင်နေရပြီ။ ကျွန်တော်စိုက်တဲ့ ပန်းခင်းလေးတွေ စိမ်းလန်းဖို့၊ အလှဆုံးပန်းတွေပွင့်လန်းနိုင်ဖို့၊ အချိုဆုံးအသီးတွေ သီးနိုင်ဖို့ ကျွန်တော် မျိုးစေ့ချရမယ်၊ ပေါင်းသင်ရမယ်၊ ရေလောင်းရမယ်၊ ပိုးမွှားတွေမကျရောက် မဖျက်ဆီးနိုင်အောင် အရိပ်တကြည့်ကြည့်နဲ့ ဂရုစိုက်ပြုစုရဦးမယ်။ ကြိုတွေးပြီး ကြည်နူးမိပါရဲ့ဗျာ။
ကျွန်တော့်ကို သင်ကြားပေးလိုက်တဲ့ ဆရာ၊ ဆရာမတွေ တာဝန်ကျေခဲ့ပြီ။ သူတို့ကြောင့် ကျွန်တော်ဒီအခြေအနေ၊ ဒီအနေအထားကို ရောက်နေရပြီ။ သူတို့တွေ တာဝန်ကျေခဲ့သလို ကျွန်တော်လည်း တာဝန်ကျေရမှာပေါ့။ သူတို့တွေ အစွမ်းကုန်ပေးဆပ်ခဲ့သလို ကျွန်တော်လည်း ပေးဆပ်ရမှာပေါ့။ သူတို့တွေ မေတ္တာတရားကြီးမားခဲ့သလို ကျွန်တော်လည်း မေတ္တာထားနိုင်ရမှာပေါ့။ သူတို့ရဲ့ စေတနာရေစင်တွေကြားမှာ ကျွန်တော်ပွင့်လန်းခဲ့ရသလို ကျွန်တော်လည်း တပည့်တွေအပေါ်မှာ စေတနာမိုးတွေ ရွာသွန်းပေးရမှာပေါ့။ ဘာကြောင့်လဲဆိုတော့ ကျွန်တော်က ကျွန်တော့်ဆရာတွေရဲ့ တပည့်ဖြစ်နေလို့လေ။ ဆရာတွေကောင်းခဲ့ပါလျက် ကျွန်တော်အနေနဲ့ မကောင်းတဲ့တပည့် မဖြစ်ချင်ပါဘူး။ ဆရာကောင်းတပည့်ဖြစ်အောင် အစွမ်းကုန်ကြိုးစားပြီး ဆရာတွေရဲ့ကျေးဇူးကို ကျွန်တော်ဆပ်ရမယ်လေ။ နောင်တစ်ချိန်မှာ ကျွန်တော့်နေရာမှာ ကျွန်တော့်တပည့်တွေက လက်ဆင့်ကမ်းပြီး ကျွန်တော့်တာဝန်တွေကို ထမ်းဆောင်ကြဦးမှာ အသေအချာပါပဲ။ အဲဒီအချိန်ကျရင် ကျွန်တော်လိပ်ပြာလုံချင်ပါတယ်၊ သူတို့အတွက် ကျွန်တော်ဂုဏ်ယူချင်ပါတယ်။ တပည့်ကောင်းရဲ့ ဆရာကွဆိုပြီး လက်မ,ထောင်ချင်ပါတယ်။ ကျွန်တော့်ဆရာတွေလိုပေါ့။
နက်ဖြန်မှာ တွေ့ဆုံကြုံတွေ့ရတဲ့ အဖြစ်အပျက်အားလုံးရဲ့ မူလအစဟာ -
"မင်္ဂလာပါ တပည့်တို့…" ဆိုတဲ့ စကားမှတစ်ပါး အခြားဖြစ်နိုင်စရာမရှိဘူးဆိုတာ စာဖတ်သူလည်း သိနှင့်ပြီးဖြစ်နေမှာပါနော်။
ကိုဉာဏ် (ပန်းလောင်မြေ)
၂၀၁၀ ပြည့်နှစ် ဇန်န၀ါရီလ ၁၄ ရက်၊ ကြာသပတေးနေ့။
ည ၁၁ နာရီ ၄၃ မိနစ်တွင်ပြီး၏။
No comments:
Post a Comment