(၁)
လူတစ်ချို့ကပြောကြတယ်။
ပျော်ရွှင်မှုအတွက် အလုပ်,လုပ်နေကြတာတဲ့။
ကျွန်တော်ကတော့ အလုပ်လုပ်ရင်းနဲ့ပဲ ပျော်ရွှင်ချင်တယ်။
(၂)
ကျရှုံးမှုဆိုတာကို မကြုံဖူးဘဲနဲ့
အောင်မြင်မှုအကြောင်း လာမပြောစမ်းပါနဲ့။
(၃)
ကျွန်တော်လဲကျသွားတဲ့အချိန်မှာ ကျွန်တော့်အပေါ် လူတွေဘယ်လိုပြောင်းလဲသွားတယ်၊ ပြုမူဆက်ဆံကြတယ်ဆိုတာကို ကျွန်တော်တွေ့လိုက်ရတယ်။
အခု ကျွန်တော်စဉ်းစားနေမိတာက ကျွန်တော်ပြန်ရပ်နိုင်တဲ့အခါ သူတို့တွေ ဘယ်လိုဆက်ဆံကြမလဲ ဆိုတာကိုပါပဲ။
(၄)
ဖတ်ဖူးတာတစ်ခုပါ။
မင်းတတ်နိုင်ရင် ဘယ်သူ့အတွက်ပဲဖြစ်ဖြစ်၊
မင်းတတ်နိုင်သလောက် လုပ်ပေးလိုက်ပါတဲ့။
မင်းမှာရှိသမျှ အစွမ်းအစအားလုံးကို အသုံးချပြီးတော့ ဘယ်နေရာမှာပဲဖြစ်ဖြစ်ပေါ့တဲ့။
(၅)
ပညာရှိတို့အမျက်ဟာ အပြင်မထွက်ဘူးတဲ့။
ကျွန်တော်စဉ်းစားနေမိတယ်။
သေချာတာကတော့ ပညာရှိတွေလည်း ဒေါသထွက်တတ်ကြတာပဲ။
လူမိုက်တွေရဲ့ ဒေါသတုံ့ပြန်မှုနဲ့ ပညာရှိတွေရဲ့ ဒေါသတုံ့ပြန်မှု ဘယ်သူ့ဒေါသက ပိုကြောက်ဖို့ ကောင်းမလဲဆိုတာ တွေးလို့ကို မဆုံးနိုင်ဘူး။
(၆)
ကိုယ်ဖြစ်ရင် ကိုယ်ခံတဲ့။
မဆီမဆိုင် ခံနေရတာတွေ အတွက်ကျတော့ ဘယ်သူက တာဝန်ယူမှာလဲ။
(၇)
ဘ၀ဆိုတာက...
ဒီနေ့ စနေနေ့ဆိုရင် မနက်ဖြန် တနင်္ဂနွေနေ့ ရုံးအားရက်ပဲလို့ ပြောရတာမျိုးလောက် မလွယ်ကူပါဘူး။
မသေချာ၊ မရေရာခြင်း ဆိုတာတွေကိုက ဘ၀လို့ ကျွန်တော်က ဆိုချင်ပါတယ်။
(၈)
"သားသားကြီးလာရင် ဘာဖြစ်ချင်လဲ"လို့ ကလေးတစ်ယောက်ကို မေးလိုက်တယ်။
ကလေးက ပြန်ဖြေတယ်။
"ဦးဦးအရွယ်ရောက်တဲ့အခါကျမှ သားဘာဖြစ်ချင်သလဲဆိုတာကို ဖြေပါရစေ" တဲ့။
(၉)
ကျွန်တော့်သားနာမည်က ကွန်ပျူတာနဲ့ရွေးပြီး မှည့်ထားတဲ့ နာမည်တဲ့။
တစ်ယောက်သောသူက ဆိုလာတယ်။
ကျွန်တော် အသာလေး ကြိတ်ပြုံးနေမိတယ်။
အဲဒီနာမည်ပေးတဲ့ ဆော့ဖ်ဝဲလ်ကို သိကြားမင်းဆီကနေ ဒေါင်းလုဒ်ချထားတယ်လို့ သူက ထင်ချင်ထင်နေမှာကိုး။
(၁၀)
"အချစ်ဆိုတာကို ကျွန်တော်နားလည်လို့ မရဘူးဗျာ" လိ်ု့ လူတစ်ယောက်က ထူးထူးဆန်းဆန်း ဆိုလာတယ်။
ကျွန်တော်ကလည်း ပြန်ပြောလိုက်တယ်။
"အေး.. အဲဒါကြောင့်လားမသိဘူး၊ မင်းပြောတာတွေကိုလည်း ငါနားလည်လို့ကို မရဘူးကွာ" လို့။
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ ဧပြီလ ၁၀ ရက်၊ စနေနေ့။
ညနေ ၃ နာရီ ၁၈ မိနစ်တွင်ပြီး၏။
No comments:
Post a Comment