ခေတ်အခြေအနေကို ထင်ဟပ်ဖော်ပြနိုင်တဲ့အထဲမှာ ကာတွန်းတွေလည်း အပါအ၀င် ဖြစ်ပါတယ်။ ကျွန်တော် တစ်ဦးတည်းရဲ့ အမြင်ကို ပြောရမယ်ဆိုရင် ကာတွန်းတစ်ကွက်ဟာ စကားလုံးအနည်းဆုံးနဲ့ သမိုင်းမှတ်တမ်း တစ်ခုကို ရှင်းပြနိုင်တယ်လို့ ဆိုချင်ပါတယ်။ ဆောင်းပါးတစ်စောင်ရေးပြီး ဖွဲ့ဖွဲ့နွဲ့နွဲ့ ရှည်ရှည်လျားလျား ရေးရမယ့် အကြောင်းအရာတစ်ခုကို ကာတွန်းတစ်ကွက်တည်းနဲ့ ဖော်ပြနိုင်ပါတယ်။ ကာတွန်းဆရာရဲ့ နိုင်ငံရေးအမြင် ရှိလျှင်ရှိသလို၊ မြင်တတ်လျှင် မြင်တတ်သလို ကာတွန်းတွေဟာ အင်မတန်မှ ထိထိမိမိရှိတာကို တွေ့နိုင်ပါတယ်။ နေ့စဉ်ဖတ်ရှုနေတဲ့ ဂျာနယ်တွေထဲကမှ ကျွန်တော့်ရင်ကို လာထိတဲ့ ကာတွန်းအချို့ကို အပတ်စဉ် တင်ပြပေးနိုင်ဖို့ ကြိုးစားသွားပါ့မယ်။ အခုတစ်ပတ်မှာတော့ 7Day News Journal မှာပါတဲ့ ကာတွန်း နှစ်ကွက်ကို တင်ပြလိုက်ကြောင်းပါခင်ဗျား။ ကျေနပ်ပျော်ရွှင်နိုင်ကြပါစေ။
(၁)
တစ်ချိန်တုန်းက နိုင်ငံရေးဆိုတဲ့ စကားလုံးဆိုတာ မစားကောင်းတဲ့ အသီး၊ မပန်သင့်တဲ့ ပန်း၊ မကြည့်သင့်တဲ့ အရာ ဖြစ်ခဲ့တာပါ။ အခုများတော့ နိုင်ငံရေးဆိုတဲ့စကားလုံး ဘယ်လောက်များ စကားတွင်ကျယ် ဖြစ်နေလိုက်သလဲဆိုရင် နိုင်ငံရေးကြောင်း မပြောရင်တောင် ခေတ်မမီတော့သလို၊ ဉာဏ်မမီသလို၊ ဒိတ်အောက်နေသလို၊ ထုံထုံအအလို ဖြစ်နေပါပြီ။ တကယ့်နိုင်ငံရေးသမားတွေ၊ ပညာရှင်တွေထက် ဘေးကနေ ကြည့်နေတဲ့လူတွေ၊ ဝေဖန်နေတဲ့လူတွေက နိုင်ငံရေးအကြောင်းကို ပိုပြောကြသလားလို့ပါ။ အိမ်ထဲမှာ ထိုင်နေရင်း ဖုန်းလေးတစ်လုံးနဲ့ ဟိုလူ့ကိုခေါ်ပြီး နိုင်ငံရေးအကြောင်း လေကန်လိုက်၊ ဒီလူ့ကိုခေါ်ပြီး မစားရ၀ခမန်း ဆရာကြီးဟန်ပန်နဲ့ ပြောလိုက်နဲ့ လုပ်နေတတ်ကြတာကို ကာတွန်းဆရာက မြင်ပုံရပါတယ်။ အဲဒါကြောင့်လည်း အောက်က ကာတွန်းကို ရေးဖြစ်တာ ဖြစ်ပါလိမ့်မယ်။ ကြည့်ရှုခံစားပါဦးခင်ဗျား။
(၂)
နိုင်ငံရေးပါတီတွေအကြားမှာ ပဋိပက္ခအဖြစ်ရဆုံး၊ အငြင်းအပွားရဆုံး ကိစ္စရပ်တစ်ခုကတော့ ဟိုပါတီကနေ ဒီပါတီကိုကူး၊ ဒီပါတီကနေ ဟိုပါတီကိုပြောင်း လုပ်တာပဲ ဖြစ်ပါလိမ့်မယ်။ ရုရှားဟာသတစ်ပုဒ်ကို ချက်ချင်းပဲ ပြန်သတိရမိပါတယ်။ ဖောက်သည်ချပါရစေ။ သိပြီးရင်လည်း လူကြီးလူကောင်းစိတ်နဲ့ သည်းခံပြီး ပြန်ဖတ်ပေးပါဦးခင်ဗျ။
ပထမလူ။ တို့ပါတီကနေ ဟိုဘက်ပါတီကို ပြောင်းသွားတဲ့လူကို ဘယ်လိုခေါ်မလဲကွ။
ဒုတိယလူ။ သစ္စာဖောက်ပေါ့ကွာ။
ပထမလူ။ အဲဒါဆိုရင် ဟိုဘက်ပါတီကနေ တို့ပါတီကို ပြောင်းလာတဲ့လူကိုကျရော။
ဒုတိယလူ။ အမြင်မှန်ရတဲ့လူပေါ့။
ကဲ... တွေးဆဆင်ခြင်ကြည့်ကြပါခင်ဗျား။ နိုင်ငံရေးနယ်ပယ်မှာ အဲဒီလို ကိစ္စရပ်တွေဟာ ရှိကိုရှိနေမှာ ဖြစ်ပါတယ်ခင်ဗျား။ ဥပဒေအရ တရားဝင်တားမြစ်ထားတာ၊ ပိတ်ပင်ထားတာ မရှိရင်တော့ မျက်နှာပြောင်တိုက်ပြီး ဟိုကူး၊ ဒီကူး လုပ်လို့ရပါတယ်ခင်ဗျ။ ဥပဒေနဲ့ တားမြစ်ထားတာ မရှိဘူးလို့ ပြောမယ်ဆို ပြောနိုင်တာပေါ့ခင်ဗျ။ ဒါပေမယ့် လွှတ်တော်ထဲကို ရောက်တုန်းကတော့ အခြားပါတီတစ်ခုရဲ့ အရိပ်ကိုခိုပြီး ရောက်ခဲ့ပြီးကာမှ ဒီဘက်ပါတီကို ပြောင်းတယ်ဆိုတာကတော့ နည်းနည်းများ နည်းလမ်းမကျ ဖြစ်မနေဘူးလားလို့ တွေးကြည့်ကြစေချင်ပါတယ်။ လွှတ်တော်ထဲကို မရောက်ခင်၊ ရွေးကောက်ပွဲ မ၀င်ခင်မှာ ကြိုက်သလို ကူးပါ၊ ပြောင်းပါ။ အိုင်းစတိုင်းက ကမ္ဘာကျော် သိပ္ပံပညာရှင်ကြီး၊ ရူပဗေဒပညာရှင်ကြီး ဖြစ်ကာမှ ဟိုနိုင်ငံကလည်း သူ့နိုင်ငံသား၊ ဒီနိုင်ငံကလည်း သူ့လူမျိုး လုပ်နေတာကတော့ ဟာသမြောက်တယ်လို့ ကျွန်တော်ကတော့ ထင်တာပါပဲ။ ကဲပါဗျာ... စကားတွေ ရှည်နေပါ့မယ်။ ကာတွန်းဆရာရဲ့ အမြင်မတော်မှုကို ခံစားကြည့်ပါဦး။ အခြားလူတွေတော့ မသိပေမယ့် ကာတွန်းဆရာနဲ့ ကျွန်တော်ကတော့ ခံယူချက်ခြင်း တူညီပုံရပါတယ်ခင်ဗျ။ အပြည့်အ၀ အားပေးလိုက်ပါတယ်ခင်ဗျား။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ မတ်လ ၁၇ ရက်နေ့၊ စနေနေ့။
ညနေ ၅ နာရီ ၁၃ မိနစ်တွင်ပြီး၏။
