(၁)
မြန်မာ့သွေးမိတ်ဆွေများ ကျန်းခံ့သာလို့ မာပါစခင်ဗျား။ ကျွန်တော်ကိုဉာဏ် တစ်ကျော့ပြန် ပေါ်လာရကြောင်းပါခင်ဗျာ။ သရဲခြောက်တာ မဟုတ်ရပါ။ အမှန်တကယ် ကိုဉာဏ်အစစ်အမှန် ဖြစ်ကြောင်းပါခင်ဗျ။ အားလုံးပဲ စိတ်ရွှင်လန်းစွာဖြင့် ကျန်းမာချမ်းသာကြပါစေကြောင်း ဆုမွန်ကောင်း တောင်းလိုက်ရကြောင်းပါ။
(၂)
ဒီနေ့တော့ ကမ္ဘာ့ရွာကြီးထဲကို အလည်တစ်ခေါက် ပြန်ရောက်ရကြောင်းပါ။ အမယ်လေး... ကျွန်တော်ကိုဉာဏ်ဖြင့် မျက်စိတွေလည်ပြီး မနည်းကို သွားလာနေရကြောင်းပါဗျာ။ ကျွန်တော်မရောက်ဖြစ်တဲ့ အချိန်အတောအတွင်းမှာ ကမ္ဘာ့ရွာကြီး ပြောင်းလဲနေလိုက်ပုံများဖြင့် ပြောကိုမပြောချင်တော့ပေါင်ဗျာ။ တောသားမြို့ရောက် ဆိုတဲ့စကားအတိုင်း ပြောရမယ်ဆိုရင်တော့ ကိုဉာဏ်ရွာရောက် ဖြစ်နေတော့တာပေါ့။ ဟိုဟာတွေကလည်း အထူးအဆန်းတွေဖြစ်၊ ဒီဟာတွေကလည်း အထူးအဆန်းတွေဖြစ်နဲ့ပေါ့ခင်ဗျာ။ ဟိုဟာလေးလည်း ၀င်ကြည့်ချင်၊ ဒီဟာလေးလည်း ၀င်ကြည့်ချင်နဲ့ ငယ်ငယ်ကသာဆိုရင် ဘေးမှာရှိနေတဲ့ အဖေ၊ အမေတွေက ခေါင်းကို ဒေါက်ကနဲ ခေါက်ကြမှာ အသေအချာပေါ့ဗျာ။ ဘာပဲပြောပြော အခုတော့ ကမ္ဘာ့ရွာကြီးထဲကို အလည်ရောက်နေရတာကို ကျွန်တော်ကိုဉာဏ် ပျော်ရွှင်ကျေနပ်နေကြောင်းပါ ခင်ဗျ။
(၃)
ကမ္ဘာ့ရွာထဲရောက်တာနဲ့ ပထမဆုံး စဖွင့်မိတာက မြန်မာ့သွေးဘလော့ဂ်ပေါ့ခင်ဗျာ။ စီဘောက်မှာ ရေးထားတာလေးတွေကို လိုက်ဖတ်ပြီး ကျေနပ်ပီတိဖြစ်ရပါဘိဗျာ။ ရေးထားတဲ့သူတွေရော၊ မရေးဖြစ်သော်လည်း အဲဒီစာတွေကို လာဖတ်တဲ့လူတွေကိုရော ကျေးဇူးတင်ကြောင်းပါခင်ဗျ။ ကျွန်တော်ကိုဉာဏ် ပျော်ရွှင်ရသလို ခင်ဗျားတို့လည်း ပျော်ရွှင်ကြပါစေလို့ ဆုမွန်ကောင်း တောင်းပေးပါသဗျာ။
(၄)
ကွန်းမန့်တွေကိုလည်း ဖတ်ရပါ့ခင်ဗျာ။ ကျေးဇူးတင်လို့ မဆုံးပါ။ အများကြီးမဟုတ်ပေမယ့် ကျွန်တော့်ဘလော့ဂ်ကို ပုံမှန်ဖတ်နေတဲ့လူတွေ ရှိနေတယ်ဆိုတဲ့အတွက် ၀မ်းသာရပါတယ်။ တကယ့်ကို ၀မ်းသာရကြောင်းပါခင်ဗျာ။
(၅)
မြန်မာ့သွေးမိတ်ဆွေများအတွက် ပို့စ်အသစ်များ တင်ပေးနိုင်ရန် ကျွန်တော်ကိုဉာဏ် ကြိုးစားလျက်ရှိပါကြောင်း ပြောကြားရင်းနဲ့ ပြန်လည်နှုတ်ခွန်းဆက်သလိုက်ရကြောင်းပါခင်ဗျာ။
ကိုဉာဏ် (ပန်းလောင်မြေ)
၂၀၁၁ ခုနှစ်၊ သြဂုတ်လ ၂၄ ရက်၊ ဗုဒ္ဓဟူးနေ့။
ညနေ ၄ နာရီ ၅၇ မိနစ်။
No comments:
Post a Comment