မှန်တတ်သော သတ်ပုံ - မင်းလူ

ငယ်ငယ်က မြန်မာစာဆရာ၊ ဆရာမကောင်းများနှင့် သင်ခဲ့ရသောကြောင့်လည်းကောင်း၊ ကိုယ်တိုင်ကလည်း ၀ါသနာပါသဖြင့် မြန်မာစာပေဆိုင်ရာ ဆောင်းပါးများ၊ စာအုပ်များကို ဖတ်ခဲ့သောကြောင့်လည်းကောင်း စာရေးရာမှာ သတ်ပုံနှင့် သဒ္ဒါကို ဂရုစိုက်လေ့ရှိ၏။ တတ်နိုင်သမျှ ဂရုစိုက်ခြင်းကိုသာ ဆိုလိုပါသည်။

သတ်ပုံဆိုတာ မှန်လေကောင်းလေဖြစ်သော်လည်း တစ်ခါတလေကျတော့ သတ်ပုံကြောင့် ခွကျကျဖြစ်ရတာလေးတွေ အခုတင်ပြမလို့ပါ။

ကျောင်းနေကာစ၊ စာရေးတတ်ခါစအရွယ်တွင် သန်လျင်မြို့သို့ သွားလည်ကြသည်။ သန်လျင်ကို "တညင်" ဟု အသံထွက်ခေါ်ကြသည်။ မြို့ပေါ်က ဆိုင်းဘုတ်တွေမှာ "သန်လျင်" လို့ ရေးသားထားတာတွေ့တော့ နားမလည်နိုင်ဘဲ...

"ဟင်... တညင်ဆိုပြီး ဘာဖြစ်လို့ သန်လျင်လို့ စာလုံးပေါင်းရတာလဲ" ဟု မေးလိုက်သည်။ အမေက...

"သားတို့ကျောင်းမှာ ရေးတော့အမှန် ဖတ်တော့အသံဆိုတာ သင်ရတယ်မဟုတ်လား။ ပဂိုးကို ပဲခူးလို့ ရေးရတယ်လေ။ ဒီအတိုင်းပဲပေါ့။ တညင်ကိုလည်း သန်လျင်လို့ စာလုံးပေါင်းရတယ်"

ကျွန်တော်လည်း မှတ်ထားလိုက်၏။ နောက်တော့ ကျောင်းမှာ သတ်ပုံဖြေရသောအခါ...

"ကြက်ဖသန်လျင်၊ တောကိုဝင်၊ မောင်ရင်လာ လေးနဲ့ပစ်" ဟု ရေးလိုက်သည်။ ဆရာမက ခေါ်မေးတော့...

"ရေးတော့အမှန်၊ ဖတ်တော့အသံလေ ဆရာမရဲ့၊ တညင်ကို သန်လျင်လို့ စာလုံးပေါင်းရတယ် မဟုတ်လား"

ဆရာမကရယ်ပြီး ကြက်ဖတညင်ဆိုတာ သန်လျင်မြို့က ကြက်ဖကို ပြောခြင်းမဟုတ်ကြောင်း၊ တိန်ညင်ဟုခေါ်သော ကြက်တစ်မျိုးကို ပြောခြင်းဖြစ်ကြောင်း၊ ထို့ကြောင့် ကြက်ဖတိန်ညင်ဟု ရေးရမည်ဖြစ်ကြောင်း ရှင်းပြရှာသည်။

*-*-*-*-*-*-*-*-*

ကျွန်တော်တို့ဦးလေးတစ်ယောက် ကြုံခဲ့ရတာ ပြန်ပြောပြလို့ ကြားဖူးသည်။

သူတို့ငယ်ငယ်က မြန်မာပညာရှိတွေကြားမှာ အကြီးအကျယ် သဘောထားကွဲခဲ့ကြသည့် ကိစ္စတစ်ခု ဖြစ်ခဲ့၏။ "ဖ"ဂိုဏ်း နှင့် "ဘ"ဂိုဏ်း ဘယ်ဟာမှန်သလဲ ငြင်းခုန်ခဲ့ကြခြင်းဖြစ်၏။ ထိုကိစ္စမှာ တဖြည်းဖြည်း ကြီးထွားလာပြီး "ဖ" ဂိုဏ်းက "ဖေဖေ၊ ဖိုးဖိုး၊ စားသောက်ဖွယ်၊ တောင်ဖက်မြောက်ဖက်" စသည်ဖြင့် စာလုံးပေါင်းရမည်ဟု ဆိုသည်။ "ဘ" ဂိုဏ်းကလည်း "ဘေဘေ၊ ဘိုးဘိုး၊ စားသောက်ဘွယ်၊ တောင်ဘက်မြောက်ဘက်" ဟု စာလုံးပေါင်းမှ မှန်သည်ဟု ငြင်းသည်။

ဒီပြဿနာကြားမှာ ဦးလေးက အချောင်ခံရသည်။ ကျောင်းမှဆရာက "ဖ" ဂိုဏ်းသား၊ အိမ်မှအဖေက "ဘ" ဂိုဏ်းဝင်၊ ဆရာသင်တဲ့အတိုင်း "ဖ" နဲ့ ရေးလာပြီး အိမ်ရောက်တော့ အဖေက "ဘ" ပြင်ခိုင်းသည်။ ထိုအခါ ဆရာက သူသင်တဲ့အတိုင်း ရေးမလာရကောင်းလားဆိုပြီး ရိုက်သည်။ အိမ်ရောက်ပြန်တော့လည်း အဖေက သူ့ကို ဖီဆန်ရမလားဆိုပြီး နားရင်းအုပ်သည်။

ကြာတော့ သူ သည်းမခံနိုင်တော့။ ထို့ကြောင့် တစ်ရက်မှာ သူ့အဖေကို ခုလိုပြောလိုက်၏။

"ဘေဘေ၊ လမ်းထိပ်ကဆိုင်မှာ ဘွားဘွားအတွက် ဖယောင်းတိုင်နဲ့ ဘိုးဘိုးအတွက် ဘရုံယို သွားဝယ်လိုက်ဦးမယ်" ဟု "ဘ" သံတွေနဲ့ချည်း ပြောလိုက်ရာ သူ့အဖေက

"ခွေးမသား၊ ဒါ ငါ့ကို သက်သက်ငေါ့တာပဲ" ဆိုပြီး ခြေထောက်နှင့် ဆောင့်ကန်လိုက်သဖြင့် လှေကားမှ တလိမ့်ခေါက်ကွေး ကျသွားရသည်ဟု ဆို၏။

ခရီးသွားသောအခါ လမ်းမှာ သတ်ပုံအမှားတွေကို တွေ့ရတတ်သည်။

အမှိုက်မပြစ်ရ
ဆံရောင်းသည်
ဘတ္ထရီပြင်သည်
ထ္မင်းဆိုင်.... စသည်ဖြင့်

မြန်မာစာရေးထုံးမှာ ပါဠိနှင့် ပါဠိသက်ဝေါဟာရများမှအပ နှစ်လုံးဆင့် မရေးရပါ။ သို့တိုင်အောင် စာလုံးပေါင်းမှားသောကြောင့် ဆန်ဆိုင်မရောင်းရဘူး၊ ဘက်ထရီဆိုင် အလုပ်ပါးတယ်၊ ထမင်းဆိုင် လူအ၀င်နည်းတယ် ဆိုတာမျိုးတော့ တစ်ခါမျှ မကြားဘူးသေးပါ။

ရှေ့မှာ လမ်းပြင်နေသည်။
ဖြေးဖြေးမောင်း

ဆိုသော ဆိုင်းဘုတ်ကိုမြင်လျှင် ကားသမားတိုင်း သဘောပေါက်ပါသည်။ သတ်ပုံအမှန်အတိုင်းဆိုလျှင် "ဖြည်းဖြည်းမောင်း" ဟု ရေးရပါမည်။ သို့ရာတွင် ကားဆရာတွေက သတ်ပုံစာအုပ် ဆောင်ထားလေ့မရှိသဖြင့် ဒီကိစ္စ ပြဿနာမဟုတ်တော့ပါ။

(အင်္ဂလိပ်ဆိုသော စကားလုံးသည်လည်း တိုက်ရိုက်အသံ ဖလှယ်ထားခြင်းသာ ဖြစ်၏။ ပါဠိနှင့် ပတ်သက်မှုမရှိသဖြင့် "အင်းဂလိပ်" ဟူ၍သာ ရေးသင့်သည်။ သို့ရာတွင် အင်္ဂလိပ်ဟူ၍သာ နှစ်ပေါင်းများစွာ ရေးခဲ့ကြတာ အကျင့်ပါနေသောကြောင့် အတည်လိုဖြစ်နေပါပြီ။ ထို့အတူ ဆရာကြီးဒဂုန်ရွှေမျှား၊ ဆရာကြီးရွှေဒုံးဘီအောင်၊ ဆရာကြီးဗဂျီအောင်စိုး စသောအမည်များသည်လည်း ထင်ရှားကျော်ကြားခဲ့ပြီး လူအများက အသိအမှတ်ပြုပြီးသား စာလုံးပေါင်းများ ဖြစ်သောကြောင့် သတ်ပုံပြင်ဖို့ မလိုတော့ပါ။)

*-*-*-*-*-*-*-*-*

ပျားမွေးမြူရေးဌာနမှ ထုတ်လုပ်သော "ဂျင်းပျားရည်" သည် အစာကြေ၊ ရင်ချောင်စေခြင်း၊ အအေးမိနှာစေးချောင်းဆိုး ပျောက်စေခြင်း၊ ခွန်အားတိုးပွားစေခြင်းတို့ကြောင့် သုံးဖူးသူတိုင်း အကြိုက်တွေ့ကြသည်။ သတ်ပုံကတော့ မှားနေ၏။ အမှန်အတိုင်းဆိုလျှင် "ချင်းပျားရည်" ဟု စာလုံးပေါင်းရမည်။ သို့ရာတွင် "ချင်းပျားရည်" ဆိုလျှင် ချင်းပြည်နယ်ကလာသော ပျားရည်ဟု ထင်ကုန်ကြပါလိမ့်မည်။ ချင်းတောင်က ပျားရည်မို့ အစွမ်းထက်မှာပဲဆိုပြီး ပိုတောင်ရောင်းကောင်းချင် ကောင်းနေမလားမသိ။

ကျွန်တော်တို့ "ဇီးသီး" ဟု အသံထွက်ခေါ်ကြသော အသီး၏ သတ်ပုံအမှန်မှာ "ဆီးသီး" ဖြစ်၏။ အညာဒေသရှိ အချို့အရပ်တွေမှာ ဆီးသီးဟု သတ်ပုံအတိုင်း အသံထွက်နေကြဆဲ ဖြစ်သော်လည်း လူအများစုက "ဇီးသီး" ဟူ၍သာ ခေါ်နေကြသည်။

"ဆီး" ဆိုသည်မှာ ကျင်ငယ်ရည်ဟုလည်း အဓိပ္ပါယ်ရသဖြင့် စားစရာနှင့် အညစ်အကြေး စာလုံးပေါင်းတူနေတာ သိပ်တော့ဟန်မကျလှ။ "ဆီးဖျော်ရည်" သောက်မလား၊ "ဆီးဖြူသီးလေးလို ငုံထားချင်တယ်" စသော စကားလုံးများကို ၀တ္ထုထဲထည့်ရေး၇တာ နည်းနည်းတော့ ခွကျသည်။

ဖိုခနောက်ကို သတ်ပုံအမှန်အတိုင်းဆိုလျှင် ဖိုခုံလောက်ဟု ရေးရပါမည်။ ခုချိန်မှာ ဖိုခုံလောက်ဟုရေးလျှင် သိသူအတော်နည်းပါးလိမ့်မည်။ ဒီအတိုင်းဆို တောင်တော်ရွှေပုပ္ပါး သီချင်းကို စာနှင့်ရေးပြလျှင်...

"သုံးလုံးတောင်ထွတ် ယှဉ်ပြိုင်ကာရယ်၊ ဖိုခုံလောက်ဆိုင် တည်နေပါတယ်" ဟု ရေးရပါလိမ့်မည်။ နောက်ပေါက်အဆိုတော်လေးတွေ ပြန်ဆိုလျှင် ဘယ်လိုအသံထွက်ကြမလဲမသိ။

*-*-*-*-*-*-*-*-*

ဟိုတစ်ချိန်က စာရေးဆရာတွေ စာရေးကြရာမှာ ကိုယ်သန်ရာ စာလုံးပေါင်းအတိုင်း ရေးကြသည်။ ပုံနှိပ်တိုက်တွေကလည်း မိမိတို့ နှစ်သက်ရာ သတ်ပုံကျမ်းတစ်စောင်စောင်ကို လက်ကိုင်ထားကြသည်။ စာပြင်ဆရာကလည်း သူအလုပ်လုပ်ရာ ပုံနှိပ်တိုက်၏ မူအတိုင်း ပြင်သည်။ သြဇာရှိသော စာရေးဆရာဆိုလျှင် သူရေးတဲ့အတိုင်း သတ်ပုံမပြင်ဘဲ ရိုက်နှိပ်ပေးရတာမျိုးလည်း ရှိ၏။ စာအုပ်တိုက်ကြီးများကတော့ အားကိုးလောက်သော သတ်ပုံကျမ်းကြီးများကို ကိုးကားပြီး တိုက်ပိုင်မူအဖြစ် သတ်မှတ်ထားကြသည်။ စာတတ်ပေတတ် ပုဂ္ဂိုလ်များကို စာပြင်ဆရာအဖြစ် ခန့်ထားပြီး စာအကျပေါက် သတ်ပုံသတ်ညွှန်း စသည်တို့ကို အလွန်ဂရုစိုက်သည်။ မတော်တဆ အမှားအယွင်းရှိခဲ့လျှင်လည်း စာအုပ်နောက်ပိုင်းမှာ အမှားပြင်ဆင်ချက် ထည့်ပေးသည်။ ဒီလိုစနစ်တကျ ဆောင်ရွက်သော တိုက်ကြီးများရှိသလို-

တချို့စာအုပ်တိုက်၊ ပုံနှိပ်တိုက်တွေကတော့ စာပြင်ဆရာ သီးခြားမရှိ၊ ကြုံတဲ့လူက ကြုံသလိုဝင်ဖတ်ပြီး ပြင်သည်။ သတ်ပုံစာအုပ်ရှိသော်လည်း သိပ်အခက်အခဲရှိမှ လှန်ကြည့်တတ်သည်။ များသောအားဖြင့်တော့ လက်တန်းဖတ်ပြီး ပြင်လိုက်ကြတာပါပဲ။ ထို့ကြောင့် စာအုပ်တစ်အုပ်တည်းမှာပင် သတ်ပုံအမျိုးမျိုး ဖြစ်နေတာ တွေ့ရ၏။ (သတ်ပုံကျမ်း တစ်အုပ်လုံးကို အလွတ်လောက် မှတ်မိနေသော ၀ါရင့်စာပြင်ဆရာကြီးများ ရှိခဲ့ဖူးတာကိုတော့ အသိအမှတ် ပြုရပါမည်။)

ဘာပဲဖြစ်ဖြစ် စာအုပ်တိုက်တစ်တိုက် မူတစ်မျိုးဖြစ်နေတာ၊ သတ်ပုံကျမ်းတွေကလည်း အမျိုးမျိုး ရှိနေတာကြောင့် စံတစ်ခု သတ်မှတ်ဖို့လိုလာတာတော့ အမှန်ပဲဖြစ်၏။ နောက်တော့ မြန်မာစာအဖွဲ့က ပြုစုသော သတ်ပုံစာအုပ် ဖြစ်လာသည်။ စာအုပ်စာတမ်း ရိုက်နှိပ်ထုတ်ဝေသူများအနေဖြင့် ထိုသတ်ပုံစာအုပ်ပါအတိုင်း တညီတညွတ်တည်း အသုံးပြုကြရသည်။

တစ်နိုင်ငံလုံးမှာ သတ်ပုံသတ်ညွှန်း မူတစ်မျိုးတည်း ဖြစ်လာသောကြောင့် မြန်မာစာရေးထုံး စနစ်ကျလာသည်။ သတ်ပုံဂိုဏ်းကွဲတွေလည်း မရှိတော့ အငြင်းပွားစရာလည်း မလိုတော့။ ပုံနှိပ်တိုက်တွေကလည်း သတ်ပုံကို ပိုဂရုစိုက်လာသည်။

တစ်ခုပဲရှိ၏။ သတ်ပုံကို အတိအကျ လိုက်နာရသောအခါ ရသစာပေ ရေးရာမှာ တစ်ခါတစ်ခါ အဆင်မပြေတာမျိုး ဖြစ်တတ်သည်။ အထူးသဖြင့် စကားပြောခန်းတွေမှာ ဖြစ်၏။ ကဗျာမှာ ပိုဆိုးသည်။ ကဗျာဆိုတာက စကားလုံးတစ်လုံးဆိုတစ်လုံး အလွန်ထိရောက် တာသွားသည်။ တစ်ခါတလေ အသံထွက်တဲ့အတိုင်းရေးမှ ဖတ်ရတာ အရသာရှိသည်။

ရှေးဟောင်းကဗျာတစ်ပုဒ်တွင် မိန်းကလေးက သူ့ချစ်သူကိုလွမ်းလို့ ပန်းသပြေ ညောင်ရေသွန်းပြီး ဆုတောင်းရပုံကို လှလှပပ ရေးထားပြီး အဆုံးသတ်မှာ ....

သောက်တော်ရေအိုး
ဂျွမ်းထိုးကောင်နှယ်
အပျိုဖြူမယ်နှမမှာ
ကြုံရတယ်ရှင်

ဟု ရေးထားသည်။ ဂျွမ်းထိုးကောင်ဆိုသည်မှာ ပိုးလောက်လန်းကို ဆိုလိုခြင်းဖြစ်၏။ သတ်ပုံအမှန်အတိုင်းဆိုလျှင် "ကျွမ်းထိုးကောင်" ဟု ရေးရမည်။ ဂျွမ်းထိုးကောင်ဆိုတာလောက် ရင်ထဲ တိုက်ရိုက်မထိတာ တွေ့ရသည်။

ကျွန်တော် ၀တ္ထုတစ်ပုဒ်ထဲတွင် ကောင်မလေးက သူ့အမေကို ပြောတဲ့စကား "ပြန်မကြိုက်လို့ မဖြစ်ဘူး အမေရဲ့၊ သူ့လက်ထဲမှာ ထပိုးကြီးတရမ်းရမ်းနဲ့" ဆိုတာကို သတ်ပုံအမှန်အရ "ထမ်းပိုးကြီးတရမ်းရမ်းနဲ့" ဟု ရေးရသောအခါ တစ်မျိုးကြီးဖြစ်နေသည်။

ကျွန်တော်၏ အစောပိုင်းဝတ္ထုတစ်ပုဒ်တွင် ကောင်မလေးက မျက်နှာလေးလှသော်လည်း ခြေထောက်ကို ဂရုစိုက်ပြီး ဆေးကြောခြင်း မရှိသဖြင့် ခြေသည်းမှာ "ဂျီး" တွေ ကပ်နေသည်ဟု ရေးလိုက်သည်။ "ဂျီး" ကို ထိုစဉ်က သတ်ပုံအရ "ချေး" ဟု ရေးရသည်။ ထို့ကြောင့် "ခြေသည်းမှာ ချေးတွေကပ်နေသည်" ဟူ၍ ဖြစ်သွား၏။ ထိုအခါ ကျွန်တော်ဆိုလိုသည့် အဓိပ္ပါယ်မရောက်တော့ဘဲ ကောင်မလေးက ချေးပုံ (ချီးပုံ)ပဲ တက်နင်းမိလာသလိုလို ထင်စရာဖြစ်နေ၏။

ခုနောက်ပိုင်း သတ်ပုံအရတော့ "ဂျီး" ကို "ကြေး" ဟု စာလုံးပေါင်းရသည်။ ဒီလိုကျပြန်တော့လည်း....

"ဒီကောင်မလေး တော်တော်ဂျီးများတယ်" ဟုဆိုချင်လျှင်

"ဒီကောင်မလေး တော်တော်ကြေးများတယ်" ဟု ရေးရပါလိမ့်မည်။ ကောင်မလေးခမြာ ဟိုဟာလိုလို ဒီဟာလိုလို အထင်ခံရစရာအကြောင်း ရှိလေသည်။

*-*-*-*-*-*-*-*-*

ရသစာပေရေးသူတွေဘက်က သတ်ပုံနှင့်ပတ်သက်၍ စောဒကတက်စရာ တစ်ခုရှိ၏။ အထောက်အထား အကိုးအကားပြစရာ အချက်ကတော့ "ပိုအက်တစ်လိုင်စင်" ပင် ဖြစ်လေ၏။ ထိုလိုင်စင်မှာ ကုန်းလမ်းပို့ဆောင်ရေး ညွှန်ကြားမှုဦးစီးဌာန (ကညန)မှ ထုတ်ပေးထားခြင်း မဟုတ်ပါ။ ဘယ်သူကမှ တရားဝင်ချပေးထားသော လိုင်စင်လည်း မဟုတ်ပါ။ အနုပညာဆိုင်ရာ နားလည်မှုတစ်ခုသာ ဖြစ်၏။

တိုက်ရိုက်အဓိပ္ပါယ်က ကဗျာနှင့်ဆိုင်သော လုပ်ပိုင်ခွင့်ဖြစ်၏။ ကဗျာလင်္ကာတွေမှာ ရသမြောက်ရေးကို ဦးစားပေးရသဖြင့် သတ်ပုံတွေ သဒ္ဒါစည်းကမ်းတွေကို ချိုးဖောက်နိုင်သည်ဆိုသော အထူးအခွင့်အရေးဖြစ်၏။ အစပိုင်းတွင် ကဗျာနှင့်သာဆိုင်သော်လည်း နောက်ပိုင်းကျတော့ တခြားရသစာပေ အမျိုးအစားတွေကပါ ထိုအခွင့်အရေးကို ရပိုင်ခွင့်ရှိသည်ဟု ယူဆလာကြသည်။

တစ်ခုရှိတာက "ပိုအက်တစ်လိုင်စင်" ဆိုသည်မှာ တကယ်လိုအပ်မှ သုံးရခြင်းဖြစ်၏။ နေရာတကာ သဘောရှိ သုံးပြန်လျှင်လည်း လိုင်စင်ဆိုသော စကားလုံး၏ အနက်ပွားဖြစ်သော "လုပ်ပိုင်ခွင့်ကို အလွဲသုံးစားပြုခြင်း" ဖြစ်သွားတတ်သည်။

ကျွန်တော်တို့လို ရသစာပေရေးသူများ တစ်ခါတစ်ခါ ကြုံရသော ပြဿနာမှာ ခံစားမှုဘက်ကို အလေးကဲမိသောအခါ မြန်မာစာရေးထုံးကို ချိုးဖျက်သလို ဖြစ်သွားပြီး သတ်ပုံတို့ သဒ္ဒါစည်းကမ်းတို့ကို အတိအကျ လိုက်နာပြန်တော့ ရသဘက်မှာ အားနည်းပေါ့ပျက်သွားရခြင်းပင် ဖြစ်၏။

မြန်မာစာရေးထုံးနှင့် ပတ်သက်ပြီး ဆရာကြပ်ကလေး ရေးခဲ့ဖူးသည့် စာတစ်ပုဒ်ထဲမှ အကြောင်းကလေးကို သွားသတိရမိ၏။ တချို့က စာရေးရာမှာ အတိုကောက် သိပ်ကြိုက်သည်။ "သည်" ကို "သှ်" ဟု ရေးသည်။ "လည်းကောင်း" ကို "၎င်း" ဟု ရေးသည်။ ထို့အတူ "ရရစ်" ဆိုသည်မှာ "ရ" ကို ရစ်ထားခြင်း ဖြစ်သည်ဆိုပြီး "ဆရာ" ကို "ဆြာ" ဟု ရေးသည်။ ဒါဆိုလျှင် တရားသူကြီးကိုလည်း "တြားသူကြီး" ဟု ရေးရလိမ့်မည်။

ထို့အတူ ဆရာက ၀ါကျတစ်ခုကို နမူနာပြပြီး သရော်ထားသည်။

"ဆရာကြပ်ကလေး၏အိမ်သို့ သွားလည်ရာ ဆရာခရီးထွက်နေသဖြင့် မတွေ့ခဲ့ရပါ"

အထက်ပါဝါကျကို အတိုကောက်ရေးထုံးနှင့် ပြန်ရေးလျှင်

"ဆြာကြပ်ကလေး၏ အိမ်သို့သွားလည်ရာ ဆြာခြီးထွက်နေသဖြင့် မတွေ့ခဲ့ရပါ" ဟူ၍ ဖြစ်သွားရလေသည်။

မင်းလူ
နှုတ်ခမ်း၏ ထောင့်စွန်းများ (စာပေရသစုံ)
တတိယအကြိမ်
စာမျက်နှာ - ၁၈၉ မှ ၁၉၈