နည်းပညာ အံ့မခန်း တိုးတက်လာမှုက လူသားတွေရဲ့ ဘ၀တွေကို ပြောင်းလဲသွားစေခဲ့တယ်လို့ ဆိုကြပါတယ်။ နည်းပညာပစ္စည်းတွေကြောင့် ကျွန်တော်တို့တွေရဲ့ လူနေမှုအဆင့်တွေ မြင့်မားလာတယ်၊ အရာရာကို အလွယ်တကူ ဆောင်ရွက်လုပ်ကိုင်နိုင်လာတယ်။ သိချင်တာတွေကို ခဏချင်းအတွင်းမှာ ရှာနိုင်၊ ဖွေနိုင်၊ သိနိုင်နေကြပြီလို့ ဂုဏ်ယူကြတယ်။ အခန်းထဲက အပြင်မထွက်ဘဲ အိမ်ကနေ ဈေးဝယ်လို့ ရနေပြီ။ ကမ္ဘာမြေကြီးရဲ့ ဘယ်နေရာမှာဖြစ်ဖြစ် ရောက်နေတဲ့ ဆွေမျိုးသားချင်း မိတ်ဆွေ အပေါင်းအသင်းတွေနဲ့ ဆက်သွယ်လို့ရနေပြီ၊ စကားပြောလို့ရနေပြီ၊ မျက်နှာမြင်လို့ရနေပြီ။ လူနေမှုပုံစံတွေ ပြောင်းလဲသွားတာကတော့ အမှန်ပါပဲလေ။ ဒါပေမယ့် အဲဒါနဲ့အတူ ကျွန်တော်တို့တွေ ရှောင်လွှဲမရဘဲ ရင်ဆိုင်ကြုံတွေ့ နေရတာတွေလည်း ရှိပါသေးတယ်။ လူသားက လူသားမဆန်တော့ဘူးလို့ ငြီးတွားသူတွေလည်းရှိရဲ့။ လူသားရဲ့ အနှစ်သာရတွေ ပျောက်ဆုံးကုန်ပြီလို့ ၀မ်းနည်းနေကြသူတွေလည်း မရှား။ ရုပ်ဝတ္ထုပစ္စည်းတွေနောက်ကို ကောက်ကောက်ပါအောင် လိုက်ကုန်ကြတော့ သဘာဝတရားတွေကို ပစ်ပယ်လာကြပြီ၊ တန်ဖိုးထားရမှန်း မသိတော့ဘူးလို့ မချိတင်ကဲ ဖြစ်ကြသူတွေလည်း ဒုနဲ့ဒေးပေါ့။
ဒီနေ့ခေတ်ရဲ့ နည်းပညာတွေအကြောင်း အားလုံးက နောကျေအောင် သိထားပြီးသားမို့ အထူးအထွေ ပြောပြစရာ မလိုပါဘူးလေ။ ဒါပေမယ့် နည်းပညာတွေနဲ့အတူ ကျေနပ်မနေဘဲ ကျွန်တော်တို့တွေ ရင်ဆိုင်နေရတဲ့၊ အမှုမဲ့အမှတ်မဲ့ ဖြစ်နေကြတဲ့ ကိစ္စရပ်လေးတွေကို ထောက်ပြဝေဖန်ထားသူတွေရဲ့ လက်ရာလေးတွေကို ကြည့်ရှုခံစားကြည့်ပါဦး။ အတွေးတစ်ခုခု၊ ခံစားမှုတစ်ခုခုတော့ ရကောင်းပါရဲ့ဗျာ။
No comments:
Post a Comment