ကိုရီးယားဇာတ်လမ်းတွဲတွေအပေါ် မြန်မာပရိသတ်တွေ ဘယ်လောက်ရူးသွပ်ကြသလဲဆိုတာ အားလုံးအသိပါ။ ကျွန်တော်တို့နိုင်ငံမှ မဟုတ်ပါဘူး။ အခြားနိုင်ငံတွေမှာလည်း ကိုရီးယားဇာတ်လမ်းတွဲတွေအပေါ် လက်ခံအားပေးမှုတွေ မြင့်တက်လာနေတာ အထင်အရှားပါ။ ကိုရီးယားဇာတ်ကားတွေနဲ့ ပတ်သက်ပြီး မြန်မာနိုင်ငံဆိုင်ရာ တောင်ကိုရီးယားသံရုံးမှာ Counselor အဖြစ် တာဝန်ထမ်းဆောင်နေတဲ့ မစ္စတာလီဂျောင်ကွမ်းနဲ့ တွေ့ဆုံဆွေးနွေးထားတာတွေထဲက အချို့ကို ပြန်လည်ထုတ်နုတ်ဝေငှလိုက်ပါတယ်။ --------------[ကိုဉာဏ်]
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
မေး။ ကိုရီးယားရုပ်ရှင်တွေ တိုးတက်လာအောင် အစိုးရအထောက်အပံ့ပေးလို့လား။
ဖြေ။ မထောက်ပံ့ဘူး။ ဟိုအရင်တုန်းကတော့ ထောက်ပံ့ပေးတာရှိတယ်။ ဒါပေမယ့် အဲဒီအချိန်က ဒီလောက်ထိ မတိုးတက်ခဲ့ဘူး။ တရုတ်ပြည်သူ့ သမ္မတနိုင်ငံက ကိုရီးယားဇာတ်လမ်းတွေကို စိတ်ဝင်စားလို့ ကမ်းလှမ်းတယ်၊ ၀ယ်တယ်။ အဲဒီကနေပြီးမှ တဖြည်းဖြည်း တိုးတက်လာတာပါ။ ဟိုတုန်းကတော့ အစိုါ်ရက ထောက်ပံ့ပေးတဲ့ ဇာတ်လမ်းတွဲတွေမှာ ကိုရီးယားနိုင်ငံကို ကြော်ငြာတဲ့ပုံစံနဲ့ရိုက်တဲ့ ရုပ်ရှင်တွေ ရှိခဲ့ဖူးတယ်။ ဒါပေမယ့် အဲဒီဇာတ်ကားတွေကို ပြည်သူတွေက လက်မခံဘူး။ အစိုးရရိုက်တဲ့ ရုပ်ရှင်ဆိုရင် ပြည်သူက မကြိုက်တော့ဘူး။ ပြည်သူတွေက နားငြီးတယ်၊ မျက်စိရှုပ်တယ်ဆိုပြီး ဝေဖန်ကြတယ်။ တကယ့်လက်တွေ့ဘ၀နဲ့ နီးစပ်တဲ့ ဇာတ်လမ်းတွေကိုပဲ ပြည်သူတွေက ကြိုက်တယ်။ ရုပ်ရှင်လောကသားတွေက သူတို့ဘာသာသူတို့ ကြိုးစားရင်းနဲ့ပဲ ဒီလိုအောင်မြင်မှုတွေ ရလာတာပါ။
မေး။ ရုပ်ရှင်နဲ့ပတ်သက်ပြီး ကိုရီးယားအစိုးရက ဘယ်လိုကိုင်တွယ်သလဲ။ ဘယ်အဖွဲ့အစည်းတွေက မူဝါဒတွေကို ချမှတ်လဲ။
ဖြေ။ ရုပ်ရှင်နဲ့ပတ်သက်ရင် ယဉ်ကျေးမှုဝန်ကြီးဌာနအောက်မှာ ရှိတယ်။ ပြန်ကြားရေးဌာနက ရုပ်ရှင်လုပ်တယ်ဆိုရင် အစိုးရကိုပဲ ကြော်ငြာပေးတာပေါ့။ ပြည်သူက သိပ်မကြိုက်ဘူး။ ရုပ်ရှင်ဆိုတာ ယဉ်ကျေးမှုရယ်၊ အနုပညာရယ်နဲ့ပဲ ဆိုင်တယ်။ ပြန်ကြားရေးနဲ့ မဆိုင်ဘူး။ ယဉ်ကျေးမှုကပဲ ကိုင်တွယ်တယ်။
မေး။ ကိုရီးယားမှာရော ရုပ်ရှင်နဲ့ပတ်သက်ပြီး ထိန်းချုပ်ထားတဲ့ စည်းမျဉ်းဥပဒေတွေ ရှိလား။
ဖြေ။ ရှိတယ်၊ ကန့်သတ်တယ်ဆိုရင် ဥပမာ- မောင်နှမချင်းပြန်ပြီး ပေါင်းသင်းတာမျိုး၊ လူ့ယဉ်ကျေးမှုနဲ့ ဆန့်ကျင်တာမျိုးကို ကန့်သတ်ထားတယ်။ နိုင်ငံတကာမှာလည်း အတူတူပဲ။ ပြည်သူတွေ အဆင်မပြေတာတွေကို ရုပ်ရှင်ကပြတာ တွေ့နေရတယ်။ ဒါပေမယ့် အစိုးရကို သိက္ခာကျစေမယ့် ဆဲဆိုမှုမျိုးတွေကို လက်မခံဘူး။
မေး။ ကိုရီးယားနိုင်ငံမှာ ယခင်စစ်ဘက်အုပ်ချုပ်ရေးတုန်းက ရုပ်ရှင်လောကရဲ့ အခြေအနေက ဘယ်လိုရှိခဲ့လဲ။ အခုလိုပဲ လွတ်လွတ်လပ်လပ် ရှိခဲ့လား။
ဖြေ။ အများကြီး ဆင်ဆာဖျက်ခံရတယ်။ မင်းသား၊ မင်းသမီး ချစ်ခန်းကြိုက်ခန်းတွေ၊ လူတွေရဲ့ဒုက္ခတွေကို ဖော်ပြတဲ့အခန်းတိုင်းကို ဆင်ဆာဖျက်တယ်။ ဆင်ဆာမဖျက်ဘဲနဲ့ ပြမိရင် လူပါ လိုက်ဖမ်းတယ်။ အရပ်သားအစိုးရပြောင်းတော့ ဒါတွေကို ချက်ချင်းပြင်လိုက်တယ်။ ဖွင့်ပေးလိုက်တယ်။
မေး။ ခင်ဗျားက မြန်မာစကား ကျွမ်းကျွမ်းကျင်ကျင် ပြောတတ်ဆိုတတ်တယ်ဆိုတော့ မြန်မာရုပ်ရှင်တွေရော ကြည့်ဖြစ်လား၊ ဘယ်လိုခံစားရလဲ။
ဖြေ။ ကြည့်ဖြစ်တယ် (ရယ်လျက်)။ ဆယ်မိနစ်လောက် ကြည့်တယ်ဆိုရင် ဇာတ်လမ်းအဆုံးကို တစ်ခါတည်း တွေးကြည့်လို့ရတယ်။ ဇာတ်လမ်းတွေက ပျင်းစရာကောင်းတယ်။ မင်းသား၊ မင်းသမီးတွေက သရုပ်ဆောင်တော့ ကောင်းပါတယ်။ မျက်နှာအနေအထားကျတော့ ၀မ်းသာတယ်ဆိုရင် ၀မ်းသာတဲ့ပုံက ဇာတ်ကားအားလုံး တစ်ပုံစံတည်း၊ ၀မ်းနည်းတယ်ဆိုလည်း ၀မ်းနည်းတဲ့ပုံက တစ်ပုံစံတည်းဖြစ်နေပြီး မျက်နှာသေပုံစံ ဖြစ်နေတယ်။
မေး။ မြန်မာရုပ်ရှင်လောက ကိုရီးယားလို တိုးတက်လာဖို့အတွက် အချိန်ဘယ်လောက် ယူရမယ်ထင်လဲ။
ဖြေ။ ကြိုးစားရင် နောက် ငါးနှစ်လောက်ဆိုရင် ဖြစ်နိုင်ပါတယ်။ လူဦးရေကလည်းများတယ်။ စီးပွားရေးကလည်း ကောင်းမယ်ဆိုရင် ရမှာပါ။ မြန်မာပြည်သူတွေက စိတ်ခံစားမှု အားကောင်းကြပါတယ်။ ကိုရီးယားကားတွေတောင် ကြည့်ကြတာပဲ။ မြန်မာဇာတ်လမ်းတွေ ကောင်းရင်လည်း တိုးတက်လာမှာပါ။
မေး။ မြန်မာနိုင်ငံမှာ ကိုရီးယားဇာတ်လမ်းတွေနဲ့ ပတ်သက်ပြီး တချို့ဝေဖန်မှုတွေ ရှိပါတယ်။ ကိုရီးယားဇာတ်လမ်းတွေကြည့်ပြီး မြန်မာမိန်းကလေးတွေ အရက်သောက်တာ များလာကြတယ်ဆိုတာနဲ့ ပတ်သက်ပြီး ပြောနေကြတာကို ဘယ်လိုသုံးသပ်ချက် ပေးချင်လဲ။
ဖြေ။ အဲဒါမျိုး အရက်သောက်တာမျိုး ကျွန်တော်လည်း မကြိုက်ဘူး။ ကျွန်တော့်အသက် ၄၄ နှစ် ရှိပြီ။ ၀န်ထမ်းလုပ်တာလည်း အနှစ် ၂၀ ရှိပြီ။ ဒါမျိုးတွေ မကြိုက်ပါဘူး။ အခုခေတ်လူငယ်တွေက အသက် ၁၆ နှစ်၊ ၁၇ နှစ်မှာ အတူတူနေကြတာမျိုး လုပ်ချင်ကြတယ်။ ဒါမကောင်းပါဘူး။ ယဉ်ကျေးမှုကကြည့်ရင် ကျွန်တော်လည်း မကြိုက်ပါဘူး။
မေး။ ဒါဆိုရင် ယဉ်ကျေးမှုနဲ့ ဒီမိုကရေစီဆိုတာ ပဋိပက္ခဆောင်နေတဲ့ သဘောပေါ့နော်။
ဖြေ။ ဟုတ်ပါတယ်။ ဒါကြောင့် စစ်ဘက်အုပ်ချုပ်ရေးမှာလည်း ကောင်းတဲ့အချက်ရှိတယ်။ ယဉ်ကျေးမှုနဲ့ဆိုင်တဲ့ ကိစ္စတွေမှာ တင်းတင်းကျပ်ကျပ် ချုပ်ကိုင်လို့ရတယ်။ ယဉ်ကျေးမှုထိန်းသိမ်းဖို့ သက်သက်ပဲဆိုရင် စစ်ဘက်အုပ်ချုပ်တာ ကောင်းပါတယ်။ ဒီမိုကရေစီအစိုးရ ပြောင်းရင် ဒါတွေကို ဖွင့်ပေးလိုက်ရတယ်။ အဲဒီအတွက်လည်း ယဉ်ကျေးမှုဆုံးရှုံးတာတွေလည်း ရှိတာပဲ။
မေး။ ကိုရီးယားလူမျိုးတစ်ယောက်အနေနဲ့ ကိုရီးယားဇာတ်လမ်းတွဲတွေ စွဲစွဲလန်းလန်းကြည့်နေတဲ့ မြန်မာတွေကို ဘာများပြောချင်လဲ။
ဖြေ။ မြန်မာတွေမှာ ၉၀ ရာခိုင်နှုန်းလောက်က Passport မရှိဘူး။ Passport လုပ်ပြီး ပိုက်ဆံစုပြီး နိုင်ငံတကာကို ခရီးများများထွက်ရမယ်။ အတွေ့အကြုံ ဗဟုသုတတွေ ရှာရမယ်။ အဲဒီလိုသွားရင် စိတ်ဓာတ်အင်အား တိုးတက်လာလိမ့်မယ်။ ကိုရီးယားကားတွေကြည့်ပြီး ကောင်းတဲ့အရာတော့ ယူပါ။ မကောင်းတဲ့အရာဆိုရင်တော့ မယူပါနဲ့။
