ဖေဖေပေးခဲ့မယ့်အမွေများ-၈

အခွင့်အလမ်း

ဖေဖေရောက်နေတဲ့ မလေးရှားနိုင်ငံ ကာလာလမ်ပူမြို့မှာ ၁၉၉၅ ခုနှစ်၊ သြဂုတ်လ ၁၂ ရက်နေ့က မနက်ပိုင်းရုပ်မြင်သံကြားအစီအစဉ်ကို ဖွင့်ကြည့်မိတဲ့အတွက် ပီတိဖြာသွားခဲ့တယ်။ အဲဒီတုန်းက မလေးရှား နိုင်ငံရဲ့ “အမျိုးသားငွေစုဘဏ်” လက်ရှိဥက္ကဋ္ဌကို တွေ့ဆုံမေးမြန်းခန်းအစီအစဉ် ထုတ်လွှင့်နေတဲ့ အချိန်ပေါ့။ ဒီလူအသက် ၄၀ လောက်ပဲ ရှိဦးမယ်။ ဒါပေမယ့် သူ့ရဲ့ ရိုကျိုးနှိမ့်ချမှုနဲ့ ဉာဏ်ရည်ထက်မြက်မှုတွေ၊ အပြောအဆိုညက်ညောမှုတွေကိုကြည့်ပြီး ဖေဖေ တအံ့တသြဖြစ်ခဲ့ရတယ်။ သူဟာ စီးပွားရေးလုပ်ငန်းပေါင်းများစွာမှာ ပါဝင်နစ်မြုပ်နေတယ်။ ဒါပေမယ့် သူ့မှာ နိုင်ငံရေးအတွက် အချိန်ပေးနိုင်သေးတယ်။ ဖေဖေရုပ်မြင်သံကြားစက်ပေါ်မှာ တွေ့မြင်ခဲ့ရတဲ့အတိုင်း ဆက်ပြီး ရိုရိုကျိုးကျိုး နှိမ့်နှိမ့်ချချ နေထိုင်ကျင့်ကြံသွားမယ်ဆိုရင် သူဟာ လာမယ့်နှစ်များအတွင်းမှာ ထိပ်တန်းနိုင်ငံရေး ခေါင်းဆောင်တစ်ဦး ဖြစ်သွားမှာပဲ။ “ညီညွတ်သော မလေးအမျိုးသားအဖွဲ့ (UMNO) ရဲ့ လူငယ်အဖွဲ့အစည်းမှာ အကြီးအကဲဖြစ်လာမယ့် အလားအလာကိုမေးတော့ သူက နှိမ့်ချရိုကျိုးမှုအပြည့်နဲ့ ရယ်မောလိုက်တယ်။ ပြီးတော့ ဒီအကြောင်းကို ပြောရလောက်အောင် အချိန်မတန်သေးပါဘူးလို့ ဖြေတယ်။ သူထပ်ဖြည့်ပြီး ပြောလိုက်တာကတော့ အရာရာတိုင်းမှာ သူဟာနဲ့သူ “အချိန်အခါ” နဲ့ “အခွင့်အလမ်း” ဆိုတာ ရှိပါတယ်တဲ့လေ။

ဆော်လမွန်ဘုရင်ကြီးဟာ အောက်ဖော်ပြပါ အဓွန့်ရှည်မယ့် ရှုမြင်ချက်တွေကို ပြုလုပ်ခဲ့တယ်။

ဒီကမ္ဘာလောကကြီးမှာ တစ်စုံတစ်ရာကို ငါတွေ့ခဲ့တယ်။
လျင်မြန်သူမှ အပြေးပြိုင်ပွဲမှာ နိုင်တာမဟုတ်သလို
အားကြီးသူမှ တိုက်ပွဲမှာ နိုင်တာမဟုတ်။
အဲဒီလိုပဲ…
စားနပ်ရိက္ခာက အမြော်အမြင်ကြီးသူဆီကိုမှ လာတာမဟုတ်သလို
စည်းစိမ်ဥစ္စာက ဉာဏ်ရည်ထက်သူဆီကိုမှ လာတာမဟုတ်သလို
အခွင့်သာမှုက ပညာရှိသူဆီကိုမှ လာတာမဟုတ်။
ဒါပေမယ့် အချိန်အခါနဲ့ အခွင့်အလမ်းက
အဲဒါတွေအားလုံးကို ဖြစ်ပေါ်နေစေတာပဲ။

လွန်ခဲ့တဲ့နှစ်ပေါင်း ၃၀ အတွင်းမှာ အိမ်ရာခြံမြေတွေရဲ့ တန်ဖိုးဟာ တက်လိုက်ကျလိုက်နဲ့ သံသရာလည်နေတာကို ဖေဖေအကဲခတ် ရှုမြင်ခဲ့ရတယ်။ ကျပ်တည်းခက်ခဲတဲ့ အခြေအနေတွေကြောင့် ဈေးနှုန်းတွေထိုးကျသွားတယ်။ ဒါပေမယ့် မလွဲမသွေပြန်တက်လာတာပဲ။ ဖေဖေ ၁၉၇၃ ခုနှစ်ကနေ ၁၉၈၃ ခုနှစ်အတွင်း နေခဲ့တဲ့အိမ်ကို လွန်ခဲ့တဲ့နှစ်ပေါင်း ၄၀ တုန်းက စင်ကာပူဒေါ်လာ ၃၀၀၀၀ နဲ့ ၀ယ်ခဲ့တယ်။ ဒီကနေ့ အဲဒီအိမ်ဟာ စင်ကာပူဒေါ်လာ ၈၄၀၀၀၀၀ တန်နေပြီ။ တန်ဖိုးဟာ အံ့အားသင့်စရာ ကောင်းလောက်အောင် အဆပေါင်း ၂၈၀ မြင့်တက်သွားတယ်။ အတိုးနှုန်းနဲ့ တွက်ချက်ကြည့်ရင် တစ်နှစ်အတွက် အတိုးနှုန်း ၇၀၀၀ ရာခိုင်နှုန်းရှိတယ်။ ငွေကြေးအဖွဲ့အစည်းတွေမှာ မင်းတို့ ပုံသေအပ်နှံငွေ အဖြစ် အပ်နှံထားရင် တစ်နှစ်ကို အတိုး ၅ ရာခိုင်နှုန်းကနေ ၆ ရာခိုင်နှုန်းအထိပဲ ရမယ်။

အိမ်ရာခြံမြေတွေကို လူတွေမ၀ယ်တော့ဘဲ ဈေးနှုန်းတွေ ကျနေချိန်မှာဝယ်။ လူတွေ အလုအယက် ၀ယ်နေချိန်မျိုးမှာ မ၀ယ်နဲ့။ မင်းတို့ ၀ယ်ပြီး နောက်ပိုင်း ဈေးမလှုပ်သေးလည်း လက်ထဲမှာ ထိန်းထား။ ဒါမှမဟုတ် ငှားထားပေါ့။ တကယ်လို့ ဘိုးဘွားပိုင်မြေအမျိုးအစားကို ဈေးနှုန်းချိုချိုသာသာနဲ့ ၀ယ်ထားနိုင်လို့ကတော့ အိမ်ရာခြံမြေ ၀ယ်ရောင်းအလုပ်ဟာ ဘယ်တော့မှ မမှားနိုင်ဘူး။

ဖေဖေဆိုရင် စတော့ဈေးကွက်မှာလည်း အဲဒီအခြေခံသဘောတရားကိုပဲ အသုံးပြုတယ်။ စတော့တစ်ခု အကြောင်း လူတိုင်း ပါးစပ်ဖျားမှာ ပြောနေပြီး ဆင်ကန်းတောတိုး ၀ယ်နေချိန်မျိုးမှာ ဖေဖေ လက်ရှောင်နေတယ်။ ဈေးကွက်ထိုးကျသွားပြီဆိုရင်တော့ ဖေဖေတက်တက်ကြွကြွ လှုပ်ရှားပြီသာမှတ်။ ဖေဖေ ကောင်းကောင်းရင်းနှီးကျွမ်းဝင်နေတဲ့ အစုရှယ်ယာတွေကို ဖျိုးခနဲ ဖျပ်ခနဲ ကောက်ဝယ်ပစ်တယ်။ ပြီးတော့ လက်ထဲမှာ ကိုင်ထားလိုက်တယ်။ ဒီအစုရှယ်ယာတွေရဲ့ တန်ဖိုးဟာ ပြန်ပြီး တက်ဖို့ပဲ ရှိတော့တယ်လေ။

မင်းတို့ရဲ့အဘွား (ဖေဖေ့ယောက္ခမ) က ပြောဖူးတယ်။ ပိုက်ဆံမှာ ခြေလေးချောင်း ရှိတယ်တဲ့။ မင်းဘက်ကသာ အဆင်သင့်ဖြစ်နေရင် ပိုက်ဆံက မင်းဆီပြေးလာလိမ့်မယ်တဲ့။ ဒီအဆုံးအမကို သူက သူ့ဘိုးအေဆီက ဆည်းပူးခဲ့ရတာလေ။ သူ့ဘိုးအေက တရုတ်ပြည်မှာ မဆိုစလောက်ကလေးပဲ ကျောင်းပညာကို ဆည်းပူးခဲ့ရပေမယ့် စီးပွားရေးနဲ့ ဘာသာရေးလုပ်ငန်းတွေမှာ အရမ်းအောင်မြင်ခဲ့သူပေါ့။ သူဟာ လူတော်တော်များများက တလေးတစားဖတ်ရတဲ့ စာအုပ်နည်းနည်းပါးပါး ရေးခဲ့တယ်။ သူ့သားတွေထဲက နှစ်ယောက်ဟာ လူသိများတဲ့ ဒေါက်တာဘွဲ့တွေရသွားကြတယ်။ အဘိုးကြီးဟာ သွားရောဂါကုပညာ၊ ကြက်ဘဲမွေးမြူရေးပညာ၊ ဓာတ်ပုံပညာနဲ့ ထာဝရဘုရားလေ့လာရေး ပညာရပ်တို့ကိုလည်း စမ်းသပ်လေ့လာခဲ့တယ်။ သူဟာ သူ့အတွက် ပေါ်ပေါက်လာတဲ့ အခွင့်အလမ်း အားလုံးကို အရယူခဲ့တယ်။ မင်းတို့ဟာ သူ့မြေးတွေ။ ဒီတော့ မင်းတို့လည်း သူ့ခြေရာအတိုင်း လိုက်နင်းသင့်တယ်။

အချိန်အခါနဲ့ အခွင့်အလမ်းက အားလုံးဆီကို လာလိမ့်မယ်။
အဲဒီ နှစ်မျိုးစလုံးကို အရယူဖို့ အသင့်ဖြစ်နေပါစေ။