Tuesday, September 04, 2012
Monday, September 03, 2012
သူတို့ကို လွမ်းလိုက်တာဗျာ...
အနော်ရထာမင်းကြီးကို လွမ်းတယ်...
သူသာ ရှိနေသေးရင် ကျန်စစ်သား၊ ငထွေရူး၊ ငလုံးလက်ဖယ်နဲ့ ညောင်ဦးဖီးဆိုတဲ့ စစ်သည်လေးသိန်းကို ရခိုင်ဒေသကို အမြန်သွား၊ ကျူးကျော်သူတွေကို ကျူပင်ခုတ် ကျူငုတ်မကျန်အောင် နှိမ်နင်းခဲ့လို့ အမိန့်တော်ချမှတ်မှာ သေချာတယ်လို့ တွေးမိပြီး ကြက်သီးမွေးညင်းတွေများတောင် ထမိတယ်။
ကနောင်မင်းသားကြီးကို လွမ်းတယ်...
သူသာ ရှိနေသေးရင် ငါတို့နိုင်ငံဟာ ဖွံ့ဖြိုးတိုးတက်တဲ့ ခေတ်မီစက်မှုနိုင်ငံ ဖြစ်နေလောက်ပြီ၊ ပတ်ဝန်းကျင်နိုင်ငံတွေက လေးစားအားကျရတဲ့ နည်းပညာနိုင်ငံ ဖြစ်နေလောက်ပြီလို့ ကျွန်တော်တွေးနေမိတယ်။
ဗိုလ်ချုပ်အောင်ဆန်းကို လွမ်းတယ်....
သူသာ ရှိနေသေးရင် အခုလို လွှတ်တော်တွေမှာ ရန်ဖြစ်နေတာတွေ၊ ဟိုနေရာဆန္ဒပြ၊ ဒီနေရာဆန္ဒပြ လုပ်နေတာတွေကိုတွေ့ရင် ""ကျုပ်တို့နိုင်ငံကဖြင့် သူများတွေနောက်မှာ အနှစ် ၄၀ လောက် ပြတ်ကျန်ရစ်ခဲ့ပြီ၊ အခုအချိန်အထိ ကျုပ်တို့လူမျိုးတွေက ရန်ဖြစ်ကောင်းနေတုန်း၊ ဝေလေလေလုပ်လို့ ကောင်းနေတုန်း၊ သူများတစ်လှမ်းလှမ်းရင် ကိုယ်တွေက ဆယ်လှမ်း၊ အလှမ်းနှစ်ဆယ်လှမ်းပြီး ပြဲကားနေအောင် လုပ်နိုင်ပါမှ သူတို့ကိုမီမယ်၊ အခုလိုသာ တစ်ယောက်နဲ့တစ်ယောက် လက်ညှိုးထိုးပြီး ရန်ဖြစ်နေကြမယ်၊ ဘာအကျိုးမှမရှိတဲ့ ဟိုနေရာစု ဒီနေရာစု၊ ဟိုအော်ဒီအော် လုပ်နေကြပြီး အစိုးရကို အကျပ်ရိုက်အောင် လုပ်နေမယ်ဆိုရင်တော့ ကျုပ်တို့နိုင်ငံ ဖာနိုင်ငံဘ၀ကနေ ဘယ်တော့မှ တက်မှာမဟုတ်ဘူး" လို့ ပြောဦးမယ်ထင်ပါရဲ့လို့ ကျွန်တော်ကိုဉာဏ် တွေးနေမိတယ်။
မြို့မငြိမ်းကို လွမ်းတယ်...
သူသာ ရှိနေသေးရင် ဒီမိုကရေစီနိုင်ငံတော်သစ်ကို တည်ဆောက်နေတဲ့ အခုလိုအချိန်မျိုးမှာ တိုင်းသူပြည်သားတွေအားလုံး စည်းလုံးညီညွတ်စေမယ့်၊ စိတ်ဓာတ်တက်ကြွစေမယ့်၊ အားအင်တွေ ပြည့်ဖြိုးစေမယ့် တေးသီချင်းတွေ သီကုံးရေးသားမှာပဲလို့ ကျွန်တော်ကိုဉာဏ် တွေးနေမိတယ်။
ဇော်ဂျီကို လွမ်းတယ်...
သူသာ ရှိနေသေးရင် မြန်မာတစ်ပြည်လုံးကို ဗေဒါလမ်းကဗျာ ရွတ်သံတွေနဲ့လွှမ်းခြုံပြီး ထလော့မြန်မာ၊ မြန်မာထလော့၊ အားမပျော့နဲ့လို့ အားပေးမှာ၊ လှုံ့ဆော်မှာ၊ တိုက်တွန်းမှာ သေချာတယ်လို့ ကျွန်တော်ကိုဉာဏ် တွေးနေမိတယ်။
လူထုစိန်ဝင်းကို လွမ်းတယ်...
သူသာ ရှိနေသေးရင် လိုတစ်မျိုး၊ မလိုတစ်မျိုး သတင်းဖော်ပြ ရေးသားတတ်ကြတဲ့၊ စတုတ္ထမဏ္ဍိုင် မပီသတဲ့ သတင်းစာတွေ၊ ဂျာနယ်တွေ၊ မဂ္ဂဇင်းတွေ၊ မီဒီယာတွေကို ကလောင်ကြိမ်လုံးနဲ့ ခပ်ကြမ်းကြမ်းလေး ရိုက်နှက်ဆုံးမမှာပဲ လို့ ကျွန်တော်ကိုဉာဏ် တွေးနေမိတယ်။
အောင်ထွဋ်ကို လွမ်းတယ်...
သူသာ ရှိနေသေးရင် နိုင်ငံတော်ကြီးလည်း ပန်းတိုင်ရောက်၊ ပြည်သူတွေလည်း ပန်းတိုင်ရောက်အောင် ပြိုင်တူတွန်းရင် ရွေ့နိုင်ပါတယ်လို့ အားပေးမှာသေချာတယ်၊ အပြောင်းအလဲအတွက် လူထုလိုတယ်လို့ လေးလေးနက်နက်ပြောမှာ သေချာတယ်၊ ကွင်းထဲက ၂၅ ယောက် အရေးကြီးတယ်လို့ ပြောမှာသေချာတယ်၊ လာရင်းကိစ္စကို မမေ့ဖို့ သတိပေးမှာ သေချာတယ်၊ အင်စတီကျူးရှင်းတွေ အားကောင်းဖို့လိုတယ်လို့ နှိုးဆော်မှာသေချာတယ်။
မောင်စူးစမ်းကို လွမ်းတယ်...
သူသာ နိုင်ငံရေးစာပေတွေ ရေးဦးမယ်ဆိုရင် လက်ရှိအခြေအနေနဲ့ ပတ်သက်ပြီး သူ့ရဲ့ အတွေးအမြင်၊ အရေးအသားတွေနဲ့ ကျွန်တော်တို့တွေရဲ့ ဦးနှောက်တွေကို ဆွမှာ၊ မုန်တိုင်းဆင်မှာ သေချာတယ်လို့ ကျွန်တော်ကိုဉာဏ် တွေးနေမိတယ်။
......ကို လွမ်းတယ်....
......ကို လွမ်းတယ်...
......ကို လွမ်းတယ်...
လွမ်းစရာတွေ များလိုက်တာဗျာ။ ဘယ်လောက်တောင် လွမ်းရသလဲဆိုရင် ကဗျာဆရာကြီး ခင်လေးမောင်ရဲ့ ကဗျာတစ်ပုဒ်ထဲက အသုံးအနှုန်းတစ်ခုကို ကိုးကားရမယ်ဆိုရင် "လွမ်းလို့ခွေနုံး" ပါပဲ။ ဒီမိုကရေစီခေတ်ကို ချီတက်နေတဲ့ အခုလိုအချိန်မျိုးမှာ ကိုယ့်နိုင်ငံအရေး၊ ကိုယ့်ပြည်သူအရေး၊ ကိုယ့်လူမျိုးအရေး၊ ကိုယ့်အနာဂတ်အရေး၊ ကိုယ့်မျိုးဆက်တွေရဲ့အရေး တွေးကြည့်မိလိုက်တဲ့အခါ လား....လား.... ကျွန်တော်ဖြင့် ကိုယ့်ကိုယ်ကိုယ်တောင် လွမ်းမိပါရဲ့ဗျာ။ ခင်ဗျားတို့ရောဗျ....။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ စက်တင်ဘာလ ၃ ရက်၊ တနင်္လာနေ့။
ည ၁၁ နာရီ ၄၀ မိနစ်တွင်ပြီး၏။
သတင်းတွေနောက်ကို လိုက်ခဲ့တယ်၊ ကျွန်တော် မောရတယ်
နိဒါန်း
စက္ကန့်ပိုင်းလောက်ပဲဖြစ်ဖြစ် ကွန်ပျူတာကို ပိတ်လိုက်တာနဲ့ သတင်းအချို့ကို သင်လက်လွတ်သွားမှာ သေချာနေပါပြီ။ မနက်ပိုင်းကပဲ အင်တာနက်စာမျက်နှာတွေမှာ သတင်းတွေ လိုက်ဖတ်တုန်းက ဘာမှထွေထွေထူးထူး မတွေ့ခဲ့ရသော်လည်း နေ့လည်ပိုင်း အင်တာနက်ပြန်သုံးတဲ့အချိန်မှာ သတင်းတွေက နည်းတာမဟုတ်ပါဘူး။ ဟူးးးးးးးးးးးးးး အတော်ကြီးကို စိတ်မောသွားတယ်၊ ဒီနေ့ခေတ်ကြီးမှာ သတင်းတွေနောက်ကိုသာ လိုက်နေရရင် လိုက်တဲ့လူသာ မောသွားမယ်။ သတင်းကတော့ ကုန်မယ်မထင်ပါဘူး။ ကိုယ်တွေနဲ့ တိုက်ရိုက်သက်ဆိုင်တဲ့ သတင်းတွေ ရှိသလို၊ တိုက်ရိုက်ပတ်သက်ခြင်း မရှိဘဲ သိသင့်တဲ့ သတင်းတွေလည်း ရှိတာပါပဲ။ ဘယ်လိုပဲဖြစ်ဖြစ် အခုလိုမျိုး သတင်းတွေကို စက္ကန့်ပိုင်းအတွင်း၊ မိနစ်ပိုင်းအတွင်း သိခွင့်ရလာတာကပဲ ကျွန်တော်တို့နိုင်ငံရဲ့ တိုးတက်လာတဲ့ အပြောင်းအလဲတစ်ခု၊ အရွေ့တစ်ခုလို့ ကျွန်တော်ကိုဉာဏ်က မှတ်ချက်ချချင်ပါတယ်။ ကျွန်တော်ဖတ်မိသမျှ သတင်းတွေကို စုစည်းတင်ပေးလိုက်ပါတယ်။ အားလုံးတော့ သတင်းအသစ်တွေ ဖြစ်ချင်မှ ဖြစ်ပါလိမ့်မယ်။ စာဖတ်သူတွေ သိပြီးဖတ်ပြီးသား သတင်းတွေများ ပါနေခဲ့ရင်လည်း နားလည်ပေးကြပါဦး။ အချို့သော ကျွန်တော့်ခံစားချက်များကိုလည်း သည်းခံဖတ်ရှုပေးကြပါဦးခင်ဗျာ။
(က)
ကာကွယ်ရေးဝန်ကြီးဌာန၀န်ကြီးအဖြစ် ဒုတိယဗိုလ်ချုပ်ကြီး ဝေလွင် ကို ပြောင်းလဲခန့်အပ်လိုကြောင်း တပ်မတော်ကာကွယ်ရေးဦးစီးချုပ်က နိုင်ငံတော်သမ္မတထံကို အကြောင်းကြားခဲ့တယ်လို့ သိရပါတယ်။ အဲဒီအတွက် နိုင်ငံတော်သမ္မတက ပြည်ထောင်စုလွှတ်တော် နာယကထံကို သ၀ဏ်လွှာ ပေးပို့ခဲ့တယ်လို့ သတင်းတွေမှာ ဖတ်ရပါတယ်။ လက်ရှိ ကာကွယ်ရေးဝန်ကြီးအဖြစ် တာဝန်ထမ်းဆောင်နေသူ ဒုတိယဗိုလ်ချုပ်ကြီး လှမင်းကိုတော့ တပ်မတော်မှာ စစ်ဘက်ဆိုင်ရာ တာဝန်များကို ပြန်လည်ထမ်းဆောင်စေမှာ ဖြစ်တယ်လို့လည်း သတင်းတွေမှာ ဖတ်ရပါတယ်။
(ခ)
ရာထူးမှ နုတ်ထွက်သွားသဖြင့် လစ်လပ်နေသော ပြည်ထောင်စုစာရင်းစစ်ချုပ် ရာထူးနေရာတွင် လက်ရှိ သတ္တုတွင်းဝန်ကြီးဌာန ပြည်ထောင်စုဝန်ကြီးအဖြစ် တာဝန်ထမ်းဆောင်နေသော ဦးသိန်းထိုက်ကို ခန့်အပ်လိုကြောင်း နိုင်ငံတော်သမ္မတက ပြည်ထောင်စုလွှတ်တော်နာယကထံ သ၀ဏ်လွှာ ပေးပို့ခဲ့တယ်လို့ သိရှိရပါတယ်။ ဦးသိန်းထိုက်သည် ယခင်က တပ်မတော်စစ်ဆေးရေး အရာရှိချုပ်အဖြစ် တာဝန်ထမ်းဆောင်ခဲ့ဖူးသူ ဖြစ်ကြောင်းလည်း သတင်းတွေမှာ ဖတ်ရှုရပါတယ်။
(ဂ)
ယခင်က အမှတ် (၁) လျှပ်စစ်စွမ်းအား ၀န်ကြီးဌာန၊ အမှတ် (၂) လျှပ်စစ်စွမ်းအား ၀န်ကြီးဌာနဟူ၍ ၀န်ကြီးဌာန ၂ ခုခွဲ၍ ဖွဲ့စည်းထားခဲ့သော်လည်း ယခုအခါ အဆိုပါ ၀န်ကြီးဌာန ၂ ခုကို ပေါင်းစည်း၍ လျှပ်စစ်စွမ်းအားဝန်ကြီးဌာနအဖြစ် ပြောင်းလဲဖွဲ့စည်းလိုကြောင်း နိုင်ငံတော်သမ္မတက ပြည်ထောင်စုလွှတ်တော် နာယကထံ သ၀ဏ်လွှာ ပေးပို့ထားတယ်လို့ သိရှိရပါတယ်။
(ဃ)
ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌနဲ့အဖွဲ့ဝင်တွေကို စွပ်စွဲပြစ်တင်ကြောင်း အဆိုအား အမျိုးသားလွှတ်တော်မှာ အတည်ပြုခဲ့တဲ့အတွက် ပြည်သူ့လွှတ်တော်က စုံစမ်းစစ်ဆေးရေးအဖွဲ့ ဖွဲ့စည်းပြီး စုံစမ်းစစ်ဆေးမှုတွေ ပြုလုပ်ရမှာဖြစ်ပါတယ်။ သို့သော် မူလဖွဲ့စည်းထားတဲ့ စုံစမ်းစစ်ဆေးရေးအဖွဲ့မှာ ပါဝင်တဲ့ ဥက္ကဋ္ဌဖြစ်သူ ဦးနန္ဒကျော်စွာနဲ့ အဖွဲ့ဝင်တွေဟာ အမှုမှာ ပါဝင်ပတ်သက်နေသူတွေဖြစ်ခြင်း၊ စွပ်စွဲပြစ်တင်ဖို့ လက်မှတ်ရေးထိုး တောင်းဆိုခဲ့ကြသူများဖြစ်ခြင်း၊ လွှတ်တော်တွေမှာ တက်ကြွစွာ အဆိုတင်သွင်းခြင်း၊ ဆွေးနွေးခြင်း ပြုလုပ်ခဲ့ကြသူများ ဖြစ်ခြင်းတို့ကြောင်း ၎င်းတို့သာ စုံစမ်းစစ်ဆေးပါက တရားမျှတမှုရှိမည်ဟု မယူဆပါသဖြင့် ကန့်ကွက်ပါကြောင်း ခုံရုံးက ကန့်ကွက်စာ ပေးပို့ခဲ့တယ်လို့ သိရှိရပါတယ်။ အဲဒီအတွက် စုံစမ်းစစ်ဆေးရေးအဖွဲ့ ဥက္ကဋ္ဌအဖြစ် ဦးနန္ဒကျော်စွာ အစား အမ်းမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသိန်းဆွေ ကို ဥက္ကဋ္ဌအဖြစ် ပြောင်းလဲတာဝန်ပေးအပ်လိုက်ပြီး စုံစမ်းစစ်ဆေးမှုများ စတင်ပြုလုပ်နေပြီဖြစ်ကြောင်း သတင်းများမှာ ဖတ်ရှုရပါတယ်။
(င)
မြန်မာနိုင်ငံသို့ ပြန်လည်ရောက်ရှိနေတဲ့ မိုးသီးဇွန်နဲ့ ပြည်တော်ပြန်အချို့ဟာ ယနေ့ ရန်ကုန်မြို့မှာ သတင်းစာရှင်းလင်းပွဲတစ်ခု ပြုလုပ်ခဲ့တယ်လို့ အင်တာနက်သတင်းတွေမှာ ကျယ်ကျယ်ပြန့်ပြန့် ဖော်ပြထားတာကို ဖတ်ရှုရပါတယ်။
(စ)
ရခိုင်ပြည်နယ် အရေးကိစ္စနဲ့ပတ်သက်ပြီး သမ္မတကြီးကို ထောက်ခံကြောင်းနှင့် ကွင်တားနားကို ကန့်ကွက်ကြောင်း ဆန္ဒဖော်ထုတ်ပွဲကို မန္တလေးမြို့မှာ စက်တင်ဘာ ၂ ရက်နေ့မှ ၄ ရက်နေ့အထိ ကျင်းပပြုလုပ်ရန် အရှင်ဝီရသူဆိုသည့် သံဃာတစ်ပါးက လျှောက်ထားခဲ့ရာ သက်ဆိုင်ရာက ခွင့်ပြုပေးခဲ့ပါတယ်။ သို့သော် စက်တင်ဘာ ၂ ရက်နေ့ ဆန္ဒဖော်ထုတ်ပွဲတွင် ခွင့်ပြုထားသည့် ပမာဏထက် အဆမတန် များပြားစွာ ပါဝင်လှုပ်ရှားခဲ့ကြသဖြင့် ဦးဆောင်လျှောက်ထားခဲ့သူ အရှင်ဝီရသူအား တာဝန်ရှိသူများက ခေါ်ယူဆွေးနွေးရာ မိမိသဘောဖြင့်မိမိ လာရောက်ပူးပေါင်းသူများအတွက် တာဝန်မယူနိုင်ကြောင်း ပြန်လည်ဖြေကြားခဲ့သည်ဟု သိရှိရပါသည်။ မလိုလားအပ်သော နောက်ဆက်တွဲ ပြဿနာများ မဖြစ်ပေါ်စေရန်အတွက် သက်ဆိုင်ရာက ခွင့်ပြုပေးထားခဲ့သည့် ငြိမ်းချမ်းစွာ ဆန္ဒဖော်ထုတ်ခွင့်အား ဥပဒေ၊ နည်းဥပဒေများနှင့်အညီ ပြန်လည်ရုပ်သိမ်းခဲ့ကြောင်း သိရှိရပါသည်။ သို့သော် အရှင်ဝီရသူဦးဆောင်သည့် ဆန္ဒဖော်ထုတ်သူများသည် အဆိုပါ တားမြစ်ချက်အား လိုက်နာခြင်းမရှိဘဲ ယနေ့တွင် ဆန္ဒဖော်ထုတ်မှုများ ဆက်လက်ပြုလုပ်ခဲ့ကြောင်း စိတ်မကောင်းစွာဖြင့် သတင်းများ ဖတ်ရှုရပါသည်။ (မြန်မာ့နိုင်ငံရေးကို နောက်ပြန်ဆွဲနေသူများသည် မည်သူတို့ဖြစ်ကြောင်း ပြည်သူတို့က ရှင်းရှင်းလင်းလင်း သိသင့်သည့် အချိန်တစ်ခုသို့ ရောက်ရှိနေပြီဟု ကျွန်တော်က ဖြည့်စွက်ပြောလိုပါသည်။ ယခုအချိန်သည် ဒီမိုကရေစီရရှိရေးအတွက် တိုက်ပွဲဝင်ရမည့် အချိန်မဟုတ်သည်ကတော့ သေချာပါသည်။)
(ဆ)
မြန်မာ့ရုပ်ရှင်ထူးချွန်ဆုများကို ယခင်ကကဲ့သို့ ပြန်ကြားရေးဝန်ကြီးဌာနက စိစစ်ရွေးချယ် ဆုချီးမြှင့်မည် မဟုတ်တော့ဘဲ မြန်မာနိုင်ငံရုပ်ရှင်အစည်းအရုံးက ရွေးချယ်ချီးမြှင့်သွားမည်ဖြစ်ကြောင်း သတင်းများ ဖတ်ရှုရပါသည်။ အတော်ကြီးကို ပွဲဆူဦးမည့် အနေအထားဟု သုံးသပ်မိပါသည်။ လူလိုနတ်လို ဖြစ်ကြပါစေဟုသာ ဆုတောင်းပါသည်။ ၂၀၁၃ ခုနှစ်ရောက်လျှင်တော့ တတ်သိပညာရှင်များဖြင့် ဘုတ်အဖွဲ့ ဖွဲ့စည်းကာ ရွေးချယ်သွားမည်ဟု နောက်ဆက်တွဲ ဖတ်ရှုရသည့်အတွက်တော့ သက်ပြင်းတစ်ဝက် ချလိုက်မိပါသည်။
(ဇ)
ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာန ဒုတိယ၀န်ကြီးအဖြစ် ဦးသောင်းတင် ကို ခန့်အပ်လိုက်ကြောင်း သမ္မတရုံးစာမျက်နှာတွင် ဖတ်ရှုခဲ့ရပါသည်။ ဦးသောင်းတင်သည် ဒုတိယ၀န်ကြီးအဖြစ် ခန့်အပ်ခြင်းမခံရမီ ရက်ပိုင်းအတွင်းကပင် အလုပ်ရုံဆွေးနွေးပွဲတစ်ခု၌ ဖုံးကတ်တွေကို ဈေးလျှော့ရမှာမဟုတ်ကြောင်း၊ အလကားပေးရမှာဖြစ်ကြောင်း၊ အခြားနိုင်ငံများကဲ့သို့ ဖုန်းကတ်ပေးချိန်တွင် အချိန်တစ်ခုအထိ အခမဲ့ပြောဆိုနိုင်သည်အထိ ဆောင်ရွက်ပေးရမည်ဖြစ်ကြောင်း ပြောဆိုခဲ့ပါသေးသည်။ ထို့ကြောင့် သာမန်လက်လုပ်လက်စားများနှင့် လစာနည်း ၀န်ထမ်းများအနေဖြင့် ဒုတိယ၀န်ကြီးသစ် ဦးသောင်းတင်အား မျှော်လင့်တကြီးဖြင့် စောင့်ကြည့်နေကြကြောင်း သိရှိရပါသည်။
(စ်)
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ပုသိမ်မြို့သို့ ရေဘေးကယ်ဆယ်ရေး ကူညီမှုအတွက် ခရီးသွားရောက်ခဲ့ကြောင်း သတင်းစာမျက်နှာများတွင် ဓာတ်ပုံများ ဝေေ၀ဆာဆာဖြင့် အကျယ်တ၀င့် တခမ်းတနား ဖော်ပြကြတာကို ဖတ်ရှုတွေ့မြင်ရပါသည်။ ဒုက္ခရောက်နေသူများကို တတ်နိုင်သလောက် ကူညီသည်ကို သာဓုခေါ်မိပါသည်။ သို့သော် ဒေါ်အောင်ဆန်းစုကြည်၏ ပုသိမ်ခရီးစဉ် အဓိကရည်ရွယ်ချက်နှင့် ပါတီတွင်း ပြဿနာများ သွားရောက်ဖြေရှင်းသည့် သတင်းကိုမူ သတင်းမီဒီယာများ အားလုံးက တညီတညွတ်တည်း နှာစေးနေကြသည်မှာ အဘယ်ကြောင့်နည်း ဆိုသည်ကိုမူ ကျွန်တော်ကိုဉာဏ် နားလည်နိုင်ခြင်း မရှိပါ။ စတုတ္ထမဏ္ဍိုင်သည် စတုတ္ထမဏ္ဍိုင် ပီသသင့်သည်ဟုတော့ ကျွန်တော်မြင်မိပါသည်။ ယခုကဲ့သို့ သတင်းဖော်ပြရန် ပျက်ကွက်ခြင်းသည် ပြည်သူကို အမှောင်ချခြင်းတစ်မျိုးဟုသာ ကျွန်တော်ကိုဉာဏ် မြင်မိပါသည်။ မီဒီယာများ သတိပြုစေနိုင်ဖို့ စေတနာဖြင့် ထောက်ပြဝေဖန်ခြင်းရယ်ပါ။ အနာပေါ်တုတ်ကျ၍ ခပ်စပ်စပ်လေး ဖြစ်သွားခဲ့ပါလျှင် တောင်းပန်လိုက်ပါသည်။
(ည)
ပြည်ထောင်စုဝန်ကြီးဌာနတစ်ခုလျှင် ပြည်ထောင်စုဝန်ကြီး တစ်ဦးစီဖြင့် ခန့်အပ်တာဝန်ပေးအပ်သွားရန် နိုင်ငံတော်သမ္မတက သ၀ဏ်လွှာပေးပို့ခဲ့သည်ဟု သိရသည့်အတွက် ၀မ်းမြောက်ဝမ်းသာ ဖြစ်မိပါသည်။ ဟုတ်ကဲ့၊ ကျွန်တော်တို့ ၀န်ကြီးများသည် စူပါမင်းများ မဟုတ်ကြသည်ကို သမ္မတကြီး ကောင်းစွာ သိရှိသွားပြီဟု ယုံကြည်မိပါသည်။ လူတစ်ယောက်၏ ဦးနှောက်သည် အလုပ်ဘယ်နှခုကို တစ်ပြိုင်နက်တည်း အကောင်းဆုံးဖြစ်အောင် စဉ်းစားနိုင်မလဲဟူသည့် မေးခွန်းကို သမ္မတကြီး ဖြေနိုင်ခဲ့ပြီဟု ကျွန်တော်နားလည်လိုက်ပါသည်။
ဒီမျှနှင့် နားဦးမည်။ သတင်းတွေက မကုန်သေး။ ရှိသမျှသတင်းများ ရေးသားလျှင်လည်း ကျွန်တော်ကိုဉာဏ် ထမင်းပင် စားရမည်မဟုတ်ချေ။ မြန်မာ့သွေးမိတ်ဆွေများ ရွှင်လန်းချမ်းမြေ့ကြပါစေ။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ စက်တင်ဘာလ ၃ ရက်၊ တနင်္လာနေ့။
ညနေ ၆ နာရီ ၁၇ မိနစ်တွင်ပြီး၏။
Union Level ဒွိဟ သို့မဟုတ် ပြည်ထောင်စုအဆင့် ဖွင့်ဆိုခြင်း၏ နောက်ဆက်တွဲ ဆန်းစစ်ချက် - ဒေါက်တာ မာလာအောင်၊ ဒုတိယပါမောက္ခချုပ်၊ ရန်ကုန်အရှေ့ပိုင်း တက္ကသိုလ်
ပြည်ထောင်စုသမ္မတမြန်မာနိုင်ငံတော်ပိုင် ကြေးမုံသတင်းစာတိုက်၏ ၂၀၁၂ ခုနှစ် သြဂုတ်လ ၁၆ ရက်နေ့ထုတ် သတင်းစာတွင် ဖော်ပြပါရှိသည့် “နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၏ ၂၀၁၂ ခုနှစ် မတ်လ ၂၈ ရက် ရက်စွဲပါ ဆုံးဖြတ်ချက်” နှင့် ၂၀၁၂ ခုနှစ် သြဂုတ်လ ၂၁ ရက်နေ့ထုတ် သတင်းစာတွင် ဖော်ပြပါရှိသည့် “ပြည်သူ့လွှတ်တော်ဥက္ကဋ္ဌက နိုင်ငံတော်သမ္မတထံ ပေးပို့ခဲ့သည့် သ၀ဏ်လွှာအပေါ် နိုင်ငံတော်သမ္မတ၏ ပြန်ကြားသ၀ဏ်လွှာ” သည် နိုင်ငံတော်သမ္မတကြီး၏ တာဝန်ခံမှု၊ ဆောင်ရွက်ပိုင်ခွင့်များကို ကျင့်သုံးရာတွင် ဆင်ခြင်တုံတရား ကြီးမားစွာဖြင့် ဆောင်ရွက်နိုင်ခဲ့ခြင်းဖြစ်ပြီး နိုင်ငံ့အကြီးအကဲများ၌ တွေ့မြင်ရသည့် အားကိုးအားထားပြုထိုက်မှုပင် ဖြစ်ပါသည်။
ဥပဒေသဘောတရားများအရ နိုင်ငံတစ်နိုင်ငံ၌ ပြဋ္ဌာန်းထားသော ဥပဒေများသည် ဥပဒေ၏ စည်းနှောင်မှုဒီဂရီအလိုက် (Hierarchy of Laws) ဥပဒေများ၏ အဆင့်သတ်မှတ်ခြင်း ရှိပါသည်။ ဖွဲ့စည်းပုံအခြေခံဥပဒေသည် နိုင်ငံတစ်နိုင်ငံတွင် ပြဋ္ဌာန်းထားသော ဥပဒေများ၏ ကြေးမုံပြင် (Mirror of the Laws of the Land) ဟု တင်စားခေါ်ဝေါ်ရလောက်သည့် နိုင်ငံတစ်နိုင်ငံရှိ ဥပဒေများ၏ အချုပ်ဖြစ်ပါသည်။ သို့ဖြစ်၍ မည်သည့်နိုင်ငံ၏ လက်တွေ့ကျင့်သုံးမှုတွင်မဆို ဖွဲ့စည်းပုံအခြေခံဥပဒေကို လွယ်လင့်တကူ ပြင်ဆင်သည့် အလေ့အထများ မရှိခဲ့ပါ။
ဥပဒေထုံးတမ်းစဉ်လာအရ နိုင်ငံတစ်နိုင်ငံ၌ ပြဋ္ဌာန်းထားပြီးဖြစ်သည့် ဥပဒေအရပ်ရပ်၏ ပြဋ္ဌာန်းချက်ပါ စကားရပ်မျး၏ အဓိပ္ပါယ်သည် မရှင်းလင်းပါက အနက်အဓိပ္ပါယ် ဖွင့်ဆိုခြင်းသည် တရားရုံးများ (Court of Law) နှင့် ဥပဒေဖြင့် တာဝန်ပေးအပ်ခြင်းခံရသည့် ခုံရုံးများ (Tribunals) ၌သာ အခွင့်ရှိပါသည်။
ဥပဒေအရလည်းကောင်း၊ တရားစီရင်ရေးဆိုင်ရာ လုပ်ထုံးလုပ်နည်းများ (Judicial Procedures) အရလည်းကောင်း၊ တရားပြိုင်ဆိုင်ခြင်း အလေ့အထများ (Litigation Practices) အရလည်းကောင်း တရားရုံးများ၊ ခုံရုံးများသို့ အဆုံးအဖြတ်ရယူရန် တင်သွင်းလျှောက်ထားခြင်းသည် အဆိုပါရုံးများ၏ အဆုံးအဖြတ်ကို လိုက်နာပါမည်ဟု သဘောတူချက်ပေးရာ ရောက်ပါသည်။
ဥပမာ- မြန်မာနိုင်ငံနှင့် ဘင်္ဂလားဒေ့ရ်ှနိုင်ငံ နှစ်နိုင်ငံအကြား ရေပိုင်နက်အငြင်းပွားမှုကို ပင်လယ်ရေကြောင်းဆိုင်ရာ အပြည်ပြည်ဆိုင်ရာခုံရုံး (The International Tribunal for the Law of the Sea) သို့ အဆုံးအဖြတ်ရယူရန် တင်သွင်းခဲ့စဉ်ကလည်း တရားရုံး၏ အဆုံးအဖြတ် မည်သို့ပင် ဖြစ်စေကာမူ လိုက်နာပါမည့်အကြောင်း သဘောတူချက် ပေးပြီးဖြစ်သည်ဟု မှတ်ယူခြင်း ခံရပြီးဖြစ်သောကြောင့် မိမိအနိုင်ရသည်ဖြစ်စေ၊ အရှုံးနှင့် ရင်ဆိုင်ရသည်ဖြစ်စေ တရားရုံး၏ အဆုံးအဖြတ်ကို တရားဝင်ပြစ်တင်ဝေဖန်ခြင်း ပြုလုပ်နိုင်ခြင်း မရှိခဲ့ပါ။ ပြုလုပ်မည် ဆိုပါက တရားရုံးသို့ မထီမဲ့မြင်ပြုမှု (Contempt of Court) ဖြင့် တရားစွဲဆိုခြင်း ခံရနိုင်ပါသည်။
နိုင်ငံတစ်နိုင်ငံအတွက် လုပ်ဆောင်ရမည့်လုပ်ငန်းများကို တာဝန်ယူလုပ်ဆောင်ကြသည့် အဖွဲ့အစည်းများ (အထူးသဖြင့် နိုင်ငံတော်အစိုးရ၏ အဖွဲ့အစည်း အဆင့်ဆင့် (Heerarchy of Government Organization) သည် တာဝန်ခံရမှု အတိမ်အနက် (Hierachy of Responsibility) အပေါ် မူတည်၍ အဖွဲ့အစည်းအဆင့် (Hierachy of Organization) သတ်မှတ်ခြင်းဖြင့် လုပ်ငန်းများ သွက်လက်စွာ လည်ပတ်ရန် ဖွဲ့စည်းဆောင်ရွက်ရပါသည်။
လွှတ်တော်ကြီး ၃ ရပ်၏ လွှတ်တော်ဆိုင်ရာဥပဒေများ၌ ဒွိဟဖြစ်စေသောကိစ္စ ပေါ်ပေါက်စေမည့် အချက်များကို အထက်ဖော်ပြပါ သဘောတရားများဖြင့် ဆန်းစစ်တင်ပြလိုပါသည်။
ပြည်သူ့လွှတ်တော်ကိုယ်စားလှယ်များပါသည့် အဓိကလွှတ်တော်ကြီး ၃ ရပ်၏ ဖွဲ့စည်းခြင်းကို Chart ဖြင့် ဖော်ပြပါမည်။
အထက်ပါ Chart ကို Common Sense ဖြင့် ကြည့်မည်ဆိုပါက ဘဲဥပုံသဏ္ဌာန်အ၀န်း Oval Shape အတွင်းရှိ လွှတ်တော်သုံးရပ်၏ အဆင့်သည် ပေါ်လွင်ပါသည်။
(၁) ပြည်သူ့လွှတ်တော်နှင့် အမျိုးသားလွှတ်တော် ၂ ရပ်ပေါင်း၏ ပြည်ထောင်စုလွှတ်တော်သည် တာဝန်ခံမှုအပိုင်းတွင် အမြင့်ဆုံးဖြစ်ပါသည်။
(၂) ပြည်သူ့လွှတ်တော်မှ ဖွဲ့စည်းသော လွှတ်တော်ကိုယ်စားလှယ်များသာ ပါဝင်သည့် လွှတ်တော်ကော်မတီ ၄ ရပ်နှင့် ရေးရာကော်မတီများသည် “ပြည်သူ့လွှတ်တော်အဆင့် ကော်မတီများ” သာ ဖြစ်သင့်ပါသည်။
(၃) အမျိုးသားလွှတ်တော်မှ ဖွဲ့စည်းသော လွှတ်တော်ကိုယ်စားလှယ်များသာ ပါဝင်သည့် လွှတ်တော်ကော်မတီ ၄ ရပ်နှင့် ရေးရာကော်မတီများသည် “အမျိုးသားလွှတ်တော်အဆင့် ကော်မတီများ” သာ ဖြစ်သင့်ပါသည်။
(၄) လွှတ်တော် ၂ ရပ်မှ ဖွဲ့စည်းသော “ပူးပေါင်းကော်မတီ” သည် လွှတ်တော် ၂ ရပ်နှင့် တန်းတူညီမျှ သက်ဆိုင်သည့် အရေးအရာများကို ဆောင်ရွက်ရန်အတွက် တာဝန်ခံရသည့် ကော်မတီသာ ဖြစ်ပေသည်။
(၅) ကော်မရှင်နှင့် အဖွဲ့များသည် ပြည်သူ့လွှတ်တော်က ဖွဲ့စည်းသည်ဖြစ်စေ၊ အမျိုးသားလွှတ်တော်က ဖွဲ့စည်းသည်ဖြစ်စေ လွှတ်တော်ကိုယ်စားလှယ်များ သက်သက်ဖြင့် ဖွဲ့စည်းခြင်းမဟုတ်ဘဲ နိုင်ငံသားများဖြင့်ပါ ပါဝင်ဖွဲ့စည်းထားပါသည်။
နိုင်ငံသားများသည် ပြည်သူများ ရွေးချယ်တင်မြှောက်ထားသူများ မဟုတ်သည့်အပြင် လွှတ်တော်သို့ တာဝန်ခံရမှု အ၀န်းအ၀ိုင်းပြင်ပရှိ ပုဂ္ဂိုလ်များ (Outsiders) သာဖြစ်၍ ကော်မရှင်နှင့် အဖွဲ့များသည် မည်သို့မျှ ပြည်ထောင်စုအဆင့် (Union Level) အဖွဲ့အစည်းများဟု သတ်မှတ်နိုင်ခြင်း မရှိပါ။
ယခုတစ်ဖန် လွှတ်တော် ၃ ရပ်၏ ဥပဒေပြဋ္ဌာန်းချက်များအရ အထက်ပါအချက်များ မှန်ကန်ခြင်းကို စိစစ်တင်ပြလိုပါသည် -
(၁) ပြည်ထောင်စုလွှတ်တော်ဆိုင်ရာဥပဒေ၌ အဖွဲ့အစည်းများ ဖွဲ့စည်းခြင်း၊ ပြဋ္ဌာန်းချက်တစ်ခုသာ ရှိပြီး ပြည်သူ့လွှတ်တော်နှင့် အမျိုးသားလွှတ်တော် ဖြစ်ပါသည်။
အဆိုပါလွှတ်တော် ၂ ရပ် ဖွဲ့စည်းခြင်းမှအပ ကော်မတီ၊ ကော်မရှင်နှင့် အဖွဲ့များ ဖွဲ့စည်းခြင်းဆိုသည့် ပြဋ္ဌာန်းချက် တစ်စုံတစ်ရာမျှ မပါရှိပါ။
သို့ဖြစ်ပါ၍ ပြည်ထောင်စုလွှတ်တော်ဆိုင်ရာဥပဒေ ပုဒ်မ ၂ (စ) ပြဋ္ဌာန်းချက်ပါ ပြည်ထောင်စုအဆင့် အဖွဲ့အစည်း…. ဆိုသည်မှာ… “… ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်တို့က ဖွဲ့စည်းသည့် ကော်မတီ၊ ကော်မရှင်နှင့် အဖွဲ့တို့ကိုလည်းကောင်း ဆိုသည်” ဆိုသည့် စကားစုများတွင် ပြည်ထောင်စုလွှတ်တော် ဟု ဖော်ပြထားချက်သည် မှန်ပါ၏လား ဆိုသည်ကို ပြန်လည်ဆန်းစစ်ရန် လိုပါလိမ့်မည်။
(၂) တစ်ဖန် ပြည်သူ့လွှတ်တော်ဆိုင်ရာဥပဒေနှင့် အမျိုးသားလွှတ်တော်ဆိုင်ရာဥပဒေ အသီးသီးတွင် သက်ဆိုင်ရာ လွှတ်တော် ဖွဲ့စည်းခြင်းနှင့် လွှတ်တော်အဖွဲ့အစည်းများ ဖွဲ့စည်းခြင်းကို ပြဋ္ဌာန်းပါသည်။ လွှတ်တော်အဖွဲ့အစည်းများ ဖွဲ့စည်းခြင်းအဖြစ် -
- (က) လွှတ်တော်ကော်မတီ ၄ ရပ်နှင့် လိုအပ်၍ ဖွဲ့စည်းသည့် ကော်မတီများ၊ ယင်းကော်မတီများသည် သက်ဆိုင်ရာလွှတ်တော် အသီးသီး၏ လွှတ်တော်ကိုယ်စားလှယ်များဖြင့် ဖွဲ့စည်းတာဝန်ခံပါသည်။
- (ခ) ပူးပေါင်းကော်မတီများ၊ ယင်းကော်မတီများသည် လွှတ်တော် ၂ ရပ်၏ လွှတ်တော်ကိုယ်စားလှယ်များဖြင့် ဖွဲ့စည်းတာဝန်ခံပါသည်။
- (ဂ) ကော်မရှင်နှင့်အဖွဲ့များ၊ ကော်မရှင်နှင့် အဖွဲ့များတွင် လွှတ်တော်ကိုယ်စားလှယ်များဖြင့်ဖြစ်စေ၊ သင့်လျော်သည့် နိုင်ငံသားများ ထည့်သွင်း၍ဖြစ်စေ ဖွဲ့စည်းနိုင်ပါသည်။
ရှင်းလင်းချက် (၁) လွှတ်တော် ၂ ရပ်က ဖွဲ့စည်းထားသော ကော်မတီ ၄ ရပ်နှင့် ရေးရာကော်မတီများသည် ဖွဲ့စည်းခြင်းဆိုင်ရာ သတ်မှတ်ချက်များ (ဥပမာ-ကာလသတ်မှတ်ချက်) သို့မဟုတ် တာဝန်ခံရမှုအဆင့် () များဖြင့် သတ်မှတ်ဖွဲ့စည်းရခြင်း ဖြစ်ပါသည်။ ထိုအချက်သည် ၎င်းအဖွဲ့အစည်း အသီးသီး၏ Level ကို သတ်မှတ်ခြင်း ဖြစ်ပါသည်။
ရှင်းလင်းချက် (၂) ကော်မရှင်နှင့် အဖွဲ့များတွင် လွှတ်တော်ကိုယ်စားလှယ်များ၊ သင့်လျော်သည့် နိုင်ငံသားများ ထည့်သွင်း၍ ဖွဲ့စည်းသည့်အခါ ဖွဲ့စည်းခြင်းဆိုင်ရာ သတ်မှတ်ချက်များ (ဥပမာ-အဖွဲ့ဝင်ဦးရေ၊ လုပ်ပိုင်ခွင့်၊ ရပိုင်ခွင့်နှင့် သက်တမ်းသတ်မှတ်ချက်) များဖြင့် ဖွဲ့စည်ခြင်း ဖြစ်ပါသည်။ အဆိုပါ နိုင်ငံသားများ၏ မှားယွင်းစွာ အကြံပြုမှုအတွက် ၎င်းတို့၏ တာဝန်ကို မည်သူက ခံယူပါမည်လဲ (who will be the responsible person for the sake of the outsiders) ဆိုသည့်အမေး ပေါ်ပေါက်ပါသည်။
သို့သော် လွှတ်တော် ၃ ရပ်နှင့် သက်ဆိုင်သည့် ဥပဒေများဖြစ်သည့် ပြည်ထောင်စုလွှတ်တော်ဆိုင်ရာဥပဒေ အခန်း (၁) ပုဒ်မ ၂ (စ)၊ ပြည်သူ့လွှတ်တော်ဆိုင်ရာဥပဒေ၊ အခန်း (၁) ပုဒ်မ ၂ (ဇ)၊ အမျိုးသားလွှတ်တော်ဆိုင်ရာဥပဒေ၊ အခန်း (၁) ပုဒ်မ ၂ (ဇ)၊ ပါရှိသည့် ပြဋ္ဌာန်းချက်ပါ စကားရပ်များသည် အဖွဲ့အစည်းအသီးသီး၏ အဆင့်သဘောတရားကို မရေမရာဖြစ်စေခြင်း၊ ရှုပ်ထွေးစေခြင်း၏ အဓိကသော့ချက်ဟု ဆင်ခြင်၍ ရနိုင်ပါသည်။ ပြဋ္ဌာန်းချက်အတိအကျမှာ -
“ပြည်ထောင်စုအဆင့်အဖွဲ့အစည်း ဆိုသည်မှာ ဖွဲ့စည်းပုံအခြေခံဥပဒေအရ ဖွဲ့စည်းသော ပြည်ထောင်စုအစိုးရအဖွဲ့၊ အမျိုးသားကာကွယ်ရေးနှင့် လုံခြုံရေးကောင်စီ၊ ဘဏ္ဍာရေးကော်မရှင်၊ ပြည်ထောင်စုတရားလွှတ်တော်ချုပ်၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၊ ပြည်ထောင်စုရွေးကောက်ပွဲကော်မရှင်၊ ပြည်ထောင်စုစာရင်းစစ်ချုပ်နှင့် ပြည်ထောင်စုရာထူးဝန်အဖွဲ့ တို့ကိုလည်းကောင်း၊ ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်တို့က ဖွဲ့စည်းသည့် ကော်မတီ၊ ကော်မရှင်နှင့် အဖွဲ့တို့ကိုလည်းကောင်း ဆိုသည်။”
အထက်ဖော်ပြပါစာပိုဒ်သည် ဖွဲ့စည်းပုံအခြေခံဥပဒေဆိုင်ရာခုံရုံး ဆုံးဖြတ်ချက်အရ ဖွဲ့စည်းပုံအခြေခံဥပဒေနှင့် ညီညွတ်ခြင်း မရှိသည့်အပြင် လက်တွေ့အခြေအနေနှင့်လည်း ကိုက်ညီခြင်းမရှိသည့်အတွက် ပြင်ဆင်/ဖျက်သိမ်းရပါမည်။ တည်ဆဲဥပဒေ၏ ပြင်ဆင်/ဖျက်သိမ်းခြင်းလုပ်ငန်းကို ပြည်ထောင်စုလွှတ်တော်တွင် ၀ိုင်းဝန်းဆွေးနွေး ဆုံးဖြတ်မည်ဆိုပါက တည့်မတ်မှန်ကန်သည့် ရလဒ်ဖြစ်ပါမည်။
ခုံရုံး၏ ဆုံးဖြတ်ချက်သည် ဖွဲ့စည်းပုံအခြေခံဥပဒေ ပုဒ်မ ၃၂၄ အရလည်းကောင်း၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥပဒေ ပုဒ်မ ၂၃ နှင့် ၂၅ အရလည်းကောင်း အပြီးအပြတ်နှင့် အတည် (Final and Conclusive) ဖြစ်သည့်အပြင် သက်ဆိုင်ရာ နေရာဒေသအသီးသီး (ယခုကိစ္စတွင် လွှတ်တော်) သို့ အာဏာသက်ရောက်ပြီး ဖြစ်ပါသည်။ ယခုထပ်မံ၍ လွှတ်တော်တွင်းဖြစ်ပွားနေသည့် ကိစ္စသည် ခုံရုံးဆုံးဖြတ်ချက်ကို မထီမဲ့မြင်ပြုနေခြင်း (Contempt of Court) သို့ ဦးတည်နေပါသည်။
ခုံရုံးအဖွဲ့ပုဂ္ဂိုလ်တို့အား နုတ်ထွက်ရန်၊ အမှားဝန်ခံရန် တောင်းဆိုနေသည့် အဆိုတင်သွင်းသူများ၊ ထောက်ခံချက်ပေးသူ၊ လွှတ်တော်ကိုယ်စားလှယ်များသည် ပြည်ထောင်စုလွှတ်တော်ဆိုင်ရာဥပဒေ ပုဒ်မ ၈ နှင့် ပုဒ်မ ၁၀ တွင်လည်းကောင်း၊ ပြည်သူ့လွှတ်တော်နှင့် အမျိုးသားလွှတ်တော်ဆိုင်ရာ ဥပဒေများ၏ ပုဒ်မ ၉ နှင့် ပုဒ်မ ၁၁ တွင်လည်းကောင်း ပြဋ္ဌာန်းထားသည့် လွှတ်တော်ကိုယ်စားလှယ်များ၏ တာဝန်များ၊ ကျင့်ဝတ်နှင့် စည်းကမ်းများကို ညီညွတ်ရမည့်သူများ ဖြစ်ပါသည်။
အမှန်တကယ်မှာ ခုံရုံးအဖွဲ့ဝင် ပုဂ္ဂိုလ်ကြီးတို့သည် ဥပဒေနှင့်အညီ (လွှတ်တော်၏အခြေအနေမှန်) ကို မှန်ကန်စွာ ဆုံးဖြတ်ထောက်ပြခဲ့ခြင်း ဖြစ်ပါသည်။ ခုံရုံး၏ ဆုံးဖြတ်ချက်ကို အလေးထား၍ လွှတ်တော်ဆိုင်ရာ ဥပဒေများ၏ မှားယွင်းနေသော ဥပဒေအပိုင်းကို ပြင်ဆင်သတ်မှတ်ရမည်သာ ဖြစ်ပါသည်။ သို့ပါ၍ အဆိုပါပုဂ္ဂိုလ်ကြီးတို့သည် လေးစားအပ်သည့် အစားထိုးမရနိုင်သော ပညာရှင်ကြီးများဖြစ်ပါကြောင်း လေးစားစွာ တင်ပြအပ်ပါသည်။
[၂၀၁၂ ခုနှစ်၊ စက်တင်ဘာလ ၂ ရက်နေ့ထုတ် မြန်မာ့အလင်းသတင်းစာ၊ စာမျက်နှာ (၆) ကို ပြန်လည်ကူးယူ ဖော်ပြပါသည်။ သတင်းစာပါ မူလ Chart ပုံကို ထည့်သွင်းရာတွင် အဆင်မပြေသည့်အတွက် စာဖတ်သူများ ရှင်းရှင်းလင်းလင်း ကြည့်ရှုနိုင်ရန် ပြန်လည်ရေးဆွဲထားခြင်း ဖြစ်ပါသည်။ အတတ်နိုင်ဆုံး အကောင်းဆုံးဖြစ်အောင် ရေးဆွဲထားသော်လည်း မသပ်ရပ်မှုအတွက် တောင်းပန်အပ်ပါသည်။]
Sunday, September 02, 2012
ဖြစ်လာမှာတွေကို ကြိုမြင်နေလေတော့ မနေနိုင်လွန်းလို့ ပြောပါရစေတော့
ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ။
ဘုရားရှိခိုးတွေဘာတွေနဲ့ စရေးတယ်ဆိုတော့ ကျွန်တော်ကိုဉာဏ်တော့ ဘာသာရေးဆောင်းပါး ရေးတော့မလားလို့ မထင်လိုက်ကြပါနဲ့ခင်ဗျား။ ကျွန်တော့်မှာ ဘာသာရေးစာပေတွေကို ရေးနိုင်လောက်တဲ့ ၀မ်းစာ မရှိပါဘူး။ မိရိုးဖလာဗုဒ္ဓဘာသာအဆင့်ကနေ အနည်းငယ်မျှသာ ကျော်လွန်နိုင်သေးတဲ့ ပုထုဇဉ်လူသားတစ်ဦးသာ ဖြစ်ပါသေးတယ်။ အခုလို အစချီလိုက်ရတာက အကြောင်းရှိပါတယ်။ မကြာသေးခင် အချိန်ပိုင်းအတွင်းက ဖတ်ရှုရတဲ့ သတင်းတွေကြောင့် စိတ်တွေညစ်ငြူးရလွန်းလို့ ဘုရား၊ တရား၊ သံဃာ ရတနာသုံးပါးကို တ,လိုက်မိတဲ့ သဘောပါ။
မန္တလေးက ဆန္ဒဖော်ထုတ်တဲ့သတင်း
စာဖတ်သူများ သိရှိပြီးဖြစ်လိမ့်မယ်လို့ ယုံကြည်ပါတယ်။ သို့သော် သတင်းအကျဉ်းကို ထပ်ပြောပါရစေ။ ရခိုင်ပြည်နယ် အရေးကိစ္စနဲ့ပတ်သက်ပြီး သမ္မတကြီးကို ထောက်ခံပြီး ကုလသမဂ္ဂကိုယ်စားလှယ် ကွင်တားနားကို ဆန့်ကျင်ကြောင်း ဆန္ဒဖော်ထုတ်တဲ့ အနေနဲ့ မန္တလေးမြို့ခံတွေနဲ့ သံဃာတော်အများအပြား ပါဝင်တဲ့ ဆန္ဒဖော်ထုတ်ပွဲတစ်ခု ပြုလုပ်ခဲ့တဲ့သတင်း ဖြစ်ပါတယ်။ ပြည်တွင်းက နာမည်ကြီး ဂျာနယ်များရဲ့ အင်တာနက်စာမျက်နှာများမှာ ဓာတ်ပုံတွေနဲ့တကွ သတင်းဖော်ပြပေးထားတာ တွေ့ရပါတယ်။
နိုင်ငံရေးသတင်းသာဖြစ်တယ်
ဒီနေရာမှာ ကျွန်တော်ကိုဉာဏ် အရေးအကြီးဆုံးတစ်ခုကို သတိပေးပါရစေ။ ယခု မန္တလေးမြို့မှာ ဆန္ဒဖော်ထုတ်ပွဲ ပြုလုပ်တဲ့သတင်းသည် နိုင်ငံရေးသတင်းသာ ဖြစ်ပါတယ်။ ဘာသာရေးသတင်း မဟုတ်ပါ။ နိုင်ငံရေးလှုပ်ရှားမှုကို ဘာသာရေးပုဂ္ဂိုလ်များဖြစ်သည့် သံဃာတော်များ ပါဝင်ဆောင်ရွက်ခြင်း ဖြစ်သည်ကို မမေ့ကြစေလိုပါ။ ထိုသို့ နားမလည်နိုင်ပါလျှင်၊ ထိုသို့ မခံယူနိုင်ပါလျှင် ကျွန်တော်ရေးမည့် စာများကို ဆက်လက်ဖတ်ရှုရန် မသင့်ကြောင်း ကြိုတင်မေတ္တာရပ်ခံလိုပါသည်။
ထုတ်ပြလိုသည့် ဥပမာ
မိဘဟူသည် အနန္တောအနန္တဂိုဏ်းဝင် ကျေးဇူးရှင်များ ဖြစ်ကြသည်ကို အားလုံးသိကြပြီး ဖြစ်ပါသည်။ ထိုသို့ဆိုလျှင် အရက်သောက်သော ဖခင်တစ်ဦး၏ သားဖြစ်သူသည် သူ့အဖေ အရက်သောက်သည်ကို တားမြစ်ခြင်း ပြုနိုင်ပါသလား။ လောင်းကစားဝါသနာပါသော မိခင်ဖြစ်သူကိုရော တားမြစ်ခြင်း ပြုနိုင်ပါသလား။ အကယ်၍များ သားဖြစ်သူက ဥပဒေဘက်တော်သားတစ်ဦး ဖြစ်ခဲ့သည်ဆိုပါစို့၊ ဖခင်ဖြစ်သူက ဥပဒေတစ်ခုကို ကျူးလွန်ခဲ့ပါလျှင် ဥပဒေအတိုင်း အရေးယူမည်လား၊ သို့တည်းမဟုတ် ငါ့အဖေပဲဆိုပြီး လွှတ်ပေးမည်လား။ စာဖတ်သူများအနေဖြင့် ကျွန်တော်ကိုဉာဏ်အား ၀ိုင်းဝန်းကူညီကာ စဉ်းစားပေးကြစေလိုပါသည်။ မိဘကျေးဇူးသည် ဆပ်မကုန်သည်မှာ အမှန်ဖြစ်ပါသည်။ မိခင်ဘခင် ကျေးဇူးရှင်ကို ဘုရားတစ်ဆူ ဂူတစ်လုံးသွင် ရိုကျိုးကြရမည်မှာလည်း အမှန်ပဲဖြစ်ပါသည်။ သို့သော် မိဘဟူသည့် သံယောဇဉ်တရား၊ မေတ္တာတရား၊ ကျေးဇူးတရားတို့နှင့် အမှန်တရားကို ရောထွေးခြင်းငှာ မအပ်စပ်ဟု ကျွန်တော်ကတော့ မြင်မိပါသည်။ မိဘသည်လည်း လူသားတွေပင် ဖြစ်သည့်အတွက် အမှားကင်းချင်မှ ကင်းကြပါလိမ့်မည်။ မိဘများ လမ်းမှားရောက်နေ၍ သားသမီးများက လမ်းမှန်ပြခြင်းသည် ကျေးဇူးဆပ်ခြင်း တစ်မျိုးဟုပင် ကျွန်တော်ခံယူပါသည်။ မိဘလုပ်သမျှ အကုန်မှန်သည်၊ မိဘကို ဘာတစ်ခွန်းမှ ပြန်မပြောသင့်ဟူသည့် အယူအဆကို လက်ကိုင်ထားသူများအတွက် ကျွန်တော့်စာများသည် အဆင်ပြေလိမ့်မည် မဟုတ်ပါချေ။ ကျွန်တော်တို့အားလုံး လေးစားချစ်ခင်သည့် ဗိုလ်ချုပ်အောင်ဆန်း ငယ်စဉ်က သူ့မိခင်အား ဧည့်သည်များရှေ့တွင် ပြောခဲ့သည့် စကားတစ်ခွန်းကို စာဖတ်သူများ ပြန်လည်ဆင်ခြင် ဝေဖန်ကြစေလိုပါသည်။
ကိုယ့်အလုပ် ကိုယ်မလုပ်ကြတာကို ဂုဏ်မယူနိုင်ပါ
မြင်းက မြင်းအလုပ် လုပ်ရတယ်၊ ခွေးက ခွေးအလုပ် လုပ်ရတယ်။ အားလုံးကြားဖူးသည့် ပုံပြင်တစ်ပုဒ် ဖြစ်ပါလိမ့်မည်။ သူ့အလုပ်ကို သူလုပ်မှ အဆင်ပြေပါလိမ့်မည်။ လောကသဘာဝကြီးသည် သူ့နေရာနှင့်သူ အံဝင်ခွင်ကျဖြစ်စေရန် ဖန်တီးထားပြီးသား ဖြစ်ပါသည်။ မြင်းက အိမ်ပေါက်မှာထိုင်ပြီး တဟီးဟီးအော်ကာ ကင်းစောင့်နေလို့လည်း အဆင်ပြေမည်မဟုတ်ပါ။ ထို့အတူ ခွေးကလည်း အိမ်ထဲမှာ ကြွက်ခုပ်နေလျှင် အလုပ်ဖြစ်မည် မဟုတ်ပါချေ။ သူ့နေရာနှင့်သူ၊ သူ့အလုပ်နှင့်သူ အံဝင်ခွင်ကျဖြစ်ပါမှ လောကကြီးသည် အဆင်ပြေပါလိမ့်မည်။ ထို့အတွက် ယခုကဲ့သို့ မန္တလေးမြို့တွင် သံဃာတော်များ ဆန္ဒဖော်ထုတ်ကာ စီတန်းလှည့်လည်ကြသည်ကို ကျွန်တော်ကိုဉာဏ် လုံးဝ(လုံးဝ) ကန့်ကွက်ပါသည်။ သံဃာတော်များ၏ အလုပ်သည် စီတန်းလှည့်လည်ရန်၊ ဆန္ဒဖော်ထုတ်ရန် မဟုတ်ပါခင်ဗျား။ ဒါယကာ၊ ဒါယိကာမများက ပစ္စည်းလေးပါးဖြင့် ထောက်ပံ့လှူဒါန်းထားခြင်း၏ ရည်ရွယ်ချက်သည် အဘယ်နည်းဆိုသည်ကို ဆရာတော်အရှင်သူမြတ်တို့ ဆင်ခြင်နှလုံးသွင်းကြ စေလိုပါသည်ဘုရား။ ကျွန်တော်သည် ဗုဒ္ဓဘာသာဝင် မြန်မာတစ်ယောက်အနေဖြင့် အရှင်သူမြတ်တို့၏ ဆန္ဒဖော်ထုတ်မှုကို ဂုဏ်ယူခြင်းမဖြစ်ဘဲ ၀မ်းနည်းပက်လက်ဖြင့် စိတ်နှလုံးမသာမယာ ဖြစ်ရပါသည် သံဃာတော် အရှင်သူမြတ်တို့ဘုရား။
ဒါယကာ၊ ဒါယိကာမများ သတ္တိရှိကြဖို့လိုပြီ
ဟိုးအထက်တွင် ကျွန်တော်တင်ပြခဲ့သည့် ထုတ်ပြလိုသည့် ဥပမာ ဟူသည့် စာပိုဒ်ကို နားလည်လက်ခံကြပါလျှင် ယခု ကျွန်တော်ပေးထားသည့် ခေါင်းစဉ်ကို ရှင်းပြစရာမလိုအောင် နားလည်ကြလိမ့်မည် ဖြစ်ပါသည်။ သံဃာဟူသည်မှာ ကျွန်တော်တို့ ဗုဒ္ဓဘာသာဝင်များအတွက် အလေးအမြတ်ထားရာ ဘုရားသားတော်များ ဖြစ်ကြပါသည်။ မြတ်စွာဘုရားရှင်၏ တရားတော်များကို ဆည်းပူးသင်ယူ လေ့လာပွားများကာ ဒါယကာ၊ ဒါယိကာမများအား အမြိုက်ရေအေး တိုက်ကျွေးနေကြသည့် ကျေးဇူးရှင်များ ဖြစ်ကြပါသည်။ လူသာမန်တို့ မဆောင်ရွက်နိုင်သည့် ဘုရားရှင်၏ တရားတော်များကို လေ့လာခြင်း၊ သင်ယူခြင်း၊ ကျက်မှတ်ခြင်း၊ ပွားများခြင်း၊ အာဂုံဆောင်ခြင်း၊ ဒါယကာ ဒါယိကာမများ နားလည်သိရှိအောင် ပြန်လည်ရှင်းပြခြင်း၊ ဟောပြောခြင်း၊ လမ်းညွှန်ခြင်း စသည့်အမှုများကို ပြုလုပ်နေခြင်းကြောင့် ကျွန်တော်တို့ လူသားများက ပစ္စည်းလေးပါးဖြင့် ထောက်ပံ့လှူဒါန်းနေကြခြင်း ဖြစ်ပါသည်။ ငါတို့ကိုးကွယ်တဲ့ ဆရာတော်တွေဟာ လိုအပ်တဲ့အချိန်မှာ ငါတို့ကိုယ်စား ဆန္ဒပြပေးကြမှာပဲ၊ ငါတို့ကိုယ်စား စီတန်းလှည့်လည်ကြမှာပဲ၊ ငါတို့ကိုယ်စား တိုက်ပွဲဝင်ကြမှာပဲ ဟူသောစိတ်ဖြင့် သံဃာတော်များအား ကိုးကွယ်ဆည်းကပ်သည့် ဒါယကာ ဒါယိကာမများ ရှိလိမ့်မည်မဟုတ်ဟု ကျွန်တော်ကိုဉာဏ်က ကိုယ့်စိတ်နှင့်ကိုယ်နှိုင်းကာ ယုံကြည်မိပါသည်။ ကျွန်တော့်အမြင်ကတော့ သံဃာတော်များအနေဖြင့် များပြားကျယ်ဝန်းလှသည့်၊ လေ့လာ၍ မကုန်သည့် သာသနာ့တာဝန်များကိုသာ ဆောင်ရွက်ကြစေလိုပါသည်။ ဒေါသများလှသည့်၊ မောဟများလှသည့်၊ လောဘများလှသည့် ကျွန်တော်တို့လို လူသားအမိုက်အမဲများကို တရားရေအေး အမြိုက်ဆေးများကိုသာ တိုက်ကျွေးကြစေလိုပါသည်။ မိဘဘာလုပ်လုပ် မှန်သည်ဆိုသည့် မျက်ကန်းသားသမီးများကဲ့သို့ သံဃာတွေ ဘာလုပ်လုပ် ငါတို့က ထောက်ခံမှာပဲဟူသည့် မျက်ကန်းဒါယကာ ဒါယိကာမများ မဖြစ်ရအောင် ကျွန်တော်တို့တွေ သတ္တိရှိကြဖို့ လိုပါပြီ။
မီဒီယာတွေမှာ တာဝန်ရှိတယ်
မီဒီယာများအနေဖြင့် ယခုကဲ့သို့ စီတန်းလှည့်လည်မှုများကို သတင်းတစ်ခုအဖြစ် ဖော်ပြသည်ကို ဘာမျှ မပြောလိုပါ။ သတင်းတစ်ခုကို စာဖတ်ပရိသတ်ထံ ပို့ဆောင်ခြင်းအဖြစ် နားလည်လက်ခံပါသည်။ သို့သော် ထိုသို့မဟုတ်ဘဲ သတင်းထက်ပိုသည့် ရည်ရွယ်ချက်များ၊ ဆန္ဒများပါလျှင်တော့ ကိုယ့်သမိုင်းကို ကိုယ်ရေးခြင်းဟုသာ ပြောလိုပါသည်။ ကျွန်တော့်အမြင်ကဖြင့် မီဒီယာများအနေဖြင့် ယခုကဲ့သို့ ကိစ္စများကို မည်သည့်သတင်းမျှ ဖော်ပြခြင်းမပြုဘဲ နေသင့်ကြသည်ဟု ထင်မိပါသည်။ ထိုသို့မဟုတ်ဘဲ သံဃာတော်များကို သတင်းလူသားများအဖြစ် ပျော်ပျော်ပါးပါး ဖော်ပြပေးနေကြ၊ မြှောက်ပေးနေကြလျှင်ဖြင့် မုန့်လုံးကို စက္ကူကပ်သလို ဖြစ်နေပါလိမ့်ဦးမည်။ တစ်ခုခုဆိုတိုင်း သံဃာတော်များ လမ်းပေါ်ထွက်လာပါလိမ့်မည်။ ထိုသို့ ဖြစ်ခြင်းသည် ကောင်း၏၊ မကောင်း၏၊ သင့်၏၊ မသင့်၏ ဆိုသည်ကို အလေးအနက်ထား စဉ်းစားကြစေလိုပါသည်။ စတုတ္ထမဏ္ဍိုင်ဟု ခံယူပါလျှင် စတုတ္ထမဏ္ဍိုင် ပီသအောင် ရပ်တည်ကြဖို့ လိုပါသည်။ ဆန္ဒစွဲတွေ၊ ဂတိစွဲတွေ၊ အတ္တစွဲတွေ မပါအောင် ထိန်းသိမ်းရေးသားကြစေလိုပါသည်။
သတင်းစာဆရာကြီးများကို တောင်းပန်လိုပါတယ်
အများသိ၊ နိုင်ငံကျော် စာရေးဆရာများ၊ သတင်းစာဆရာကြီးများအနေဖြင့် ယခုကဲ့သို့ ကိစ္စများကို နှာစေးနေခြင်း မပြုလုပ်ကြပါရန် မေတ္တာရပ်ခံ တောင်းပန်လိုပါသည်။ အမှန်ကို အမှန်အတိုင်း ထောက်ပြဝေဖန် ပြောဆိုကြစေလိုပါသည်။ အကယ်၍ သံဃာတော်များ ယခုကဲ့သို့ ပြုလုပ်ခြင်းသည် မှန်ကန်သည်၊ ဖြစ်သင့်သည်ဟု ယုံကြည်လျှင်လည်း မိမိယုံကြည်သည့်အတိုင်း ရဲရဲဝံ့ဝံ့ ရေးကြစေလိုပါသည်။ သို့မဟုတ်ဘဲ ဟိုလိုလို ဒီလိုလို လုပ်နေကြလျှင်ဖြင့် စာဖတ်ပရိသတ်များ အပေါ်တွင်သာမက၊ နိုင်ငံအပေါ်တွင်လည်း တာဝန်မကျေဘူးဟု ကျွန်တော်မှတ်ယူပါသည်။ ယခုကဲ့သို့ ကိစ္စများကို သာမန်ပေါ့ပေါ့တန်တန် သဘောမထားကြစေလိုပါ။ ဂတိတရားကင်းကင်းဖြင့် စဉ်းစားဆင်ခြင် ဝေဖန်သုံးသပ်ကာ ကျွန်တော်တို့တွေ ဆောင်ရွက်သင့်နေကြပြီ ဖြစ်ပါသည်။ သမိုင်းတစ်လျှောက်လုံး မည်သည့်အမှားအယွင်းမျှ မရှိခဲ့ဘဲ သန့်ရှင်းစင်ကြယ်စွာ ရပ်တည်လာခဲ့သည့် ထေရ၀ါဒ ဗုဒ္ဓဘာသာကို ညစ်နွမ်းအောင် မလုပ်သင့်ကြဟု မြင်မိပါသည်။ အားလုံးက ဘာမျှမပြောဘဲ ဟိုလိုလို ဒီလိုလိုဖြင့် နှာစေးနေကြပါလျှင်၊ တဖြည်းဖြည်း အပျက်အပျက်ဖြင့် နှာခေါင်းသွေးထွက်ကာ နောင်တစ်ချိန်တွင် အီရန်ကဲ့သို့ ဘာသာရေးခေါင်းဆောင်များက နိုင်ငံရေးကို လွှမ်းမိုးသည့် အခြေအနေမျိုးကို ရောက်လာပါလိမ့်မည်။ ထိုကဲ့သို့ အခြေအနေမျိုးကို ကျွန်တော်တို့တွေ ရောက်လိုပါသလားဟု ကိုယ့်ဘာသာကိုယ် မေးကြည့်ကြစေလိုပါသည်။
ဘယ်သူတွေ အားပေးပေး ကျွန်တော်အားမပေးဘူး
ယခုကဲ့သို့ ဖြစ်ရပ်များကို ဘယ်သူတွေ အားပေးပေး ကျွန်တော်အားမပေးနိုင်ပါ။ တစ်ရွာလုံးနှင့်တစ်ယောက် သို့တည်းမဟုတ် တစ်ကမ္ဘာလုံးနှင့်တစ်ယောက် ဖြစ်နေပါစေ၊ ကျွန်တော့်ခံယူချက်ကို မပြောင်းလဲနိုင်ပါ။ ထိုကဲသို့ မဖြစ်နိုင်ဟုလည်း ယုံကြည်ပါသည်။ ထင်ရှားသော ဆရာတော်ကြီးများ၊ ပိဋကတ်သုံးပုံကို အာဂုံဆောင်ထားသော သာသနာ့အာဇာနည်များ၊ သီလသိက္ခာသမာဓိနှင့် ပြည့်စုံသည့် သံဃာတော်များ ယခုကဲ့သို့ အဖြစ်အပျက်များတွင် ပါဝင်ခြင်း မရှိသည်ကိုကြည့်၍ အားတက်မိပါသည်။ သံဃနာယက ဆရာတော်ကြီးများအနေဖြင့်လည်း ယခုကဲ့သို့ ကိစ္စများကို ဆုံးမကြမည်၊ ဟန့်တားကြမည်ဟု ယုံကြည်မိပါသည်။ သံဃာတော်များကလည်း ဆရာတော်ကြီးများ၏ ဆုံးမစကားကို အရေးတယူ နားထောင်လိုက်နာကြလိမ့်မည်ဟု ယုံကြည်မိပါသည်။ ဓမ္မစက်ဖြင့် အရေးကိစ္စများ ပြီးဆုံးသွားမည်ကိုသာ လိုလားပါသည်။ နောက်ဆက်တွဲများကို ကျွန်တော် မမြင်လို၊ မကြားလိုပါ။ နိုင်ငံရေးလုပ်လိုလျှင် အရပ်ဝတ်လဲပါ၊ လွှတ်တော်နိုင်ငံရေးပဲလုပ်လုပ်၊ လွှတ်တော်ပြင်ပနိုင်ငံရေးပဲလုပ်လုပ်၊ လုပ်၍ရပါသည်။ မြင့်မြတ်သည့် သင်္ကန်းတော်ကိုခြုံ၍ သာသနာတော်အရေးကို ဆောင်ရွက်ခြင်းမပြုဘဲ လူ့အရေးအရာများကို ဆောင်ရွက်နေပါလျှင် အမြင်မတော်၊ အရိုသေတန်ပါလိမ့်မည်။ ဘယ်သူတွေ လက်ခုပ်တီးတီး ကျွန်တော်ကိုဉာဏ်ကတော့ လက်ခုပ်မတီးနိုင်ပါ၊ လေမချွန်နိုင်ပါခင်ဗျား။
ဆန္ဒဖော်ထုတ်တော့ ဘာအကျိုးရှိသလဲ
ကျွန်တော်ကပဲ အရင်ဆုံး ဖြေပေးလိုပါသည်။ ကျွန်တော့်အမြင်ကတော့ ဘာအကျိုးမှ မရှိပါ။ သံဃာတော်များ ထိုကဲ့သို့ ဆန္ဒဖော်ထုတ်ခြင်းဖြင့် ရခိုင်ဒေသသည် ငြိမ်းချမ်းမသွားပါ၊ ရခိုင်ဒေသမှ ဒုက္ခသည်များ မူလအခြေအနေသို့ ပြန်ရောက်မသွားပါ။ ယနေ့ လုပ်နေသမျှ ကိစ္စရပ်များသည် အနာနှင့်ဆေး တလွဲတွေချည်းပဲ ဖြစ်နေသည်ကို ကျွန်တော်ကိုဉာဏ် မြင်တွေ့သိရှိနေရပါသည်။ တကယ်လိုအပ်နေတာကို မလုပ်ကြဘဲ ခါးတောင်းကျိုက်တခြား ဖင်တခြားချည်းသာ ဖြစ်နေကြပါသည်။ စစ်တွေမြို့တွင် တာဝန်ထမ်းဆောင်နေသော၊ ဒုက္ခသည်စခန်းများကို လိုက်လံလေ့လာနေသော၊ ဘုန်းတော်ကြီးကျောင်းများသို့သွားကာ ဆရာတော်ကြီးများကို လျှောက်ထားမေးမြန်းနေသော၊ လုံခြုံရေးတာဝန်ယူထားသည့် ၀န်ထမ်းများနှင့် ထိတွေ့ဆက်ဆံနေသော၊ စစ်တွေမြို့၏ လတ်တလော အခြေအနေများကို အမြဲမပြတ် သိရှိနေရသော ကျွန်တော့်အနေဖြင့် ရခိုင်ဒေသ၏ အခြေအနေများ၊ လိုအပ်ချက်များ၊ ဟာကွက်များ၊ ချို့ယွင်းချက်များကို သိတန်သလောက် သိနေသည်ဟု ကိုယ့်ဘာသာကိုယ် ယုံကြည်ပါသည်။ (ထိုအကြောင်းအရာများကို သီးခြားရေးသားတင်ပြရန် အစီအစဉ်ရှိပါသည်။ ယခုတော့ လေ့လာမှုများ မပြည့်စုံသေးဟု ယူဆသည့်အတွက် မရေးသားလိုသေးပါ။) စာဖတ်သူများအနေဖြင့် မန္တလေးမြို့တွင် ယခုကဲ့သို့ ဆန္ဒဖော်ထုတ်ပွဲ ပြုလုပ်ခြင်းဖြင့် မည်သည့်အကျိုးကျေးဇူးများ ရရှိသည်ဟု ထင်ပါသနည်းဟု ကျွန်တော်ကိုဉာဏ်က လေးစားစွာမေးမြန်းလိုပါသည်။ စာဖတ်သူများ၏ အတွေးအမြင်များကိုလည်း သိလိုလှပါသည်။
ဆန္ဒဖော်ထုတ်ပွဲ
ယခင် ရက်များကတည်းက ယနေ့ပြုလုပ်မည့် ဆန္ဒဖော်ထုတ်ပွဲအတွက် ကြိုတင်ပြင်ဆင်နေကြသည်များကို သတင်းများ ဖတ်ရှုခဲ့ရပါသည်။ ဆန္ဒဖော်ထုတ်ပွဲအတွက် လျှောက်လွှာတင်သည့်သူက အရှင်ဝီရသူဟု သိရပါသည်။ ငြိမ်းချမ်းစွာ စုဝေးခွင့်နှင့် စီတန်းလှည့်လည်ခွင့်ဆိုင်ရာ ဥပဒေသည် ရဟန်းသံဃာများအတွက် အပ်စပ်၏၊ မအပ်စပ်၏ကို စဉ်းစားကြစေလိုပါသည်။ လျှောက်ထားသည်ဆိုသည်က ခွင့်ပြုမိန့် တောင်းခံခြင်း ဖြစ်ပါသည်။ ဒါယကာ ဒါယိကာမများ၏ ရှိခိုးမှု၊ ပူဇော်မှုကို ခံယူကြရမည့် သံဃာတော်များက ဒါယကာ ဒါယိကာမများထံတွင် စီတန်းလှည့်လည်ဖို့ ခွင့်ပြုပါလို့ ခွင့်တောင်းခြင်းသည် သင့်လျော်၏ မသင့်လျော်၏ စဉ်းစားကြစေလိုပါသည်။ ကျွန်တော့်အမြင်ကတော့ သံဃာတော်များသည် လူ့စည်းအတွင်းသို့ သူတို့ဘာသာ ၀င်လာကြခြင်း ဖြစ်ပါသည်။ ဤသည်ကိုပင် သံဃာတော်တွေက တရားဥပဒေနဲ့အညီ လုပ်တယ်ဆိုပြီး ဂုဏ်ယူကြသူများ ရှိလျှင်လည်း ကျွန်တော်ကိုဉာဏ် ဘာမျှမပြောလိုပါ။ ထားတော့၊ ဆက်ပြောပါမည်။ ခွင့်ပြုမိန့်တွင် စီတန်းလှည့်လည်ရန် ခွင့်ပြုလူဦးရေ ၁၀၀ ဦးဟု သိရပါသည်။ အရှင်ဝီရသူက ဦးဆောင်ပြီး လူတွေပဲ စီတန်းလှည့်လည်မှာဟု ထင်ခဲ့မိပါသည်။ ယခုတော့ သံဃာတော်များ လမ်းပေါ်သို့ ထွက်လာကြသည်။ သံဃာတော် အပါး ၁၀၀၀ ကျော်ရှိသည်ဟု သတင်းဌာနများက ဖော်ပြထားသည်ကို ဖတ်ရှုရပါသည်။ စာဖတ်သူခင်ဗျား၊ စာဖတ်သူနှင့် သူငယ်ချင်း ၃ ယောက် မြို့ပတ်ရထား စီးကြသည် ဆိုကြပါစို့။ လက်မှတ် ၃ စောင်သာ ၀ယ်ထားသည်ဆိုလျှင် လက်မှတ်စစ်လာသောအခါ ကျန်သည့်တစ်ယောက်သည် လက်မှတ်မပါဘဲ ခိုးစီး (စီးခွင့်မရှိဘဲစီး) သူ ဖြစ်ပါသည်။ ထို့အတွက် ဒဏ်ရိုက်တာတွေဘာတွေ လုပ်ပါလိမ့်မည်။ ယခုလည်း ထို့အတူ ဖြစ်ပါသည်။ ခွင့်ပြုမိန့်က လူ ၁၀၀၊ စီတန်းလှည့်လည်တော့ လူ ၁၀၀၀ ကျန်သည့် ၉၀၀ သည် ခွင့်ပြုမိန့်မရရှိသူများ ဖြစ်ကြပါသည်။ ထိုသူများကို ဥပဒေနှင့်အညီ ဆောင်ရွက်မည် ဆိုပါလျှင် မည်သို့ဆက်ဖြစ်လာနိုင်သည်ကို စာဖတ်သူများအနေဖြင့် ဉာဏ်ရှေ့ပန်း၍ စဉ်းစားကြစေလိုပါသည်။ ခွင့်ပြုမိန့်တောင်းစဉ်က လူပုဂ္ဂိုလ်တစ်ဦးကဲ့သို့ တောင်းခံခဲ့သော်လည်း ဥပဒေအရ အရေးယူဆောင်ရွက်ချိန်တွင်တော့ မြန်မာအစိုးရသည် သံဃာတော်များကို ဘာဖြစ်နေပါသည်၊ ညာဖြစ်နေသည်ပါသည်ဟု သတင်းများ လှိုင်းထသွားမည်မှာ ဗေဒင်မေးစရာမလိုပါ၊ နက္ခတ်ကြည့်စရာမလိုပါ၊ သင်္ချာတွက်စရာမလိုပါ။ ဤမျှဆိုလျှင် ကျွန်တော့်ဆိုရင်းကို နားလည်သည်ဟု ယုံကြည်မိသည်။
ကျွန်တော့်သုံးသပ်ချက်
- သံဃာတော်များနှင့် မသက်ဆိုင်သည့် နိုင်ငံရေးအလုပ်တစ်ခုကို လုပ်ကြခြင်းဟု မြင်မိပါသည်။
- သံဃာတော်များကို နိုင်ငံရေးအတွက် အသုံးချနေသူများ၏ အမြတ်ထုတ်မှုတစ်ခုဟု မြင်မိပါသည်။
- ဘုရားသားတော် ဟူသည့်စိတ်မရှိဘဲ နိုင်ငံရေးတက်ကြွသူအဖြစ် ထင်ပေါ်လိုသည့် သင်္ကန်းဝတ်များ၏ သွေးတိုးစမ်းမှုဟု မြင်မိသည်။
- အစိုးရနှင့် ဒေသဆိုင်ရာ အာဏာပိုင်များကို တစ်ဖက်လှည့်ဖြင့် သွေးတိုးစမ်းခြင်း၊ ခြိမ်းခြောက်ခြင်းဟု မြင်မိသည်။
- သမ္မတကြီးကို ထောက်ခံသည်ဟု အမည်တပ်ပြီး နိုင်ငံရေးလှုပ်ရှားမှုတစ်ခု ပြုလုပ်ခြင်းဟုသာ မြင်မိသည်။
- နောင်လုပ်လိုသည့် သံဃာလှုပ်ရှားမှုများအတွက် ထောက်ခံအားပေးမှု မည်မျှရှိသည်ကို စမ်းသပ်ခြင်းဟု မြင်မိသည်။ (ယခုလသည် စက်တင်ဘာလ ဖြစ်သည်ကို မမေ့စေသင့်ပါ။)
ဆရာတော်အရှင်သူမြတ်တို့ဘုရား
တပည့်တော်တို့ လူသားများအနေဖြင့် လောဘ၊ ဒေါသ၊ မောဟများဖြင့် နေ့စဉ်နှင့်အမျှ ပူလောင်လွန်းလှပါသည်။ ထိုကဲ့သို့ ပူလောင်လှသည့် တပည့်တော်တို့အား အရှင်ဘုရားတို့လို သံဃာတော်များက လောဘကင်းအောင်၊ ဒေါသကင်းအောင်၊ မောဟကင်းအောင် အမြိုက်ရေအေး တိုက်ကျွေးကြရမည် ဖြစ်ပါသည်ဘုရား။ ယခုမူ ဆရာတော်ဘုရားတို့ကိုယ်တိုင် တပည့်တော်တို့ လူသားများ၏ လုပ်ငန်းဆောင်တာများကို ပါဝင်လုပ်ကိုင် ဆောင်ရွက်နေကြသည်ကို မြင်ရသည့်အတွက် တပည့်တော်တို့အနေဖြင့် ဆရာတော်ဘုရားများအတွက်ပါ ပိုမိုပူလောင်ရပါသည် အရှင်ဘုရား။ ကုလသမဂ္ဂကိုယ်စားလှယ် ပုဂ္ဂိုလ်တစ်ဦး၏ မှတ်ချက်ထက် မြတ်စွာဘုရား၏ သာသနာတော်များ တည်တံ့ပြန့်ပွားရေးက ပိုမိုအရေးကြီးပါသည်ဘုရား။ သမ္မတကြီးကို ထောက်ခံသည်ထက် မြတ်စွာဘုရား၏ အဆုံးအမ တရားတော်များကို လိုက်နာကျင့်ကြံ နေထိုင်သည်က သာလွန်မြင့်မြတ်ပါသည်ဘုရား၊ လူသားများနှင့် အတူတွဲ၍ စီတန်းလှည့်လည်သည်ထက် သစ်တစ်ပင် ၀ါးတစ်ပင်အောက်တွင် ဆိတ်ငြိမ်စွာဖြင့် တရားကမ္မဋ္ဌာန်းစီးဖြန်းခြင်းက ပိုမို အကျိုးရှိစေပါသည်ဘုရား။ ကြွေးကြော်သံများ ကြွေးကြော်ခြင်းထက် မြတ်စွာဗုဒ္ဓ၏ ၄၅ ၀ါပတ်လုံး ဟောကြားခဲ့သည့် တရားဓမ္မများကို နှုတ်တက်အာဂုံဆောင်နေခြင်း၊ ကျက်မှတ်နေခြင်းက ပိုမိုအကျိုးများပါသည်ဘုရား၊ သံသရာလည်စေမည့် ကိစ္စရပ်များကို တပည့်တော်တို့ လူသားများနှင့်အတူ ယှဉ်တွဲလုပ်ဆောင်ခြင်း မပြုကြဘဲ ဆရာတော်တို့လည်း သံသရာပြတ်၊ တပည့်တော်တို့လည်း သံသရာပြတ်အောင် လမ်းပြဆောင်ပေးကြစေလိုပါသည် ဆရာတော် အရှင်သူမြတ်တို့ဘုရား။ ဆရာတော်အရှင်သူမြတ်တို့ အနေဖြင့် သမ္မတကြီး ထောက်ခံကြောင်း ဆန္ဒဖော်ထုတ်ကြသည် မှန်သော်လည်း အရှင်ဘုရားတို့၏ လုပ်ရပ်အတွက် သမ္မတကြီးဦးဆောင် အစိုးရအဖွဲ့အတွက် ၀မ်းသာဂုဏ်ယူမှု ဖြစ်မဖြစ်၊ ရွှင်လန်းအားရမှု ဖြစ်မဖြစ်ဆိုသည်ကို အရှင်ဘုရားတို့ စဉ်းစားနိုင်ကြလိမ့်မည်ဟု တပည့်တော် ယုံကြည်ပါသည်ဘုရား။ တပည့်တော်၏ အရေးအသားများတွင် သံဃာတော်များအပေါ် အဂါရ၀ဖြစ်စေမည့် အမှားများပါရှိခဲ့ပါလျှင် လက်အုပ်ချီမိုး၍ ရှိခိုးတောင်းပန်အပ်ပါသည်ဘုရား။
ကျွန်တော့်ကိုလည်း ထိန်းကြပါဦး
စာဖတ်သူ မြန်မာ့သွေးမိတ်ဆွေများခင်ဗျား၊ ကျွန်တော်ကိုဉာဏ်အနေဖြင့် အသေမနာလိုသည့်အတွက် အသာမနေနိုင်သည်ကတစ်ကြောင်း၊ ရင်ထဲမှာ ပြောစရာများရှိနေပါလျက် မမြိုသိပ်နိုင်သည်ကတစ်ကြောင်း၊ မိမိယုံကြည်ချက်နှင့် ကွဲလွဲနေလျှင် သွေးဆူလွယ်သည်ကတစ်ကြောင်း၊ စသည့်စသည့် အကြောင်းများကြောင့် မနေနိုင်လွန်း၍ ဤစာများကို ရေးသားလိုက်ရပါသည်။ မိမိကိုယ်မိမိ ဟုတ်လှပြီ၊ မှန်လှပြီ၊ သိလှပြီ၊ တတ်လှပြီဟု မခံယူပါ။ မှားယွင်းနေမှုများ၊ ချွတ်ချော်နေမှုများ ရှိနေပါလျှင်လည်း ကျွန်တော်ကိုဉာဏ် အမိုက်အမဲလေးအား သနားငဲ့ညှာသောအားဖြင့် ဝေဖန်ထောက်ပြ သွန်သင်ဆုံးမကြပါရန် စာဖတ်သူများလက်သို့ အပ်ပါသည်ခင်ဗျား။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ စက်တင်ဘာလ ၂ ရက်၊ တနင်္ဂနွေနေ့။
မွန်းလွဲ ၁ နာရီ ၂၀ မိနစ်တွင် စတင်ရေးသား၍ ညနေ ၆ နာရီ ၁၁ မိနစ်တွင်ပြီး၏။
Saturday, September 01, 2012
ဖွဲ့စည်းပုံအခြေခံဥပဒေအကြောင်း ပြောကြရအောင် (၁)
ပထမဦးစွာ ဖွဲ့စည်းပုံအခြေခံဥပဒေဆိုင်ရာ အခေါ်အဝေါ်များကို ရှင်းလင်းတင်ပြလိုပါသည်။ စာဖတ်သူများ အားလုံးသိရှိပြီး ဖြစ်သည့်အတိုင်း ကျွန်တော်တို့ မြန်မာနိုင်ငံတွင် ဖွဲ့စည်းပုံအခြေခံဥပဒေ ၃ ခု ရေးဆွဲပြဋ္ဌာန်းခဲ့ကြပါသည်။ အဆိုပါ ဥပဒေများမှာ အောက်ပါအတိုင်း ဖြစ်ကြပါသည် -
(၁) ပြည်ထောင်စုမြန်မာနိုင်ငံ ဖွဲ့စည်းအုပ်ချုပ်ပုံအခြေခံဥပဒေ (၁၉၄၇ ခုနှစ်)
(၂) ပြည်ထောင်စုဆိုရှယ်လစ်သမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၁၉၇၄ ခုနှစ်)
(၃) ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်)
အထက်ပါအချက်များကို ပြန်ပြောင်းပြောဆိုနေရခြင်းမှာ အကြောင်းရှိပါသည်။ ကျွန်တော်တို့လို သာမန်ပြည်သူများကို အသာထား၍ ပြည်သူ့ကိုယ်စားလှယ်များဟု ဆိုသူများပင်လျှင် လက်ရှိ တည်ဆဲဖွဲ့စည်းပုံအခြေခံဥပဒေကို အမည်နာမ မှန်ကန်စွာ မခေါ်ဆိုကြသောကြောင့် ဖြစ်ပါသည်။ Sky Net မှ ထုတ်လွှင့်ပြသသည့် လွှတ်တော်တွင်း ဆွေးနွေးမှုများကို ကြည့်ရှုနားထောင်ရင်း တစ်ခါတစ်ရံတွင် အချို့သော ကိုယ်စားလှယ်များက လက်ရှိကျင့်သုံးနေသည့် ဖွဲ့စည်းပုံအခြေခံဥပဒေကို ရည်ညွှန်းပြောဆိုကြရာတွင် အမှားမှားအယွင်းယွင်း ပြောဆိုနေကြသည်ကို တွေ့မြင်နေရသောကြောင့် ဖြစ်ပါသည်။ စာဖတ်သူ၏ အမည်သည် မောင်မြဟု ဆိုပါစို့။ အခြားလူတစ်ဦးက သင့်အား မောင်လှဟု ခေါ်ဝေါ်ပြီး အမြဲတစေ ပြောဆိုဆက်ဆံနေပါလျှင် စာဖတ်သူ မည်သို့ ခံစားရမည်နည်း။ ထို့ပြင် စာဖတ်သူအနေဖြင့် မိမိအမည်ကို မှန်ကန်စွာ မခေါ်ဆိုနိုင်သည့် အဆိုပါပုဂ္ဂိုလ်အား မည်သို့ သဘောထားပါမည်နည်း။ ကျွန်တော်ဆိုလိုသည်မှာ လူတစ်ဦးတစ်ယောက်အတွက်ပင် အမည်နာမဟူသည် ထိုမျှ အရေးကြီးလှပေရာ တစ်နိုင်ငံလုံးက၊ ပြည်သူအားလုံးက လေးစားလိုက်နာကြရသည့် ဖွဲ့စည်းပုံအခြေခံဥပဒေဆိုလျှင် မည်သို့ရှိမည်ကို စဉ်းစားကြစေလိုခြင်း ဖြစ်ပါသည်။
လွတ်လပ်ရေးမရမီ ၁၉၄၇ ခုနှစ်က ရေးဆွဲခဲ့သော ဖွဲ့စည်းပုံအခြေခံဥပဒေသည် ပြည်ထောင်စုမြန်မာနိုင်ငံတော် ဖွဲ့စည်းအုပ်ချုပ်ပုံအခြေခံဥပဒေ ဖြစ်ပါသည်။ လွတ်လပ်ရေးရရှိရန်အတွက် သူ့ကျွန်ဘ၀တွင် ရေးဆွဲရသည့် ထိုအခြေခံဥပဒေတွင် သမ္မတ ဟူသော စကားရပ် မပါရှိသေးပါ။ ထို့ပြင် ဖွဲ့စည်းအုပ်ချုပ်ပုံအခြေခံဥပဒေဟု အသုံးပြုထားပါသည်။ အုပ်ချုပ်ပုံ ဟူသည့်စကားရပ် ထည့်သွင်းထားသည်ကို အလေးဂရုပြုကြစေလိုပါသည်။
တစ်ဖန် ၁၉၇၄ ခုနှစ်တွင် ရေးဆွဲခဲ့သော အခြေခံဥပဒေကို ပြည်ထောင်စုဆိုရှယ်လစ်သမ္မတမြန်မာနိုင်ငံတော် ဖွဲ့စည်းပုံအခြေခံဥပဒေဟု အမည်ပေးခဲ့ကြပါသည်။ မူကြမ်းသုံးကြိမ်အထိ ရေးဆွဲပြီး ပြည်သူ့ဆန္ဒခံယူကာ ရေးဆွဲခဲ့သည့် အဆိုပါအခြေခံဥပဒေတွင် ဆိုရှယ်လစ် ဟူသော စကားရပ်ကို ထည့်သွင်းထားသည်ကို တွေ့မြင်နိုင်ပါသည်။ ဆိုရှယ်လစ်လူ့ဘောင်သို့ ချီတက်မည်ဟု မျှော်မှန်းရေးဆွဲခဲ့သော အခြေခံဥပဒေဖြစ်သောကြောင့် ဖြစ်ပါသည်။
နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ (တပ်မတော်အစိုးရ) သည် ဒီမိုကရေစီနိုင်ငံတော်သစ်ဆီသို့ လျှောက်လှမ်းရန် စိတ်ရည်သန်ပြီးသကာလ နိုင်ငံတော်ရှေ့ဆက်သွားရမည့် မူဝါဒလမ်းစဉ် ၇ ရပ်ကို ကြေညာခဲ့ပါသည်။ ထိုအချိန်က နိုင်ငံတော်ဝန်ကြီးချုပ်အဖြစ် တာဝန်ယူခဲ့သည့် ဗိုလ်ချုပ်ကြီး ခင်ညွန့်က ကြေညာခဲ့ခြင်း ဖြစ်ပါသည်။ အဆိုပါလမ်းစဉ် ၇ ရပ်တွင် ပထမအဆင့်မှ စတုတ္ထအဆင့်အထိသည် ဖွဲ့စည်းပုံအခြေခံဥပဒေတစ်ခု ရေးဆွဲပြဋ္ဌာန်းနိုင်ရေးအတွက် ဦးတည်ခဲ့ခြင်း ဖြစ်ပါသည်။ ကျန်သည့်အဆင့်များကတော့ ဖွဲ့စည်းပုံအခြေခံဥပဒေအရ ဆက်လက်ဆောင်ရွက်ရမည့် လုပ်ငန်းများ ဖြစ်ကြပါသည်။ တပ်မတော်အစိုးရသည် လမ်းစဉ် ၇ ရပ်အတိုင်း ဆောင်ရွက်နိုင်ခဲ့ပြီး လက်ရှိကျင့်သုံးနေသည့် အခြေခံဥပဒေကို ရေးဆွဲပြဋ္ဌာန်းပေးနိုင်ခဲ့ပါသည်။ ထိုဥပဒေ၏ အမည်နာမမှာ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ဟူ၍ ဖြစ်ပါသည်။
အတော်အသင့် ရှင်းပြခဲ့ပြီး ဖြစ်သည့်အတွက် မြင်တွေ့ကြားသိနေရသည့် အမှားများကို ပြောပြလိုပါသည်။ ကိုယ်စားလှယ်အချို့က လွှတ်တော်တွင်း ဆွေးနွေးမှုများတွင် ပြောဆိုတတ်ကြသည့် အမှားအချို့ကို အောက်ပါအတိုင်း တွေ့ရှိရပါသည်။ အင်တာနက် စာမျက်နှာများပေါ်တွင်လည်း တွေ့ရတတ်ပါသည်။ ထို့ပြင် ဂျာနယ်များပေါ်တွင်လည်း ဖတ်ရှုရတတ်ပါသည်။ နာမည်ကြီး ပုဂ္ဂိုလ်များ၊ နိုင်ငံရေးသမားများနှင့် အင်တာဗျူးများတွင်လည်း ထိုအမှားများကို အသုံးပြုတတ်ကြပါသည်။ လေ့လာကြည့်ပါမည်။
- ဖွဲ့စည်းပုံအခြေခံဥပဒေ ၂၀၀၈
- ၂၀၀၈ ခုနှစ် ဖွဲ့စည်းပုံအခြေခံဥပဒေ
- ဖွဲ့စည်းအုပ်ချုပ်ပုံအခြေခံဥပဒေ
- ၂၀၀၈ ခုနှစ် ဖွဲ့စည်းအုပ်ချုပ်ပုံအခြေခံဥပဒေ
- ဖွဲ့စည်းအုပ်ချုပ်ပုံအခြေခံဥပဒေ ၂၀၀၈
အထက်ပါသာဓကများသည် မှားယွင်းနေသော အခေါ်အဝေါ်များ ဖြစ်ကြသည်ဟု ကျွန်တော်ထင်ပါသည်။ ကျွန်တော်နှင့် ရင်းနှီးသည့် ဥပဒေပညာရှင် မိတ်ဆွေတစ်ဦးက Sky Net မှ လွှတ်တော်ဆွေးနွေးမှုများကို အတူကြည့်နေစဉ် ပြောကြားဖူးတာ ရှိပါသည်။ ကိုယ်စားလှယ်တွေကလည်းဗျာ၊ ဖွဲ့စည်းပုံအခြေခံဥပဒေကို ဘာဖြစ်လို့ ခုနှစ်တွေ ထည့်ပြောရတာလည်း မသိဘူးတဲ့။ ကျွန်တော်တို့မှာ တည်ဆဲကျင့်သုံးနေတဲ့ ဖွဲ့စည်းပုံအခြေခံဥပဒေဆိုတာ တစ်ခုတည်းပဲ ရှိတယ်လေဗျာတဲ့။ အဲဒါကို မလိုအပ်ဘဲ ၂၀၀၈ တို့၊ ၂၀၀၈ ခုနှစ်တို့ ထည့်လိုက်တော့ နားထောင်ရတာ အဆင်မချောဘူးဗျတဲ့။ ဖွဲ့စည်းပုံအခြေခံဥပဒေထဲမှာ အဲဒီလို ခုနှစ်တွေ ထည့်ရေးထားတဲ့နေရာ တစ်နေရာမှ မရှိပါဘူးဗျာ၊ ပြီးတော့ ကိုယ်စားလှယ်တွေရဲ့ ကတိသစ္စာပြုချက်ထဲမှာလည်း ဖွဲ့စည်းပုံအခြေခံဥပဒေ ဘယ်နှခုနှစ်ကို ထိန်းသိမ်းကာကွယ် စောင့်ရှောက်ပါမယ်လို့ မရေးထားပါဘူးဗျာတဲ့။
ကျွန်တော်က ပြန်မေးမိပါတယ်။ ကျွန်တော်တို့နိုင်ငံမှာ ဖွဲ့စည်းပုံအခြေခံဥပဒေက ၃ ခုတောင် ရှိခဲ့တော့ အဲဒါကို မမှားစေချင်လို့ ဖြစ်မှာပေါ့ဟု။ ကျွန်တော့်မိတ်ဆွေက ပြန်ဖြေပါသည်။ ကိုဉာဏ်ရေ ဖွဲ့စည်းပုံအခြေခံဥပဒေတွေက ခုနှစ်ထည့်ပြောစရာ မလိုပါဘူးဗျာ။ တစ်ခုနဲ့တစ်ခု အမည်တူနေတာ တစ်ခုမျှ မရှိပါဘူး၊ သေချာလည်း ပြန်လေ့လာကြည့်ပါဦးတဲ့။ ဟုတ်ပါတယ်၊ ဖွဲ့စည်းပုံအခြေခံဥပဒေ ၃ ခုဟာ အမည်နာမတွေ တစ်ခုမျှ တူညီနေတာ မရှိပါ။ သူ့သရုပ်သကန်နှင့်သူ၊ သူ့အဓိပ္ပါယ်နှင့်သူ ရှိနေကြသည်သာ ဖြစ်ပါသည်။ ကျွန်တော့်မိတ်ဆွေက ထပ်ပြောပါတယ်။ အခုအချိန်မှာ ဖွဲ့စည်းပုံအခြေခံဥပဒေကို ကိုးကားတယ်ဆိုရင် လက်ရှိတည်ဆဲ အသက်ဝင်နေတဲ့ ခင်ဗျားတို့ပြောတဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေကို ရည်ညွှန်းတယ်ဆိုတာ လူတိုင်းသိပါတယ်ဗျာ၊ မကွန့်ကြပါနဲ့တဲ့။ ဟုတ်ကဲ့ မှတ်သားမိပါတယ်ခင်ဗျာ။
ကျွန်တော်တို့တွေအနေနဲ့ အခြေခံဥပဒေကို အလွယ်ခေါ်မယ်ဆိုရင်လည်း အခြေခံဥပဒေ သို့မဟုတ် ဖွဲ့စည်းပုံအခြေခံဥပဒေလို့ ခေါ်လို့ရပါတယ်။ ဒါပေမယ့် ဖွဲ့စည်းအုပ်ချုပ်ပုံ အခြေခံဥပဒေလို့တော့ မခေါ်သင့်ဘူးထင်ပါရဲ့။ လက်ရှိကျွန်တော်တို့ရဲ့ အခြေခံဥပဒေအမည်မှာ အုပ်ချုပ်ပုံဆိုတဲ့ စကားလုံး မပါရှိပါဘူး။ ဒါတွေက အခြေခံဥပဒေရဲ့ အခေါ်အဝေါ်တွေနဲ့ ပတ်သက်လို့ ကျွန်တော်သိနားလည်သမျှကို ပြန်လည်တင်ပြခြင်း ဖြစ်ပါသည်။ ဒီလိုပြောတာတွေက အမှန်တွေပဲ၊ ဒီလိုမှမဟုတ်ရင် အမှားတွေပဲဟုလည်း ကျွန်တော်မပြောလိုပါ။ မြတ်ဗုဒ္ဓ၏ မိန့်မှာချက်ဖြစ်သည့် ၀ိဘဇ္ဇ၀ါဒဖြင့်သာ ချိန်ထိုးသုံးသပ် ဝေဖန်ဆင်ခြင်ကြရန် ဖြစ်ပါသည်။
ကျွန်တော်တို့၏ ဒီမိုကရေစီနိုင်ငံတော်သစ်သည် ၂၀၁၁ ခုနှစ်၊ ဇန်န၀ါရီလ ၃၁ ရက်နေ့တွင် စတင်မွေးဖွားခဲ့ပြီး ဖြစ်ပါသည်။ အဆိုပါနေ့တွင် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ စတင်အာဏာတည်ခဲ့ပါသည်။ ဥပဒေပြုလွှတ်တော်များ စတင်အသက်ဝင်ခဲ့ပါသည်။ ဒီမိုကရေစီစနစ်ဆိုသည့် စည်းဝိုင်းအတွင်းသို့ စတင်ခြေလှမ်းချခဲ့သည့်နေ့ ဖြစ်ခဲ့ပါသည်။ ထိုအချက်များအားလုံးသည် ဖွဲ့စည်းပုံအခြေခံဥပဒေကြောင့်သာ ဖြစ်ပေါ်ခဲ့ရခြင်း ဖြစ်ပါသည်။ ကြိုက်သည်ဖြစ်စေ၊ မကြိုက်သည်ဖြစ်စေ ထိုအချက်ကို မမေ့ကြစေလိုပါ။ ဖွဲ့စည်းပုံအခြေခံဥပဒေကို ပေါ့ပေါ့တန်တန် သဘောမထားကြစေလိုပါ။
ဖွဲ့စည်းပုံအခြေခံဥပဒေကို သိရှိနားလည်ပြီး လေးစားလိုက်နာသော နိုင်ငံ့သားကောင်းများ ဖြစ်ကြပါစေဟု ဆန္ဒပြုလိုက်ပါသည်။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ စက်တင်ဘာလ ၁ ရက်၊ စနေနေ့။
မွန်းလွဲ ၁ နာရီ ၄၃ မိနစ်တွင်ပြီး၏။
စာကြွင်း။ ယခုစာများကို ငါသိငါတတ်စိတ်ဖြင့် ရေးသားခြင်း မဟုတ်ကြောင်း ပြောလိုပါသည်။ မိမိသိထားသမျှကို အခြားသူများလည်း သိစိမ့်သောငှာ၊ ဝေဖန်စိမ့်သောငှာ ရေးသားတင်ပြရခြင်း ဖြစ်ပါသည်။ သို့မှလည်း မိမိနားလည်ထားသမျှတွင် အမှားများရှိပါက ဆင်ခြင်နိုင်မည်၊ ပြုပြင်နိုင်မည် ဖြစ်သောကြောင့် ဖြစ်ပါသည်။ ရေးသားမှုများတွင် အမှားအယွင်းများ ရှိနေပါမူ ကျွန်တော့်စေတနာများကို ထောက်ထားသောအားဖြင့် ဝေဖန်ထောက်ပြ ပြောဆိုကြစေလိုပါသည်။ တတ်သိပညာရှင် မဟုတ်သည့်အတွက် ချို့ယွင်းချက်များ၊ အမှားအယွင်းများ ရှိနေမည်ဟု ယုံကြည်သောကြောင့် ဖြစ်ပါသည်။ အခြားသော အကြောင်းအရာများကိုလည်း ဆက်လက်ရေးသား တင်ပြသွားပါမည်။
ဆက်စပ်ဖတ်ရှုရန်များ
နိုင်ငံသားတိုင်း ဖွဲ့စည်းပုံအခြေခံဥပဒေကို ဖတ်ကြရမည်
ရောမရောက်လျှင် ရောမလို ကျင့်ရသည်။
ဥပဒေကို မသိနားမလည်ဟု ဆိုကာမျှဖြင့် ဥပဒေက သင့်အား ခွင့်လွှတ်လိမ့်မည်မဟုတ်။
ဥပဒေဟူသည် နိုင်ငံသူ၊ နိုင်ငံသားတို့၏ အခွင့်အရေးများနှင့် တာဝန်များကို သတ်မှတ်ပေးသည့် စည်းကမ်းနည်းဥပဒေစုပင်ဖြစ်သည်။ ယင်းတို့၏ တာဝန်နှင့် အခွင့်အရေးတို့ကို နိုင်ငံနှင့် ဆက်သွယ်သောအခါဖြစ်စေ၊ နိုင်ငံသားအချင်းချင်း ဆက်သွယ်သောအခါဖြစ်စေ အခွင့်အရေးနှင့် တာဝန်ကို ဖော်ပြထားခြင်းဖြစ်သည်။
ဖွဲ့စည်းပုံအခြေခံဥပဒေဟူသည်မှာ အုပ်ချုပ်သူနှင့် အုပ်ချုပ်ခံပြည်သူလူထုအကြား ချုပ်ဆိုထားသည့် ပဋိဉာဉ်စာချုပ်ဖြစ်သည်။
ကျွန်တော့်တွင် ပြောစရာအကြောင်းများ ရှိနေပါသည်။ ထို့ကြောင့်လည်း သက်ဆိုင်သည့် အဆိုအမိန့်အချို့ကို ကောက်နုတ်တင်ပြရခြင်း ဖြစ်ပါသည်။ မြန်မာ့နွေဦးသည် မဝေးတော့သော အချိန်တစ်ခုတွင် ၂ နှစ်တာကာလ ပြည့်မြောက်တော့မည် ဖြစ်ပါသည်။ လက်ရှိအချိန်အထိ ၁ နှစ်ခွဲကျော်ကာလကို ကျော်ဖြတ်ခဲ့ပြီး ဖြစ်ပါသည်။ သွားနေသည့် အရှိန်နှုန်းသည် မည်သို့ရှိသည်ကို တစ်ခါတစ်ရံ မှန်းဆရခက်ပါသည်။ အရှိန်မြန်လွန်းလျှင် ရပ်နေသကဲ့သို့ ခံစားရတတ်သည်ကို အားလုံးအသိ ဖြစ်ပါလိမ့်မည်။ မြန်မာတို့၏ ဒီမိုကရေစီရောင်နီဦးသည် မပီဝိုးတ၀ါးမှ မလင်းတလင်းသို့ ရောက်ရှိလာသည်ကတော့ မငြင်းနိုင်သည့်အချက် ဖြစ်ပါသည်။ သို့သော် အပြည့်အ၀ စိတ်ချရသည်တော့ မဟုတ်သေးချေ။ လင်းသထက်လင်းလာပြီး အလျှံတငြီးငြီး ထွန်းလင်းတောက်ပမည်လား၊ သို့တည်းမဟုတ် တိမ်တိုက်တိမ်စိုင်တို့ကြောင့် ခပ်မှိန်မှိန်သာ မြင်ရမည်လား၊ သို့တည်းမဟုတ် မိုးသားတိမ်လိပ်တို့ကြောင့် အမှောင်ထုကို အရှုံးပေးရမည်လား၊ သေသေချာချာ မသိနိုင်သေးသည့် အခြေအနေ ဖြစ်ပါသည်။ ရုပ်မြင်သံကြားမှာ မိုးလေ၀သသတင်း ကြေညာသလို "ကျန်းမာတော် မူကြပါစခင်ဗျာ... မြန်မာ့ဒီမိုကရေစီရေးအတွက် မနက်ဖြန်အထိ ခန့်မှန်းချက်ကတော့ နေသာပါ့မယ်" ဟု မည်သူကမျှ ကြေညာပြောဆိုနိုင်ခြင်း မရှိချေ။
စကားများ ဘေးချော်သွားပါသည်။ လိုရင်းကို ပြန်ဆက်ရပါလျှင် ဒီမိုကရေစီခေတ်သို့ ကူးပြောင်းကာစ ယခုကဲ့သို့ အချိန်မျိုးတွင် ကျွန်တော်မကြားချင်ဆုံးသော၊ ကြားရလျှင် နားခါးသော စကားတစ်ခွန်း ရှိပါသည်။ ကျွန်တော့်ပတ်ဝန်းကျင်မှ ထိတွေ့ပေါင်းသင်း ဆက်ဆံနေရသူများ၊ အွန်လိုင်းပေါ်မှ သိကျွမ်းခင်မင် ရင်းနှီးရသည့် မိတ်ဆွေများ၊ နီးစပ်ရာအပေါင်းအသင်းများ စသည်စသည်တို့၏ ပါးစပ်များမှ ထိုကဲ့သို့သော အဓိပ္ပါယ်သက်ရောက်သည့် စကားများကို ပြောဆိုကြသည့်အချိန်တိုင်း ကျွန်တော်ကိုဉာဏ် သက်ပြင်းချမိပါသည်။ ထို့အတူ များစွာလည်း ရင်လေးမိပါသည်။ အခြားမဟုတ်ပါ ဖွဲ့စည်းပုံအခြေခံဥပဒေနှင့် ပတ်သက်သည့် အကြောင်းအရာ ဖြစ်ပါသည်။ လူအမျိုးမျိုးမို့ သူတို့ပြောသော စကားများကလည်း အမျိုးမျိုး ဖြစ်ကြပါသည်။ သူတို့ပြောတတ်သည့် စကားများကို အောက်တွင်လေ့လာကြည့်ပါမည် -
ဖွဲ့စည်းပုံအခြေခံဥပဒေကို တစ်ခါမှကို မဖတ်ဖူးဘူး။ တမင်ကို မဖတ်တာ။
ဖွဲ့စည်းပုံအခြေခံဥပဒေဆိုတာ အရင်စစ်အစိုးရက သူတို့ရေးချင်သလို ရေးခဲ့တာပဲ၊ အချိန်ကုန်ခံပြီး ဖတ်မနေနိုင်ပါဘူး။
ဖွဲ့စည်းပုံအခြေခံဥပဒေကို ပြင်ရမယ်။ (ကျွန်တော်က ဘာတွေပြင်မှာလဲဟု ပြန်မေးတတ်ပါသည်။ ထိုအခါ အင်း၊ အဲ သာ လုပ်နေတတ်ပါသည်။ ဘာပြောရမှန်း မသိကြပါ။)
ဖွဲ့စည်းပုံအခြေခံဥပဒေမှာ ဘာတွေပဲ ရေးထား၊ ရေးထား အစိုးရက သူတို့လုပ်ချင်ရာ လုပ်တာပဲမလား။ ကျွန်တော်တို့အတွက် ဘာများအရေးပါလို့လဲ။
ဖွဲ့စည်းပုံအခြေခံဥပဒေကို ဖတ်ဖို့ စဉ်းစားထားပါတယ်။ ဒါပေမယ့် အချိန်မရသေးလို့ မဖတ်ဖြစ်သေးတာပါ။
ဖွဲ့စည်းပုံအခြေခံဥပဒေကို NLD က ပြင်မယ်လို့ပြောတယ်လေ။ အဲဒါ လုပ်ကို လုပ်သင့်တဲ့ အလုပ်ပဲ။ ကျွန်တော်ထောက်ခံတယ်။ (ကျွန်တော်က သူတို့တွေက ဘာတွေပြင်မယ်လို့ပြောသလဲဟု ပြန်မေးလျှင် သူတို့ပြန်ဖြေတတ်တာက တပ်ကိုယ်စားလှယ်တွေကို ဖြုတ်ပစ်မယ်ဟု ဖြေတတ်ကြပါသည်။ အခြားအချက်တွေကိုရောဟု မေးလျှင်တော့ ယောင်ဝါးဝါးများသာ ဖြစ်ကုန်ကြပါသည်။ NLD ပဲ ပြင်လို့ရတာလား၊ အခြားလူတွေရောဟု မေးလျှင်တော့ ဘုကြည့် ပြန်ကြည့်တတ်ကြပါသည်။)
အထက်ပါစကားများသည် ဖွဲ့စည်းပုံအခြေခံဥပဒေနှင့် ပတ်သက်၍ ကျွန်တော်နှင့် ထိတွေ့ဆက်ဆံသူများက ပြောတတ်ကြသည့် စကားများထဲမှ အချို့ ဖြစ်ပါသည်။ အကုန်အစင် မဟုတ်သေးပါ။ လူတစ်ချို့ဆိုလျှင် အင်မတန်မှ ပြင်းပြင်းထန်ထန်ကို ပြောတတ်ကြပါသည်။ ကြမ်းတမ်းသော စကားလုံးများပင် သုံးတတ်ကြပါသည်။ မည်သို့ပင်ဖြစ်စေ၊ ကျွန်တော့်တစ်ဦးတည်း၏ အတွေ့အကြုံ၊ အတွေးအမြင်အရ ကောက်ချက်ချရပါလျှင် ဖွဲ့စည်းပုံအခြေခံဥပဒေကို သေသေချာချာ ဖတ်ရှုလေ့လာဖူးသူဟူ၍ ကျွန်တော်တို့နိုင်ငံသားများ၏ ၁၀% ပင် မပြည့်ပါချေ။ သဘောကတော့ လူတစ်ရာတွင် ဆယ်ယောက်သာ ဖွဲ့စည်းပုံအခြေခံဥပဒေကို ဖတ်ရှုလေ့လာသည့်သဘော ဖြစ်ပါသည်။ ထိုပမာဏသည် အကောင်းမြင်စိတ် လွန်လွန်ကဲကဲဖြင့် ကောက်ချက်ချထားခြင်း ဖြစ်ပါသည်။ တကယ်တမ်းတွင် ဒီထက်အများကြီး လျော့နည်းနိုင်ပါသည်။ ဖွဲ့စည်းပုံအခြေခံဥပဒေဆိုတာ ဘာမှန်းမသိသည့် လူများ၊ ဒေသများ၊ ဖွဲ့စည်းပုံအခြေခံဥပဒေစာအုပ်ကိုပင် မမြင်ဖူးသည့် လူများ၊ ဒေသများ၊ ဖွဲ့စည်းပုံအခြေခံဥပဒေတွင် ဘာတွေပါမှန်းပင် မသိသော လူများ၊ ဒေသများ ကျွန်တော်တို့နိုင်ငံတွင် များစွာရှိနေပါသေးသည်။ ထိုအချက်သည် ၀မ်းသာရမည့် အချက်မဟုတ်ပါ။ မိမိတို့နိုင်ငံ၏ ဖွဲ့စည်းပုံအခြေခံဥပဒေကို ဘာမှန်းမသိသည့် နိုင်ငံသားများဖြင့် တည်ဆောက်ပုံဖော်နေသော နိုင်ငံတစ်ခုသည် မည်ကဲ့သို့သော နိုင်ငံဖြစ်မလဲဆိုတာ စာဖတ်သူများ စဉ်းစားကြည့်စေလိုပါသည်။
စာဖတ်သူများကို ကျွန်တော်ကိုဉာဏ် မေးခွန်းတစ်ခုလောက် မေးခွင့်ပြုစေလိုပါသည်။ စတင်ရေးဆွဲကာ အတည်ပြု ပြဋ္ဌာန်းပြီးကတည်းက နောက်ထပ်ပြုပြင်ရန်၊ ဖြည့်စွက်ရန်၊ ပြင်ဆင်ရန်၊ နုတ်ပယ်ရန် မလိုအပ်သည့် ဖွဲ့စည်းပုံအခြေခံဥပဒေ မည်သည့်နိုင်ငံတွင် ရှိသည်ကို ဖြေကြားစေလိုပါသည်။ ကျွန်တော်၏ မဖြစ်စလောက် ဗဟုသုတဖြင့် ယနေ့အချိန်အထိ မကြားမိသေး၊ မတွေ့ရှိသေးသောကြောင့် ဖြစ်ပါသည်။ အချို့ကလည်း ကျွန်တော့်မေးခွန်းကို အငေါ်တူးကာ ပြန်ဖြေနိုင်ပါသည်။ ဖွဲ့စည်းပုံအခြေခံဥပဒေ မရှိဘဲ ရပ်တည်နေတဲ့ နိုင်ငံတွေလည်း ရှိနေတာပဲဟု။ ဟုတ်ကဲ့၊ ကျွန်တော်မငြင်းလိုပါ၊ လက်ခံပါသည်၊ သို့သော်လည်း သူတို့တွေမှာ ဖွဲ့စည်းပုံအခြေခံဥပဒေသာ မရှိတာဖြစ်ပါသည်၊ အစိုးရက ဘာလုပ်ရမည်၊ ပြည်သူတွေက ဘာတွေကို လိုက်နာရမည် စသည့် ဥပဒေများတော့ ရှိပါသည်။ ထိုဥပဒေများသည်ပင် ဖွဲ့စည်းပုံအခြေခံဥပဒေ သဘောတွေဟု ကျွန်တော်က ယူဆချင်ပါသည်။
ဖွဲ့စည်းပုံအခြေခံဥပဒေမရှိဘဲ တိုင်းပြည်ကို တည်ဆောက်သည်နှင့် ဖွဲ့စည်းပုံအခြေခံရေးဆွဲပြဋ္ဌာန်းပြီး တိုင်းပြည်ကို တည်ဆောက်သည်တို့တွင် မည်သည့်အချက်က ပိုကောင်းသနည်းဟူသည့် မေးခွန်းကို စာဖတ်သူတိုင်း မှန်ကန်စွာ ဖြေကြားနိုင်လိမ့်မည်ဟု ကျွန်တော်ယုံကြည်ပါသည်။ ရှိတဲ့ဖွဲ့စည်းပုံအခြေခံဥပဒေက မကောင်းဘူးထင်လျှင် ကောင်းအောင်လုပ်ကြရပါမည်၊ လိုအပ်နေသေးသည်ဟုထင်လျှင် ပြင်ဆင်ရပါမည်၊ ဖြည့်စွက်ရပါမည်၊ ဒါတွေသည်ပင် ကျွန်တော်တို့၏ တာဝန်များ မဟုတ်ပါလော။ သူများရေးထားတာ ငါတို့အတွက် အဆင်မပြေဘူးဆိုလျှင် အဆင်ပြေအောင် ဘယ်လိုလုပ်မလဲ စဉ်းစားရမည်၊ အဖြေရှာရမည်၊ ဆောင်ရွက်ရပေမည်၊ သို့သော် ဥပဒေဘောင်အတွင်းက ဖြစ်ရမည်၊ အများအတွက်လည်း အဆင်ပြေတာ ဖြစ်ရမည်။ အားလုံးအတွက် အဆင်ပြေပြီး ငါတစ်ယောက်တည်းအတွက် အဆင်မပြေတာ ဆိုလျှင်တော့ဖြင့် အားလုံး၏ အမှားမဟုတ်တာ သေချာပါသည်။ ဘာပဲဖြစ်ဖြစ် ဖွဲ့စည်းပုံအခြေခံဥပဒေရှိတာ နိုင်ငံအတွက်၊ ပြည်သူတွေအတွက် ပိုကောင်းပါသည်။
မိမိတို့ ကြိုက်သည်ဖြစ်စေ၊ မကြိုက်သည်ဖြစ်စေ၊ မိမိတို့ လက်ခံသည်ဖြစ်စေ၊ လက်မခံသည်ဖြစ်စေ၊ မိမိတို့ သဘောတူသည်ဖြစ်စေ၊ သဘောမတူသည်ဖြစ်စေ နိုင်ငံသားတစ်ယောက်အနေဖြင့် လက်ရှိတည်ဆဲဖြစ်သည့် ဖွဲ့စည်းပုံအခြေခံဥပဒေကို လေးစားရမည်၊ လိုက်နာရမည်မှာ နိုင်ငံသားတစ်ဦး၏ တာဝန်ဖြစ်ပါသည်။ အခြားမိတ်ဆွေတစ်ဦး၏ အိမ်သို့ သွားလည်လျှင်ပင် ထိုအိမ်၏ စည်းကမ်းများကို၊ ဓလေ့ထုံးစံများကို လိုက်နာရပါလျှင် ကိုယ့်နိုင်ငံ၏ တည်ဆဲဥပဒေတစ်ရပ်ကို မလိုက်နာနိုင်စရာ အကြောင်းမရှိပါချေ။ ထိုသို့ မဖြစ်မနေ လိုက်နာလေးစားရမည့် ဖွဲ့စည်းပုံအခြေခံဥပဒေကို နကန်းတစ်လုံးမျှ မသိနားမလည်ဟု ဆိုလျှင်တော့ ကိုယ်စီးနေတာ ဘာအကောင်မှန်းပင် မသိသကဲ့သို့ ဖြစ်နေပါလိမ့်မည်။ အထီးအမ ဆိုသည်က ဝေးလွန်းပါသေးသည်။
စာဖတ်သူမိတ်ဆွေများခင်ဗျား၊ ကျွန်တော်ကိုဉာဏ် ပြောလိုသည်မှာ ကျွန်တော်တို့ ပတ်ဝန်းကျင်တွင် ဖွဲ့စည်းပုံအခြေခံဥပဒေကို မသိသူတွေ၊ မဖတ်ဖူးသူတွေ၊ စိတ်မ၀င်စားသူတွေ များပြားနေပါသေးသည်။ ဖွဲ့စည်းပုံအခြေခံဥပဒေကိုမျှ မဖတ်ဖူးသည့် လူတစ်ယောက်က နိုင်ငံတိုးတက်ရာ တိုးတက်ကြောင်းကို မည်သို့မည်ပုံ စဉ်းစားတွေးခေါ်ကာ ဆောင်ရွက်မည်နည်းဆိုသည်ကို စဉ်းစားစရာ ဖြစ်ပါသည်။ ဖွဲ့စည်းပုံမသိလို့ နိုင်ငံအကျိုး မသယ်ပိုးနိုင်ဘူးဟု ဆိုလိုနေခြင်း မဟုတ်ပါ။ သို့သော် မသိလျှင်တော့ နိုင်ငံသားတစ်ဦးအနေဖြင့် ရှက်စရာ ဖြစ်ပါသည်။ ထို့ပြင် သူများယောင်တိုင်း လိုက်ယောင်ရပါလိမ့်မည်။ သူများပြောသမျှ နားထောင်ရပါလိမ့်မည်။ မိမိတို့နိုင်ငံ၏ အနာဂတ်၊ နိုင်ငံသားများ၏ အနာဂတ်တွေ ဒီဖွဲ့စည်းပုံအခြေခံဥပဒေကြီးထဲမှာ ရှိနေသည်ဆိုသည်ကို လူတိုင်းလူတိုင်း နားလည်သဘောပေါက်ကြမှ ဖြစ်ပါလိမ့်မည်။
အသက်ရှင် ရပ်တည်မှုအတွက် အစားအစာကို စားကြရပါသည်။ ရေကို သောက်ကြရပါသည်။ ထို့အတူ နိုင်ငံသားတစ်ဦး ပီသစေရန်အတွက် ဖွဲ့စည်းပုံအခြေခံဥပဒေကို ဖတ်ကြရပါမည်။ သို့မှသာ မိမိတို့ကို အုပ်ချုပ်နေသူများ၏ လုပ်ကိုင်ဆောင်ရွက်မှုများသည် အခြေခံဥပဒေနှင့် ညီမညီ သုံးသပ်နိုင်ကြပါလိမ့်မည်၊ ဆုံးဖြတ်နိုင်ကြပါလိမ့်မည်။ လွဲချော်နေလျှင် ထောက်ပြပေးနိုင်ပါလိမ့်မည်၊ တည့်မတ်ပေးနိုင်ပါလိမ့်မည်။ ထိုသို့ မဟုတ်ပါမူ သူများပြောသမျှကို ခေါင်းညိတ်ရုံသာ လိုက်ညိတ်နေရပါလိမ့်မည်။ လတ်တလော ဖြစ်ပွားနေသည့် ခုံရုံးပြဿနာနှင့် ပတ်သက်၍ အွန်လိုင်းပေါ်ရေးသားထားသည့် ကွန်းမန့်များတွင် ထိုအချက်ကို မျက်ဝါးထင်ထင် တွေ့မြင်နိုင်ပါလိမ့်မည်။ ဖွဲ့စည်းပုံအခြေခံဥပဒေကို မြင်ပင်မမြင်ဖူးပါဘဲ မိမိတို့ စိတ်ထဲထင်ရာ ရေးသားထားသည်များကို မြင်တွေ့ဖတ်ရှုရတိုင်း ရင်လေးမိပါသည်။
မြန်မာတို့၏ ဖွဲ့စည်းပုံအခြေခံဥပဒေကို မြန်မာတွေမှ မဖတ်ပါလျှင် ဘယ်သူတွေ ဖတ်မည်နည်း။ မြန်မာတို့၏ ဖွဲ့စည်းပုံအခြေခံဥပဒေကို မြန်မာတွေမှ မလေးစားလျှင် ဘယ်သူတွေ လေးစားမည်နည်း။ မြန်မာတို့၏ ဖွဲ့စည်းပုံအခြေခံဥပဒေကို မြန်မာတွေမှ မလိုက်နာလျှင် ဘယ်သူတွေ လိုက်နာမည်နည်း။ မြန်မာတို့၏ ဖွဲ့စည်းပုံအခြေခံဥပဒေကို မြန်မာတွေမှ မထိန်းသိမ်းလျှင် ဘယ်သူတွေ ထိန်းသိမ်းမည်နည်း။ မြန်မာတို့၏ ဖွဲ့စည်းပုံအခြေခံဥပဒေကို မြန်မာတွေမှ မကာကွယ်လျှင် ဘယ်သူတွေ ကာကွယ်မည်နည်း။ မြန်မာတို့၏ ဖွဲ့စည်းပုံအခြေခံဥပဒေကို မြန်မာတွေမှ တိုးတက်အောင် မလုပ်လျှင် ဘယ်သူတွေ လုပ်မည်နည်း။ အို...... မိတ်ဆွေ၊ ဖွဲ့စည်းပုံအခြေခံဥပဒေကို မနှေးအမြန် မဖြစ်မနေ ဖတ်ရှုပါလော့ဟု တိုက်တွန်းနှိုးဆော်လိုက်ပါသည်။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ စက်တင်ဘာလ ၁ ရက်၊ စနေနေ့။
နံနက် ၀၁ နာရီ ၁၆ မိနစ်တွင်ပြီး၏။
စာကြွင်း။ ဖွဲ့စည်းပုံအခြေခံဥပဒေနှင့် ပတ်သက်၍ ကျွန်တော်ကိုဉာဏ် လေ့လာထားသမျှကို စာဖတ်သူများအတွက် တင်ပြပေးသွားနိုင်ရန် ကြိုးစားနေပါသည်။ မပြည့်စုံသေးသည့်အတွက် လေ့လာနေဆဲ ဖြစ်သော်လည်း အခြေအနေအရ အမြန်ဆုံးတင်ပြသင့်သည်ဟု ယူဆသည့်အတွက် တင်ပြသွားပါမည်။ ကြိုတင်ကြော်ငြာခြင်းဟု မမှတ်ယူဘဲ ကြိုတင်အသိပေးခြင်းဟုသာ မှတ်ယူကြစေလိုပါသည်။
Thursday, August 30, 2012
ခုံရုံးကိစ္စသည် ပြည်သူ့အသံ၊ ပြည်သူ့ဆန္ဒ၊ ပြည်သူ့မျှော်လင့်ချက် မဟုတ်ပါ
ပြဿနာ၏ ပစ္စုပ္ပန်အခြေအနေ
လွှတ်တော်နှစ်ရပ် မတူညီသည့် ဥပမာအချို့
သမိုင်းမှာ ဥပမာတွေ များစွာရှိတယ်
ပြည်သူတွေ စိတ်ဝမ်းကွဲရပြီ
ဒီမိုကရေစီ အနိုင်ကျင့်မှု
ဖွဲ့စည်းပုံအခြေခံဥပဒေဆိုတာ
နိုင်ငံတော် ဖွဲ့စည်းပုံအခြေခံဥပဒေဆိုင်ရာ ခုံရုံး
ခုံရုံးပြုတ်သွားရင် ဘာဖြစ်မလဲ
ခုံရုံးဆုံးဖြတ်ခဲ့သမျှ
သမ္မတကြီးက ဖွဲ့စည်းပုံအခြေခံဥပဒေနဲ့ ခုံရုံးကို လေးစားတယ်
ပြည်ထောင်စုအဆင့် ဘာကြောင့်ဖြစ်ချင်တာလဲ
သမ္မတကြီးကို သူရဦးရွှေမန်း ဘာပြောခဲ့ဖူးသလဲ
ဒါတွေကို ဘယ်သူလုပ်မှာလဲ
အလုပ်မဟုတ်တာကို အလုပ် မလုပ်ကြပါနဲ့
လွန်တာရှိက ၀န္ဒာမိပါ....။
အားလုံးသိပြီးဖြစ်တဲ့အတိုင်း ဖွဲ့စည်းပုံအခြေခံဥပဒေဆိုင်ရာ ခုံရုံး ဥက္ကဋ္ဌနဲ့ အဖွဲ့ဝင်တွေကို လွှတ်တော်တွေက စွပ်စွဲပြစ်တင်မှုတွေ ပြုလုပ်ကြတာ ဖြစ်ပါတယ်။ အငြင်းပွားတုန်းကတော့ ပြည်သူ့လွှတ်တော်နဲ့ အချေအတင် ဖြစ်ကြတာပါ။ ဒါပေမယ့်လို့ တကယ့်တကယ် ခုံရုံးကို စွပ်စွဲပြစ်တင်ဖို့ အဆိုတင်တော့ အမျိုးသားလွှတ်တော်က လုပ်လိုက်ပါတယ်။ ဒါကလည်း အကြောင်းရှိပါတယ်။ ပြည်သူ့လွှတ်တော်က စွပ်စွဲပြစ်တင်ကြောင်း အဆိုတင်သွင်းလိုက်ရင် စုံစမ်းစစ်ဆေးရေးအဖွဲ့ကို အမျိုးသားလွှတ်တော်က ဖွဲ့ရမှာကိုး။ သူရဦးရွှေမန်း ဦးဆောင်တဲ့ ပြည်သူ့လွှတ်တော်အဖွဲ့က အဲဒီလိုမျိုးဖြစ်မှာကို မလိုလားပါဘူး။ ရှင်းရှင်းပြောရရင်တော့ အမျိုးသားလွှတ်တော်ကို မယုံကြည်ပါဘူး။ ပြည်သူ့လွှတ်တော်မှာ စွပ်စွဲပြစ်တင်ကြောင်း အဆိုတင်သွင်းပြီး အမျိုးသားလွှတ်တော်မှာ စုံစမ်းစစ်ဆေးခိုင်းလိုက်ကာမှ အပြစ်မရှိပါဘူးဆိုတဲ့ ရလဒ်ထွက်လာမှာကို ပြည်သူ့လွှတ်တော်အဖွဲ့တွေ သိပ်ကြောက်ပါတယ်။ ဘာကြောင့်ဖြစ်ရတာလဲဆိုတဲ့ အကြောင်းပြချက်တွေ မနည်းမနော ရှိပါတယ်။ နမူနာတချို့ ထုတ်ပြပါ့မယ်။
လွှတ်တော်နှစ်ရပ် မတူညီသည့် ဥပမာအချို့
ခုံရုံးကို စွပ်စွဲပြစ်တင်ဖို့အတွက် သည်းသည်းလှုပ် ဖြစ်နေကြသူတွေ၊ ဒေါသတကြီး ဖြစ်နေကြသူတွေ၊ တဆတ်ဆတ်တုန်ပြီး မကျေနိုင်မချမ်းနိုင် ဖြစ်နေကြသူတွေကိုကြည့်ရင် ပြည်သူ့လွှတ်တော် ကိုယ်စားလှယ်တွေ အများစုဖြစ်တာကို တွေ့ရပါလိမ့်မယ်။ အမျိုးသားလွှတ်တော် ကိုယ်စားလှယ်ထဲက အဲဒီကိစ္စအပေါ် အရူးအမူးဖြစ်တာဆိုလို့ အမြဲတမ်း အတိုက်အခံ လုပ်ချင်နေတဲ့ ဒေါက်တာအေးမောင် တစ်ယောက်ပဲ ရှိပါတယ်။ နောက်တစ်ချက်ကတော့ လွှတ်တော်နှစ်ရပ်ကြားက ကတ္တီပါရန်ညှိုးတွေ ဖြစ်ပါတယ်။ အားလုံးသိပြီးဖြစ်တဲ့အတိုင်း ပြည်သူ့လွှတ်တော်နဲ့ အမျိုးသားလွှတ်တော်တို့ဟာ သိပ်ပြီးတော့ အစေးကပ်လှတာ မဟုတ်ပါဘူး။ ဖွဲ့စည်းပုံအခြေခံဥပဒေမှာ ပြည်သူ့လွှတ်တော်နဲ့ အမျိုးသားလွှတ်တော်တို့သည် အဆင့်အတန်းချင်း တူညီကြသည်လို့ အတိအလင်း ပြဋ္ဌာန်းထားပါတယ်။ သို့သော်လည်း တကယ့်လက်တွေ့တွင်တော့ ထိုသို့မဟုတ်ပါချေ။ လွှတ်တော်နှစ်ရပ်၏ အင်အားချိန်ခွင်လျှာသည် ညီမျှမှုမရှိပါချေ။ ၄၄၀ ဦးသော ကိုယ်စားလှယ်များဖြင့် ဖွဲ့စည်းထားသည့် ပြည်သူ့လွှတ်တော်သည် ၂၂၄ ဦးဖြင့် ဖွဲ့စည်းထားသည့် အမျိုးသားလွှတ်တော်အပေါ် ဒီမိုကရေစီနည်းကျ ဗိုလ်ကျအနိုင်ယူခဲ့ကြောင်း ပညာရှင်အများ သိရှိကြပြီး ဖြစ်ပါသည်။ ဥပဒေကြမ်းများ ဆွေးနွေးပြင်ဆင် ဖြည့်စွက်ကြရာတွင် လွှတ်တော်နှစ်ရပ် သဘောကွဲလွဲခဲ့သည့် အချိန်တိုင်း ပြည်သူ့လွှတ်တော်က ဒီမိုကရေစီနည်းကျ အနိုင်ယူခဲ့သည်ကို နိုင်ငံရေးလေ့လာသူတိုင်း သိရှိကြပြီး ဖြစ်ပါသည်။ ထို့ပြင် လွှတ်တော်နှစ်ရပ်တွင် အမျိုးသားလွှတ်တော်သည် ပို၍ တည်ငြိမ်ရင့်ကျက်သည်ကို တွေ့ရပါသည်။ သို့သော် ယခင်အစိုးရလက်ထက်မှ အကြီးအကဲအများစုက ပြည်သူ့လွှတ်တော်တွင် ရောက်ရှိနေသည့်အတွက် ၎င်းတို့အနေဖြင့် အမျိုးသားလွှတ်တော်ကို မတူမတန်သလို သဘောထားခြင်း၊ အဖြည့်ခံသက်သက်သာ သဘောထားခြင်းများကို လွှတ်တော်မှတ်တမ်းများရှိ သူတို့၏ ဆွေးနွေးပြောဆိုမှုများက သက်သေခံပြီး ဖြစ်ပါသည်။ ထို့ကြောင့် အကယ်၍များ ယခုခုံရုံးကိစ္စကို အမျိုးသားလွှတ်တော်ကများ စုံစမ်းစစ်ဆေးခဲ့လျှင် စွပ်စွဲပြစ်တင်မှုသည် မှန်ကန်မှုမရှိကြောင်း ဆုံးဖြတ်ခဲ့ပါက ပြည်သူ့လွှတ်တော်အဖို့ ဘယ်လိုမှ ကျေနပ်နိုင်လိမ့်မည် မဟုတ်ချေ။ ယခုတော့ သူတို့စိတ်ကြိုက် အခွင့်အရေးကို သူတို့ကိုယ်တိုင် ဖန်တီးနိုင်ခွင့် ရှိသွားခဲ့ပြီ ဖြစ်ပါသည်။
သမိုင်းမှာ ဥပမာတွေ များစွာရှိတယ်
ကျွန်တော်တို့ မြန်မာ့နိုင်ငံရေးသမိုင်းကို လေ့လာကြည့်လျှင် တစ်ဝက်လောက်က အကွဲအပြဲ ဇာတ်လမ်းများသာ ဖြစ်ကြသည်ကို စာဖတ်သူများ သိရှိကြပြီး ဖြစ်ပါလိမ့်မည်။ စင်ကာပူက ကျောင်းတစ်ခု၏ မြန်မာကျောင်းသားများ သင်္ကြန်အငြိမ့်တစ်ခုမှ သံချပ်တစ်ခုကို ပြန်သတိရမိပါသည်။ သုံးယောက်ရှိရင် လေးဖွဲ့ကွဲတာ တို့မြန်မာ ပါတဲ့။ ဟုတ်ကဲ့၊ ကျွန်တော်တို့လူမျိုးသည် အဖွဲ့အစည်းနှင့် နေလို့မရသည့် လူမျိုးများ ဖြစ်နေချေပြီလားဟု စိတ်ပူမိပါသည်၊ စိုးရိမ်မိပါသည်။ ဘာအသင်းဖွဲ့ဖွဲ့ ကွဲကြ၊ ပြဲကြတာ အစဉ်အလာတစ်ခုကဲ့သို့ပင် ဖြစ်နေလေပြီလားဟုလည်း သံသယဖြစ်နေမိပါသည်။ ဒီမိုကရေစီခေတ်ကို ကူးပြောင်းတာ ၂ နှစ်ပင် မပြည့်သေးပါ။ အကွဲအပြဲ ဇာတ်လမ်းတွေက မနည်းမနော ကြားခဲ့ကြရပြီး ဖြစ်ပါသည်။ လွှတ်တော်နှစ်ရပ် သဘောကွဲလွဲသည်။ အစိုးရအဖွဲ့နှင့် သဘောကွဲလွဲသည်။ သမ္မတကြီးနှင့် သဘောကွဲလွဲသည်။ ဟော... အခုတစ်ခါ ဖွဲ့စည်းပုံအခြေခံဥပဒေဆိုင်ရာ ခုံရုံးနှင့် ကွဲကြပြဲကြ ပြန်လေပြီ။ ယခင် အစိုးရလက်ထက်ကတည်းက အတူလက်တွဲ၍ အလုပ်လုပ်ခဲ့ကြသူများ ဖြစ်ကြပါသည်။ တစ်နည်းပြောရလျှင် ယနေ့လို အချိန်အခါကို ရောက်ရှိဖို့အတွက် အတူတူ လျှောက်လှမ်းခဲ့ကြသူများ ဖြစ်ကြပါသည်။ ညှိညှိနှိုင်းနှိုင်း၊ တိုင်တိုင်ပင်ပင်၊ ဆွေးဆွေးနွေးနွေး၊ အေးအေးဆေးဆေး၊ သပ်သပ်ရပ်ရပ် လုပ်ခဲ့လျှင်ဖြင့် ယခုကဲ့သို့ ဖြစ်လာနိုင်စရာပင် မရှိပါ။ အခုတော့ အပြန်အလှန် ထိန်းကျောင်းမှုကို အကြောင်းပြု၍ တွေ့သမျှလူကို ရန်လိုက်လုပ်နေသည်နှင့် တူနေတော့သည်။ ကျွန်တော်တို့၏ ခေတ်သစ် ဒီမိုကရေစီသမိုင်းကို ယခင်သမိုင်းများကဲ့သို့ အကွဲအပြဲမှတ်တမ်း မရေးထိုးလိုပါ။ စဉ်းစားဆင်ခြင်၍ ဆောင်ရွက်ကြစေလိုပါသည်။
ပြည်သူတွေ စိတ်ဝမ်းကွဲရပြီ
လွှတ်တော်တွေ၊ အစိုးရတွေ၊ တရားစီရင်ရေးတွေ ကွဲကြပြဲကြ၊ ငြိကြထိကြ၊ ဆော်ကြနှက်ကြ၊ အော်ကြဟစ်ကြ ဖြစ်ကြတာက အကြောင်းမဟုတ်။ ကြားထဲက ပြည်သူတွေကပါ စိတ်ဝမ်းကွဲမှုတွေ ဖြစ်လာရသည်ကတော့ ကောင်းသည့်လက္ခဏာမဟုတ်ချေ။ မြစ်ဆုံအရေးတွင် သမ္မတကြီး၏ မှန်ကန်သည့် ဆုံးဖြတ်ချက်နှင့်အတူ သွေးစည်းညီညွတ်ခဲ့ကြသည့် မြန်မာပြည်သူလူထု၊ ရခိုင်အရေးတွင် သမ္မတကြီး၏ သတ္တိရှိရှိ၊ ပြောင်ပြောင်မြောက်မြောက် ပြောကြားခဲ့သည့် စကားသံနှင့်အတူ စည်းလုံးခဲ့ကြသော မြန်မာပြည်သူလူထု၊ အခုတော့ ခုံရုံးကိစ္စကြောင့် စိတ်ဝမ်းတွေ ကွဲစပြုကြရလေပြီ။ ပြဿနာဖြစ်ကြသူတွေရဲ့ နောက်ကွယ်က ဖြစ်ရပ်များက မည်သို့ရှိသည် မသိရ။ သို့သော် ပြည်သူတွေကတော့ ကိုယ့်အတွေး၊ ကိုယ့်အမြင်နှင့်ကိုယ် သူလည်းသူ့အတွေး၊ ကိုယ်လည်းကိုယ့်အတွေးဖြင့် ငြင်းခုန်ကြရ၊ ရန်ဖြစ်ကြရ၊ စကားများရ၊ စိတ်ဝမ်းကွဲရ ဖြစ်ကုန်ရပါသည်။ ငါကခုံရုံး၊ ငါကလွှတ်တော် စသည်ဖြင့် ငြင်းခုန်ရန်ဖြစ်ကြရသည်မှာ သန့်ရှင်းတည်မြဲကိုပင် ပြေးမြင်မိပါသေးတော့သည်။
ဒီမိုကရေစီ အနိုင်ကျင့်မှု
ကျွန်တော်မကြာခဏ ရေးသားတင်ပြခဲ့သလို လွှတ်တော်များသည် ဖွဲ့စည်းပုံအခြေခံဥပဒေက ပေးအပ်ထားသည့် အခွင့်ထူးများကို ခံစားရရှိနေပါလျက် အဘယ်ကြောင့် ရန်တစစ၊ မာန်တ၀င့်ဝင့် ဖြစ်နေရသည်ကို ကျွန်တော်နားမလည်နိုင်ပါ။ အခြားသော မဏ္ဍိုင်နှစ်ရပ်နှင့် နှိုင်းစာလျှင် ဥပဒေပြုရေးမဏ္ဍိုင်သည် အခွင့်ထူးခံ ဖြစ်ပါသည်။ အခြားသော မဏ္ဍိုင်များနှင့် မတူညီသည့် အခွင့်အရေးများကို ဖွဲ့စည်းပုံအခြေခံဥပဒေက လွှတ်တော်များအား အပ်နှင်းထားပါသည်။ ထိုအချက်ကို လွှတ်တော်များကလည်း သိရှိကြပါသည်။ သိသောကြောင့်လည်း ယခုကဲ့သို့ မောက်မောက်မာမာ ဖြစ်နေကြတာ ဖြစ်လိမ့်မည်ဟု သုံးသပ်မိပါသည်။ ဦးချိုရှိသည့် သတ္တ၀ါသည် ဦးချိုကို အားကိုးသကဲ့သို့ လွှတ်တော်များကလည်း သူတို့မှာရှိသည့် အဆိပ်ကို သူတို့အားကိုးကြချေပြီ။ တစ်နည်းဆိုရလျှင် ဒီမိုကရေစီနည်းကျ အနိုင်ကျင့်မှုကို ကျူးလွန်ဖို့ အသင့်ဖြစ်ကြချေပြီဟု ကျွန်တော်ကိုဉာဏ် သုံးသပ်လိုပါသည်။
ဖွဲ့စည်းပုံအခြေခံဥပဒေဆိုတာ
ဥပဒေရှုထောင့်၊ ပညာရှင်ရှုထောင့်မှ မည်သို့ပင် ငြင်းခုန်နေကြသည်ဖြစ်စေ ကျွန်တော်မပြောလိုပါ။ ကျွန်တော်ပြောလိုသည်က ဖွဲ့စည်းပုံအခြေခံဥပဒေသည် မြန်မာနိုင်ငံရှိ ဥပဒေအားလုံး၏ မူလရင်းမြစ် ဖြစ်ပါသည်။ မည်သည့် ဥပဒေကမျှ ဖွဲ့စည်းပုံအခြေခံဥပဒေကို ကျော်လွန်ခြင်း၊ လွှမ်းမိုးခြင်း မပြုရပါ။ ဥပဒေတစ်ခုခု၏ ပြဋ္ဌာန်းချက်တစ်ခုခုသည် ဖွဲ့စည်းပုံအခြေခံဥပဒေပါ ပြဋ္ဌာန်းချက်များနှင့် ကွဲလွဲလျှင် ဖွဲ့စည်းပုံအခြေခံဥပဒေပါ ပြဋ္ဌာန်းချက်အတိုင်း လိုက်နာရမည်ကို ကိုယ်စားလှယ်များ အားလုံးအသိ ဖြစ်ပါသည်။ ထိုသို့သိပါလျက် ဘယ်ဥပဒေကြောင့်၊ ညာဥပဒေကြောင့်ဟု မျက်စိစုံမှိတ်ကာ အော်နေလျှင်တော့ တစ်ခုခု လွဲမှားနေပြီဟု ဆိုချင်ပါသည်။
နိုင်ငံတော် ဖွဲ့စည်းပုံအခြေခံဥပဒေဆိုင်ရာ ခုံရုံး
ဖွဲ့စည်းပုံအခြေခံဥပဒေဆိုင်ရာခုံရုံးသည် ဖွဲ့စည်းပုံအခြေခံဥပဒေနှင့် ညီညွတ်ခြင်း ရှိ၊ မရှိကိုသာ ဆုံးဖြတ်မည် ဖြစ်ပါသည်။ အခြားဥပဒေများကို သူတို့ ဂရုစိုက်လိမ့်မည် မဟုတ်ပါ။ ခုံရုံး၏ အမည်ကပင် ရှင်းလင်းပြီး ဖြစ်ပါသည်။ ဆိုပါစို့၊ ဥပဒေတစ်ခုတွင် အကြောင်းအရာတစ်ခုကို A ဟု ပြဋ္ဌာန်းလိုက်သည်၊ ဖွဲ့စည်းပုံအခြေခံဥပဒေတွင်လည်း ထိုအကြောင်းအရာသည် A ဖြစ်ရမည်ဟု အဓိပ္ပါယ်ထွက်လျှင် ထိုအရာသည် ပြဿနာမဟုတ်ပါ။ သို့သော် ဖွဲ့စည်းပုံအခြေခံဥပဒေတွင် B ဟု အဓိပ္ပါယ်ထွက်နေလျှင်တော့ ထိုအချက်သည် ပြဿနာဖြစ်ပါသည်။ ဥပဒေများသည် ဖွဲ့စည်းပုံအခြေခံဥပဒေမှ သွေဖည်ခြင်းငှာ၊ ကျော်လွန်ခြင်းငှာ မဖြစ်နိုင်ပါ။ ယခုကိစ္စက ထိုသို့ ရှင်းရှင်းလင်းလင်း မဟုတ်ပါ။ လွှတ်တော်များက A ဟု ပြဋ္ဌာန်းလိုက်သည်။ ဖွဲ့စည်းပုံအခြေခံဥပဒေတွင် ထိုသို့ပြဋ္ဌာန်းရမည်ဟု ဖော်ပြထားခြင်းမရှိ။ ထို့အတွက် ခုံရုံးက ဖွဲ့စည်းပုံအခြေခံဥပဒေတွင် ထိုသို့ မပြဋ္ဌာန်းထားသည့်အတွက် A ဟု ပြဋ္ဌာန်းခြင်းသည် အခြေခံဥပဒေနှင့် မညီညွတ်ဟု ဆုံးဖြတ်လိုက်သည်။ ဒါကို လွှတ်တော်တွေက မကျေနပ်ချေ။ သမ္မတကြီးဆီ အကူအညီတောင်းတော့ သမ္မတကြီး၏ အဖြေကလည်း ရှင်းပါသည်။ ဖွဲ့စည်းပုံအခြေခံဥပဒေတွင် A ဟု ပြဋ္ဌာန်းထားခြင်းတော့မရှိ၊ သို့သော် အခြေခံဥပဒေတွင် ခုံရုံး၏ ဆုံးဖြတ်ချက်သည် အပြီးအပြတ် ဖြစ်သည်ဟု ရေးသားထားသဖြင့် လိုက်နာကြရမည်၊ အကယ်၍ လွှတ်တော်များက ဖြစ်စေချင်သည့်အတိုင်း A ဟု ပြဋ္ဌာန်းလိုပါက ဖွဲ့စည်းပုံအခြေခံဥပဒေကို ပြင်လိုက်ပါ။ ထိုသို့ ပြင်ဆင်ခွင့်ကလည်း လွှတ်တော်များတွင်သာ ရှိနေသည် မဟုတ်ပါလား။ ထိုကဲ့သို့သာ ဖွဲ့စည်းပုံအခြေခံဥပဒေထဲတွင် ထိုအချက်သည် A ဖြစ်သည်ဟု ပြဋ္ဌာန်းလိုက်လျှင် ခုံရုံးကလည်း ထိုအချက်သည် ဖွဲ့စည်းပုံအခြေခံဥပဒေနှင့် ကိုက်ညီသည်ဟု ဆုံးဖြတ်မည်မှာ အသေအချာ ဖြစ်ပါသည်။ လွယ်လွယ်လေးကို ရှုပ်အောင်လုပ်နေကြခြင်းသာ ဖြစ်ပါသည်။
ခုံရုံးပြုတ်သွားရင် ဘာဖြစ်မလဲ
ထိုမေးခွန်းကို လွှတ်တော်ကိုယ်စားလှယ်များကိုသာ မေးမြန်းလိုပါသည်။ သူတို့ ယခုလုပ်နေသည့် စွပ်စွဲပြစ်တင်မှု အောင်မြင်သွား၍ ခုံရုံးဥက္ကဋ္ဌနှင့် အဖွဲ့ဝင်များ ရာထူးမှ ရပ်စဲသွားကြပါလျှင် လွှတ်တော်တွေအတွက် ဘာအမြတ်ထွက်မည်လဲ။ ဂုဏ်သိက္ခာ ပြန်ဆည်နိုင်သည်ဟု ပြောကြဦးမည်လား။ ထိုသို့မဟုတ် ငါတို့လွှတ်တော်တွေကို လာမစမ်းနဲ့၊ ဒီလိုမျိုး ဖြစ်သွားမယ်ဟု အခြားသူများကို အမောက်ထောင်ပြချင်တာလား၊ ကျွန်တော် မဝေခွဲတတ်ပါ။ ယခု ဖြစ်နေသည့် အဓိကပြဿနာမှာ လွှတ်တော်အသီးသီးက ဖွဲ့စည်းသည့် ကော်မတီ၊ ကော်မရှင်များသည် ပြည်ထောင်စုအဆင့် ဟုတ်၊ မဟုတ် ဆိုသည့်အချက် ဖြစ်ပါသည်။ လွှတ်တော်တွေက ပြည်ထောင်စုအဆင့် ဖြစ်ချင်သည်။ ဒါပဲဖြစ်သည်။ ခုံရုံးတစ်ခုလုံး ရာထူးမှ ရပ်စဲသွားလျှင် လွှတ်တော်များက ဖွဲ့စည်းသည့် ကော်မတီများ၊ ကော်မရှင်များ ပြည်ထောင်စုအဆင့် ဖြစ်သွားမည်လားဟု ကျွန်တော်မေးချင်ပါသည်။ မဖြစ်ပါ၊ မဖြစ်ရေးချ မဖြစ်ပါခင်ဗျား။ ဖွဲ့စည်းပုံအခြေခံဥပဒေကို မပြင်ဆင်သရွေ့ ထိုဆုံးဖြတ်ချက်သည် အတည်ဖြစ်နေမည် ဖြစ်ပါသည်ခင်ဗျား။ ထိုအခါကျမှ အဲဒါဆိုလည်း ဖွဲ့စည်းပုံကို ပြင်ကြတာပေါ့ဟု မလုပ်ကြပါနှင့် လွှတ်တော်များခင်ဗျား။ အစကတည်းက အဲဒီလို မလုပ်ဘဲ လမ်းချော်ပြီး သူများတွေပြုတ်အောင် အရင်လုပ်ခဲ့ပြီးမှ ဒီလို လုပ်ရင်တော့ ငါတို့လိုချင်တာရတယ်ဟု မျက်နှာပြောင် မတိုက်ကြပါနဲ့ဟု ကြိုတင် တောင်းပန်လိုပါသည်။ ခုံရုံးပြုတ်သည်၊ မပြုတ်သည်က မသေချာသေး၊ အခုလောလောဆယ် သေချာသည်ကတော့ နှစ်ဖက်လုံးအတွက် ရှုံး-ရှုံး (lose-lose) ဖြစ်နေပါသည်။
ခုံရုံးဆုံးဖြတ်ခဲ့သမျှ
ဖွဲ့စည်းပုံအခြေခံဥပဒေဆိုင်ရာ ခုံရုံးကို အဓိပ္ပါယ်ဖွင့်ဆိုပေးဖို့ တောင်းဆိုတာ ဒါက ပထမဆုံးအကြိမ် မဟုတ်ပါဘူး။ ရှေ့မှာလည်း တင်သွင်းလွှာတွေ ရှိခဲ့ပါတယ်။ အခုဖြစ်နေတာနဲ့ အနီးစပ်ဆုံး ပြဆိုလို့ရအောင် နီးစပ်တဲ့ဥပမာကိုပဲ ထုတ်နုတ်ပြပါ့မယ်။ တိုင်းရင်းသားလူမျိုးရေးရာ ၀န်ကြီးတွေဟာ သက်ဆိုင်ရာ တိုင်းဒေသကြီး သို့မဟုတ် ပြည်နယ်ဝန်ကြီးများနဲ့ အဆင့်တူညီခြင်း ရှိ၊ မရှိ ဒေါက်တာအေးမောင် ပါ ၂၃ ဦး ရဲ့ တင်သွင်းလွှာကို ကြည့်ကြရအောင်ပါ။ ဖွဲ့စည်းပုံအခြေခံဥပဒေဆိုင်ရာ ခုံရုံးက တိုင်းရင်းသားလူမျိုးရေးရာ ၀န်ကြီးတွေဟာ ဖွဲ့စည်းပုံအခြေခံဥပဒေအရ တိုင်းဒေသကြီး သို့မဟုတ် ပြည်နယ်ဝန်ကြီးတွေပဲ ဖြစ်တဲ့အကြောင်း၊ တိုင်းဒေသကြီး သို့မဟုတ် ပြည်နယ်အဆင့် ပုဂ္ဂိုလ်များ၏ ချီးမြှင့်ငွေ၊ စရိတ်နှင့် အဆောင်အယောင်များဆိုင်ရာ ဥပဒေတွင် ခွဲခြားပြဋ္ဌာန်းထားခြင်းသည် ဖွဲ့စည်းပုံအခြေခံဥပဒေနှင့် ညီညွတ်မှု မရှိကြောင်း ဆုံးဖြတ်ခဲ့ပါတယ်။ ဒါဟာ သမိုင်းဝင် ဆုံးဖြတ်ချက်တစ်ခုလည်း ဖြစ်ခဲ့ပါတယ်။
သမ္မတကြီးက ဖွဲ့စည်းပုံအခြေခံဥပဒေနဲ့ ခုံရုံးကို လေးစားတယ်
အမှန်အတိုင်း သုံးသပ်ရရင် အဲဒီဆုံးဖြတ်ချက်ကို သမ္မတကြီးခေါင်းဆောင်တဲ့ အုပ်ချုပ်ရေးပိုင်းက ကျေနပ်မှု မရှိပါဘူး။ ဘာကြောင့်လဲဆိုတော့ တိုင်းဒေသကြီး သို့မဟုတ် ပြည်နယ်ဝန်ကြီးတွေနဲ့ တိုင်းရင်းသားလူမျိုး ၀န်ကြီးတွေမှာ မတူခြားနားမှုတွေ အများကြီး ရှိနေလို့ပါ။ စာဖတ်သူတွေလည်း သိရှိနားလည်ပြီး ဖြစ်ကြမယ် ထင်ပါတယ်။ အဲဒီအတွက် သမ္မတကြီးက အဲဒီဆုံးဖြတ်ချက်ကို ပြန်လည်သုံးသပ်ပေးဖို့ ဖွဲ့စည်းပုံအခြေခံဥပဒေဆိုင်ရာ ခုံရုံးကို တင်သွင်းလွှာ တင်ခဲ့ပါတယ်။ ဒါပေမယ့် ခုံရုံးက ဖွဲ့စည်းပုံအခြေခံဥပဒေမှာ တိုင်းရင်းသားလူမျိုးရေးရာ ၀န်ကြီးတွေဟာလည်း တိုင်းဒေသကြီး သို့မဟုတ် ပြည်နယ်ဝန်ကြီးတွေ ဖြစ်တယ်လို့ ပါရှိတဲ့အတွက် ဆုံးဖြတ်ချက်ဟာ အတည်ဖြစ်တဲ့အကြောင်းနဲ့ ဖွဲ့စည်းပုံအခြေခံဥပဒေအရ ခုံရုံးရဲ့ ဆုံးဖြတ်ချက်ဟာ အပြီးအပြတ် အတည်ဖြစ်တဲ့အတွက် သမ္မတရဲ့ တင်သွင်းမှုကို ပလပ်လိုက်ကြောင်း ဆုံးဖြတ်ခဲ့ပါတယ်။ ဒါကိုကြည့်ရင် ခုံရုံးရဲ့ သူတို့အလုပ်အပေါ်မှာ အလေးထားမှုနဲ့ သမ္မတကြီးရဲ့ ခုံရုံးနဲ့ ဖွဲ့စည်းပုံအခြေခံဥပဒေအပေါ် လေးစားမှုကို ကွက်ကွက်ကွင်းကွင်း မြင်နိုင်ပါတယ်။ အဲဒီတုန်းကသာ သမ္မတကြီးက ဒီဆုံးဖြတ်ချက်ဟာ ဘာဖြစ်တယ်၊ ညာဖြစ်တယ်ဆိုပြီး စွပ်စွဲပြစ်တင်တာတွေ ဘာတွေများ လုပ်ခဲ့ရင်တော့ အခုကိစ္စကို မပြောလိုပါဘူးဗျာ။ အဲဒီအချိန်တုန်းကတော့ ဒေါက်တာအေးမောင်တို့တစ်တွေ ပျော်တပြုံးပြုံးနဲ့ ဖြစ်နေခဲ့ကြပြီး အခုလို သူတို့တွေရဲ့ ကော်မတီတွေဟာ ပြည်ထောင်စုအဆင့် မဟုတ်ပါဘူးဆိုတော့မှ မျောက်မီးခဲကိုင် ဆိုသလို ဆွေ့ဆွေ့ခုန်နေတာကတော့ တယ်ပြီးတော့ သဘာဝကျလှတယ် မထင်မိပါဘူး။
ပြည်ထောင်စုအဆင့် ဘာကြောင့်ဖြစ်ချင်တာလဲ
လွှတ်တော်တွေက သူတို့ဟာ အဆောင်အယောင်တွေ၊ ချီးမြှင့်ငွေတွေကို မလိုချင်ပါဘူး၊ အပြန်အလှန် ထိန်းညှိဖို့အတွက်ပဲ ပြည်ထောင်စုအဆင့် ဖြစ်ချင်တာပါတဲ့။ အခြားသူတွေရဲ့ သဘောထားကို ကျွန်တော်မပြောလိုပါဘူး။ ကျွန်တော်ကတော့ မယုံရေးချမယုံပေါင်။ ပြတ်ပြတ်သားသား ပြောရရင်တော့ ကိုယ်စားလှယ် အများစုကို လုံးဝ (လုံးဝ)ကို အယုံအကြည် မရှိကြောင်းပါခင်ဗျား။ ဘာကြောင့်လဲဆိုတော့ ကျွန်တော့်မျက်စိရှေ့မှာတင် လွှတ်တော်ကိုယ်စားလှယ် ဆိုတဲ့လူတွေက ကားလက်မှတ်မရလို့ လက်မှတ်ရောင်းတဲ့လူကို ခြိမ်းခြောက်တာတို့၊ မြို့နယ်တွေမှာလုပ်တဲ့ အခမ်းအနားတွေမှာ သူတို့ကို မဖိတ်လို့၊ တချို့လည်း သူတို့ကို နေရာကောင်းမပေးလို့ ရန်လုပ်တာတို့၊ အထက်ကိုတိုင်တာတို့၊ ၀န်ကြီးဌာနတွေကနေ လျှောက်လွှာတင်လို့ ရသမျှကို ကိုယ်စားလှယ်ဆိုတဲ့ နာမည်ကို အသုံးပြုပြီး အခွင့်အရေးယူနေတာတို့၊ ရပ်ကွက်တွေ၊ မြို့နယ်တွေရဲ့ အုပ်ချုပ်ရေးတွေမှာ ၀င်ရောက်စွက်ဖက်တာတို့၊ ခြိမ်းခြောက်ပြောဆိုတာတို့ကို မမြင်ချင်အဆုံး မြင်တွေ့ကြားသိနေရတာမို့ပါ။ ကိုယ်စားလှယ်တွေ ဘယ်လောက်ခြေလှမ်းသွက်တယ်ဆိုတာ သိချင်သပဆိုရင်တော့ နေပြည်တော်မှာ ကိုယ့်မိတ်ဆွေတွေများ ရှိခဲ့ရင် စက်မှုဝန်ကြီးဌာနတို့၊ သစ်တောဝန်ကြီးဌာနတို့၊ စီးပွား/ကူးသန်းဝန်ကြီးဌာနတို့၊ ဆက်သွယ်ရေးဌာနတို့မှာရှိတဲ့ သူတွေကိုသာ မေးကြည့်ကြပါဗျာ။ ပြည်သူ့အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒဆိုပြီး အော်နေကြပေမယ့် အခွင့်အရေးဆိုရင်တော့ ပြည်သူတွေထက် ပိုယူချင်တာ မငြင်းနိုင်တဲ့အချက်ပါ။
သမ္မတကြီးကို သူရဦးရွှေမန်း ဘာပြောခဲ့ဖူးသလဲ
သမ္မတကြီးက လွှတ်တော်တွေက ဖွဲ့စည်းတဲ့ ကော်မတီတွေ၊ ကော်မရှင်တွေဟာ ပြည်ထောင်စုအဆင့်သာ ဖြစ်မယ်ဆိုရင် သူတို့ကို ပြည်ထောင်စုအဆင့် အဆောင်အယောင်တွေ၊ စရိတ်တွေ၊ ချီးမြှင့်မှုတွေ လုပ်ပေးရတော့မှာ ဖြစ်တဲ့အတွက် သိလိုခြင်းကြောင့် မေးမြန်းခြင်းလည်း ဖြစ်နိုင်ပါတယ်။ နိုင်ငံက ဆင်းရဲနေတဲ့အချိန်မှာ ပြည်ထောင်စုအဆင့် ပုဂ္ဂိုလ်တွေအတွက် ဘဏ္ဍာတွေ အများကြီးသုံးရမှာကို စိုးရိမ်တာလည်း ဖြစ်နိုင်ပါတယ်။ နောက်တစ်ချက်က ကော်မတီဝင်တွေ၊ ကော်မရှင်ဝင်တွေဟာ ပြည်ထောင်စုအဆင့်ဆိုရင် သူတို့ကို ပြည်ထောင်စုအဆင့်နဲ့ ထိုက်တန်တဲ့ ချီးမြှင့်မှုတွေ လုပ်ပေးချင်တာကြောင့်လည်း ဖြစ်နိုင်ပါတယ်။ ဘယ်လိုပဲဖြစ်ဖြစ် ပြည်ထောင်စုအဆင့် အဖွဲ့အစည်းဝင် ဆိုရင်တော့ သူနဲ့ထိုက်တန်တဲ့ လစာ၊ စရိတ်၊ အဆောင်အယောင်ကို စီစဉ်ပေးရမှာ အစိုးရရဲ့ တာဝန်ပါပဲ။ ဒီအချက်ကလည်း သမ္မတကြီးကို အပြစ်တင်ဖို့ မဟုတ်ပါဘူး။ အဲဒီဇာတ်လမ်းကို စခဲ့တာကလည်း လွှတ်တော်တွေကပါပဲ။ အခြားလူ မဟုတ်ပါဘူး။ ပြည်သူ့လွှတ်တော် ဥက္ကဋ္ဌကြီးကိုယ်တိုင် စခဲ့တဲ့ ဇာတ်လမ်းပါ။ ဘယ်လိုလဲဆိုတော့ တတိယပုံမှန်အစည်းအဝေးမှာ သူရဦးရွှေမန်းက အစိုးရအဖွဲ့ကို ထောက်ပြဝေဖန်ခဲ့တဲ့ စကားတွေ ရှိပါတယ်။ အဲဒါကတော့ သမ္မတကြီးခေါင်းဆောင်တဲ့ အစိုးရအဖွဲ့ဝင် ၀န်ကြီးတွေ၊ ပြည်ထောင်စုအဆင့် ပုဂ္ဂိုလ်တွေဟာ ဥပဒေပါ သတ်မှတ်လစာတွေကို မယူဘဲ ယခင်အစိုးရဟောင်း လက်ထက်က လစာနှုန်းထားများအတိုင်းသာ ခံစားနေကြတာဟာ ဥပဒေနဲ့ မညီညွတ်ကြောင်း ထောက်ပြဝေဖန်ခဲ့တာ ဖြစ်ပါတယ်။ (တစ်ဆက်တည်း ပင်စင်လစာတွေ တိုးပေးတာဟာ ဥပဒေနဲ့ မညီညွတ်တဲ့အကြောင်း၊ ၀န်ထမ်းတွေကို သုံးသောင်းကျပ် ထပ်ဆောင်းပေးတာဟာ ဥပဒေနဲ့ မညီညွတ်တဲ့အကြောင်း ပြောခဲ့တာကို စာဖတ်သူများ မှတ်မိကြမယ်လို့ ထင်ပါတယ်။) အဲဒီတော့ သမ္မတကြီးက နိုင်ငံ့အခြေအနေအရ အစိုးရအဖွဲ့ဟာ ဥပဒေပါ လစာနှုန်းထားအတိုင်း ခံစားခြင်းမပြုပါဘူး ဆိုတာကို ဦးရွှေမန်းက ဥပဒေနဲ့မညီဘူး၊ ကိုယ့်သဘောနဲ့ကိုယ် အဲဒီလို လစာတွေ မယူတာဟာ ဥပဒေကို ချိုးဖောက်တာဖြစ်တယ်လို့ ဝေဖန်ခဲ့တာကို စာဖတ်သူများ သိထားကြစေလိုပါတယ်။ အခုလည်း အဲဒီအတိုင်း ဖြစ်လာပါပြီ။ သူပြောသလိုသာဆိုရင် လွှတ်တော်တွေက ဖွဲ့စည်းတဲ့ ကော်မတီတွေ၊ ကော်မရှင်တွေဟာ ပြည်ထောင်စုအဆင့်ဖြစ်ပါလျက်နဲ့ အဆောင်အယောင်တွေ၊ လစာတွေ၊ စရိတ်တွေ မခံစားဘူး၊ အပြန်အလှန် ထိန်းညှိဖို့အတွက်သာ ဖြစ်ပါတယ်ဆိုရင် ပြည်သူ့လွှတ်တော် ဥက္ကဋ္ဌကြီး ပြောခဲ့တဲ့စကားတွေနဲ့ ရှေ့နောက် ကိုက်ညီပါရဲ့လားလို့ နှိုင်းဆဆင်ခြင် စဉ်းစားတွေးဆ ကြည့်စေချင်ပါတယ်။
ဒါတွေကို ဘယ်သူလုပ်မှာလဲ
- ကချင်ပြည်နယ်မှာ တိုက်ပွဲတွေဖြစ်ပွားနေတဲ့ကိစ္စ၊ ဒုက္ခသည်တွေကိစ္စ၊ ပညာရေး၊ ကျန်းမာရေးတွေ ချို့တဲ့နေတဲ့ကိစ္စ။
- အခုလတ်တလောမှာ ထိလွယ်ရှလွယ် အဖြစ်ဆုံး၊ အမှားမခံဆုံး အရေးကိစ္စဖြစ်တဲ့ ရခိုင်ပြည်နယ်အရေး။
- မြန်မာနိုင်ငံတစ်ဝန်းလုံးမှာ ရေကြီးမှုကြောင့် တောင်သူတွေ ဘ၀တွေပျက်ကုန်တဲ့ကိစ္စ။
- ရန်ကုန်မြို့ကြီးမှာ ရှိတဲ့လမ်းနဲ့ သွားနေတဲ့ကား မမျှတတဲ့ကိစ္စ။
- နိုင်ငံခြားက ရင်းနှီးမြှုပ်နှံမှုတွေ မ၀င်ရောက်မီ၊ ၂၀၁၅ ခုနှစ် အာဆီယံအခွန်ကင်းလွတ်ဇုန် မစတင်မီ ပြည်တွင်းတိုင်းရင်းသား လုပ်ငန်းရှင်တွေကို ကာကွယ်ပေးနိုင်မယ့် ဥပဒေတွေ ပြဋ္ဌာန်းဖို့ကိစ္စ။
- ခေတ်မမီတော့တဲ့ ရာပေါင်းများစွာသော ဥပဒေတွေကို ပြင်ဆင်၊ ဖြည့်စွက်၊ ပယ်ဖျက်၊ ရုပ်သိမ်းဖို့ ကိစ္စ။
- တကြော်ကြော် အော်နေကြတဲ့ မီဒီယာဥပဒေ အလျင်အမြန် ပေါ်ထွက်လာဖို့ကိစ္စ။
အလုပ်မဟုတ်တာကို အလုပ် မလုပ်ကြပါနဲ့
လွှတ်တော်ဥက္ကဋ္ဌများနဲ့ ကိုယ်စားလှယ်များခင်ဗျား၊ အပြန်အလှန် ထိန်းကျောင်းမှုတွေ အခုအချိန်မှာ မပြုလုပ်သေးရင်တောင် အခြားသော ဥပဒေပြုစရာ၊ ဆောင်ရွက်စရာ ကိစ္စရပ်တွေ များစွာ (များစွာ) ရှိနေပါတယ်။ အထူးသဖြင့် ရခိုင်ဒေသအရေးကို လူကြီးမင်းတို့ အရေးတယူပြုပြီး စဉ်းစားဆွေးနွေး ဆုံးဖြတ်ကြစေချင်ပါတယ်။ အခုတော့ လူကြီးမင်းတို့ လွှတ်တော်တွေက ရခိုင်အရေးကို မထိ၊ မတို့ဘဲ နှုတ်ဆိတ်နေလိုက်ပုံများ တကယ့်ကို ၀ါတော် ၆၀ ရ ဆရာတော်ကြီးတွေ လွှတ်တော်တက်နေတဲ့ အတိုင်းပါပဲ။ ရခိုင်အရေးဟာ အချိန်ကြာလာတာနဲ့အမျှ တအီအီနဲ့ မဖြစ်သင့်တာတွေ ဖြစ်လာနိုင်တဲ့ အနေအထား ဖြစ်ပါတယ်။ စောစောစီးစီး ပြတ်ပြတ်သားသား လုပ်ကိုင်ဆောင်ရွက်ထားမှ သင့်လျော်မယ်လို့ မြင်မိပါတယ်။ ကချင်အရေးကလည်း အတော်ကြီးကို ကြာညောင်းနေပါပြီ။ ကိုယ်စားလှယ်ကြီးတွေအနေနဲ့ အဲဒီအရေးကိုလည်း အရေးတယူ ပြုသင့်ပါတယ်။ အစိုးရဖက်ကရော၊ လက်နက်ကိုင်တွေဖက်ကပါ လက်ခံနိုင်မယ့် အဖြေတစ်ခု၊ နည်းလမ်းတစ်ခုကို လူကြီးမင်းတို့ လွှတ်တော်တွေမှာ စဉ်းစားဆွေးနွေး ဆောင်ရွက်သင့်ကြတယ်လို့ မြင်မိပါတယ်။ လတ်တလော ရေကြီးမှုကြောင့် တောင်သူတွေ ဘ၀ပျက်ကုန်ရတာကိုလည်း လူကြီးမင်းတို့ လွှတ်တော်တွေ ဘာမှမပြောဘဲ ငြိမ်နေတာဟာ စိတ်ပျက်ဖို့ ကောင်းပါတယ်။ အဲဒီကိစ္စဟာ အစိုးရကိစ္စလို့ လူကြီးမင်းတို့က ခံယူထားကြသလားလို့ ကျွန်တော်စဉ်းစားမိပါတယ်။ ပြည်သူ့အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒ၊ ပြည်သူတို့ မျှော်လင့်ချက် လွှတ်တော်က ဖော်ဆောင်ရွက် ဆိုတဲ့ ဆိုင်းဘုတ်ကြီးကို လွှတ်တော်သတင်းတွေ မလာခင် ရုပ်မြင်သံကြားမှာ အမြဲတမ်း ကျွန်တော်တို့တွေ မြင်ရဖတ်ရပါတယ်။ အခုတော့ အလုပ်မဟုတ်တာတွေကို အလုပ်လုပ်ပြီး ကိုယ်စားလှယ်များအသံ လွှတ်တော်အသံ၊ ကိုယ်စားလှယ်များဆန္ဒ လွှတ်တော်ဆန္ဒ၊ ကိုယ်စားလှယ်များမျှော်လင့်ချက် လွှတ်တော်က ဖော်ဆောင်ရွက် ဖြစ်နေကြပြီလို့ ကျွန်တော်က ဝေဖန်ထောက်ပြလိုပါတယ်။ ဘယ်ပြည်သူတွေကမှ ဖွဲ့စည်းပုံအခြေခံဥပဒေဆိုင်ရာ ခုံရုံးကို စွပ်စွဲပြစ်တင်တာတွေ၊ နုတ်ထွက်ခိုင်းတာတွေ မလုပ်ခိုင်းပါဘူးခင်ဗျာ။ ပြည်သူတွေက နိုင်ငံရေးတည်ငြိမ်မှုရှိရှိနဲ့ တိုင်းပြည်ဖွံ့ဖြိုးတိုးတက်တာကို လိုချင်ကြတာပါ။ အချင်းချင်း ရန်ဖြစ်နေတာကို ပြည်သူတွေ မမြင်ချင်ကြတာ သေချာပါတယ်။ ဒါကို လွှတ်တော်ကိုယ်စားလှယ်ကြီးများ နားလည်ပေးကြဖို့ တောင်းပန်လိုက်ပါတယ်။
လွန်တာရှိက ၀န္ဒာမိပါ....။
အမှတ်တရ
ကိုဉာဏ် (ပန်းလောင်မြေ)
၂၀၁၂ ခုနှစ်၊ သြဂုတ်လ ၃၀ ရက်၊ ကြာသပတေးနေ့။
ည ၁၀ နာရီ ၀၆ မိနစ်တွင်ပြီး၏။
ဖတ်မိကြားမိသမျှ ခုံရုံးကိစ္စ
(က)
နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးဥက္ကဋ္ဌနဲ့ အဖွဲ့ဝင်တွေကို စွပ်စွဲပြစ်တင်တဲ့ အဆိုကို အမျိုးသားလွှတ်တော် စတုတ္ထပုံမှန်အစည်းဝေး ၃၄ ရက်မြောက်နေ့မှာ အတည်ပြုခဲ့ပါတယ်။
(ခ)
ပြည်သူ့လွှတ်တော်က အဆိုပါ စွပ်စွဲချက်ကို စုံစမ်းစစ်ဆေးဖို့အတွက် လွှတ်တော် ဒုတိယဥက္ကဋ္ဌ ဦးနန္ဒကျော်စွာကို ဥက္ကဋ္ဌအဖြစ် ခန့်အပ်ပြီး အဖွဲ့ဝင် ၁၅ ဦးပါဝင်တဲ့ စုံစမ်းစစ်ဆေးရေးအဖွဲ့ကို ဖွဲ့စည်းခဲ့ပါတယ်။
(ဂ)
လွှတ်တော်များအနေဖြင့် ဖွဲ့စည်းပုံအခြေခံဥပဒေနှင့်အညီ ဆုံးဖြတ်ခဲ့သော အခြေခံဥပဒေခုံရုံး၏ ဆုံးဖြတ်ချက်ကို မလိုက်နာသည့်အပြင် ဖွဲ့စည်းပုံအခြေခံဥပဒေကို ချိုးဖောက်သည့် လုပ်ငန်းများကိုပါ ဆောင်ရွက်လာသဖြင့် နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးက ပြည်ထောင်စုတရားလွှတ်တော်ချုပ်သို့ စာချွန်တော် လျှောက်ထားခဲ့ကြောင်း သိရှိရပါသည်။
(ဃ)
လွှတ်တော်ကိုယ်စားလှယ်များသည် ပြည်သူလူထုက တိုက်ရိုက်ရွေးချယ် တင်မြှောက်ထားသူများ ဖြစ်ကြကြောင်း၊ အစိုးရအဖွဲ့ဝင် ၀န်ကြီးများ၊ ရှေ့နေချုပ်၊ စာရင်းစစ်ချုပ်၊ ပြည်ထောင်စုတရားလွှတ်တော် တရားသူကြီးများ စသည်တို့မှာ နိုင်ငံတော်သမ္မတက အမည်စာရင်းတင်သွင်းပြီး ပြည်ထောင်စုလွှတ်တော်၏ အတည်ပြုချက်ဖြင့် ခန့်အပ်ခံထားရသူများ ဖြစ်ကြကြောင်း၊ ဖွဲ့စည်းပုံအခြေခံဥပဒေအရ သမ္မတအပါအ၀င် အဆိုပါပုဂ္ဂိုလ်များအားလုံးအား စွပ်စွဲပြစ်တင်ခြင်း ပြုလုပ်နိုင်ရာ ပြည်ထောင်စုတရားလွှတ်တော် အနေဖြင့် အခြေခံဥပဒေဆိုင်ရာ ခုံရုံးအား စွပ်စွဲပြစ်တင်သည့် ကိစ္စတွင် ၀င်ရောက်ဟန့်တားမိပါက အခြေခံဥပဒေကို ဖောက်ဖျက်ခြင်း၊ ဥပဒေပြုရေးတွင် အမြင့်ဆုံး အဖွဲ့အစည်းဖြစ်သော ပြည်ထောင်စုလွှတ်တော်၏ လုပ်ပိုင်ခွင့်ကို ကန့်သတ်ခြင်းများကြောင့် ပြည်ထောင်စုတရားလွှတ်တော်အား ထပ်မံစွပ်စွဲပြစ်တင်မှု ပြုလုပ်သွားမည်ဖြစ်ကြောင်း ပြည်ထောင်စုလွှတ်တော် ကိုယ်စားလှယ်များက ပြောကြားသည်ဟူ၍ The VOICE စာမျက်နှာတွင် ဖော်ပြထားသော သတင်းကိုလည်း ဖတ်ရှုခဲ့ရပါသည်။
(င)
၂၀၁၂ ခုနှစ်၊ သြဂုတ်လ ၃၀ ရက်၊ ကြာသပတေးနေ့ (ယနေ့) ထုတ် သတင်းစာများတွင် လွှတ်တော်ကိုယ်စားလှယ် တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကြမ်းကို ဖော်ပြခဲ့သည်ကို တွေ့ရှိရပါသည်။ ထို့ပြင် အဆိုပါဥပဒေကြမ်း၏ အောက်ဆုံး၌ ပြည်သူအများ သိရှိလေ့လာ အကြံပြုနိုင်ရေးအတွက် ဖော်ပြခြင်း ဖြစ်ပါသည် ဟူ၍ မှတ်ချက်ရေးသားထားသည်ကို တွေ့ရှိရပါသည်။
Wednesday, August 29, 2012
အမျိုးသားလွှတ်တော်ဥက္ကဋ္ဌသို့ အိတ်ဖွင့်ပေးစာ
သို့
ဦးခင်အောင်မြင့်
ဥက္ကဋ္ဌ
အမျိုးသားလွှတ်တော်
အကြောင်းအရာ။ မှတ်တမ်းမှားတစ်ခုအား ပြန်လည်စိစစ်နိုင်ပါရန်နှင့် ပြုပြင်နိုင်ပါရန် တင်ပြခြင်း
ဦးခင်အောင်မြင့်
ဥက္ကဋ္ဌ
အမျိုးသားလွှတ်တော်
အကြောင်းအရာ။ မှတ်တမ်းမှားတစ်ခုအား ပြန်လည်စိစစ်နိုင်ပါရန်နှင့် ပြုပြင်နိုင်ပါရန် တင်ပြခြင်း
၁။ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးအား စွပ်စွဲပြစ်တင်သည့်အဆိုကို မန္တလေးတိုင်းဒေသကြီး မဲဆန္ဒနယ် အမှတ် (၅) မှ ဦးဇော်မြင့်ဖေ က တင်သွင်းခဲ့ပြီး ၂၀၁၂ ခုနှစ် သြဂုတ်လ ၂၈ ရက်နေ့တွင် ကျင်းပပြုလုပ်ခဲ့သည့် ပထမအကြိမ် အမျိုးသားလွှတ်တော် စတုတ္ထပုံမှန်အစည်းအဝေး ၃၄ ရက်မြောက်နေ့တွင် ၎င်းအဆိုအား ဆွေးနွေးခဲ့ကြကြောင်း သတင်းမီဒီယာများမှတစ်ဆင့် ဖတ်ရှုသိရှိခဲ့ရပါသည်။
၂။ အဆိုနှင့်ပတ်သက်၍ လွှတ်တော်၏ အဆုံးအဖြတ်ရယူရာ ထောက်ခံမဲ ၁၆၃ မဲဖြင့် စွပ်စွဲပြစ်တင်ခြင်းအဆိုကို အတည်ပြုနိုင်ခဲ့ကြောင်းလည်း သိရှိခဲ့ရပါသည်။ ထို့ပြင် ပြည်သူ့လွှတ်တော်သို့ ဥက္ကဋ္ဌကြီး ပေးပို့ခဲ့သည့် သ၀ဏ်လွှာတွင်လည်း နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးဥက္ကဋ္ဌနှင့် အဖွဲ့ဝင်များအား စွပ်စွဲပြစ်တင်ခြင်းအဆိုသည် အမျိုးသားလွှတ်တော်ကိုယ်စားလှယ် ၁၆၃ ဦး၏ ထောက်ခံဆန္ဒမဲများဖြင့် အတည်ဖြစ်ခဲ့ပါကြောင်း ဖော်ပြပါရှိခဲ့ပါတယ်။
၃။ အမျိုးသားလွှတ်တော် ဥက္ကဋ္ဌကြီးခင်ဗျား၊ ဖွဲ့စည်းပုံအခြေခံဥပဒေ ပုဒ်မ ၁၄၁ အရ အမျိုးသားလွှတ်တော်တွင် အများဆုံးရှိရမည့် ကိုယ်စားလှယ်ဦးရေမှာ ၂၂၄ ဦးဖြစ်ပါသည်။ အဆိုပါ ၂၂၄ ဦးတွင် ရွေးကောက်ခံလွှတ်တော်ကိုယ်စားလှယ် ၁၆၈ ဦးနှင့် တပ်မတော်သား လွှတ်တော်ကိုယ်စားလှယ် ၅၆ ဦးတို့ ပါဝင်ကြတယ်ဆိုတာ ဥက္ကဋ္ဌကြီးအနေနဲ့ သိရှိပြီးဖြစ်ပါတယ်။ သို့သော် စစ်ကိုင်းတိုင်းဒေသကြီး မဲဆန္ဒနယ် အမှတ် (၂) မှ လွှတ်တော်ကိုယ်စားလှယ် ဒေါက်တာ ဘိုကြီး (ခ) ဦးအောင်ငွေ ကွယ်လွန်သွားတဲ့အတွက် ကိုယ်စားလှယ် ၁ နေရာ လစ်လပ်လျှက်ရှိပါတယ်။ ထို့ကြောင့် လက်ရှိ အမျိုးသားလွှတ်တော်သို့ တက်ရောက်ခွင့်ရှိတဲ့ လွှတ်တော်ကိုယ်စားလှယ်ဟာ ၂၂၃ ဦးသာ ဖြစ်ပါတယ်။
၎။ လွှတ်တော်အစည်းအဝေး မှတ်တမ်းများအရ အမျိုးသားလွှတ်တော် စတုတ္ထပုံမှန်အစည်းအဝေး ၃၄ ရက်မြောက်နေ့သို့ တက်ရောက်တဲ့ လွှတ်တော်ကိုယ်စားလှယ်ဟာ ၂၁၆ ဦး ဖြစ်ပါတယ်။ အစည်းအဝေး ပျက်ကွက်သူက ၇ ဦး ဖြစ်ပါတယ်။ ရွေးကောက်ခံ လွှတ်တော်ကိုယ်စားလှယ် ၅ ဦးနဲ့ တပ်မတော်သား လွှတ်တော်ကိုယ်စားလှယ် ၂ ဦး ပျက်ကွက်တယ်လို့ မှတ်တမ်းများအရ သိရှိရပါတယ်။
၅။ ဥက္ကဋ္ဌကြီးခင်ဗျား၊ ဖွဲ့စည်းပုံအခြေခံဥပဒေ ပုဒ်မ ၁၂၉ (ခ) အရ အမျိုးသားလွှတ်တော်ဥက္ကဋ္ဌသည် အစည်းအဝေးများတွင် မဲခွဲဆုံးဖြတ်သည့်အခါ ဆန္ဒမဲပေးခြင်း မပြုလုပ်ရပါဘူး။ (ထောက်ခံဆန္ဒမဲနှင့် ကန့်ကွက်ဆန္ဒမဲ အရေအတွက် တူညီနေသည့် အခါများတွင်တော့ အနိုင်မဲပေးခွင့် ရှိပါတယ်။)
၆။ လေးစားအပ်ပါသော ဥက္ကဋ္ဌကြီးခင်ဗျား၊ ဒီအကြောင်းတွေကို ကျွန်တော်ဘာလို့ ရှင်းပြနေရသလဲဆိုတာ အကြောင်းရှိပါတယ်။ ကျွန်တော်ပြောချင်တဲ့ အကြောင်းအရာကို မရောက်ခင် အခုလို ရှင်းပြနေတာတွေကို နားလည်ခွင့်လွှတ်ပြီး ဖတ်ရှုပေးစေလိုပါတယ်။
၇။ ခုံရုံးဥက္ကဋ္ဌနဲ့ အဖွဲ့ဝင်များကို စွပ်စွဲပြစ်တင်ခြင်းအဆို အဆုံးအဖြတ်ခံယူတဲ့နေ့က လွှတ်တော်အခြေအနေကို ကျွန်တော်တင်ပြပါရစေ။ ဥက္ကဋ္ဌကြီးအနေနဲ့လည်း အလေးဂရုပြုပြီး ဖတ်စေချင်ပါတယ်။
၈။ ဥက္ကဋ္ဌကြီးခင်ဗျား၊ ကျွန်တော်ဘာကို ဆိုလိုချင်သလဲဆိုတာကို သဘောပေါက်လိမ့်မယ်လို့ ယုံကြည်ပါတယ်။ ဥက္ကဋ္ဌကြီးမြင်တဲ့အတိုင်း အဆိုကို ထောက်ခံတဲ့လူရယ်၊ မဲပေးခွင့်မရှိတဲ့သူရယ်၊ ကန့်ကွက်တဲ့ တပ်မတော်သားတွေရယ်ကို ပေါင်းလိုက်တဲ့ အရေအတွက်ဟာ အံ့သြစရာကောင်းလောက်အောင် အစည်းအဝေးတက်တဲ့ဦးရေထက် များနေပါရော့လားခင်ဗျာ။
၉။ အခုတင်ပြခဲ့တာတွေဟာ မှားစရာအကြောင်း လုံးဝမရှိပါ။ တပ်မတော်သားလွှတ်တော်ကိုယ်စားလှယ် အားလုံးက မတ်တတ်ရပ်ဆန္ဒပြုခြင်း လုံးဝ (လုံးဝ) မရှိခဲ့ဘူးဆိုတာကို အဲဒီနေ့က သတင်းယူတဲ့ ဘယ်သတင်းထောက်ကိုမေးမေး မေးကြည့်နိုင်ပါတယ်။ ဖွဲ့စည်းပုံအရ ရှိရမယ့် တပ်မတော်သားက ၅၆ ဦး၊ ခွင့်ပန်ကြားပြီး ပျက်ကွက်တဲ့သူက ၂ ဦး၊ အဲဒီနေ့က အစည်းအဝေးတက်တဲ့လူက ၅၄ ဦး ဖြစ်ပါတယ်။ ဥက္ကဋ္ဌကြီးအနေနဲ့လည်း ဆန္ဒမဲပေးလို့ မရတဲ့အတွက် ၁ ဦး၊ အဲဒီတော့ နှစ်ခုပေါင်းလိုက်ရင် ၅၅ ဦးဟာ အဆိုကို ထောက်ခံသူတွေထဲမှာ မပါဝင်တာ အသေအချာပါပဲ။ ဒါဆိုရင် အဲဒီနေ့က အစည်းအဝေးတက်တဲ့လူ ၂၁၆ ဦး ဆိုတော့ အမှန်တကယ် အဆိုကို ထောက်ခံမဲဟာ (၂၁၆-၅၅=၁၆၁) ဖြစ်ရပါမယ်။
၁၀။ ဒါပေမယ့် အားလုံးသိတဲ့အတိုင်း ထောက်ခံမဲ ၁၆၃ မဲ ဆိုတဲ့မှတ်တမ်းဟာ သမိုင်းတွင်သွားခဲ့ပါပြီ။ အမျိုးသားလွှတ်တော်ရဲ့ အမှားတစ်ခု သမိုင်းတွင်သွားခဲ့တာလို့လည်း ဆိုနိုင်ပါတယ်။ မဲ ၂ မဲ ကွာတာဟာ အဆိုအတည်ဖြစ်ဖို့အတွက် လားလားမျှ သက်ရောက်မှု မရှိဘူးဆိုတာ ကျွန်တော်နားလည်ပါတယ်ခင်ဗျား။ ကျွန်တော်ပြောချင်တာလည်း အဲဒီအပိုင်းကို ပြောချင်တာ မဟုတ်ပါဘူး။ လွှတ်တော်ရဲ့ စနစ်မကျမှုနဲ့ ချို့ယွင်းမှုကို ထောက်ပြလိုတာပါ။
၁၁။ ပြည်သူ့လွှတ်တော်ကလည်း အဲဒီအချက်ကို အလေးဂရုပြုကြပုံ မပေါ်ပါဘူး။ အမျိုးသားလွှတ်တော် ဥက္ကဋ္ဌကြီးက စွပ်စွဲပြစ်တင်တဲ့အဆိုဟာ ကိုယ်စားလှယ် ၁၆၃ ဦးရဲ့ ထောက်ခံမှုနဲ့ အတည်ဖြစ်ခဲ့ကြောင်း သ၀ဏ်လွှာ ပေးပို့တာကို ဒီအတိုင်းပဲ လက်ခံလိုက်ကြတာကို တွေ့ရပါတယ်။ လွှတ်တော်တွေရဲ့ အဓိကလိုရင်းက ခုံရုံးကို စွပ်စွဲပြစ်တင်ရေး၊ ခုံရုံးဥက္ကဋ္ဌနဲ့ အဖွဲ့ဝင်တွေကို ဖြုတ်ချနိုင်ရေးသာ ဖြစ်နေတာကို ၀မ်းနည်းဖွယ် မြင်တွေ့ရပါတယ်။
၁၂။ ဥက္ကဋ္ဌကြီးခင်ဗျား၊ ဖြစ်နိုင်တဲ့နည်းလမ်းများကို ကျင့်သုံးပြီး ယခုလို လွဲမှားနေတဲ့ အချက်အလက်များကို ပြင်ဆင်သင့်တယ်လို့ အကြံပြုလိုပါတယ်။ သမိုင်းမှာ မှတ်တမ်းအမှားတစ်ခု မကျန်ရစ်ခဲ့စေချင်လို့ပါ။ အခြားသူတွေ သိတာ၊ မသိတာ အပထား၊ ကျွန်တော်ကိုဉာဏ်ကတော့ သိနေပြီဖြစ်တဲ့အတွက် နောင်တစ်ချိန်မှာများ ကြုံကြိုက်လို့ ပြောခွင့်၊ ရေးခွင့်ကြုံရင် ပြောမိ၊ ရေးမိနေမှာ သေချာနေလို့ပါ။
၁၃။ ယခုကဲ့သို့ လွှတ်တော်နှစ်ရပ်ပေါင်းပြီး ခုံရုံးအား စွပ်စွဲပြစ်တင် ဖြုတ်ချနိုင်ရေး ကြိုးပမ်းနေချိန်မျိုးတွင် မိမိတို့ လွှတ်တော်တွေမှာလည်း မျက်ချေးတွေနှင့်ဆိုသည်ကို သတိပြုမိစေလိုခြင်း ဖြစ်ပါသည်။ ဥက္ကဋ္ဌကြီးနှင့်တကွ အမျိုးသားလွှတ်တော် ကိုယ်စားလှယ်များအားလုံး ရွှင်လန်းချမ်းမြေ့စွာဖြင့် နိုင်ငံနှင့် လူမျိုးအကျိုးကို အတ္တစွဲကင်းကင်းဖြင့် ဆောင်ရွက်နိုင်ကြပါစေကြောင်း မေတ္တာပို့သအပ်ပါသည်။
လေးစားစွာဖြင့်
ကိုဉာဏ် (ပန်းလောင်မြေ)
မြန်မာ့သွေးဘလော့ဂ်
၂၀၁၂ ခုနှစ်၊ သြဂုတ်လ ၂၉ ရက်၊ ဗုဒ္ဓဟူးနေ့။
ည ၁၁ နာရီ ၂၅ မိနစ်။
နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးအား စွပ်စွဲပြစ်တင်ခြင်း
မန္တလေးတိုင်းဒေသကြီး မဲဆန္ဒနယ်အမှတ် (၅) မှ အမျိုးသားလွှတ်တော်ကိုယ်စားလှယ် ဦးဇော်မြင့်ဖေ က "ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌနှင့် အဖွဲ့ဝင်များအား ဖွဲ့စည်းပုံအခြေခံဥပဒေ ပြဋ္ဌာန်းချက်များကို ဖောက်ဖျက်ကျူးလွန်ခြင်း၊ ဥပဒေအရ ပေးအပ်သော တာဝန်များကို ကျေပွန်စွာ မထမ်းဆောင်ခြင်းတို့အရ စွပ်စွဲပြစ်တင်ကြောင်း" အဆိုကို အမျိုးသားလွှတ်တော်တွင် တင်သွင်းခဲ့ပါသည်။
၎င်းအဆိုအား ၂၀၁၂ ခုနှစ် သြဂုတ်လ ၂၈ ရက်နေ့က ကျင်းပပြုလုပ်ခဲ့သည့် ပထမအကြိမ် အမျိုးသားလွှတ်တော် စတုတ္ထပုံမှန်အစည်းအဝေး ၃၄ ရက်မြောက်နေ့တွင် အမျိုးသားလွှတ်တော်ကိုယ်စားလှယ် ၁၆ ဦးက ဆွေးနွေးခဲ့ကြပါသည်။ အဆိုပါဆွေးနွေးမှုများတွင် တပ်မတော်သားကိုယ်စားလှယ် ၆ ဦးလည်း ပါဝင်ဆွေးနွေးခဲ့ကြောင်း သိရှိရပါသည်။ ပါဝင်ဆွေးနွေးခဲ့ကြသူများမှာ -
(၁) ဒေါက်တာ အေးမောင်၊ ရခိုင် (၁)
(၂) ဦးဘရန်ရှောင်၊ ကချင် (၃)
(၃) ဒုတိယဗိုလ်မှူးကြီး ဇော်မိုး
(၄) ဒုတိယဗိုလ်မှူးကြီး ဇော်သန်းထိုက်
(၅) ဦးစိုင်းသန့်ဇင်၊ ရှမ်း (၄)
(၆) ဦးဇုန်လှယ်ထန်း၊ ချင်း (၂)
(၇) ဗိုလ်မှူးကြီး ခင်စိုး
(၈) ဗိုလ်မှူး နေမျိုးကျော်
(၉) ဒေါက်တာ ဗညားအောင်မိုး၊ မွန် (၇)
(၁၀) ဒေါ်ခင်ဝိုင်းကြည်၊ ရန်ကုန် (၁)
(၁၁) ဗိုလ်မှူး မျိုးထွန်းအောင်
(၁၂) ဦးတင်မြ၊ စစ်ကိုင် (၇)
(၁၃) ဦးနေ၀င်းထွန်း၊ ရှမ်း (၉)
(၁၄) ဗိုလ်မှူး ကျော်နိုင်ဌေး
(၁၅) ဦးဖုန်းမြင့်အောင်၊ ရန်ကုန် (၃)
(၁၆) ဦးခင်မောင်ရီ၊ ဧရာဝတီ (၆)
ကိုယ်စားလှယ်များ၏ ဆွေးနွေးမှုများအပြီးတွင် ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌက အဆိုနှင့် ပတ်သက်၍ ရှင်းလင်းတင်ပြခဲ့ပါသည်။ အဆိုပါ ရှင်းလင်းပြောကြားချက်မှာ အောက်ပါအတိုင်း ဖြစ်ပါသည် -
နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥက္ကဋ္ဌ၏ အမျိုးသားလွှတ်တော်အစည်းအဝေးတွင် ရှင်းလင်းပြောကြားချက်
ဖွဲ့စည်းပုံအခြေခံဥပဒေ အခန်း (၁)၊ နိုင်ငံတော်အခြေခံမူများ ပုဒ်မ ၁၁ တွင် နိုင်ငံတော်အချုပ်အခြာအာဏာ၏ ခက်မသုံးဖြာဖြစ်သည့် ဥပဒေပြုရေးအာဏာ၊ အုပ်ချုပ်ရေးအာဏာနှင့် တရားစီရင်ရေးအာဏာတို့ကို ပိုင်းခြားကျင့်သုံးစွဲရန် အတိအလင်း ပြဋ္ဌာန်းခဲ့ပြီး ဖြစ်ပါတယ်။ နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးသည် တရားစီရင်ရေးကဏ္ဍတွင် ပါဝင်ပြီး တရားရုံးတစ်ရုံး ဖြစ်သည်နှင့်အညီ တင်သွင်းလွှာများကို ဥပဒေနှင့်အညီ စီရင်ဆုံးဖြတ်ခဲ့တာ ဖြစ်ပါတယ်။ ဆုံးဖြတ်ချက်သည် အပြီးအပြတ် အတည်ဖြစ်ကြောင်း ဖွဲ့စည်းပုံအခြေခံဥပဒေပုဒ်မ ၃၂၄ နှင့် ခုံရုံးဥပဒေ ပုဒ်မ ၂၃ တွင် အတိအလင်း ပြဋ္ဌာန်းထားပြီး ဖြစ်ပါတယ်။ ခုံရုံး၏ ဆုံးဖြတ်ချက်များသည် သက်ဆိုင်ရာအစိုးရဌာန၊ အဖွဲ့အစည်းနှင့် ပုဂ္ဂိုလ်များသို့လည်းကောင်း၊ သက်ဆိုင်ရာနေရာဒေသ အသီးသီးသို့လည်းကောင်း အာဏာသက်ရောက်စေရမည်ဟု ခုံရုံးဥပဒေ ပုဒ်မ ၂၅ တွင် ပြဋ္ဌာန်းထားပါသည်။ နိုင်ငံတော်သမ္မတသည် ခုံရုံး၏ အဆုံးအဖြတ်ကို ကိုယ်တိုင်လိုက်နာပြီး အဖွဲ့အစည်းအားလုံးကလည်း လိုက်နာဆောင်ရွက်ရမည်ဖြစ်ကြောင်း ပြည်သူ့လွှတ်တော်သို့ သ၀ဏ်လွှာ ပေးပို့ခဲ့ခြင်းက သမိုင်းမှတ်တမ်းတစ်ခု ဖြစ်ခဲ့ပါတယ်။
ယခုကိစ္စမှာ ဥပဒေပြုရေးကဏ္ဍက တရားစီရင်ရေးကို လွှမ်းမိုးစွက်ဖက်ခြင်းဖြစ်ကြောင်း ထင်ရှားပေါ်လွင်နေပါတယ်။ ဒါဟာ Rule of Law ကို ပျက်စီးစေခြင်း အကြောင်းအရင်းတစ်ရပ် ဖြစ်ပါတယ်။ တရားစီရင်ရေး၏ ဆုံးဖြတ်ချက်ကို ဥပဒေပြုအမတ်များက အမှန်အမှား မဲခွဲဆုံးဖြတ်ချက်သည် ကမ္ဘာမှာ အစဉ်အလာ မရှိခဲ့ပါ။ တရားရုံး၏ စီရင်ခွင့်ကို ပြင်ပမှ မဲခွဲ၍ ဆုံးဖြတ်ခြင်းသည် အခြေခံဥပဒေနှင့် တည်ဆဲဥပဒေများကို မျက်ကွယ်ပြုခြင်း ဖြစ်ပါတယ်။ ဖွဲ့စည်းပုံအခြေခံဥပဒေကို မလိုက်နာဘဲ အတိအလင်း ချိုးဖောက်ခြင်းဖြစ်ကြောင်း ပြောကြားလိုပါတယ်။ Constitutional Institution ကို ပျက်စီးအောင် ဖျက်စီးခြင်းလည်း ဖြစ်ပါတယ်။ ဖွဲ့စည်းပုံအခြေခံဥပဒေကို ပစ်ပယ်၍ လွှတ်တော်ကိုယ်စားလှယ်များ၏ လိုအင်ဆန္ဒကို ဆောင်ရွက်နေခြင်း ဖြစ်ပါတယ်။ ပြည်လုံးကျွတ် ဆန္ဒခံယူပွဲဖြင့် ပြည်သူလူထု ၉၂.၄၈ % ၏ ထောက်ခံမှုဖြင့် အတည်ပြုထားသည့် ဖွဲ့စည်းပုံအခြေခံဥပဒေကို တန်ဖိုးမဲ့အောင် ဆောင်ရွက်နေကြခြင်း ဖြစ်ပါတယ်။ ယခု လွှတ်တော်၏ ဆောင်ရွက်ချက်များသည် သမိုင်းမှတ်တမ်းအဖြစ် တည်ရှိနေမှာ ဖြစ်ပါတယ်။ ဖွဲ့စည်းပုံအခြေခံဥပဒေနှင့် မညီသော အဆိုရှင်၏ အဆိုကို ကန့်ကွက်ကြောင်း တင်ပြအပ်ပါတယ်။
- - - - - - - - - - - - - - - - - - - - - - - - - - - - - - - - - - - - - - - - - - -
ထို့နောက် အဆိုပါအဆိုနှင့်ပတ်သက်၍ လွှတ်တော်၏ အဆုံးအဖြတ်ရယူရာ ထောက်ခံမဲ ၁၆၃ မဲ ရရှိခဲ့သဖြင့် အဆိုအား အတည်ပြုကြောင်း ဆုံးဖြတ်ခဲ့သည်။ (စွပ်စွဲပြစ်တင်မှုအဆို အတည်ပြုရန်အတွက် အမျိုးသားလွှတ်တော်ကိုယ်စားလှယ် သုံးပုံနှစ်ပုံ၏ ထောက်ခံမှု လိုအပ်ပါသည်။ အမျိုးသားလွှတ်တော်တွင် ဖွဲ့စည်းပုံအရ ကိုယ်စားလှယ်စုစုပေါင်း ၂၂၄ ဦးရှိရာ၊ သုံးပုံနှစ်ပုံအင်အားမှာ ၁၄၉ ဦး ဖြစ်ပါသည်။ ယခု ထောက်ခံမဲ ၁၆၃ မဲ ရရှိခဲ့သည့်အတွက် အဆိုအား အတည်ပြုနိုင်ခဲ့ခြင်း ဖြစ်ပါသည်။)
စွပ်စွဲပြစ်တင်ခြင်းအဆိုအား အမျိုးသားလွှတ်တော်တွင် အတည်ပြုခဲ့သည့်အတွက် ပြည်သူ့လွှတ်တော်က ဆက်လက်ဆောင်ရွက်နိုင်ရန်အတွက် အမျိုးသားလွှတ်တော်ဥက္ကဋ္ဌက ပြည်သူ့လွှတ်တော်သို့ သ၀ဏ်လွှာ ပေးပို့ခဲ့ပါသည်။ ပြည်သူ့လွှတ်တော်ကလည်း ဖွဲ့စည်းပုံအခြေခံဥပဒေပါ လုပ်ငန်းစဉ်အရ အဆိုပါ စွပ်စွဲပြစ်တင်မှုအား မှန်ကန်မှု ရှိ၊ မရှိ စစ်ဆေးနိုင်ရန်အတွက် စုံစမ်းစစ်ဆေးရေးအဖွဲ့ကို ၂၀၁၂ ခုနှစ် သြဂုတ်လ ၂၉ ရက်၊ ဗုဒ္ဓဟူးနေ့တွင် ကျင်းပပြုလုပ်ခဲ့သည့် ပထမအကြိမ် ပြည်သူ့လွှတ်တော် စတုတ္ထပုံမှန်အစည်းအဝေး ၃၅ ရက်မြောက်နေ့တွင် ဖွဲ့စည်းခဲ့ပါသည်။ အဆိုပါ စုံစမ်းစစ်ဆေးရေးအဖွဲ့ အဖွဲ့ဝင်များမှာ -
(၁) ဦးနန္ဒကျော်စွာ (ဥက္ကဋ္ဌ)
(၂) ဦးတီခွန်မြတ် (အဖွဲ့ဝင်)
(၃) သူရ ဦးအောင်ကို (အဖွဲ့ဝင်)
(၄) ဒေါက်တာ စိုးရင် (အဖွဲ့ဝင်)
(၅) ဦးသောင်း (အဖွဲ့ဝင်)
(၆) ဦးဝင်းထိန် (အဖွဲ့ဝင်)
(၇) ဦးဝင်းမြင့် (အဖွဲ့ဝင်)
(၈) ဒေါ်ဒွဲဘူ (အဖွဲ့ဝင်)
(၉) ဦးမောင်မောင်ဦး (အဖွဲ့ဝင်)
(၁၀) ဒေါ်နန်းဝါနု (အဖွဲ့ဝင်)
(၁၁) ဦးဘရှိန် (အဖွဲ့ဝင်)
(၁၂) ဒေါ်မိမြင့်သန်း (အဖွဲ့ဝင်)
(၁၃) ဒေါ်တင်နွယ်ဦး (အဖွဲ့ဝင်)
(၁၄) ဒေါ်နန်းစေအွာ (အဖွဲ့ဝင်)
(၁၅) ဦးစိုးဝင်း (အဖွဲ့ဝင်) တို့ ဖြစ်ကြပါသည်။
အထက်ပါ စုံစမ်းစစ်ဆေးရေးအဖွဲ့အနေဖြင့် ၃၅ ရက်မြောက်နေ့ ပြည်သူ့လွှတ်တော် အစည်းအဝေးများ ပြီးသည့်အချိန်မှစ၍ စုံစမ်းစစ်ဆေးမှုများ ပြုလုပ်ကြမည်ဖြစ်ကြောင်း သိရှိရပါသည်။
Subscribe to:
Posts (Atom)
