လူသားဆန်မှုတွေ ပျောက်ဆုံးကုန်ပြီလား

နည်းပညာ အံ့မခန်း တိုးတက်လာမှုက လူသားတွေရဲ့ ဘ၀တွေကို ပြောင်းလဲသွားစေခဲ့တယ်လို့ ဆိုကြပါတယ်။ နည်းပညာပစ္စည်းတွေကြောင့် ကျွန်တော်တို့တွေရဲ့ လူနေမှုအဆင့်တွေ မြင့်မားလာတယ်၊ အရာရာကို အလွယ်တကူ ဆောင်ရွက်လုပ်ကိုင်နိုင်လာတယ်။ သိချင်တာတွေကို ခဏချင်းအတွင်းမှာ ရှာနိုင်၊ ဖွေနိုင်၊ သိနိုင်နေကြပြီလို့ ဂုဏ်ယူကြတယ်။ အခန်းထဲက အပြင်မထွက်ဘဲ အိမ်ကနေ ဈေးဝယ်လို့ ရနေပြီ။ ကမ္ဘာမြေကြီးရဲ့ ဘယ်နေရာမှာဖြစ်ဖြစ် ရောက်နေတဲ့ ဆွေမျိုးသားချင်း မိတ်ဆွေ အပေါင်းအသင်းတွေနဲ့ ဆက်သွယ်လို့ရနေပြီ၊ စကားပြောလို့ရနေပြီ၊ မျက်နှာမြင်လို့ရနေပြီ။ လူနေမှုပုံစံတွေ ပြောင်းလဲသွားတာကတော့ အမှန်ပါပဲလေ။ ဒါပေမယ့် အဲဒါနဲ့အတူ ကျွန်တော်တို့တွေ ရှောင်လွှဲမရဘဲ ရင်ဆိုင်ကြုံတွေ့ နေရတာတွေလည်း ရှိပါသေးတယ်။ လူသားက လူသားမဆန်တော့ဘူးလို့ ငြီးတွားသူတွေလည်းရှိရဲ့။ လူသားရဲ့ အနှစ်သာရတွေ ပျောက်ဆုံးကုန်ပြီလို့ ၀မ်းနည်းနေကြသူတွေလည်း မရှား။ ရုပ်ဝတ္ထုပစ္စည်းတွေနောက်ကို ကောက်ကောက်ပါအောင် လိုက်ကုန်ကြတော့ သဘာဝတရားတွေကို ပစ်ပယ်လာကြပြီ၊ တန်ဖိုးထားရမှန်း မသိတော့ဘူးလို့ မချိတင်ကဲ ဖြစ်ကြသူတွေလည်း ဒုနဲ့ဒေးပေါ့။

ဒီနေ့ခေတ်ရဲ့ နည်းပညာတွေအကြောင်း အားလုံးက နောကျေအောင် သိထားပြီးသားမို့ အထူးအထွေ ပြောပြစရာ မလိုပါဘူးလေ။ ဒါပေမယ့် နည်းပညာတွေနဲ့အတူ ကျေနပ်မနေဘဲ ကျွန်တော်တို့တွေ ရင်ဆိုင်နေရတဲ့၊ အမှုမဲ့အမှတ်မဲ့ ဖြစ်နေကြတဲ့ ကိစ္စရပ်လေးတွေကို ထောက်ပြဝေဖန်ထားသူတွေရဲ့ လက်ရာလေးတွေကို ကြည့်ရှုခံစားကြည့်ပါဦး။ အတွေးတစ်ခုခု၊ ခံစားမှုတစ်ခုခုတော့ ရကောင်းပါရဲ့ဗျာ။

နိုင်ငံရေးကာတွန်းများ (၂၀၁၄ မတ် ၂၁ စုစည်းတင်ပြမှု)

ပို့စ်တွေ မတင်ဖြစ်တာလည်း အတော်ကြာသွားပြီဆိုတော့ ဘယ်ကနေစပြီး ပြန်ရေးရမလဲ မသိဘူး။ စာမေးပွဲ ကိစ္စတွေကြောင့် မြန်မာ့နိုင်ငံရေးနဲ့လည်း နှစ်ပတ်လောက် အဆက်ပြတ်သလို ဖြစ်သွားခဲ့ရတယ်။ အဲဒီတော့ မြန်မာ့နိုင်ငံရေးကိုလည်း မတို့မထိချင်သေးဘူး။ အခုမှ သတင်းဟောင်းတွေ၊ ဆောင်းပါးဟောင်းတွေ၊ နာမည်ကြီး ဖေ့စ်ဘုတ်တွေရဲ့ အရေးအသားတွေကို ပြန်ဖတ်နေရတယ်။ ဖတ်လို့လည်းကောင်းတယ်၊ စိတ်ဝင်စားစရာလည်း ကောင်းတယ်။ အခုတော့ ဘော်ချက်တယ်ပဲပြောပြော၊ အလွယ်လိုက်တယ်ပဲ ပြောပြော၊ ပြောချင်သလိုသာ ပြောကြပါတော့။ ပို့စ်တစ်ခု မဖြစ်မနေ တင်ချင်တဲ့အတွက် သဘောကျလို့ စုစည်းထားတဲ့ ကာတွန်းလေးတွေကို တင်ပေးလိုက်ပါတယ်။ ဖတ်ဖူးပြီးသူ အများစု ဖြစ်ပါလိမ့်မယ်။ နောက်တစ်ခေါက် ထပ်ဖတ်ကြည့်ကြပါဦး။ မဖတ်ဖူးသူတွေအတွက် သဘောကျ ကျေနပ်ကြလိမ့်မယ်လို့ မျှော်လင့်မိပါကြောင်း။

အားလုံးပဲ မင်္ဂလာပါခင်ဗျာ။

(၁) ပထမဆုံးအနေနဲ့ အဖြေမျိုးစုံ ဆိုတဲ့ ကာတွန်းတစ်ကွက်ကို တင်ပြချင်ပါရဲ့။ ဒီနေ့ခေတ် မြန်မာ့နိုင်ငံရေးမှာ အဖြေတွေနဲ့ ပတ်သက်လို့ ပြောစရာရှိတဲ့ နေရာဆိုလို့ လွှတ်တော်မှာ မေးခွန်း မေးမြန်းခြင်း၊ ဖြေကြားခြင်း ဆိုတဲ့နေရာ တစ်ခုပဲ ရှိတယ်လို့ မြင်ပါတယ်။ အဲဒီတော့ ကာတွန်းဆရာဟာ လွှတ်တော်မှာ အစိုးရအဖွဲ့ တာဝန်ရှိသူတွေ လာဖြေကြတဲ့ အဖြေတွေအပေါ်မှာ သဘောမကျတဲ့အတွက် ဝေဖန်တာလို့ မှတ်ယူပါတယ်။ မီဒီယာအများစုကလည်း လွှတ်တော်မှာ ဖြေဆိုကြတဲ့ အဖြေအများစုဟာ တိတိကျကျ ရှင်းရှင်းလင်းလင်း မရှိလှဘဲ ဟိုလိုလို ဒီလိုလိုတွေ များတယ်လို့ ဝေဖန်ကြမြဲ ဖြစ်ပါတယ်။ လွှတ်တော်အလေ့အကျင့် ၄ နှစ်ပင် မပြည့်တတ်သေးတဲ့ ကာလမှာ ယခုလို ဖြစ်နေတာကို ကျွန်တော်တို့တစ်တွေ စိတ်ရှည်သည်းခံ ကြရမယ်လို့ မှတ်ယူပါတယ်။ တဖြည်းဖြည်းနဲ့တော့ ပြောင်းလဲလာလိမ့်မယ်လို့ မျှော်လင့်မိပါတယ်။ ကာတွန်းဆရာရဲ့ သရော်ချက်ကလည်း ထိမိပါရဲ့ဗျာ။ မြန်မာစကားရဲ့ ဝေါဟာရ ကြွယ်ဝမှုကြောင့်လည်း စိတ်ဝင်စားစရာ ကောင်းလို့နေပြန်ပါရော။

 

(၂) ဒီကာတွန်း တစ်ပုဒ်ကလည်း မြန်မာ့နိုင်ငံရေးမှာ ထင်ရှားကျော်ကြားတဲ့ ပုဂ္ဂိုလ်တွေကို သရော်ထားတာပါ။ သူတို့တွေ ပြောခဲ့တဲ့စကားတွေ၊ အခြားသူတွေ ပြောကြတဲ့ ကောလာဟလတွေ အပေါ်မှာ အခြေတည်ပြီး ကာတွန်းဆရာက ပုံဖော်ထားပါတယ်။ သူ့စကားနဲ့ သူ့ရာဇ၀င်ကို သိသူများအဖို့ ဘာကို ဆိုလိုတယ်ဆိုတာ အလွယ်တကူ သိနိုင်ပေမယ့် မြန်မာ့နိုင်ငံရေးနဲ့ အတန်အသင့် စိမ်းသူများအဖို့ ကာတွန်းဆရာက ဘယ်သူတွေကို သရော်ထားတယ်ဆိုတာ သိနိုင်ဖို့ ခက်ခဲပါတယ်။ မြန်မာနိုင်ငံတွင်းမှာ နေသူတွေပင်လျှင် သတင်းဂျာနယ် စုံလင်အောင် မဖတ်ဖူးသူ၊ အင်တာနက် ဖေ့စ်ဘုတ်ကို အမြဲတစေ သုံးစွဲသူမဟုတ်သူ ဖြစ်ပါလျှင် အားလုံးကို နားလည်နိုင်မည် မဟုတ်ပါ။

 

(၃) ဒါကလည်း အပေါ်က ကာတွန်းနဲ့ သဘောတရား အတူတူပါပဲ။ အစိုးရ တာဝန်ရှိသူအချို့ရဲ့ ပြောစကားတွေကို အခြေတည်ပြီး ကာတွန်းဆရာက သရော်ထားတာပါ။ တာဝန်ရှိသူတွေရဲ့ ပြောစကားတွေဟာ ဟာသတွေပါပဲလို့ အတိအလင်းကို ဝေဖန်ထားလေရဲ့။

(၄) နာမည်ကြီး အစိုးရတာဝန်ရှိသူ ၄ ဦးရဲ့ စကားတွေကို ပေါင်းစပ်ပြီး ကာတွန်းဆွဲထားတာ သဘောကျစရာ ကောင်းပါတယ်။ ကြံကြံဖန်ဖန် စဉ်းစားတတ်ပါပေ့လို့ပဲ ရေရွတ်ရမယ် ထင်ပါရဲ့။ ထမင်းတစ်နပ် လျှော့စားခိုင်းတာရယ်၊ မြေမပိုင်ပါဘူးဆိုတာရယ်၊ ပါးရိုက်မယ်ဆိုတာရယ်၊ နွားနို့သောက်ပါ ဆိုတာရယ်ကို ရောသမမွှေ လုပ်လိုက်တဲ့အခါ အောက်မှာမြင်ရတဲ့ ကာတွန်းလေး ဖြစ်လာတာပါပဲ။

(၅) အပေါ်ကကာတွန်းမှာ ပါတဲ့စကား ၄ ခွန်းကို နောက်ထပ် ကာတွန်းဆရာတစ်ယောက်က နောက်ထပ် အိုင်ဒီယာတစ်မျိုးနဲ့ တင်ပြသရော်လိုက်ပုံကလည်း စိတ်ဝင်စားစရာပါ။ နောင်တစ်ချိန်မှာ ကိုယ့်သားသမီး၊ မြေးမြစ်တွေက ဒီကာတွန်းတွေကို ရှေးဖြစ်ဟောင်း အောက်မေ့ဖွယ်အနေနဲ့ ပြန်လှန်ကြပြီး ကိုယ့်ကိုယ်များ လာမေးကြရင် ဘယ်လိုများ ပြန်ဖြေရပါလိမ့်။ ထမင်းတစ်နပ် ကိစ္စရဲ့ အပြည့်အစုံကို ပြောပြရမှာလား၊ မြေတစ်ကွက်မပိုင်ဘူးဆိုတဲ့ ၀န်ကြီးအကြောင်း ရှင်းပြရမှာလား၊ နယ်လှည့်ပြီး ပါးရိုက်ရဲတယ်လို့ ပြောတဲ့စကားတစ်ခွန်းကိုပဲ ကွက်ပြီးတော့ မီးမောင်းထိုးပြရမှာလား၊ နွားနို့သောက်ခိုင်းတာကို ဟာသတစ်ခုလုပ်ပြီး ပြန်ပြောရမှာလား၊ သို့လော သို့သော မေးခွန်းတွေနဲ့ ကျွန်တော်ကိုဉာဏ် ခေါင်းခြောက်မိကြောင်းပါ။ ဟာသအနေနဲ့ ဒီကာတွန်းတွေကို လက်ခံနိုင်ပေမယ့် သမိုင်းတစ်ခု ဖြစ်သွားမှာကိုတော့ စိုးရိမ်မိတယ်။ အဲဒီပြောစကားတွေရဲ့ နောက်ကွယ်က အဖြစ်အပျက်တွေကို ပြည့်ပြည့်စုံစုံ မတင်ပြဘဲ လိုတဲ့အပိုင်းလေးကို ကွက်ပြီးတော့ ပြောတဲ့အခါ အဓိပ္ပါယ် တစ်မျိုးပေါက်ပါတယ်။

 

(၆) သမ္မတကြီးရဲ့ အရက်မသောက်နဲ့၊ နွားနို့သောက်လို့ ပြောတဲ့စကားကို မီဒီယာမျိုးစုံမှာ ဟာသအဖြစ် ပြောကြ၊ သရော်ကြတာ အတော်ကြီးကို အံ့သြစရာ ကောင်းမိပါတယ်။ အင်တာနက်ပေါ်က မြန်မာစာနဲ့ ရေးသားဖြန့်ဝေကြတဲ့ မီဒီယာတွေမှာလည်း နွားနို့တွေ အလျှံအပယ်၊ နွားနို့တွေ တရွှဲရွှဲနဲ့ပေါ့ဗျာ။ အပြင်က လဘက်ရည်ဆိုင်တွေမှာ တကယ်ပဲ သမ္မတကြီး ၀မ်း ဆိုတဲ့ အသုံးအနှုန်း တွင်ကျယ်နေပြီလားဆိုတာ ကျွန်တော် အတည်မပြုနိုင်သေးပါ။ အခုထိတော့ ကျွန်တော်သိသမျှ လဘက်ရည်ဆိုင်များတွင် ထိုကဲ့သို့ မမှာ၊ မပြောကြပါခင်ဗျား။

 

(၇) ဒါကတော့ နောက်ဆုံးထွက် ဟာသဗားရှင်း အသစ်ပေါ့လေ။ မနေ့တစ်နေ့ကမှ ထွက်လာတဲ့ ညွှန်ကြားချက်တစ်ခုကို အကြောင်းပြုပြီး ကာတွန်းဆရာက သရော်ထားတာပါ။ ဆွဲထားတဲ့ ပုံလေးတွေက ဘာမျှ အထူးအထွေ မပါပေမယ့် ရေးထားတဲ့ စာလေးက ထိရောက်ပါတယ်။ အိမ်သာဘေးမှာ ရေပုံးလေး ချထားတာကို ပြတယ်။ နောက်က သတိပေးစာက ကိစ္စပြီးလျှင် ၃ ပုံး လောင်းပါတဲ့။ ရိုးရိုးလေးတွေးရင် ရိုးရိုးလေးပေါ့လေ။ နိုင်ငံရေးလေး ထည့်တွေးတော့လည်း သဘောကျစရာ၊ ပြုံးချင်စရာလေးဗျ။ ၀န်ထမ်းတွေအနေနဲ့ လက်ဆောင်ပစ္စည်းတွေကို လက်ခံတဲ့အခါ ငွေကျပ် ၃ သိန်းအောက်ပဲ ယူရမယ်လို့ ညွှန်ကြားချက် ထွက်တယ်ဆိုတဲ့ သတင်းလေးကို ကာတွန်းဆရာ သရော်လိုက်၊ ကလိလိုက်ပုံက အောက်မှာမြင်ရတဲ့ အတိုင်းပါပဲခင်ဗျာ။

အားလုံးပဲ ရွှင်လန်းချမ်းမြေ့ကြပါစေ။

အမှတ်တရ

ကိုဉာဏ် (ပန်းလောင်မြေ)

၂၀၁၄ ခုနှစ်၊ မတ်လ ၂၁ ရက်၊ သောကြာနေ့။

နံနက် ၇ နာရီ ၃၀ မိနစ်။

အချိန်မီသာ ပြင်ဆင်ခွင့် မရှိခဲ့ရင်.....

ဒီကာတွန်းဟာ ဦးဘဂျမ်းကာတွန်းပွဲတော်မှာ ပထမဆု ရတယ်လို့ ရေးကြပြောကြတာကို ဖတ်ရပါတယ်။ အဲဒါကို ကျွန်တော်မသိပါ။ အတည်ပြုချက် မပေးနိုင်ပါ။ ဒီကာတွန်းနဲ့ ပတ်သက်ပြီး NLD က မကျေမနပ် ဖြစ်နေတယ်လို့လည်း ရေးကြပြောကြပါသည်။ အဲဒါလည်း ကျွန်တော်သေချာမသိပါ။ ကာတွန်းဆရာနဲ့ ဆုပေးတဲ့ အဖွဲ့ နှစ်ခုလုံးဟာ ဦးနှောက်မရှိဘူးဟု ဒေါ်စုဂုဏောများက ပြင်းပြင်းထန်ထန် ဝေဖန်ကြသည်ဟုလည်း ကြားရပါသည်။ ထိုသတင်းကိုလည်း ကျွန်တော်တိတိကျကျ မသိပါ။

ကျွန်တော်ပြောလိုသည်က ၂ ချက်ရှိပါသည်။

၁။ ကာတွန်းဆရာသည် ယခုမှ စိတ်ကူးပေါက်၍ ထရေးသူတစ်ဦး မဟုတ်ပါ။ ဂျာနယ်တွေ၊ နေ့စဉ်ထုတ် သတင်းစာတွေမှာ ကျွန်တော်တို့ ဖတ်နေကျ၊ မြင်နေကျ ကာတွန်းဆရာ ဖြစ်ပါသည်။ သမ္မတအစ လွှတ်တော်အဆုံး အစိုးရအဖွဲ့မကျန် သူမြင်သမျှကို သရော်သော၊ ဝေဖန်သော၊ ထိုးနှက်သော ကာတွန်းများ ရေးဆွဲနေသူတစ်ဦး ဖြစ်ပါသည်။ ထိုစဉ်က အားလုံးဝိုင်း၍ လက်ခုပ်တီးခဲ့ကြပါသည်။

၂။ ယခု ကာတွန်းကို ကောင်းသည်၊ ဆိုးသည် ကျွန်တော် မဆွေးနွေး မငြင်းခုန်လိုပါ။ သို့သော် ဤကာတွန်းသည် လက်တွေ့ဘ၀မှ ပြည်သူများ၏ အမြင်ကို ထင်ဟပ်ကြောင်း ၉၉.၉၉ ရာခိုင်နှုန်း အာမခံပါသည်။ ကျွန်တော် မကြာခဏ ရေးခဲ့ပြီးဖြစ်ပါသည်။ NLD ထိပ်ပိုင်းက ဘယ်လိုပဲ အကြောင်းပြပြ တစ်နိုင်ငံလုံး နားလည်ထားတာက ဖွဲ့စည်းပုံကို ပြင်ဆင်လိုခြင်းသည် ဒေါ်စုကို သမ္မတနေရာ မရအောင် လုပ်ထားခြင်းကြောင့်ဟုသာ။ အခြားသော ဒီမိုကရေစီစံနှုန်းနှင့် ညီသည်၊ မညီသည်၊ တပ်မတော်ကို အာဏာ အလွန်အကျွံပေးထားသည်၊ မပေးထားသည် စသည်များကို သာမန်ပြည်သူတွေ မသိပါ။ ဘယ်သူကမျှလည်း သိအောင်မလုပ်ပေးကြပါ။ ရှေ့ကရေးခဲ့သည့် ပို့စ်မှာပဲ ကျွန်တော်ပြောခဲ့ပါသည်။ ကျွန်တော်တို့ရပ်ကွက်ထဲမှာ NLD က လူငယ်ပဲလာလာ၊ လူကြီးပဲလာလာ သူတို့ပြောတာ အရှင်းဆုံး။ ဒေါ်စုကို သမ္မတဖြစ်စေချင်သလား၊ အဲဒါဆိုရင် ဖွဲ့စည်းပုံကို ပြင်ရမယ်တဲ့။ ကျွန်တော်က ဒါမျိုးကို ကြိုက်သည်။ ကျန်တဲ့ စံနှုန်းတွေ၊ ဘာနှုန်းတွေကို သူတို့မသိ။ သူတို့သိတာ သူတို့ပါတီရဲ့ ခေါင်းဆောင်ဖြစ်သူ ဒေါ်စုသည် ဖွဲ့စည်းပုံကို မပြင်လျှင် သမ္မတမဖြစ်နိုင်။ ထို့ကြောင့် အဲဒါကြီးကို ပြင်မှရမည်။ ဒါပဲ။ ဘယ်လိုပြင်ရမလဲ... လာမမေးနဲ့ မသိဘူး။ ပြင်ရမယ်ဆိုတာတော့ သေချာသိတယ်။ အဲဒါက ပြည်သူ့အမြင်နဲ့ ထပ်တူဖြစ်ပါသည်။ ထို့ကြောင့် ယခုကာတွန်းသည် ပြည်သူ့အမြင်ကို အပြည့်အ၀နီးပါး ထင်ဟပ်ကြောင်း ကျွန်တော်ဆိုခြင်း ဖြစ်ပါသည်။

သမ္မတကို ဒီကာတွန်းဆရာက ဝေဖန်ကလိနေတုန်းကတော့ အားလုံးက တပြုံးပြုံး လုပ်နေခဲ့ကြပြီးမှ သူတို့ကို တစ်ကွက်ကလေး ထိသွားတော့ ဆတ်ဆတ်နာသည်ဆိုတာကတော့ ဒီမိုကရေစီ မဆန်ဘူးဟု ထင်မိပါသည်။

ဘာပဲပြောပြော ဒီနှစ် ဦးဘဂျမ်းလမ်း ကာတွန်းပြပွဲကို မသွားဖြစ်နိုင်ခဲ့ပါ။ ထို့ကြောင့် အရင်နှစ်တွေကလို ဟိုကာတွန်းကြည့်လိုက်၊ လမ်းလယ်ခေါင်မှာ မတ်တတ်ရပ်ရင်း ရယ်လိုက်၊ ဓာတ်ပုံတွေရိုက်လိုက် မလုပ်ဖြစ်နိုင်ခဲ့ပါ။ အခုမြင်ရသည့် တစ်ပုံဆိုတစ်ပုံဆိုသလောက် ကာတွန်းကိုတော့ဖြင့် သဘောကျမိပါကြောင်း မှတ်တမ်းတင်အပ်ပါသည်။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ နိုဝင်ဘာလ ၁၉ ရက်၊ အင်္ဂါနေ့။

ည ၈ နာရီ ၆ မိနစ်တွင်ပြီး၏။

ကာတွန်းထဲက နိုင်ငံရေး၊ နိုင်ငံရေးထဲက ကာတွန်း

(က)

တစ်ချိန်တစ်ခါတုန်းက ဟော်လေတကြိုး ဟိုးလေးတကြော် နာမည်ကျော်ခဲ့တဲ့ ကြွေးကြော်သံတစ်ခုကို ပြောပြချင်ပါတယ်။ စာဖတ်သူလည်း ကြားဖူး၊ သိဖူးပြီးသား ဖြစ်မှာပါ။ ဘာတဲ့... မြင်းခွာတစ်ချက်ပေါက်လျှင် မီးဟုန်းဟုန်းတောက်စေရမည် တဲ့။ ကဲ.. ဘယ်လောက်များ အားပါလိုက်သလဲ၊ ဘယ်လောက်များ ဇာတိသွေး၊ ဇာတိမာန် တက်ကြွစေခဲ့သလဲ။ ကျုပ်ဆိုတဲ့ ကိုဉာဏ်ဖြင့် ငယ်ငယ်တုန်းက ကျန်တဲ့ဟာတွေသာ မမှတ်မိရင်နေမယ်၊ ကိုဗဟိန်းရဲ့ ကြွေးကြော်သံဖြစ်တဲ့ မြင်းခွာတစ်ချက်ပေါက်လျှင် ဆိုတာတော့ဖြင့် သိပ်ကိုလွှတ်ပြီး မှတ်မိတာပေါ့ဗျာ။ အဲဒီသင်ခန်းစာကို သင်ခါစကများဆိုရင် သူငယ်ချင်းတွေနဲ့တွေ့တိုင်း မြင်းစီးဟန်လုပ်ပြီး ကြုံးဝါးခဲ့ဖူးတာ အမှတ်ရမိတယ်။ ဟော... အခုများတော့ နည်းပညာခေတ်ကြီးထဲကို ရောက်လာပြီလေ။ ကြွေးကြော်သံတွေလည်း ပြောင်းသွားရှာပြီ။ ၂၁ ရာစုခေတ်ရဲ့ မြန်မာ့ကြွေးကြော်သံက Enter တစ်ချက်ခေါက်လျှင် မီးဟုန်းဟုန်းတောက်စေရမည် တဲ့။ ကဲ.. ဘယ်လောက်များ ခေတ်မီပြီး စိတ်ဝင်စားဖို့ကောင်းသလဲ။ ခေတ်နဲ့အံကျမှ တကယ့်ကိုအံဝင်ခွင်ကျ။ မြန်မာပြည်မှာ ဖြစ်ပျက်နေသမျှ ပဋိပက္ခတွေမှာ တကယ့်မြေပြင်လက်တွေ့ထက် အင်တာနက်တိုက်ပွဲ၊ တစ်နည်းပြောရရင် ဆိုက်ဘာတိုက်ပွဲတွေက ပိုမိုပြင်းထန်တယ်ဆိုတာကို ကာတွန်းဆရာ တွေးတတ်၊ ရေးတတ်လိုက်ပုံက အဲဒီကာတွန်းကို ကြည့်နေရင်းနဲ့ မသိမသာ ခေါင်းကလေးတောင် ရှောင်လိုက်မိပါသေးရဲ့။ :D

( ခ )

ဒီရက်ပိုင်းအတွင်း အင်တာနက်ပေါ်မှာ မြို့မေတ္တာတွေ အတုံးလိုက်အတစ်လိုက် ခံယူနေတဲ့ မင်းသားလေးဖြစ်တဲ့ ရိုတကို ကျွန်တော့်မိတ်ဆွေတွေ သိကြမှာပေါ့။ ထူးထူးခြားခြား ဘယ်သူမှ မလုပ်ရဲတဲ့ စက်ဆီပို့စ်ဆိုတဲ့ ဓာတ်ပုံတွေကြောင့် နေ့ချင်းညချင်း အင်တာနက်မင်းသားကြီး ဖြစ်သွားရပါရောလား။ အဘယ်သို့သော နှုတ်ခမ်းနီမလေးတွေက သဘောကျသလဲဆိုတာ မသိပေမယ့် အများစုကတော့ ၀ိုင်းဝန်း ကန့်ကွက်ခဲ့ကြတာကို တွေ့ရပါတယ်။ အချို့ကလည်း ရိုတဘက်ကနေ ခုခံပြောဆိုကြတာ တွေ့ရပါတယ်။ ဘာပဲပြောပြော မြန်မာ့မျက်စိ၊ မြန်မာ့ဓလေ့၊ မြန်မာ့ယဉ်ကျေးမှုနဲ့တော့ ရိုတရဲ့ ဓာတ်ပုံတွေဟာ အလှကြည့်ရဲစရာ မရှိသေးဘူး ဆိုတာပါပဲ။ အဲဒီဓာတ်ပုံတွေပါတဲ့ ဂျာနယ်ကို အိမ်ကဧည့်ခန်းထဲမှာ မိသားစု အတူဖတ်နိုင်ပါ့မလား၊ ကြည့်နိုင်ပါ့မလား စဉ်းစားကြည့်ရုံနဲ့ မလွယ်လှပါဘူးဗျာ။ ကဲ... လေကြောမရှည်တော့ပါဘူး။ ရိုတရဲ့ ဓာတ်ပုံတွေ ပေါ်လာတဲ့နေ့မှာပဲ ချက်ချင်းဆိုသလို တက်လာခဲ့တဲ့ အင်တာနက်က ဓာတ်ပုံကလည်း လူကြိုက်များလွန်းလှသဗျာ။ မိတ်ဆွေတွေအားလုံး ကြည့်ဖူးပြီးသား ဖြစ်မယ်ဆိုတာ သိပေမယ့် မှတ်တမ်းတစ်ခုအနေနဲ့ သိမ်းဆည်းချင်တဲ့အတွက် ပြန်လည်တင်ပေးလိုက်ပါတယ်။ ဆွဲထားတဲ့ ကာတွန်းပုံလေးကို သေချာကြည့်လေ ရင်ထဲမှာ သဘောကျပြီး ရယ်မိပြုံးမိလေပါပဲ။ ဆွဲတတ်ပါပေ့ ကာတွန်းဆရာရယ်လို့ပဲ ပြောပါရစေ။ ဝေါ့ ဆိုပြီး အန်နေတဲ့ခွေးကလည်း ဘာသရုပ်ပါသလဲ မမေးပါနဲ့။ ရယ်ကြပြုံးကြရမှာပါ။ :D

( ဂ )

အခြားနိုင်ငံတွေမှာ အဲဒီစကားဟာ ဘာမျှဆန်းတဲ့စကား မဟုတ်ပါဘူး။ သာမန်ပြောရိုးပြောစဉ် စကားတစ်ခုပါပဲ။ အကိုးအကားတစ်ခုအနေနဲ့ ပြောတယ်ဆိုရင်လည်း ကိုးကားတယ်ဆိုရုံလောက်ပါပဲ။ ဒါပေမယ့် ကျွန်တော်တို့ နိုင်ငံမှာတော့ အဲဒီစကားတစ်ခွန်းဟာ အများကြီးကို အဓိပ္ပါယ်သက်ရောက်ပါတယ်။ ကောင်းတဲ့ဘက်က မဟုတ်ဘဲ သရော်စရာ၊ ခနဲ့စရာ၊ ဟာသလုပ်စရာအဖြစ် နာမည်ကျော်တာကို အနောက်နိုင်ငံသားတွေများသိရင် ဘယ်လိုပြောကြမယ် မသိပါဘူး။ ဟုတ်တယ်လေ... သူတို့ကို အဲဒီစကားရဲ့ မူလအင်္ဂလိပ်ဘာသာအတိုင်း ပြောပြလိုက်၊ သူတို့က အင်း.. ဟုတ်တယ်လေ၊ အဲဒါ ဘယ်သူပြောခဲ့တာပေါ့၊ အဲဒါ ဘာအဓိပ္ပါယ်ပေါ့၊ အဲဒါအမှန်ပေါ့၊ အဲဒီအတိုင်း ဖြစ်ရမှာပေါ့၊ အဲဒီစကားဟာ လူတိုင်းအတွက်လေ၊ အဲဒီစကားဟာ... စသဖြင့် စသဖြင့် ပြောရိုးပြောစဉ်တွေ ပြောကြပါလိမ့်မယ်။ သြော်... ဘာစကားများပါလိမ့်ဆိုပြီး သို့လော၊ သို့လော ဖြစ်နေပြီထင်ပါရဲ့။ ဆောရီးပါဗျာ၊ တောင်းပန်ပါတယ်။ ကျွန်တော်ကိုဉာဏ်က လေနည်းနည်း ရှည်တတ်လေတော့ သည်းခံပေးပါဗျာ။ အခြားမဟုတ်ပါဘူး။ အားလုံးသိတဲ့ "No one is above the Law ဥပဒေအထက်မှာ ဘယ်သူမျှ မရှိဘူးပေါ့" ဒါပေမယ့် ကျွန်တော်တို့နိုင်ငံမှာတော့ အဲဒီစကားကို ပြောလိုက်ပြီဆိုတာနဲ့ နောက်ဆက်တွဲ ကြားရမယ့်ဟာတွေက အများကြီးပဲ။ ဥပမာတွေ ပြောပြမယ်။ ဥပမာတွေနော်... ကျွန်တော်ကိုဉာဏ် ထွင်ပြီးပြောတာ တစ်ခုမှ မရှိဘူး။ ၁။ ဥပေဒအထက်မှာ ဘယ်သူမှမရှိဘူး၊ အေး... ပြောတဲ့လူတော့ရှိတယ်။ ၂။ ဥပဒေအထက်မှာ ဘယ်သူမှ မရှိဘူး၊ အေး.. ဥပဒေအောက်မှာလည်း ဘယ်သူမှမရှိဘူး။ ၃။ No one is above the law ဆိုတာ ဥပဒေအထက်မှာ နံပါတ် ၁ ရှိတယ်လို့ ပြောတာတဲ့။ ကဲ... တော်ပါပြီဗျာ၊ ဒီလောက်ဆိုရင် ဒီထက်ရေးရင်လည်း ကျွန်တော်ကိုဉာဏ်တစ်ယောက် ခန့်ဖြိုးသီချင်းကို စာသားပြောင်းဆိုနေရမယ်။ ခန့်ဖြိုးကတော့ မျောက်ဖြစ်ချင်တယ်တဲ့။ ကိုဉာဏ်က ဆိတ်ဖြစ်ချင်တယ်လို့ အော်နေရဦးမယ်။ ဥပဒေအထက်မှာ ဘယ်သူမျှ မရှိရဘူးဆိုရင် လုံးဝ မရှိရဘူးပဲ။ ဘာမျှလာပြောမနေနဲ့။ အဲဒါကို ကာတွန်းဆရာ ထေ့ထားပုံလေးက ဘယ်လောက်တောင် သဘောကျဖို့ကောင်းသလဲဆိုတာ ခံစားကြည့်ပါဦး။ :D

(ဃ)

ဆုံးသွားရှာပြီဖြစ်တဲ့ ဆရာအောင်ထွဋ်ကိုတောင် သတိရမိတယ်။ သူမကြာခဏ ပြောနေခဲ့တဲ့ ပြိုင်တူတွန်းလျှင် ရွေ့နိုင်ပါသည်ဆိုတဲ့စကားကို ပြန်ကြားယောင်မိတယ်။ သူ့ခမျာလည်း သေသာသွားရရှာတယ်... မြန်မာပြည်အရေးအတွက် စိတ်ဖြောင့်ခဲ့မှာ မဟုတ်ပါဘူး။ အင်း.. ဒါပေမယ့် အခုတော့ တမလွန်ကနေ မြန်မာပြည်ကို လှမ်းကြည့်ပြီး သူကျေနပ်နေမှာပါ။ သူအမြဲတစေ တိုက်တွန်းခဲ့တဲ့ အရွေ့တစ်ခုရောက်အောင် တက်ညီလက်ညီ တွန်းကြရမယ်ဆိုတာကို အခုလက်ရှိ မြန်မာအင်စတီကျူးရှင်းတွေအားလုံး စိတ်ပါလက်ပါ တွန်းနေကြပုံများ ပျော်စရာတောင် ကောင်းသေးတော့တယ်။ မြန်မာ့အရွေ့အတွက် ကိုယ်နိုင်ရာနိုင်ရာကို တစ်တပ်တစ်အား ကျရာနေရာကနေ တွန်းနေလိုက်ကြပုံကို ကာတွန်းဆရာ မှတ်တမ်းတင်လိုက်ပုံက သဘောကျမိရုံတင်မဟုတ်ဘူး၊ လက်ခုပ်များတောင် တီးပေးလိုက်ချင်သေးရဲ့။ ဘရာဗို... ဘရာဗို...။ ကဲ... ကျွန်တော်တို့တွေလည်း ကျရာနေရာကနေ ၀င်တွန်းလိုက်ကြရအောင်ဗျာ။ ညီစေနော်... စမယ်... ရယ်ဒီ... ၀မ်း... တူး... သရီး..... တွန်းးးးးးးးးးးးးးးးးးး။ :D

( င )

အင်တာနက်က ဆောင်းပါးတစ်ပုဒ်၊ ဆောင်းပါးတစ်ပုဒ်ဆိုပေမယ့် စာပိုဒ်တစ်ပိုဒ်၊ စာပိုဒ်တစ်ပိုဒ်ဆိုပေမယ့် စာကြောင်းတစ်ကြောင်း၊ စာကြောင်းတစ်ကြောင်းဆိုပေမယ့် စကားလုံးတစ်လုံး၊ စကားလုံးတစ်လုံးဆိုပေမယ့် အာ... မသိတော့ဘူးဗျာ။ ကြက်ဥနဲ့ကြက်မ ဘယ်ဟာက အရင်စဖြစ်သလဲ ဆိုတာကိုပဲ ကျွန်တော်ကိုဉာဏ် သုတေသန လုပ်ချင်တော့တယ်။ ဒေါက်တာဆိတ်ဖွားဆိုတဲ့ ဘယ်သူမှန်း မသိတဲ့လူကို (ကျွန်တော်တို့ မသိတာကိုပြောတာပါ၊ လွှတ်တော်ကိုယ်စားလှယ်တွေကတော့ အားလုံးသိတယ် ပြောကြတာပဲ) လွှတ်တော်မှာ အရေးတယူလုပ်ပြီး ကိုယ်စားလှယ်တွေ မြောက်များစွာပါဝင်တဲ့ နိုင်ငံတော်အဆင့် စုံစမ်းစစ်ဆေးရေး ကော်မရှင်တစ်ရပ်ဖွဲ့ပြီး စုံစမ်းစစ်ဆေးရသလဲ ဆိုတာကိုတော့ တွေးလည်းမတွေးချင်ဘူး၊ တွေးလည်းမတွေးတတ်ဘူးဗျာ။ ကျွန်တော်တို့ငယ်ငယ်က ပြောဖူးတဲ့ ဟာသစကားတစ်ခွန်းရှိတယ်။ သိပ်ပြီးတော့ သတ္တိပြတတ်တဲ့၊ ဆောင့်ကြွားကြွားနိုင်တဲ့ သူငယ်ချင်းတွေဆိုရင် ပြောတတ်ကြတဲ့ စကားတစ်ခွန်းပေါ့။ ပြန်ပြီးတော့ ဖောက်သည်ချပါရစေ။ ဒီလိုပါ... ဆင်ဖမ်းမယ်၊ ကျားဖမ်းမယ်၊ မြွေပွေးကစ်ဆင်ရိုက်မယ်၊ ခြင်္သေ့ကိုခေါင်းပုတ်မယ်၊ ကျားကိုအမြီးဆွဲမယ်၊ နဂါးကို သွားကြားထိုးမယ်၊ ၀က်ဝံကို လက်ဆွဲနှုတ်ဆက်မယ်ဆိုပြီး ဟိုတစ်နေ့က လူပေါ်ကို အိမ်မြောင်ပြုတ်ကျလို့ အကြောက်လွန်ပြီး မေ့လဲသွားတာ မနည်းနှာနှပ်ယူရတယ် ဆိုတာမျိုးပါ။ အခုလည်း ကျွန်တော်တို့ လွှတ်တော်ကြီးက တိုင်းသိပြည်သိ စုံစမ်းစစ်ဆေးရေး ကော်မရှင်ဖွဲ့၊ တိုင်းသိပြည်သိ ဟိုလူ့မေး၊ ဒီလူ့မေးလုပ်၊ တိုင်းသိပြည်သိ ဘယ်သူဘယ်ဝါဆိုတာ သိပါပြီပြော၊ တိုင်းသိပြည်သိ ဘယ်လိုအရေးယူလို့ ရပါတယ်လို့ လေသံတွေပစ်၊ တိုင်းသိပြည်သိ ဘယ်နေ့အစည်းအဝေးမှာ ထုတ်ဖော်ကြေညာပါမယ်လို့ ပြောလိုပြော၊ ဟော... တကယ်တမ်းလည်းကျရော အားလုံးသိတဲ့အတိုင်းပဲ။ နဂိုကတည်းက မလိုအပ်တာကို ရှဥ့်အ၀ှာ အနာလုပ်ခဲ့တာဆိုတော့ ဒီလိုပဲ အဆုံးသတ်လိုက်တာ သဘာဝတော့ ကျပါတယ်လေ။ ဒေါက်တာဆိတ်ဖွားနဲ့ ပတ်သက်ပြီး အောက်ကကာတွန်းလေးက တွေးစရာ ကောင်းသမို့ ပြန်လည်ဝေမျှလိုက်ပါတယ်။ မိတ်ဆွေတို့လည်း သဘောကျမယ်ထင်ပါရဲ့။ တိုးတိုးတော့ ရယ်ကြပါဗျာ။ ပြီးတော့ လျှောက်ပြီးတော့လည်း မဖွကြပါနဲ့။ ကျွန်တော်က ကြောက်တတ်လို့ပါ။ မထူးပါဘူးဗျာ... တစ်ခါတည်းပဲ တောင်းပန်ထားလိုက်မယ်။ အပေါ်တွင် ရေးသားခဲ့သည်များ၌ မြန်မာနိုင်ငံ၏ အာဏာအရှိဆုံး လွှတ်တော်ကြီးနှင့် ပြည်သူ့ရင်းနှစ်သည်းခြာ ကိုယ်စားလှယ်ကြီးများအပေါ် ထိပါးစော်ကားသည့် အသုံးအနှုန်းများ ပါဝင်နေခဲ့သည်ဆိုပါက အပြစ်တော်မမြင်ဘဲ နားလည်ပေးစေချင်ကြောင်း တောင်းပန်လိုက်ပါသည်။ :D

( စ )

အက်(ဒ်)၀ပ်စနိုဒန်ဆိုတဲ့ လူငယ်လေးတစ်ယောက်ရဲ့ ၀ီစီမှုတ်ချက်ဟာ ဘယ်လောက်ပြင်းထန်ပြီး ဘယ်လောက် တာသွားခဲ့သလဲဆိုတာ အားလုံးအသိမို့ အထူးအထွေ ရှာမရှည်တော့ပါဘူး။ တစ်နေ့က တင်တဲ့ နိုင်ငံတကာသတင်းပို့စ်မှာလည်း သူ့အကြောင်း အတော်များများ ရေးထားပြီးပြီမို့ ထပ်ပြီးတော့ မပြောတော့ပါဘူး။ ကာတွန်းလေးကို သဘောကျလို့ ပြန်ဝေမျှလိုက်တာပါ။ ၀ီစီမှုတ်လို့ ထွက်လာတဲ့ အသံလှိုင်းတွေကို မြင်ရဲ့မဟုတ်လား။ သဘောပေါက်... သဘောပေါက်...။ :D

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ ဇူလိုင်လ ၁၅ ရက်၊ တနင်္လာနေ့။

နံနက် ၂ နာရီ ၁၉ မိနစ်တွင်ပြီး၏။

ကာတွန်းလေးတွေခံစား၊ အတွေးများပွားကြရအောင်

ကျွန်တော်ကြိုက်တဲ့ ကာတွန်းလေးတွေကို စုစုစည်းစည်းနဲ့ မကြာခဏ တင်ပေးဖူးပါတယ်။ ဟိုကဒီက ဖတ်ရသမျှတွေထဲက ကျွန်တော့်ရင်ကို လာထိတဲ့ ကာတွန်းတွေ ဆိုပါတော့။ ကျွန်တော့်အကြိုက် တင်တာဖြစ်တဲ့အတွက် မိတ်ဆွေတွေနဲ့ အကြိုက်မတူတာ၊ အမြင်မတူတာတွေလည်း ရှိခဲ့မှာပါပဲ။ ဒါပေမယ့် ရသတစ်ခုမဟုတ် တစ်ခုကတော့ ပေးစွမ်းနိုင်မှာ အသေအချာပါပဲ။ မူလကာတွန်းတွေက ကောင်းနေပြီးသားကိုး။ ကာတွန်းလေးတွေတင်တိုင်း ကျွန်တော့်အမြင်လေးတွေကို ရေးဖြစ်ပါတယ်။ အချို့ကလည်း အဲဒီလို ရေးထားတာကို မကြိုက်လှဘူး။ ကျွန်တော်က ကာတွန်းနဲ့ပတ်သက်ပြီး ရေးထားလေတော့ အဲဒီကာတွန်းကို ခံစားတဲ့အခါ ဘောင်ခတ်ထားသလို ခံစားရတယ်တဲ့။ ဘာမှမရေးထားမှ ကိုယ်ကြိုက်သလို ကိုယ့်အတွေးနဲ့ကိုယ် လွတ်လွတ်လပ်လပ် ခံစားလို့ ရပါသတဲ့။ ကျွန်တော်လက်ခံပါတယ်။ သို့သော် အချို့သောသူတွေအတွက်ကျတော့ ရေးထားတာလေးတွေကို ဖတ်ပြီးတော့ အခြားသော ခံစားမှုတွေကို ဆင့်ပွားယူတတ်ကြတာမို့ ကျွန်တော်လည်း ထည့်ရေးဖြစ်တာပါ။ ကျွန်တော်ကတော့ ဒီလိုတွေးမိတယ်၊ ခင်ဗျားတို့လည်း ဒီလိုပဲတွေးကြဗျာလို့တော့ ဆိုလိုတာမဟုတ်မှန်း နားလည်ပေးနိုင်ကြမယ်ထင်ပါတယ်။ အခုလည်း အချို့သော ကာတွန်းလေးတွေကို စုစည်းပေးလိုက်ပါတယ်။ ကျွန်တော့်ဉာဉ်အတိုင်း နည်းနည်းလေးတော့ တို့ထိလိုက်ပါသေးတယ်။

(က)

နိုင်ငံရေးသမားကြောက်ရောဂါ ရနေရှာသူရဲ့ အတွေးလို့ အမည်ပေးချင်တယ်။ မိတ်ဆွေကရော ကာတွန်းထဲကလိုလူပဲလား။ 

(ခ)

ကာတွန်းကိုကြည့်ပြီးတော့ မရယ်နိုင်ဘူး။ မအီမလည်ကြီး ခံစားရတယ်။ အလွန်လိမ္မာသော လူမိုက်တစ်ယောက်အကြောင်း ရေးခိုင်းရင်လည်း ဒီလိုမျိုးဖြစ်မယ်ထင်ပါရဲ့။ 

(ဂ)

ဒီကာတွန်းကိုကြည့်ပြီး ကျွန်တော်တွေးမိတာက ငါးမျှားနေတဲ့လူဟာ အောက်ကတဲလေးထဲမှာသာဆိုရင် အခုလိုမျိုး ဘယ်မျှားနိုင်မလဲဆိုတာပါပဲ။ အပေါ်ကိုရောက်သွားလို့ မျှားနေတာလား၊ အဲဒီလိုမျှားရင်းနဲ့ အပေါ်ရောက်သွားတာလားဆိုတာကတော့ ကာတွန်းဆရာပဲ သိလိမ့်မယ်ထင်ပါရဲ့။ 

(ဃ)

ကာတွန်းထဲက ကျည်ဆန်တွေကို ကျွန်တော်လည်းကြောက်တယ်။ ကျွန်တော်ကတော့ ဆီးရီးယားလမ်းညွှန်ဆိုင်းဘုတ်နေရာမှာ ကမ္ဘာ့မြေပုံကိုတောင် ပြောင်းပြီးတော့ တပ်လိုက်ချင်သေးတယ်။

(င)

တွေးရင်တွေးသလောက်၊ မြင်ရင်မြင်သလောက် သဘောကျတဲ့ ကာတွန်းလေးပါ။ ကာတွန်းထဲမှာ အားလုံးပါပြီးသားမို့ အထူးအထွေ ရှင်းပြဖို့ကို မလိုတာပါ။ 

(စ)

ကြိုးကိုင်၊ လက်ရှိ စတဲ့စကားလုံးလေးတွေနဲ့ ကာတွန်းဆရာရဲ့ ထေ့ငေါ့သွားပုံလေးက ပြောင်မြောက်ပါပေ့ဗျာ။ ဦးသိန်းစိန် အစိုးရမို့ပေါ့ဗျာ။ ၂၀၁၀ မတိုင်မီ ကာလများဆိုရင်တော့ ဒါမျိုးကာတွန်းက ဘယ်ပြောကောင်းလိုက်မလဲ။ တစ်ဆက်တည်း အငြိမ့်တွေမှာ လူရွှင်တော် ပြက်လုံးထုတ်တတ်တဲ့ ဟာသတစ်ခုကို သွားသတိရတယ်။ တစ်ယောက်က မကောင်းတဲ့အကြောင်းတွေ လျှောက်ပြောတယ်။ အခြားလူတွေက အေးအေးဆေးဆေးပဲ။ ပြီးတော့မှ ပြောခဲ့တဲ့လူက မင်းကိုပြောနေတာကွ ဆိုတော့မှ အော်... ငါ့ကိုပြောနေတာလား၊ ငါ့ကိုပြောလို့ပြောမှန်းတောင် မသိဘူး။ စသဖြင့်ပေါ့။ ကျွန်တော်ပြောချင်တာကို ဆက်တွေးကြည့်ပေါ့ဗျာ။

(ဆ)

ခေါင်းစဉ်နဲ့တင် အမှတ်ပြည့်ပေးလိုက်တယ်။ ဘာတဲ့... ညှော်လစီ တဲ့။ ရေးထားတာကလည်း ပညာသား ပါပါပေ့ဗျာ။ တွေးကြည့် ခံစားကြည့်ပါဦး။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ ဇွန်လ ၁၂ ရက်၊ ဗုဒ္ဓဟူးနေ့။

မွန်းလွဲ ၂ နာရီ ၄၅ မိနစ်တွင်ပြီး၏။

ဦးဘဂျမ်း ရှိသေးလျှင်ဖြင့်....

ကွန်ပျူတာထဲမှာ သိမ်းထားတဲ့ ဦးဘဂျမ်းကာတွန်းပေါင်းချုပ်စာအုပ်ကို ညနေပိုင်းက ဖတ်ဖြစ်ပါတယ်။ အရင်တုန်းက ဦးဘဂျမ်းရဲ့ ကာတွန်းတွေကို ဟိုတစ်ကွက် ဒီတစ်ကွက် ဖတ်ခဲ့ဖူးပေမယ့် အခုလို တစ်စုတစ်စည်းတည်းကတော့ အခုမှပဲ တစ်ထိုင်တည်း ဖတ်ဖြစ်ပါတယ်။ ဘယ်သူမှန်း မသိပေမယ့် ဒီလိုစာအုပ်တွေကို အွန်လိုင်းက မြန်မာစာဖတ်ပရိသတ်တွေ ဖတ်ခွင့်ရအောင် လုပ်ပေးနေတဲ့ သူတွေကို ကျေးဇူးတင်ကြောင်း ဦးစွာပြောလိုပါတယ်။ အရင်ကတည်းက ဂျာနယ်အချို့၊ မဂ္ဂဇင်းအချို့မှာ ဦးဘဂျမ်းရဲ့ ကာတွန်းလက်ရာအချို့ကို ဖော်ပြကြတာ ဖတ်ခဲ့ဖူးပါတယ်။ သဘောကျခဲ့ရပါတယ်။ လေးစားခဲ့ရပါတယ်။ ဒီနေ့ ကျွန်တော့်မှာရှိတဲ့ ဦးဘဂျမ်းလက်ရာ ပေါင်းချုပ်စာအုပ် ၂ အုပ်ကို ဖတ်ပြီးတဲ့အချိန်ကျမှပဲ အရင်တုန်းက ကျွန်တော်သဘောကျခဲ့တာဟာ တကယ့်ကို ဘာမျှသေသေချာချာမသိဘဲ သဘောကျခဲ့တာပါလားလို့ သိခွင့်ရပါတယ်။ ပြောရမယ်ဆိုရင် ကျွန်တော်ဖတ်ဖူးသမျှ ဦးဘဂျမ်း ကာတွန်းလေးတွေဟာ ကျွန်တော့်ရင်ကို ထိတဲ့အတွက် သဘောကျခဲ့တာပဲ ရှိပါတယ်။ ဒီနေ့တော့ ဦးဘဂျမ်းဆိုတာ ဘယ်လိုလူလဲဆိုတာကိုပါ မြည်းစမ်းခွင့် ရခဲ့ပါတယ်။ သူ့ကာတွန်းတွေဖတ်ပြီး အံ့သြမှုဖြစ်ရ၊ ရင်သပ်ရှုမောဖြစ်ရ၊ လေးစားမှုဖြစ်ရ၊ စတဲ့ ခံစားမှုပေါင်းစုံနဲ့ အတော်ကြီးကို ဗလောင်ဆူသွားခဲ့ပါတယ်။ ဦးဘဂျမ်းဆိုတဲ့ ပုဂ္ဂိုလ်ကြီးဟာ သူ့ခေတ်သူ့အခါက ဖြစ်ပျက်သမျှ နိုင်ငံရေး၊ စီးပွားရေး၊ လူမှုရေး အခြေအနေ အ၀၀ကို ကာတွန်းတွေထဲမှာ ပြောခဲ့ပါလားဆိုတာ သိခွင့်ရခဲ့တယ်။ သမိုင်းစာအုပ် ပြန်ဖတ်စရာမလိုဘဲ အဲဒီကာတွန်း ရေးခဲ့တဲ့အချိန်မှာ မြန်မာပြည်ရဲ့ အခြေအနေဟာ ဘယ်လိုလဲဆိုတာကို အကဲခတ်နိုင်လောက်တဲ့အထိ သူ့ကာတွန်းတွေက စကားတွေပြောခဲ့ပါတယ်။ ကဲပါဗျာ... ဦးဘဂျမ်းကို ကျွန်တော်ကိုဉာဏ်က ချီးကျူးမှမဟုတ်ပါဘူး။ သူ့ဟာသူ နာမည်မသေတဲ့ မြန်မာပုဂ္ဂိုလ်ကျော်တစ်ဦးအဖြစ် သမိုင်းကမ္ဗည်း ရေးထိုးပြီးသားပါ။ ဦးဘဂျမ်း ကာတွန်းတွေဟာ အစွန်းလွတ်တာကို တွေ့ရပါတယ်။ အစိုးရဘာလုပ်လုပ် ဝေဖန်မယ်ဆိုတဲ့လူ မဟုတ်သလို၊ ပြည်သူတွေ ဘာလုပ်လုပ် မှန်တယ်လို့ မျက်စိစုံမှိတ်ပြီး မြှောက်ပင့်ခဲ့သူလည်း မဟုတ်ပါဘူး။ ထို့အတူပါပဲ သင်္ကန်းဝတ်ထားတဲ့ ရဟန်းသံဃာတွေ အမြင်မတော်တာတွေကိုလည်း ကာတွန်းတွေကတစ်ဆင့် ပညာရှိနည်းနဲ့ ထောက်ပြဝေဖန်ခဲ့သူပါ။ ပြောရရင် သူဟာ သူဖြတ်သန်းခဲ့တဲ့ ကာလတစ်လျှောက်မှာ အမြင်မတော်သမျှ အားလုံးကို ကာတွန်းတွေကတစ်ဆင့် ဆုံးမပဲ့ပြင်ခဲ့တာ၊ ဝေဖန်ထောက်ပြခဲ့တာ တွေ့ရပါတယ်။ အစိုးရကိုလည်း မညှာပါဘူး၊ ပြည်သူတွေကိုလည်း ချန်မထားပါဘူး၊ ရဟန်းသံဃာလည်း မလွတ်ပါဘူး၊ အမျိုးသမီးလည်း ပါတာပါပဲ၊ ပြောရမယ်ဆိုရင် အဖွဲ့အစည်းအားလုံး၊ လူသားအားလုံးရဲ့ မတော်တရော်တွေ၊ အမြင်မတော်တာတွေ အားလုံးကို ဆော်နှက်ခဲ့တာပါပဲ။ အဲဒါကြောင့်လည်း ဒီနေ့အထိ ကျွန်တော်တို့တွေ တလေးတစား ဖတ်နေရတာ ဖြစ်ပါလိမ့်မယ်။ ဒီနေ့ခေတ်မှာတော့ အမှန်တရားဆိုတဲ့ နေရာကရပ်ပြီး ထောက်ပြဝေဖန်တဲ့လူဆိုတာ အတော်ကြီးကို ရှားသွားပါပြီ။ ဒီနေ့ခေတ် နာမည်ကြီး ကာတွန်းဆရာ အတော်များများဟာလည်း အစိုးရရယ်၊ စီးပွားရေးသမားတွေရယ်၊ စနစ်ကြီးရယ်ကို ဝေဖန်တာလောက်ပဲ အဓိကထားပြီး ရေးနေသားနေကြတာကို တွေ့ရပါတယ်။ အင်း... ဒီနေ့ဒီအချိန်ကာလမှာ ဦးဘဂျမ်း ရှိသေးလျှင်ဖြင့်....။

ဆရာကြီး ဦးဘဂျမ်းကို ဒီပို့စ်နဲ့ ကန်တော့လိုက်ပါတယ်။ ကျွန်တော်ကိုဉာဏ်ဟာ မြင်းထိန်းငတာ ဖြစ်နေလျှင်ဖြင့် နားလည်ပေးကြစေလိုကြောင်းပါ။ ဦးဘဂျမ်းရဲ့ ကာတွန်းလက်ရာအချို့ကို ဖော်ပြလိုက်ပါတယ်။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ မေလ ၂၅ ရက်၊ စနေနေ့။

ည ၈ နာရီ ၂၅ မိနစ်တွင်ပြီး၏။

 

 

 

 

 

 

 

 

 

ကာတွန်းကြိုက်သူတွေအတွက်တော့ ကာတွန်းပါပဲ၊ နိုင်ငံရေးရှုထောင့်က ကြည့်တော့လည်း

ကျွန်တော်တို့ မြန်မာ့နိုင်ငံရေးဟာ အင်မတန်မှကို ရှုပ်ထွေးပါတယ်။ ပျော်စရာပြောဖို့နည်းပြီး စိတ်ညစ်စရာ၊ စိတ်ရှုပ်စရာ၊ စိတ်ညစ်ညူးစရာများသာ ပြောစရာများပါတယ်။ မြန်မာ့နိုင်ငံရေးလို့ ဆိုလိုက်တာနဲ့ တစ်ခုခုတော့ စိတ်ညစ်ရမှာ၊ အလိုမကျဖြစ်ရမှာ၊ စိတ်တိုရမှာ အသေအချာပါပဲ။ ဒါဟာ ကောင်းတဲ့အချက်တော့ မဟုတ်ပါဘူး။ ပျော်စရာတွေချည်းပဲ ကြုံချင်၊ ပြောချင်တယ်လို့ ဆိုလိုတာ မဟုတ်ပါဘူး။ ဖြစ်နေတာတွေက ဖြစ်သင့်တာထက်ပိုပြီး အနုတ်သဘောဆောင်နေ သလားဆိုတဲ့ မေးခွန်းကို မကြာခဏ တွေးမိနေလို့ပါ။ ကဲပါလေ.... နိုင်ငံရေးက ရှုပ်ထွေးတာပဲဖြစ်ဖြစ်၊ နိုင်ငံရေးမှာ ပါဝင်ပတ်သက်နေသူတွေက ရှုပ်ထွေးတာပဲဖြစ်ဖြစ် နိုင်ငံရေး စိတ်ဝင်စားသူတွေ အတွက်ကတော့ အကြောင်းအရာတိုင်းက စိတ်ဝင်စားစရာ၊ လေ့လာစရာ၊ သင်ခန်းစာယူစရာ ဖြစ်မှာပါပဲ။ တစ်ပတ်တာလုံး နိုင်ငံရေးအတွေးတွေ၊ နိုင်ငံရေးသတင်းတွေနဲ့ မွန်းကြပ်လာခဲ့တဲ့ မိတ်ဆွေတွေကို ကျွန်တော်ကြိုက်လွန်းလို့ သိမ်းထားမိတဲ့ ကာတွန်းလေးတွေ တင်ပေးလိုက်ပါတယ်။ ဖတ်ဖူးပြီးသား ဖြစ်ဖို့များပါတယ်။ ဒါပေမယ့် နောက်တစ်ခေါက် ပြန်ခံစားတော့လည်း နောက်တစ်မျိုးများ ခံစားရမလားဆိုတဲ့ အတွေးနဲ့ ပြန်တင်ပေးတာလည်း ပါပါတယ်။ မဖတ်ဖူးသေးသူတွေ အတွက်ကတော့ သဘောကျမှာ အသေအချာပါ။ ခေတ်ကိုထင်ဟပ်တဲ့ ကာတွန်းလေးတွေပါ။ သြော်... ကျွန်တော်ကိုဉာဏ်ရဲ့ အမြင်၊ အတွေးလေးတွေကိုလည်း ရေးပေးလိုက်ပါတယ်။ အမြင်မတူတာတွေ သေချာပေါက် ရှိမှာပါပဲ။ အဲဒီလို ရှိခဲ့ရင်လည်း ကိုယ့်အမြင်နဲ့ကိုယ်သာ ခံစားနိုင်ကြပါကြောင်းခင်ဗျာ။ ကာတွန်းကြိုက်သူတွေအတွက်တော့ ကာတွန်းလေးတွေပါပဲ။ ဒါပေမယ့် နိုင်ငံရေးရှုထောင့်က မြင်ကြည့်တဲ့အခါကျတော့လည်း....။

(က) 

အဆိုအမိန့်တွေ.... အဆိုအမိန့်တွေ...

မြန်မာ့နိုင်ငံရေးကို ထဲထဲဝင်ဝင် သိသူတိုင်းကတော့ ကာတွန်းမှာပါတဲ့ စကားလုံးတွေအားလုံးကို နားလည်ကြပါလိမ့်မယ်။ ဒီဘက်ခေတ်ကျမှ မွေးဖွားလာတဲ့ ညီငယ်၊ ညီမငယ်တွေဆိုရင်တော့ စာဖတ်နာသူတွေကလွဲရင် ကျန်တဲ့လူတွေဟာ အကုန်လုံးကို နားလည်နိုင်လိမ့်မည် မဟုတ်ပါ။ ၂၀၁၀ ပြည့်နှစ်နောက်ပိုင်း မြန်မာ့နိုင်ငံရေးကို စိတ်ဝင်စားသူများ ဆိုရင်တော့ အကုန်လောက်နီးနီး နားလည်ကြပါလိမ့်မယ်။ ကာတွန်းဆရာရဲ့ ရည်ရွယ်ချက်ဟာ ဘယ်လိုဆိုတာ အမျိုးမျိုး အဓိပ္ပါယ် ဖွင့်နိုင်ပါလိမ့်မယ်။ သာမန်အားဖြင့်တော့ ဒီကာတွန်းကို နိုင်ငံရေးကာတွန်းအဖြစ် မှတ်ယူနိုင်ကြပါတယ်။ ကျွန်တော်ကိုဉာဏ်ရဲ့ အမြင်ကတော့ အစိုးရကိုဆန့်ကျင်ရင် နိုင်ငံရေးလုပ်တယ်လို့ ခံယူထားတဲ့ ကာတွန်းဆရာတစ်ယောက်ရဲ့ လက်ရာလို့ပဲ သုံးသပ်ပါတယ်။ ဘာကြောင့်လဲဆိုတော့ အခုကာတွန်းမှာပါတဲ့ အဆိုအမိန့်ဆိုတဲ့ စကားတွေအားလုံးဟာ မြန်မာ့နိုင်ငံရေးမှာ အုပ်ချုပ်သူနေရာက တာဝန်ယူခဲ့သူတွေ၊ လက်ရှိလွှတ်တော်ကိုယ်စားလှယ်တွေ၊ အစိုးရအဖွဲ့ဝင်တွေရဲ့ စကားတွေသာ ဖြစ်နေလို့ပါပဲ။ ကာတွန်းဆရာဟာ တကယ်ပဲ ပြောစမှတ်ဖြစ်တဲ့ စကားတွေကို သရော်ချင်တယ်ဆိုရင် အနည်းဆုံးတော့ ကာတွန်း ၄ ကွက်လောက် ဆွဲရပါလိမ့်မယ်။ အခုကာတွန်းထဲမှာ မပါဘဲ ဟာသမြောက်တဲ့ အဆိုအမိန့်တွေကို ပြောခဲ့တဲ့ အတိုက်အခံတွေ၊ နိုင်ငံရေးသမားတွေ၊ ဒီမိုလုပ်စားတွေ၊ စာရေးဆရာတွေရဲ့ စကားတွေလည်း ရှိသေးတာမို့ပါ။ တချို့စကားတွေဆို အခုကာတွန်းမှာ ပါတာထက်တောင် ပြောင်မြောက်ပါသေးတယ်။ ဖတ်တဲ့လူတွေအတွက်တော့ ရယ်ရပါလိမ့်မယ်၊ ပြုံးရပါလိမ့်မယ်၊ ဒေါသထွက်ရပါလိမ့်မယ်။ ဒါပေမယ့် ကျွန်တော်ကိုဉာဏ် အတွက်ကတော့ ဒီကာတွန်းဟာ မမြင်မစမ်းနဲ့ ဆင်ကိုစမ်းပြီး ကိုယ်ထင်ရာကို ကာတွန်းရေးထားတဲ့ ပုဏ္ဍားတစ်ယောက်ရဲ့ လက်ရာလို့ပဲ ဝေဖန်ချင်ပါတယ်။ သူ့ရဲ့ ဗဟုသုတနဲ့ စိတ်ကူးအတွက်တော့ ချီးကျူးလိုက်ပါတယ်။ နိုင်ငံရေးသမားတွေရဲ့ အဆိုအမိန့်တွေ စုံလင်ချင်တယ်ဆိုရင်တော့ သူ့လိုမျိုး ပုဏ္ဍားကာတွန်းဆရာ နောက်ထပ် ၅ ယောက် လိုသေးကြောင်းပါခင်ဗျား။

( ခ )

အတိုက်အခံဆိုတာ ဒီလိုမျိုးလား

ဆရာကြီးဦးဘဂျမ်းရဲ့ ကာတွန်းလက်ရာပါ။ ဦးဘဂျမ်းဟာ ဘာဖြစ်လို့ အဲဒီလောက် နာမည်ကျော်ရသလဲဆိုတာ ဒီကာတွန်းတစ်ကွက်တည်းနဲ့တင် သိနိုင်လောက်ပါတယ်။ လွန်ခဲ့တဲ့ နှစ်ပေါင်းများစွာက ရေးဆွဲခဲ့တဲ့ ကာတွန်းတစ်ကွက်ဟာ ဒီနေ့အထိ မှန်ကန်နေဆဲ၊ ထင်ဟပ်နေဆဲ၊ မီးမောင်းထိုးပြနိုင်နေဆဲ ဖြစ်တယ်ဆိုတာ မြင်နိုင်ပါတယ်။ နောက်တစ်ခု ကျွန်တော်တွေးမိတာက နိုင်ငံရေးဆိုတဲ့ သဘောတရားကိုက အဲဒီလိုမျိုးလား ဆိုတာကိုပါ။ ဉာဏ်မမီတာကို မစဉ်းစားဘဲ စာတွေ့၊ ကိုယ်တွေ့နဲ့ ကိုယ်လက်လှမ်းမီသလောက်ပဲ ပြောရမယ်ဆိုရင်တော့ အခုကာတွန်းထဲက အဖြစ်အပျက်တွေဟာ မြန်မာ့နိုင်ငံရေး အခြေအနေတွေနဲ့ ကွက်တိဒက်ထိပါပဲဗျာ။ လွတ်လပ်ရေးရပြီးစ ကာလကတည်းက မှန်ကန်ခဲ့တဲ့ ကာတွန်းထဲက ဒဿနဟာ ယနေ့ ၂၁ ရာစုခေတ်၊ သမ္မတကြီး ဦးသိန်းစိန်ခေတ်၊ ဒီမိုကရေစီလမ်းပေါ်ကို လှမ်းတက်နေတဲ့ ခေတ်အထိ မှန်ကန်နေဆဲ ဖြစ်နေတာကတော့ ကာတွန်းဆရာကြီး ဦးဘဂျမ်းကို ချီးကျူးရမှာလား၊ ဒီနိုင်ငံရေး mind-set ကို မပြောင်းလဲနိုင်သေးတဲ့ ကိုယ့်လူမျိုးတွေကိုပဲ အပြစ်တင်ရမှာလား၊ ဒါမှမဟုတ် ဥပေက္ခာပြုပြီး ဒီအတိုင်း လက်ပိုက်ကြည့်နေရမှာလား ဆိုတာကတော့ စာဖတ်သူတို့ရဲ့ အတွေးအကြံများ အတိုင်းသာ ဖြစ်ပါစေဗျာ....။ ဒီနေရာမှာ ကျွန်တော်ကိုဉာဏ်ပြောတဲ့ မြန်မာ့နိုင်ငံရေး mind-set ကို ကာတွန်းထဲမှာ မြင်အောင်ကြည့်စေချင်ပါတယ်။ အဲလိုမှ မဟုတ်ရင်တော့ ကိုဉာဏ်ဆိုတဲ့ နလပိန်းတုံးကောင်ဟာ နိုင်ငံရေးမှာ အတိုက်အခံမရှိရဘူးလို့ ပြောနေတယ်ဆိုပြီး စာဖတ်သူတွေအတွက် ဒေါသပွားစရာ ဖြစ်နေမှာ စိုးရိမ်လို့ရယ်ပါ။ နိုင်ငံရေးလုပ်ရင် အတိုက်အခံဆိုတာ ကြုံကြရမှာပဲဆိုတာ ကျွန်တော်ကိုဉာဏ်က သိပ်လက်ခံသပေါ့ဗျာ။ ကျွန်တော်လက်မခံတာက ဦးဘဂျမ်းပြောတဲ့ အတိုက်အခံတွေကိုပါ။ အားလုံးမြင်နိုင်ကြလိမ့်မည်ဟု ယုံကြည်ကြောင်းပါဗျာ....။

( ဂ )

ခေတ်သစ်မြန်မာ့နိုင်ငံရေးသမိုင်း

ကျွန်တော်ကိုဉာဏ် ရှင်းပြစရာ မလိုလောက်အောင်ကို နားလည်လွယ်တဲ့ ကာတွန်းလေးပါဗျာ။ ဆရာဟာကျူလီကို ဒီနေရာကနေ ချီးကျူးလိုက်ပါတယ်။ လက်ရှိမြန်မာ့နိုင်ငံရေးကို ဘယ်လိုနားလည်သလဲလို့ ကျွန်တော့်ကို တစ်ယောက်ယောက်ကများ လာမေးခဲ့မယ်ဆိုရင် ကျွန်တော်က ဒီကာတွန်းလေးကို ပြလိုက်ချင်တယ်။ စကားပေါင်း တစ်သိန်း၊ စကားပေါင်း တစ်သန်း၊ စကားပေါင်း ကုဋေ ပြောနေတဲ့ ကာတွန်းလေးပါဗျာ။ လက်ရှိမြန်မာ့နိုင်ငံရေးဆိုတဲ့ အကြောင်းအရာကြီး တစ်ခုလုံးကို ဒီကာတွန်း တစ်ကွက်တည်းနဲ့ ဖော်ကျူးထားတယ်လို့ ကျွန်တော်ကပြောရင် ကိုဉာဏ်ဆိုတဲ့ကောင်ဟာလေ သိပ်ပြီးတော့ သောက်ပိုပြောတတ်တာပဲလို့ ကျွန်တော့်သူငယ်ချင်းတွေက သြဘာပေးကြမှာကို မြင်ယောင်ပါသေးရဲ့ဗျာ။ စေ့စေ့တွေးရင် ရေးရေးပေါ်တယ်ဆိုတဲ့ စကားပုံရှိပါတယ်။ ကျွန်တော်ကတော့ ဒီကာတွန်းကို ဖတ်ပြီးတဲ့အချိန်မှာ စေ့စေ့တွေး ရှင်းရှင်းပေါ်လို့ စကားပုံအသစ်တစ်ခု သုံးလိုက်မိပါသဗျို့။ မြန်မာ့နိုင်ငံရေးမှာ ပါဝင်ပတ်သက်နေကြတဲ့ stakeholders တွေအားလုံး သတိပြုမိနိုင်ကောင်းရဲ့လို့ မျှော်လင့်မိပါတယ်ဗျာ။

(ဃ)

ကျွန်တော်တို့ကိုများ စောင်းပြောလေရော့သလား

အင်း... ကိုဉာဏ်ဆိုတဲ့ကောင်က ဘာမဟုတ်၊ ညာမဟုတ်၊ မလောက်လေး၊ မလောက်စားနဲ့ ဒီကာတွန်းကို ချီးကျူးပြန်ရင်လည်း မြင်းထိန်းငတာတော့ ဖြစ်တော့မယ်ထင်ပါရဲ့ဗျာ။ အဲဒီတော့ ဘာမှမပြောတော့ဘူး။ တစ်ခုပဲပြောချင်တယ် ဒီကာတွန်းဟာ မြန်မာတွေအတွက်တင်မဟုတ်ဘူး၊ ကမ္ဘာလုံးဆိုင်ရာ အမှန်တရားတစ်ခု ဖြစ်တယ်ဆိုတာပါ။ ဒီကာတွန်းရဲ့ စကားပြောတွေကို အင်္ဂလိပ်လို ပြောင်းလိုက်ရင် ဘယ်နိုင်ငံ၊ ဘယ်လူမျိုးကဖြစ်ဖြစ် နားလည်တဲ့၊ လက်ခံတဲ့ အကြောင်းအရာတစ်ခုပါ။ ကာတွန်းဆရာကတော့ မြန်မာတွေအတွက် ရည်ရွယ်ပြီး ရေးဆွဲထားတာ ဖြစ်ကောင်းဖြစ်ပါလိမ့်မယ်။ ဒါပေမယ့် အရမ်းကို အမှန်တရားနဲ့ နီးစပ်ပြီး ရသမြောက်နေတဲ့အတွက် အဖိုးတန်လွန်းလှပါတယ်။ လူတစ်ယောက်ချင်းအတွက်၊ အဖွဲ့အစည်းတစ်ခုချင်းအတွက်၊ ဒေသတစ်ခုချင်းအတွက်၊ နိုင်ငံတစ်ခုချင်းအတွက် အားလုံးအတွက် သက်ဆိုင်တဲ့ ကာတွန်းတစ်ကွက်လို့ ကျွန်တော်ကိုဉာဏ်က ညွှန်းဆိုပါရစေ။ ကာတွန်းထဲအတိုင်း မဖြစ်အောင်တော့ဖြင့်.....။

( င )

သူများယောင်လို့ လိုက်ယောင်တာ မဟုတ်ရပါဘူးဗျာ

အတော်တွေးတတ်တဲ့ ကာတွန်းဆရာဗျာ...။ ကျွန်တော့်မှာ ဖတ်တဲ့အကြိမ်တိုင်း ပြုံးရရယ်ရတာချည်းပဲ။ ဘယ်အချိန်ဖတ်ဖတ် သဘောကျနေမိတယ်။ ငြိမ်းချမ်းစွာစုဝေးခွင့်နှင့် စီတန်းလှည့်လည်ခွင့်ဆိုင်ရာ ဥပဒေကို ကလိလိုက်ပုံလေးက တကယ့်ကို ပြောင်မြောက်ပါပေတယ် ကော့မှူးဖိုးကျော်ရယ်။ ဒီလိုဆွဲဖို့ ရခဲ့တဲ့ အိုင်ဒီယာကိုလည်း သဘောကျမိပါတယ်၊ ချီးကျူးမိပါတယ်။ အတင်းကလိထိုး၊ အတင်းဝါဒဖြန့်တဲ့ ကာတွန်းတွေထက်စာရင် ဒီလိုမျိုး တစိမ့်စိမ့်တွေးရတဲ့၊ ဒီလိုမျိုး မသိမသာသရော်တဲ့ ကာတွန်းတွေကို သိပ်သဘောကျတယ်။ အထူးသဖြင့် ကာတွန်းထဲက လူတွေရဲ့ မျက်နှာပေးတွေက ဘယ်လောက်တောင် ပီပြင်သလဲဆိုရင် ကာတွန်းကိုကြည့်နေရင်းနဲ့ ဒင်းတို့က ကျွန်တော့်ဘေးမှာလာပြီး ကျွန်တော့်ကို ပြောပြ၊ ပြုံးပြနေသလားတောင် ထင်မိတယ်။ ဟက်ဟက်ပက်ပက် ရယ်မိကြောင်းပါခင်ဗျား...။

( စ )

အတုမြင် အတတ်သင်တဲ့ ကလေးအတွေး

အတုမြင် အတတ်သင်ဆိုတဲ့ စကားပုံကို ချက်ချင်းသတိရတယ်။ ဖြစ်နေတဲ့ခေတ်ကို သာမန် ကလေးတစ်ယောက်နဲ့ အစားထိုးလိုက်တဲ့အခါ အရမ်းကို သဘောကျစရာ ဖြစ်သွားတယ်။ ကလေးအတွေးလေးတွေမို့ ဖတ်မိသူကို ပြုံးစေပျော်စေနိုင်သလို၊ ကာတွန်းဆရာ ပြောချင်တဲ့စကား၊ ပေးချင်တဲ့ message ကို မြင်ယောင်မိပြန်တော့လည်း ရင်မောမိစေပါတယ်။ ဒီကာတွန်းလေးတွေကို ကျွန်တော်သေသေချာချာကို သိမ်းထားရမယ်။ အခုအချိန်မှာ သာမန်ရယ်ရုံ၊ ပြုံးရုံဖြစ်ပေမယ့် ကျွန်တော့်သားသမီးတွေ လက်ထက်ကျရင် ဒီကာတွန်းလေးတွေပြပြီး မြန်မာ့နိုင်ငံရေးမှာ ဒီလိုမျိုး ခေတ်တစ်ခေတ် ရှိခဲ့ဖူးတယ်ဆိုတာ ပြောပြရမယ်။ ကျွန်တော်မြင်ယောင်ကြည့်မိတယ်။ ကျွန်တော်က သူတို့လေးတွေကို ဆန္ဒဖော်ထုတ်ပွဲ ပွဲစားတွေရှိခဲ့ဖူးတယ်၊ စီတန်းလှည့်လည်ပွဲ တစ်ပွဲလိုက်ရင် ဘယ်လောက်ဆိုပြီး လုပ်ကိုင်စားသောက်တဲ့လူတွေ ရှိခဲ့ဖူးတယ်၊ တစ်နေရာရာမှာ တစ်ခုခုဖြစ်တာနဲ့ ဆိုင်ဆိုင် မဆိုင်ဆိုင် ဗီနိုင်းထုတ်ပြီး ကန်ထရိုက်သွင်းတဲ့ စီးပွားရေးသမားတွေ ရှိခဲ့ဖူးတယ်၊ နိုင်ငံမှာ ဘယ်အကြောင်းအရာ ဖြစ်တာနဲ့ ဘယ်ခေါင်းစဉ်တပ်ပြီး ဆန္ဒဖော်ထုတ်ဖို့၊ စီတန်းလှည့်လည်ဖို့ အခါတော်ပေးခဲ့တဲ့ နိုင်ငံရေးပရောဟိတ်တွေ ရှိခဲ့ဖူးတယ်၊ လူစုစုမြင်တာနဲ့ လူစုလူဝေးမြင်တာနဲ့ ခါတော်မီရောက်လာ၊ အစိုးရမကောင်းကြောင်းပြောပြီး အမှတ်ယူ၊ အမြတ်ထုတ်တတ်တဲ့ နိုင်ငံရေးသမားတွေ ရှိခဲ့ဖူးတယ် စတဲ့စတဲ့ အကြောင်းအရာတွေကို ပြောပြလိုက်ရင် ကျွန်တော့်သားသမီးတွေက အတော်ကြီးကို အံ့သြကြမယ် ဆိုတာပါပဲ။ နောက်ဆုံးဗျာ... အပေါ်က ကာတွန်းကို ပြရင်တောင်မှ အဲဒါဘာပြောတာလဲလို့ ပြန်မေးကြမလား မသိပါဘူးဗျာ။ ဒီကာတွန်းကို ကလေးတွေ နားလည်တဲ့ခေတ်မှာ ကျွန်တော်ကိုဉာဏ် အိမ်ထောင်မကျသေးတာ၊ သားသမီး မရှိသေးတာဟာ အတော်ကြီးကို ကုသိုလ်ကံကြီးမားပါပေတယ်လို့ ကိုယ့်ကိုယ်ကိုယ် အားပေးမိကြောင်းပါခင်ဗျား....။ :D

(ဆ)

ဒက်ထိမှန်တဲ့ ဒဲ့ကာတွန်းပဲ

ကာတွန်းအခင်းအကျင်းလေးကို ကြည့်တာနဲ့ နေရာက ဘယ်မှာဆိုတာ သိနိုင်သလို၊ ဇာတ်ကောင်ရဲ့ ၀တ်စားဆင်ယင်ပုံကို မြင်တာနဲ့တင် ဘယ်လူတန်းစားဆိုတာ ချက်ချင်း သိနိုင်တဲ့အကြောင်းအရာပါ။ ဟာကျူလီကတော့ စုံစမ်းစစ်ဆေးရေးအဖွဲ့နဲ့ အစစ်ခံချင်ပြီလား မသိဘူးလို့ တွေးမိပါတယ်။ သူမို့ မကြောက်မလန့် ပြောရဲ၊ ရေးရဲတယ်။ ကျွန်တော်ကိုဉာဏ်ဖြင့် လွှတ်တော်ဆိုရင် ပြောကိုမပြောရဲတော့ဘူး။ ဟုတ်တယ်လေ... ကျွန်တော်က အလကား အသုံးပြုလို့ရနေတဲ့ ဘလော့ဂ်စပေါ့ဆိုတဲ့ စာမျက်နှာကနေ ဟိုရေးဒီရေး တောင်ရေးမြောက်ရေး ကျွန်တော်တွေးမိတာတွေ၊ မြင်တာတွေ လျှောက်ရေးနေတာတွေကို သူတို့က အတည်အခန့်တွေ တွေးပြီးတော့ သိက္ခာချတယ်တို့၊ စော်ကားတယ်တို့ သတ်မှတ်ပြီး ဟိုရှာဒီရှာ၊ ဟိုစစ်ဒီစစ် လုပ်နေမယ်ဆိုရင် မကောင်းလှဘူး မဟုတ်လား။ ရှေ့မှာလည်း သာဓကတွေ ရှိနေတာကိုး။ သိတယ်ဟုတ်...။ ဆိတ်လေဆိတ်... ကိုဆိတ်ဖွားကို ပြောတာ..။ သူလည်း ကျွန်တော့်လို အလကားရတဲ့ ဘလော့ဂ်ကို ရေးတာပဲ၊ သူမြင်ရာ သူရေးတဲ့ကိစ္စကို စုံခုံတွေဘာတွေ အဖွဲ့ခံလိုက်ရပါရောလား။ အဲဒီတော့ ကျွန်တော်ကိုဉာဏ် လွှတ်တော်ကြီးကို ကြောက်အားပိုမိတာကို နားလည်ကြမယ်ထင်ပါတယ်။ ဆရာ ဟာကျူလီကတော့ တကယ့်အာဂပဲဗျို့။ သူ့လေသံနဲ့ ပြောလိုက်ဦးမယ်။ ဒို့ဟာကျူလီကတော့ ဒီမိုကရေစီခေတ် ရောက်ပြီဆိုပြီး ဒဲ့ကာတွန်းတွေဆွဲပြီး ဒက်ထိအမှန်တွေ ပြောနေတာက အကြောင်းမဟုတ်ဘူး၊ တော်တော်ကြာ ဒီမိုကရေစီကသတ်သတ် ဒို့လွှတ်တော်ကသတ်သတ်ကွ ဒဲ့လာပြောရင် ဒဲ့ဖဲ့မယ်ဆိုပြီး ဒုတ်ထမ်းပြီး လိုက်ရှာမှဖြင့် ဒိုက်ဦးလည်း ပြေးလို့မလွတ်၊ ဒေးဒရဲလည်း မသွားနိုင်ဖြစ်ပြီး ကျော်ဟိန်းရဲ့ ဒိုးရတော့မယ်အချစ်ရေ သီချင်းကို ဒိုးလုံးလေသံနဲ့ဆိုပြီး ဒွန်မောင်းလေဆိပ်ကတစ်ဆင့် ဒိန်းမတ်ကိုသွားရမလား၊ ဒူဘိုင်းကိုဒိုးရမလား ဝေခွဲမရဖြစ်ပြီး ဒွေးနောက်ကိုပဲ လိုက်တော့မယ်လို့ဆုံးဖြတ် ဒိုင်ယာစီပင်တွေသောက်ပြီး ဒန့်သွားမှာစိုးလို့ ဒီက စိုးရိမ်မိတာပါ ဆရာဟာကျူလီရယ်။ :D

( ဇ )

တစ်ဖက်စောင်းနင်း မပြောကြေး၊ မရေးကြေးနော်

မြန်မာပြည်က သတင်းစာတွေ၊ ဂျာနယ်တွေထဲမှာ အဲဒီလို တစ်ဖက်စောင်းနင်း ရေးထားလို့သာ မြန်မာပြည်သူတွေ စောင်းရကြေးဆိုရင် တစ်နိုင်ငံလုံး အစောင်းနိုင်ငံသူ၊ နိုင်ငံသားတွေဖြစ်ပြီး နိုင်ငံနာမည်ကိုလည်း ပြည်ထောင်စုသမ္မတ ဇက်စောင်းနိုင်ငံတော်လို့ ပြောင်းရမယ် ထင်ပါရဲ့ဗျာ။ အစိုးရသတင်းစာလည်း ပြုပြင်ပြောင်းလဲရေးသာ လုပ်နေတာ တချို့နေရာတွေမှာ နှာစေးနေတာ အများကြီး ရှိသေးတယ်။ အလွယ်ဆုံး သင်္ချာနည်းနဲ့ပဲ တွက်ပြမယ်ဗျာ။ သတင်းစာမှာ စာမျက်နှာ ၂၄ ခု ပါတယ်။ ၁၂ ရွက်ကို တစ်ဖက်စောင်းနင်းရေးပြီး ကျန် ၁၂ ရွက်ကို အတည့်ရေးရင်တောင် ဟိုဖက်ဒီဖက် ကျေပါတယ်ဗျ။ အဲဒါဆို ဖတ်ရတဲ့လူလည်း စောင်းလိုက်၊ တည့်လိုက်နဲ့ ကာတွန်းထဲကလို တစ်ဖက်ကြီးတော့ စောင်းမနေတော့ဘူးပေါ့။ ဟိုယိမ်းဒီယိမ်းတော့ ဖြစ်မယ်ထင်တယ်ဗျ။ နော်...။ :D ထားပါလေ... ပြုပြင်ရင်းနဲ့ ကောင်းသွားမယ် မှန်သွားတယ် ထင်ပါရဲ့။ ပုဂ္ဂလိကဂျာနယ်တွေကိုတာ့ ပြောကိုမပြောချင်တော့ဘူး။ ဂျာနယ်တွေ တစ်ဖက်စောင်းတာကိုသာ ဝေဖန်ရမယ်ဆိုရင် ကျွန်တော်တို့ ဘာအလုပ်မျှ လုပ်ရမှာတောင် မဟုတ်ဘူး။ သူတို့ကိုပဲ ထိုင်ဝေဖန်တာနဲ့ပဲ အချိန်ကုန်လိမ့်မယ်။ အချိန်က ကုစားသွားလိမ့်မယ်လို့ ယုံကြည်နေမိပါတယ်။ ဖြောင့်မတ်မှန်ကန်သော၊ တည့်မတ်သော စတုတ္ထမဏ္ဍိုင်များနှင့် အမြန်ဆုံး ကြုံဆုံရပါလို၏လို့ ဆန္ဒဖြစ်မိကြောင်းပါ...။

( စ် )

ဆိတ်ဟိုဒင်းတွေ တယ်များသကိုး

တွေးပါလေလော့ တွေးလေလော့။ ဒီကာတွန်းမှာ ကျွန်တော်သဘောအကျဆုံးက အမေ၊ အမေဆိုပြီး ပြေးလိုက်တဲ့လူတွေကိုပါ။ သေသေချာချာကြည့်ရင် မြင်နိုင်ပါလိမ့်မယ်။ ကာတွန်းဆရာဟာ ခေတ်ကို သရော်တဲ့နေရာမှာ သူ့ဘေးမှာ အနီးဆုံးရှိနေတဲ့ လောကသားတွေကို အတော်မျက်စိစပါးမွှေး စူးနေပုံရပါတယ်။ ဖြစ်လည်း ဖြစ်လောက်ပါတယ်လေ။ မကြာသေးခင် ၃-၄ နှစ်တုန်းကပဲ ကာတွန်းရဲ့ အပေါ်ကွက်မှာ ရေးထားသလို ဖြစ်ခဲ့သူတွေက ဒီနေ့အချိန်အခါမှာ ကာတွန်းအောက်ကွက်လိုမျိုး နေ့ချင်းညချင်း ပြောင်းသွားတာကို မြင်တွေ့ကြားသိနေရတော့ မနေနိုင်လွန်းတဲ့အတွက် အခုကာတွန်းကို ရေးလိုက်တယ်လို့ ထင်မိပါတယ်။ ကျွန်တော်တွေးမိတာက ကာတွန်းဆရာဟာ နိုင်ငံရေးသမားတွေ သာကူးလုပ်တာကို ဖြစ်နေကျထုံးစံပဲမို့ အဖက်လုပ် ပြောမနေဘဲ နိုင်ငံရေးသမားမဟုတ်၊ ဘာမဟုတ်တဲ့ လူတွေက ကိုယ့်အလုပ်ကိုယ်မလုပ်ဘဲ ဆိတ်ဟိုဒင်း လုပ်နေကြတာကို မြင်ပြင်းကတ်သွားပုံ ပေါ်ပါတယ်။ ကိုယ်ကသာ တကယ်ထူးချွန်တဲ့ ပညာရှင်ဖြစ်ရင် ဘယ်သူ့ကိုမျှ ကပ်ဖားလျှက်ဖား လုပ်စရာ မလိုပါဘူး။ ဘယ်သူကပဲဖြစ်ဖြစ် ကိုယ့်ကို အားကိုးမှာ၊ အသုံးပြုမှာပါပဲ။ အခုတော့...။ တော်တော်ကြာ ကျွန်တော်ကိုဉာဏ် ဖွလိုက်ကာမှ ဒီကာတွန်းကို ပြန်ဖတ်ကြပြီး ဂီတအစည်းအရုံးကိုတိုင်၊ ရုပ်ရှင်အစည်းအရုံးကိုတိုင်၊ လွှတ်တော်ကိုတိုင် လုပ်ကြမှဖြင့် ကိုဉာဏ်တော့ တရားခံ ဖြစ်ဦးတော့မယ် ထင်ပါရဲ့ဗျာ။ ကာတွန်းဆရာရေ... ကျွန်တော်က မြင်တာကိုပဲ ပြောတာနော်။ ဆွဲတာက ခင်ဗျားပဲ...။ အဲဒီတော့ ကျွန်တော်နဲ့ မဆိုင်ဘူး။ တစ်ခါတည်း အပြတ်ပြောမယ်... အထက်ပါ ကာတွန်းနှင့်ပတ်သက်၍ မကျေလည်သည်များ၊ မကျေနပ်သည်များရှိလျှင် ကာတွန်းဆရာနှင့်သာ တိုက်ရိုက်ဆက်သွယ် ပြောဆိုကြရန် ဖြစ်ပါသည်။ ကျွန်တော်ကိုဉာဏ်ထံ စုံစမ်းမေးမြန်းခြင်း သည်းခံပါ။ :D

(ည)

ငါ့လုပ်တာကမှ အမှန်၊ မင်းလုပ်သမျှက အမှား

ဦးဘဂျမ်းကို ဟိုးအပေါ်မှာလည်း ချီးကျူးထားပြီးသားမို့ အထူးအထွေ ချီးကျူးမနေတော့ပါဘူး။ ကျွန်တော်မချီးကျူးလို့လည်း ဆရာကြီးခမျာ အလုံးအရပ် လျော့မသွားသလို၊ ဂုဏ်သတင်းလည်း တစ်စက်ကလေးမျှ လျော့ပါးသွားနိုင်ခြင်း မရှိပါ။ သူ့ဟာသူ အရမ်းတော်သော၊ အရမ်းကျော်ကြားသော၊ ဂန္ထ၀င် ကာတွန်းဆရာကြီးတစ်ဦး၏ ကာတွန်းလက်ရာတွေကို ဒီနေ့ခေတ်အထိ ပစ်ပယ်လို့ ရသေးတာကတော့ အံ့သြစရာ ကောင်းလှသည်။ ဒီနေ့ခေတ် ကာတွန်းဆရာတွေထဲကရော နောင် နှစ် ၂၀ လောက်ဆိုလျှင် ဒီနေ့ရေးခဲ့တဲ့ ကာတွန်းတွေကို တသသပြန်ဖတ်လောက်အောင် ဘယ်သူများ ရှိသလဲမသိ။ ရှိမှာတော့ သေချာသည်။ အဲဒီအချိန်ကျရင်တော့ ဒီနေ့ခေတ် ကာတွန်းတွေ ပြန်ထွက်လာမည်ထင်သည်။ ဦးဘဂျမ်းကာတွန်းတွေကတော့ ခေတ်မီနေဆဲ၊ ပန်းပန်နေဆဲ၊ မီးမောင်းထိုးပြနေဆဲ ဖြစ်သည်။ မသိလျှင် ဒီနေ့မြန်မာပြည်က နိုင်ငံရေးအခြေအနေတွေကို ဘုံဘ၀တစ်ခုကနေ လှမ်းကြည့်နေပြီး ကာတွန်းတွေ ဆွဲပို့နေသလားတောင် အောက်မေ့ရသည်။ အဲသည်လောက်အထိ ဒီနေ့ခေတ်ကို ထင်ဟပ်စေသည့် ကာတွန်းများပါပေ။ အပေါ်တွင် ဖော်ပြထားသော ကာတွန်းတွင်လည်း ထိုနည်း၎င်းပင် ဖြစ်ပါသည်။ ဒီနေ့ ကျွန်တော်တို့တွေ လျှောက်လှမ်းနေတဲ့ လမ်းကြောင်းပေါ်မှာ ကာတွန်းထဲကလို ဖြစ်နေကြသည် မဟုတ်ပါလား။ တစ်ယောက်တစ်မျိုးစီနှင့် ကိုယ့်မူကိုယ် အမှန်ဆုံးဟု ၀င့်ကြွားနေကြဆဲ မဟုတ်ပါလော။ ကိုယ်လုပ်နေသည်ကသာ အကောင်းဆုံး၊ ငါနဲ့မတူ ငါ့ရန်သူ စတဲ့စိတ်ဓာတ်တွေနဲ့ မြန်မာ့နိုင်ငံရေးကို ရှေ့ဆက်နေကြဆဲ မဟုတ်ပါလော။ သတိပြုဆင်ခြင်ကြရန် တိုက်တွန်းလိုပါသည်။ ဆရာအောင်ထွဋ်ရဲ့ စကားလုံးကို ယူသုံးရမည်ဆိုလျှင် ပြိုင်တူတွန်းမှ ရွေ့မှာဖြစ်ပါသည်။ တစ်ယောက်တစ်ပေါက် တွန်းနေဖို့ မဟုတ်ပါ။ တွေးဆဆင်ခြင်ကြပါကုန်....။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ မတ်လ ၁၀ ရက်၊ တနင်္ဂနွေနေ့။

ညနေ ၅ နာရီ ၅၀ မိနစ်တွင်ပြီး၏။