ရွေးကောက်ပွဲ (နိုင်ငံတော်စွမ်းပကားနှင့် ရလဒ်မကစားခြင်း) - မောင်စူးစမ်း

နိုင်ငံ့စွမ်းပကား
ရွေးကောက်ပွဲကျင်းပပြုလုပ်ခြင်းသည် တာဝန်လည်းဖြစ်သည်။ စွမ်းပကားကိုလည်းပြသည်။ အချိန်မှန်မှန် ရွေးကောက်ပွဲတွေကျင်းပပေးရန် သက်ဆိုင်ရာ အာဏာရှိသူတို့၌ တာဝန်ရှိသည်။ ဖွဲ့စည်းပုံအခြေခံဥပဒေ ပေါ်ထွန်းလာသောအခါ ဤအခြေခံဥပဒေနှင့်အညီ ရွေးကောက်ပွဲများ ကျင်းပပေးရန် တာဝန်ပေါ်လာသည်။ ထို့အပြင် ရွေးကောက်ပွဲ ကျင်းပပြုလုပ်ပေးနိုင်ခြင်းသည် နိုင်ငံတော်၏စွမ်းပကား State Capacity ကိုလည်း ပြသည်။

အချို့နိုင်ငံတို့၌ တာဝန်ရှိ၍ ရွေးကောက်ပွဲကျင်းပပြုလုပ်သည်။ သို့ရာတွင် ချောချောမောမောနှင့် အောင်အောင်မြင်မြင် မဆောင်ရွက်ပေးနိုင်ကြပေ။ ရွေးကောက်ပွဲကို ကျင်းပမပေးနိုင်ခြင်းသည် နိုင်ငံ၏အရေးနိမ့်မှု State Failure တစ်ပါးကို ပြဆိုသည်။ ရွေးကောက်ပွဲကို ကျင်းပပြုလုပ်ပေးနိုင်ခြင်းသည် နိုင်ငံတော်၌ စွမ်းပကားထက်မြက်ကြောင်းကို ပြဆိုနိုင်သည်။ နိုင်ငံတော်၌ စွမ်းပကားငါးမျိုးရှိသည်။ ၎င်းတို့မှာ (၁) နိုင်ငံတော်၏ အချုပ်အခြာအာဏာ ပိုင်ဆိုင်မှုကို ထိန်းသိမ်းနိုင်ခြင်း၊ (၂) ငြိမ်းချမ်းရေးနှင့် တရားဥပဒေကို ထိန်းသိမ်းပေးနိုင်ခြင်း၊ (၃) နိုင်ငံ၏ စီးပွားရေး၊ လူမှုရေးဖွံ့ဖြိုးတိုးတက်မှုတို့ကို ဆောင်ရွက်ပေးနိုင်ခြင်း၊ (၄) သာသနာတို့ကို စောင့်ရှောက်ထားနိုင်ခြင်းနှင့် (၅) ရွေးကောက်ပွဲတို့ကိုလည်း ကျင်းပပြုလုပ်ပေးနိုင်ခြင်းဟူ၍ ဖြစ်သည်။ ထို့ကြောင့် ၂၀၁၀ ပြည့်နှစ် ရွေးကောက်ပွဲသည် နိုင်ငံ၏စွမ်းပကားကို ကမ္ဘာသိပြသောပွဲ ဖြစ်ပါလိမ့်မည်။

စစ်ဘက်ကိုယ်စားပြုမှုထိန်း
ထို့ကြောင့် အခြေခံကျကျ စဉ်းစားလျှင် ရွေးကောက်ပွဲကျင်းပပေးသူ စပွန်ဆာသည် နိုင်ငံ့တာဝန်ကြီးတစ်ရပ်ကို ထမ်းဆောင်လိုက်ခြင်းဖြစ်သည်။ ထို့အပြင် နိုင်ငံ့စွမ်းပကားကိုလည်း ဖွင့်လှစ်ပြရာဖြစ်သည်။ ဂိမ်းအမြင်ဘက်မှ စဉ်းစားလျှင် ရွေးကောက်ပွဲသည် အာဏာလက်ကိုင်ထားသူအတွက် မဟာဗျူဟာထွက်ပေါက် Strategic Exit ဖြစ်သည်။ သို့သော် အပြီးအပိုင်တော့ထွက်သည်မဟုတ်။ စစ်ဘက်ကိုယ်စားပြုမှုကို ဆက်ထိန်းထားသည်။

ရှုထောင့်သုံးသွယ်
၂၀၁၀ ပြည့်နှစ် ရွေးကောက်ပွဲသည် ၁၉၉၀ ပြည့်နှစ် ရွေးကောက်ပွဲလို သန့်ရှင်း၍ တရားမျှတလိမ့်မည်ဟု နိုင်ငံတော်အကြီးအကဲက တရားဝင် အာမခံထားသဖြင့် ဤအတိုင်းဖြစ်လိမ့်မည်ဟု ယုံကြည်ရန် အကြောင်းရှိနေသည်။ ဤအကြောင်းမှာ စစ်ဘက်ကိုယ်စားလှယ်တို့သည် ဖွဲ့စည်းပုံအခြေခံဥပဒေအရ ၂၅ ရာခိုင်နှုန်း အလိုအလျောက် ရရှိထားသောကြောင့် ဖြစ်သည်။ ၂၅ ရာခိုင်နှုန်း ကိုယ်စားပြုမှု ရရှိထားခြင်းသည် ရွေးကောက်ပွဲရလဒ်ကို မကစားရန် အာမခံသည့်သဘော ဖြစ်ပုံရမည်။

အထက်ပါအတိုင်း သုံးသပ်ချက်တို့သည် (၁) ရွေးကောက်ပွဲ ကျင်းပပြုလုပ်ပေးခြင်းကို နိုင်ငံတော်စွမ်းပကား ရှုထောင့်မှလည်းကောင်း၊ (၂) မဟာဗျူဟာဂိမ်းအမြင်မှလည်းကောင်း၊ (၃) ကမ္ဘာ့ရေးရာအမြင်မှလည်းကောင်း ပြုလုပ်ထားသော အမြင်တို့ဖြစ်ကြသည်။

အညွှန်း - The Economist

(ရန်ကုန်တိုင်းမ် ဂျာနယ် အတွဲ ၅၊ အမှတ် ၄၆ နိုင်ငံရေးအထူးအချပ်ပိုမှ ပြန်လည်ကူးယူဖော်ပြပါသည်)