"ဒေါင်းတောင်းမှာ ဈေးရောင်းနေကြတဲ့ သူတွေနဲ့ လမ်းလျှောက်လို့ကို မရဘူး။ အခုစည်ပင်က ဥပဒေထုတ်လိုက်တော့မှ...."
"ဟဲ့၊ ဘာလဲ ဒေါင်းတောင်း"
"ကြီးကြီးကလည်း ဒေါင်းတောင်းတောင် မသိတော့ဘူးလား။ မြို့ထဲကို ပြောတာ။ မြို့ထဲ"
"မြို့ထဲဆိုလည်း မြို့ထဲလို့ ပြောပါလား။ နင်တို့ဟာက ဒေါင်းတောင်းတို့၊ အောက်ဆိုက်တို့ ဘာတွေမှန်းလည်း မသိဘူး။ မြန်မာလို ပြောစရာစကားလုံး မရှိတော့လို့လား"
"ဒါက လူတိုင်းခေါ်နေကြတာပဲလေ။ ဘာဖြစ်လို့လဲ"
"မြန်မာစကားရှိရဲ့သားနဲ့ ဘာလို့ မြန်မာလို မပြောကြတော့တာလဲ"
"ကြီးကြီးကလည်း မြန်မာစကားပြောရင် အင်္ဂလိပ်စကား တစ်ခွန်းမှ မပါရဘူးဆိုတော့ စုဖုရားလတ် ကျနေတာပဲ"
"စုဖုရားလတ်က ဘာဖြစ်လို့လဲ"
"စုဖုရားလတ်က သူတို့ကို အင်္ဂလိပ်တွေက ဖမ်းသွားလို့ ထီးနန်းစည်းစိမ်ကို လက်လွှတ်လိုက်ရတာဆိုတော့ အင်္ဂလိပ်ဆို အရမ်းမုန်းတယ်လေ။ ဒါကြောင့်မို့ အင်္ဂလန်နှင့် မျက်နှာဖြူနိုင်ငံကထုတ်တဲ့ ရေမွှေး၊ ပေါင်ဒါ ဘာမှ မသုံးဘူး။ အင်္ဂလိပ်လိပ်တွေ လုပ်တာ ထုတ်တာဆို ဘာမှ မသုံးဘူး။ မျက်နှာမှာ သနပ်ခါးနံ့သာကလွဲလို့ ဘာမှ မလိမ်းဘူးတဲ့"
"ငါက စုဖုရားလတ်လည်း မဟုတ်ဘူး။ စုဖုရားလတ်ရဲ့ အမျိုးလည်း မဟုတ်ဘူး။ အင်္ဂလိပ်ကိုလည်း မမုန်းဘူး။ နယ်ချဲ့စနစ်ကိုသာ မုန်းတာ။ အင်္ဂလိပ်ကို မုန်းပါလို့ ငါပြောနေတာ မဟုတ်ဘူး။ ခွဲခွဲခြားခြားလည်း နားလည်ထားကြဦး။ မြန်မာစကားရှိရင် မြန်မာလို ပြောပါဆိုတာ မြန်မာစကားတည်တံ့အောင်၊ အဆင့်အတန်းရှိအောင်လို့ ပြောတာ။ မြန်မာကိုချစ်လို့။ ကိုယ့်အဖေအမေကိုချစ်တာ။ သူများအဖေအမေကို မုန်းတာမှ မဟုတ်ဘဲ"
"ကဲ-ကဲ၊ အဲဒါဆို အင်္ဂလိပ်စကား မပါရအောင် ဒီဇယ်ဆီကျတော့ ဘယ်လိုခေါ်မလဲ"
"ဒါကတော့ ကိုယ့်မြန်မာတွေ စတင်တီထွင်တဲ့ ပစ္စည်းမဟုတ်တာတွေ။ အများသုံးလို့ အတည်ဖြစ်နေတဲ့ အင်္ဂလ်ိပ်စကားတွေကိုတော့ သူတို့ခေါ်သလို ခေါ်ပေါ့။ ဥပမာ - ဘီယာတို့လို၊ အင်တာနက်တို့လို ဟာမျိုးတွေ၊ ဆေးဝါးအခေါ်အဝေါ်၊ စက်မှုအခေါ်အဝေါ်တွေ အများကြီးပဲ။ ဒါတွေကို ဘာသာပြန်ရင် ခက်မယ့်ဟာကိုတော့ ဒီအတိုင်းခေါ်ပါ။ လက်ခံပါတယ်။ အခုဟာက အကုန်လုံး အင်္ဂလိပ်နဲ့ မြန်မာရောပြီး လမ်းဘေးရောက်စကား ဖြစ်နေတယ်။ တော်တော် အောက်တန်း နောက်တန်းကျတဲ့ စကားတွေလည်း သုံးနေကြတယ်"
"ကြီးကြီးကလည်း လုပ်ပြန်ပြီ။ စကားပဲ အထက်တန်းကျတာ၊ အောက်တန်းကျတာ ရှိရသေးလား"
"ဟဲ့၊ မောင်စောနေ၀န်းရဲ့ ရှိတာပေါ့တော်။ ဘယ့်နှယ်မရှိ နေရမလဲ။ ငါတို့မြန်မာပြည် ပုဂံခေတ်က ဘာသာပြန်စကားလုံးတွေတောင် တော်တော် အထက်တန်းကျတာ။ "အနိစ္စ" ဆိုတဲ့ ပါဠိစကားလုံးကိုတောင် ပါဠိလို မသုံးဘဲ မြန်မာလို ပြန်ခဲ့သေးတယ်။ "အတည်မဲ့သောတရား" တဲ့။ ဘယ်လောက် အဓိပ္ပါယ် ခြုံမိငုံမိသလဲ။ ဒါကို ကြည့်ခြင်းအားဖြင့် ပုဂံခေတ်ဟာ စာပေတိုးတက်ခဲ့တယ်ဆိုတာ သုံးသပ်လို့ရတယ်။ အခုတော့ ဟိုရုပ်ရှင်ကားတစ်ကား နာမည်တောင် လူပြိန်းကြိုက်အောင်ဆိုပြီး ပေးထားတာ ကြည့်ပါလား။ မြန်မာစာပေ တိုးတက်စေချင်ရင် မြန်မာရုပ်ရှင်ကား၊ ဗီဒီယိုကား နာမည်တွေကိုပါ စစ်ဆေးရမလို ဖြစ်နေပြီ။ ပညာရှင်တွေလည်း ရှိနေသားပဲ"
"မလုပ်ပါနဲ့ ကြီးကြီးရာ။ ပိုက်ဆံအများကြီးနဲ့ ရင်းနှီးလုပ်ကိုင် နေကြတာကို လိုက်ပြီး ဟိုစစ်ဒီစစ် ဒုက္ခမပေးချင်စမ်းပါနဲ့။ နောက်တော့လည်း အားလုံး ကောင်းသွားမှာပါဗျ"
Tuesday, August 17, 2010
မြန်မာစကား အဆင့်အတန်း ရှိစေချင်လွန်းလို့
Posted by Ko Nyan Posted Time 1:51 PM
Labels ဆောင်းပါး-Article
Subscribe to:
Post Comments (Atom)
No comments:
Post a Comment